Idiakaizko lur astintzeak »

Astelehenean hasi ziren Idiakaizko indusketen aurtengo kanpainarekin, eta datorren aste amaiera arte han izango dira. «Aurten aurrekontua murriztu digutenez, bi astean baino ez ditugu egingo indusketak, beste urteetan hiru astez aritu izan garen arren», jakinarazi du Maria Jose Iriartek, indusketen zuzendadari ordeak. Aurrenengo aldiz 1998an hasi ziren Bainu Etxearen eta futbol zelaiaren artean lurra harrotu eta sondeoak egiten, Paleolitikotik gelditzen ziren seinaleak aurkitzeko. Bi tokitan egin dituzte sondeo handiak hamabi urtean, eta momentuz bigarrengoarekin ari dira. Gainera, horrekin jarraitzekoasmoa daukatela jakinarazi du zuendari ordeak. Bere esanetan, bi maila daude bertan: Goi Paleolitikoko aztarnak daude batean, eta Behe Paleolitikokoak bestean. «Hain handia den, eta materialak tokiz mugitu gabe bertan jarraitzen duten Behe Paleolitikoko aztarnak aurkitu diren inguru bakarra da hau Euskal Herrian ». Berezitasun nabarmena dauka, ordea, Idiakaitz inguruko lurrak (eta Euskal Herriko eremu askok, orokorrean), eta hori, azidotasuna da. «Gure kalterako», Iriartek gogorazi duen bezlala. Horren ondorioz, materia organiko guztiak, «ez dira kontserbatzen. Jakina, horren ondorioz, industrialitika baino ez dugu lortzen errekuperatzea, hori baita ongien eusten diona. Baina harrizko zenbait pieza ere nahiko delikatua izaten da, eta kontu handiarekin ibili behar izaten da ateratzerako orduan». Goi Paleolitikoan industria batik bat suharrian dago oinarrituta. Eta Behe Paleolitikoan erabiltzen dituzten lehengaiak, berriz, […]

Atzerritarrek eta euskaldunek bat egingo dute Bazkari Mundialean »

Banaiz Bagara eta Orioko Auzoko elkarteek Bazkari Mundiala antolatu dute iganderako, hilak 7. Euskal Herrian bizi diren euskaldunen eta atzerritarrak batzeko helburuz prestatu dute ekimena, eta Orion izango dute hitzordua. Elkarteak atzerritarrei edota euskaraz ez dakitenei euskarara hurbiltzeko lanean ari dira, horregatik pentsatu dute elkarteen inguruan dabiltzan guztiak elkartzea. Hala ere, ekimena irekia da, eta edonork parte hartu dezake bazkarian eta egingo dituzten beste ekitaldietan. Lehenengo aldiz antolatu dute halako ekimena, eta horretarako Orioko Herri Ikastolaren eta Udalaren laguntza izan dute; jatorri desberdinetako herritarrek elkar ezagutzea nahi dute bi elkarteek, eta horretarako ekimen «txiki eta xumea» sortu dute, dituzten baliabideak aprobetxatuz. Bazkaldu aurretik hasiko da festa; izan ere, 12:00etan Porrotx pailazoak zenbait jolas egingo ditu haur eta helduekin. Ondoren, Auzoko elkarteak herriko produktuekin prestatutako bazkaria egingo dute guztiek, herri ikastola aurreko pergolan; bertaratzen direnek honako menua jango dute: entsaladilla errusiarra, entsalada, paella, postrea eta kafea. Antolatzaileek adierazi dute, oraingoz 50 lagunek eman dutela izena. Izan ere, bazkarian parte hartzeko aldez aurretik izena eman behar da, 645-73 38 18 edota 661-74 63 00 telefonoetara deituta. Helduek zazpi euro ordainduko dute, eta haurrek bost euro. Bazkalostean, berriz, euskal nahiz atzerriko abestien kantu saioa egingo dute, eta Patxi Monterok plaza dantzak eskainiko ditu […]

«Ignaziotar espiritudun» 3.000 lagun bilduko dira asteburuan, Loiolan »

