“Herrietako argiteria ez da arrazionalki kudeatzen udaletan” »

Maialen Igartua

Raul Lacalle (Ordizia, 1969) Aizkorpe Elektrikariak enpresako kudeatzailea da iazko irailetik. Hamar bazkideko kooperatiba bat da Aizkorpe, 1999an Zeles Sodupe elektrikariak sortua, eta Idiazabalgo Goardi poligonoan kokatuta dago. Hamazazpi urteko ibilbidean, garapen handia izan du enpresak, eta gaur egun ez dira instalazio elektrikoetara soilik mugatzen.

2013an Gonerlan sortu zuten, efizientzia energetikoaren ikerketaz eta garapenaz arduratzen den enpresaren ingeniaritza atala. Bide horretan, Gonerlux produktua kaleratu dute: bizikleta elektriko bati lotzen zaion argia neurtzeko luxometroa da, herri bateko argiteriaren diagnosia egiteko. Goiekik, Goierriko garapen agentziak, saritu egin du Gonerlux, berritzailea izateagatik.

Hasiera batean ohiko elektrizitate enpresa bat zen Aizkorpe, baina azken urteetan asko dibertsifikatu duzue jarduera. Nolatan?

Gure merkatua oso zabala da, eta sektore asko ukitzen ditugu. Lehen, batez ere, eraikuntza enpresentzat lan egiten genuen, baina azken lau urteetan, krisiagatik, dibertsifikatu egin behar izan dugu gure jarduera. Dibertsifikatzeko asmo horrekin, Aizkorpe Elektrikariak enpresaren barruan ingeniaritza atal bat sortu genuen 2013an: Gonerlan.

Zein da horren helburua?

Gonerlanen enfokea eraginkortasun energetikora bideratuta dago. Hortaz, Aizkorpek gaur egun ez ditu instalazioak soilik egiten. Proiektuak diseinatzen ditugu, auditoria energetikoak egin eta abar. Jendeak merkatuan oraindik ez gaitu identifikatzen enpresa integral baten modura; marketina aldatu beharra daukagu, elektrikariak baino gehiago garela komunikatzeko. Eta Goiekik emandako sariak lagunduko digu marketin hori egiten.

Gonerlux produktuagatik eman dizue saria Goiekik. Zein berezitasun ditu?

Merkatuan ikusi genuen behar bati erantzuteko sortu dugun produktua da. 2008an lege bat atera zuen Espainiak, eta lege horrek hainbat neurri betearazten dizkie udalei, argiztapen publikoari dagokionez. Bestalde, udalek gero eta eskaera gehiago egiten zituzten argiztapen publikoa aldatzeko. Errealitate horren aurrean, arazo bat identifikatu genuen: udaletan eta zerbitzu publikoetan, argiztapenari dagokionez, ez dituzte datuak garbi. Eta, aldaketa bat egiteko, datuak izan behar dira lehenik. Enpresa industrialetan hala funtzionatzen du: datuak jasotzen dira, diagnosi bat egiten da, eta aldaketak egiten dira datuek erakusten duten arazoa konpontzeko. Baina administrazio publikoak ez du horrela jokatzen. Herri txiki askotan ez dakite zenbat farola dituzten, ezta zein motatako farolak dituzten ere. Argiterian aldaketak egiteko diru laguntzak etortzen direnean, argiteria osoa aldatzen dute, baina aurretik zuten egoera ezagutu gabe. Aldaketa ez da datuetan oinarritzen.

Zein irtenbide aurkitu duzue arazo horrentzat?

Hauxe pentsatu genuen: lagundu egin behar diegu udalei herriko argiteriaren diagnostikoa egiten. Argi gutxi dago, asko dago, nahikoa da, ongi banatuta dago edo potentziatu beharra dago?

Diagnosi hori egiteko, sistema berritzailea garatu duzue. Nola funtzionatzen du?

Orain arte bazegoen sistema bat. Auto baten gainean jartzen zituzten neurgailu batzuk, eta errepideko argia neurtzen zuten. Hori baliagarria izan daiteke autobide bateko argiteria neurtzeko, baina ez Gipuzkoako herri txiki bateko kaleetako argiteria neurtzeko. Batetik, kale guztietan ezin direlako autoak sartu. Bestetik, altuera horretan neurtutako datuak ez direlako guztiz errealak. Guk garatu dugun sistema karro txiki bat da, neurgailu batzuekin —zunda luxometrikoak—. Lurretik 20 zentimetrora jartzen dira. Legediak hori eskatzen du, argia neurri horretara neurtzea. Karroa bizikleta elektriko bati ezartzen diogu. Horrela, gai gara, herri bateko kale eta bidegorri guztietatik pasatuz, argia neurtu eta geolokalizatzeko. Eskailerak badaude, eskuan hartzen dugu karroa, eta kitto.