Asteburuan jardunaldi erlijioso handi bat egingo dute Loiolan, Jesusen Lagundiak antolatuta: MAGIS 2011. Mundu mailako 3.000 gazte inguru elkartuko dira bertan. Dagoeneko, ekimena antolatzen diharduten 90 boluntario inguru buru-belarri lanean ari dira Loiolan. Bihartik astelehenera bitarteko ekitaldiak eta ospakizunak prestatzen hasita daude. Ez Loiolan soilik, Azpeitiko kaleetan ere antzemango da ekimen erlijiosoa: «Azpeitiko kongregazio erlijiosoei eta Udalari eskerrak eman beharrean gaude, erromesak hartzeko eskuzabaltasunez eskaini dituztelako espazioak», dio Xabier Riezu MAGIS 2011ren antolatzaileetako batek. Erromesak egunean zehar Loiolako santutegiko ekimenetan ibiliko dira, baina lo egitera herriko beste hainbat tokitara joango dira: komentuetara, kiroldegira… MAGIS 2011 Kristorekin munduaren bihotzean lelo hartuta antolatu du Jesusen Lagundiak, mundu osoko ignaziotar espiritualtasuneko beste erakunde erlijioso eta laikoekin batera. Gazteentzako ekimena da, eta bat egingo du abuztuaren 15ean Madrilen egingo den Munduko Gazteen Topaketarekin. Jesusen Lagundia 1997an hasi ziren Munduko Gazte Topaketen inguruan ekimenak antolatzen. Aurten Topaketak Madrilen direnez, MAGISen abiapuntua Loiolako santutegia izatea erabaki dute. «Euskal kristauontzat eta mundu osoko San Ignazioren jarraitzaileentzat kuttuna, baita Loiola». Bihartik astelehenera bitartean egongo dira erromesak Loiolan. Bihar autobusetan etorrikodira Loiolara, eta batik bat egunak santutegiaren baitan igaroko dituzte, baina Azpeitiko beste azpiegitura batzuk ere erabiliko dituzte. «Oinez mugituko dira batik bat, eta Azpeitiko kaleetan ere antzemango da […]

«Etorkizunean genetika izango da minbizia sendatzeko gakoa» »

Olatz Olariaga (Orio, 1978) farmazialariak Donostiako Ospitale Onkologikoan egiten du lan, 2007 urteaz geroztik. AEB Ameriketako Estatu Batuetan sortu zen korronteari eutsiz, farmazialaria botikatik atera eta sendagileekin elkarlanean aritzen da. Etorkizunean, minbiziaren aurkako tratamenduak gakoa genetikan izango duela uste du Olariagak, baina horretarako erakunde publikoen laguntza behar dela dio. Onkologian espezializatzeko ikasketekin tartekatzen du lana farmazialariak. Zer da farmazialariaren eta medikuaren arteko elkarlana? Ospitale bakoitzak bere errealitatea du, eta gurea monografikoa da. Guztiek dute farmazia, baina gurean modu berezia dago lan egiteko: kimioterapia prestatzeaz gain, gaur egun medikuekin elkarlanean aritzen gara, eta hala diseinatzen dugu kimioterapia. Preskuntzaren kalitatea bermatzetik gaixoari zer nolako kimioa jarri erabakitzera iritsi gara, eta hori izugarrizko pausoa da. Farmazialaria medikuekin batera aritzea joera berria al da? Gero eta pertsona gehiago ari da norabide horretan lanean. Farmazialaria botikatik irten da, eta ospitalean presentzia du dagoeneko. Etengabeko formazioan bizi gara, eta joera hori hazten ari da egun. Gu gara botiken inguruan gehien dakigunak, eta erabakiak hartzerako orduan paper garrantzitsua izan dezakegu. Ez gara sendagileak, eta gaixoak ez ditugu haiek adina ezagutzen, baina elkarlana ondo egin daiteke. Kimioterapia diseinatzen duzuela diozu. Nola egiten duzue? Gure helburua emaitza positiboak izatea da, eta gaixoak sendatzea. Egun, botiken edota medikuntzaren gaineko ikerketa gehienak […]

Minbiziaren aurkako elkarteak dirua bilduko du asteburuan »