Zein abantaila ditu zuen sistemak?

Oso ekologikoa da. Horrez gain, puntu zehatz bakoitzean zein argi kantitate dagoen esaten digu. Datu guztiak ordenagailuan sartzen ditugu, eta ordenagailuak grafikoetara pasatzen ditu. Horrek diagnostiko zehatz bat egitea ahalbidetzen digu. Grafikoan oso garbi ikusten da herriko zein gunetan dagoen argi gehiegi edo gutxiegi. Oso modu bisualean ikusten da argiaren banaketa herrian zehar.

Udalei zer eskaintzen diezue Gonerlux erabilita?

Sistema honen bidez, udal bati esan nahi diogu: zure gaixotasuna hau da. Gero udalak ikusiko du aldaketak egin nahi dituen edo nolako aldaketak egin nahi dituen. Udalak nahi izanez gero, guk proposatzen diegu nola egin aldaketak. Aldaketak egin ondoren, berriro neurtzen da herri osoko argiteria, eta beste grafiko bat egin. Bi grafikoak alderatuta, oso ongi ikusten da herriak izan duen hobekuntza.

Zein da udalek datu faltagatik egiten duten akatsik ohikoena?

Argiteria ez da arrazionalki kudeatzen udaletan. Oso ohikoa da herri osoan LED argiak jartzea, baina jartzeagatik jartzen dira. Ez dute pentsatzen agian argi gehiegi jartzen ari direla, edo ez dagoela ongi banatuta. Lehen zeuden bonbillak kentzen dituzte, berriak jarri, eta kitto. Eta kontuan izan behar da udal baten faktura elektrikoaren ia erdia argiteriak eramaten duela. Hori asko da. LED argiztapenarekin beti aurreztuko duzu dirua, edozein LED mota jarrita ere. Baina dena ez da aurreztea izaten. Sistema on eta eraginkor bat izatea da helburua.

Zein herritan probatu duzue Gonerlux?

Gabirian, Seguran, Getarian, Eibarren… Zerbitzua erabilgarri dago, eta, udalen bat interesatuta egongo balitz, gurekin harremanetan jarri besterik ez du. Beasaingo Udalak ere eskatu digu diagnosia.

Zein sari eman dizue Goiekik? Eta zer esan nahi du zuentzat sari horrek?

Enpresan buruturiko proiektu berritzailerik onena da Goiekik eman berri digun saria. Horrelako sariek erakusten dute enpresa txikiek ere badakitela gauzak egiten, eta geure buruarengan sinesteko balio digu. Bestetik, marketinerako oso garrantzitsua da. Gure enfokea momentu honetan Gipuzkoa da, eta sari bat jasotzeak gure produktua ezagutzera ematea ahalbidetzen digu.

Produktu honek balio erantsia ematen dio enpresari, eta hori saltzen jakin behar dugu orain. Guretzat garrantzitsua da jendeak ikustea ez garela instalazioak egitera bakarrik mugatzen. Horrelako sariek laguntzen dute horretarako.

Estandako langileek manifestazioa deitu dute gaur kaleratzeen aurka »

Lantegi aurretik hasiko da 12:00etan. Asteartetik greba mugagabean dira 10 langileren kaleratzeak salatzeko. Zuzendaritzarekin izandako 2. bileran ez dute akordiorik lortuAstearteaz geroztik, greba mugagabean dira Beasaingo Fundiciones Estanda enpresak…

Natura babesteko eta garapen ekonomikoa sustatzeko plana onartu du patronatuak »

Urdaibaiko Patronatuak jakinarazi duenez, Lurzoru Urbanizaezinaren Erabilera eta Kudeaketa Zuzentzeko Plan (EKZP) berria onartu dute, Busturiako Madariaga Dorretxean duten egoitzan. Plan honek, administrazio prozedurak arinduko ditu, jarduera ekonomikoak sustatzeko, eta Erreserbaren babes eremuak %4 zabalduko ditu. “1993ko aurreko plana sakonki berrikusi ondoren sortu da berri hau, ezinbestekoa bai zen egoera sozioekonomiko eta ingurumen zein hirigintza […]

The post Natura babesteko eta garapen ekonomikoa sustatzeko plana onartu du patronatuak appeared first on Busturialdeko Hitza.