Minbiziaren Aurkako Gipuzkoako Elkarteak dirua bilduko du asteburuan, hilaren 6an eta 7an, urtean eskaintzen dituen zerbitzuak finantzatzeko. Izan ere, doan eskaintzen dizkiete bai gaixoei bai senideei.
Elkarteko boluntarioek, dirua biltzeaz gain, elka…

Lau lagun atxilotu dituzte, oiloak ostu dituztelakoan »

Lau lagun atxilotu dituzte Zestoan ustez oiloak harraptzen saiatzeagatik. Polizia iturrien arabera, txabola batean sartu ziren eta animaliez gain zaldientzako tirorako lepoko bat harrapatzen ere saiatu ziren larunbatean. Nagusia beste lagun batekin…

Giza katea egin dute euskal presoen eskubideak aldarrikatzeko »

Egin Dezagun Bidea ekimenak deituta, dozenaka lagunek giza katea egin dute Zarauzko hondartzan zehar, euskal presoen eskubideak aldarrikatu eta haiei elkartasuna adierazte aldera. Hala, eskualdeko 22 preso ekarri dituzte gogora, eta sakabanaketa polit…

Zaragueta eskolaren obrak diruz laguntzeko mozioa “mahai gainean” utzi du Udalbatzak »

Orioko Zaragueta herri eskolak Derrigorrezko Bigarren Hezkuntza jartzeko diruz laguntzeko mozioa aurkeztu zuen atzo Udalbatzak egin zuen bilkuran; Zaraguetak Udalarekin diru-hitzarmena adosteko zuen proposamena, ordea, alde batera utzi zuen Udalbatzak, besteak beste, proposamenak “zehaztasun” falta duelako. Beraz, udalbatzarkideek eskaera “mahai-gainean” utzi dute, momentuz. Proiektua aurrera eramateako Zaraguetak eraikina handitzeko lanak egin behar direla adierazi du. Hori finantziatzeko Udalari laguntza eskatu dio, bi erakundeen artean hitzarmen bat sinatuz. Mozioaren arabera, Orioko eta Aiako alkateak Hezkuntza Saileko ordezkariekin harremanetan jartzeko proposamena zabaldu du; horrez gain, kreditu aldaketaren bitartez obren gastuak bideratzeko eskatu du; hala, Udalak obrak ordaintzea nahi du eskolak, ondoren Hezkuntza Sailarekin bideratu ditzaten diru-laguntzak. Halaber, herri eskolak obrak urria baino lehen esleitzea proposatu dio Udalari. Beñat Solaberrieta Orioko alkateak nabarmendu du proiektuarekin “oso ados” daudela. Eskolarekin “konpromisoa” dutela esan du, eta “babestu beharreko” proiektua bada ere, “zuhurtziaz” jokatu behar dela uste du. Izan ere, halako dimentsiotako proposamenak “zehaztasun gehiago” izan behar duela iritzi dio alkateak, eta zehaztasun horiek “idatzizko dokumentuan” helarazteko ere eskatu dio eskolari. “Obren gastuak noren esku geratuko diren Eusko Jaurlaritzaren Hezkuntza Saileko eta Orioko Udalaren arteko hitzarmena sinatzea proposatzen dugu lehendabizi”. Bestetik, obren esleipena urrirako egitea “zaila” dela uste du alkateak. EAJ alderdiak, bere aldetik, konpromisoa “bete […]

Goierriko Hitza oporretan »

Gaurtik hasi eta abuztuaren 29ra arte Goierriko Hitza oporretan izango da. Denbora tarte horretan ez da egunkaririk argitaratuko eta interneteko zerbitzua ere eten egingo da. Abuztuaren 31n hasiko da egunkaria berriro argitaratzen.

Ordiziako Euskal Jaiak irailaren 2tik 11ra ospatuko dira »

Santa Ana jaiak bukatu berritan, eta abuztuko oporren ondoren, Euskal Jaiak ospatuko dira irailaren 2tik 11ra Ordizian. Kultur ekitaldi ugari izaten da egun horietan (kontzertuak, bertso saioak…), baita Lazkao Txiki bertsopaper lehiaketaren sari…