Estandako langileek manifestazioa deitu dute bihar 12:00etan »

Astearteaz geroztik, greba mugagabean dira Beasaingo Fundiciones Estanda enpresako langileak eta bihar, 12:00etan hasita, Despidorik ez! lelopean, manifestazioa egingo dute Estandatik udaletxera bitartean. Aurreko astean zuzendaritzak langile soberakina zegoela argudiatuta egin zituen hamar langileren kaleratzea da grebaren arrazoietako bat. Gaur 11:00etan, enpresaren kudeatzailearekin eta abokatuarekin bigarren bilera egin du enpresa batzordeak eta adostasunik gabe bukatu […]

Uztailaren 30ean egingo dute merke-merke azoka, Taraskan »

Bermeoko Berton txiki-erdi enpresen elkarteak urtero antolatzen duen merke-merke azoka  egingo dute uztailaren 30ean, zapatuan. Oraingoan ere, egun bakarreko azoka izango dela azaldu dute, eta Taraskan bilduko dira herriko saltokiak, 10:00etatik 21:00etara. Bertonetik azaldutakoaren arabera, «merke-merke azokara bertaratzen direnek kalitatezko produktuak eskuratu ahalko dituzte, eta, prezio ekonomikoetan, gainera». Udako merke-merke azokan, 19 saltokik parte hartuko […]

The post Uztailaren 30ean egingo dute merke-merke azoka, Taraskan appeared first on Busturialdeko Hitza.

Marmelada postu berria »

Festen aurreko feriak ohiko markak agertu ditu: Goierriko Bertso Eskolaren tonbola, plaza apaintzeko xingolak… Datorren asteko egun aldaketa, asteazkenetik ostegunera, ahoz aho dabil.S anta Ana festen aurreko asteazkenean, urtero bezala, Goierriko Be…

Udalak merkataritza eta ostalaritzari zuzendutako ikastaro bat antolatu du »

Mutrikuko merkataritza eta ostalaritza sektoreari zuzendutako Berritu: zure saltokia errentagarri egin dezazu ikastaroa antolatu du Mutrikuko Udal Garapen Sailak.Irailaren 26tik 30era eta azaroaren 21etik 25era gazteleraz izango da ikastaroa, Emilio Ab…

The post Udalak merkataritza eta ostalaritzari zuzendutako ikastaro bat antolatu du appeared first on Busturialdeko Hitza.

Bareak elkarteko 36 dendek salgaiak kalera aterako dituzte »

Gaur eta bihar, 10:00etatik 13:30era eta 16:30etik 20:00etara, Beasaingo Bareak Merkatari Elkarteak udako Azoka Plazan eta Kalean egitasmoa antolatu du. Elkarteko 36 saltokik kalera aterako dute beraien eskaintza, prezio merkeagoan. Loinazko San Mart…

Debabarrenean Hazilan programan izena emateko epea zabalik dago »

Debegesa garapen agentziak abian jarri du gazteen laneratzea sustatzen duen Hazilan programa, bigarrenez. Proiektua goi mailako ikasketak dituzten (unibertsitate titulua edo goi mailako prestakuntza zikloa) eta lana aurkitu ezinik dabiltzan 20 eta 35 urte bitarteko gazteei zuzendua dago. Gazte kualifikatuei lana aurkitzen laguntzeko programa irailean hasiko da berriro martxan, eta bertan parte hartzeko interesa dutenek […]

The post Debabarrenean Hazilan programan izena emateko epea zabalik dago appeared first on Lea-Artibai eta Mutrikuko Hitza.

Uemak eta bi finanatza erakundek euskararen erabilera sustatzeko hitzarmena sinatu dute »

Uemak eta haren kide diren 30 udalerrietako euskaldunek Laboral Kutxarekin eta Kutxabankekin sinatu dute akordioa. Hitzarmenari esker, Uemaren eta finantza erakundeen zein aipatu udal horien eta finantza erakundeen arteko harremanak euskara hutsean izango dira. Bertoko udalerriei dagokienez, Aulesti, Berriatua, Lekeitio, Markina-Xemein, Mutriku eta Ondarroako bulegoetako langileek euskara lehenetsiko dute. Printzipioz bost urterako hitzarmena da, baina, epe […]

The post Uemak eta bi finanatza erakundek euskararen erabilera sustatzeko hitzarmena sinatu dute appeared first on Lea-Artibai eta Mutrikuko Hitza.