Udal aurrekontua onartzeko osoko bilkura bihar egingo dute Ordizian »

Ordiziako Udalbatzak bihar, hilak 28, egingo du 2012. urteari dagokion aurrekontua onartzeko osoko bilkura, 19:00etan. Ez da, ordea, aztergai izango duten gai bakarra, beste hamalau puntu baitituzte zerrendan. Bilduk sartutako lau mozio eztabaidatu eta bozkatuko dira: Tibeteko herriaren giza eskubideen eta askatasunen alde bata; Garoñako zentral nuklearra ixtearen alde bigarrena; Lodosako Ibaialde Ikastolari laguntzeko hirugarrena; eta Espainiako Gobernuak onartutako lan-erreformaren dekretuaren aurkakoa laugarrena. PSE-EEren bi mozio ere badaude gai zerrendan. Lehena, atez ateko zabor bilketa sistemaren aurkakoa da, eta bigarrena, eta atzerapenarekin bada ere, Emakumeen Nazioarteko Egunaren ingurukoa. Horiez gain, beste honako puntuak izango dituzte hizpide: 2012ko plantilla organikoa eta lanpostuen zerrenda; 2011ko ekitaldiko aurrekontuaren likidazioaren berri ematea; 2011ko gastuak 2012ko aurrekontuetan sartzea eta dagokion kreditu gehigarrien espedientea onartzea; zinegotzien soldatak eta kalte-ordainak jaistea; euskara sailak diru-laguntzak emateko indarrean dituen oinarriak aldatzea; aparkaldi mugatua arautzen duen ordenantza aldatzea; eta arau subsidiarioen aldaketa jakin baterako hirigintza hitzarmena.  

Ordiziako PSE-EEk birziklapenaren kudeaketan “eraginkorragoa” izateko eskatu dio Bilduri »

Ordiziako PSE-EEk Udal Gobernua osatzen duten Bildu koalizioari eskatu dio “eraginkorragoa” izango dadaila birziklapenaren kudeaketan, eta bide batez, bestelako eskaera bat ere egin dio: Gipuzkoako Foru Aldundiari eska diezaiola errauste pl…

Apirilean ere doako autobus zerbitzua eskainiko dute Zeraingo sagardotegietara joateko »

Zeraingo sagardotegietara joateko doako autobus zerbitzuak martxoan izan duen arrakasta ikusita, Zerain Dezagun Fundazioak, Zeraingo Oiharte eta Otatza sagardotegiekin elkarlanean, zerbitzua apirilean ere eskaintzeko erabakia hartu dute. Ostiraletan e…

AHTaren aurkako ‘igande-pasa’ egingo dute Donostian »

Apirilaren 15ean, Ategorrietako Jubilatuen Villa-Etxean egingo dute
AHTaren aurkako mugimendua lagundu eta babesteko igande-pasa egingo dute hurrengo apirilaren 15ean. Herri-Bazkari batekin (14:30) ekingo diote egunari. Kontzertuak ere egingo dituzte. …

Altxikar auzoko mendi hegalari eusteko lanak amaitu ditu Eako Udalak »

“Altxikar auzoko mendi hegalaren ondoan bizi diren herritarrak lasaiago biziko dira aurrerantzean”, Juan Luis Landazabal Eako alkateak jakinarazi duenez. Hilabeteetako lanen ostean, Udalak amaiera emon dio herriko “gai korapilatsuenetako bati”. Izan be, maldan behera jauzi zitezkeen harriak, “loa kentzeko modukoak” zirela argudiatu du alkateak. 1999ko lehenengo lurjauzian, esaterako, haranaren sakonean lanean zegoen behargin bat hil zen, 15.000 m3 lur jausi ostean. Hala, berregokitzapen lanak amaituta, alkatea “pozarren” azaldu da 12 urteko “ibilbide gogorrari” amaiera emon baitiote. Horrenbestez, Altxikar auzoko arazoa konpontzen lagundu duten guztiak izan ditu gogoan Landazabalek: Bizkaiko Foru Aldundia, Asier Madarieta alkate ohia, eta lurren jabeak, besteak beste. Agustin Larrea proiektua egin duen enpresaren teknikariak azaldu duenez, “arazoari irtenbidea emotea ez da erraza izan”. Dioenez, 3000m3 lur kendu behar izan dituzte, eta horretarako, “kontu handiagaz” ibili behar izan dute, “harritxarrak” maldan behera erortzeko arriskua baitzegoen. Lur soltea eta harriak kendu ostean, euskarriak sartu dituzte lurzoruan, eta hiru motako sareak jarri dituzte. Guztira, 1800m2 sare jarri dituzte lurrari eusteko, eta lurzoruan sartu dituzten euskarri guztien artean, bestalde, 1.000 metroko luzera duen burdinazko makila egin zitekeen. Larrearen berbetan, “makinaria asko erabili behar izan dugu, baina emaitza oso ona dela deritzot”. Naturak bere bidea egiten duenean, mendi hegalean kolore berdea nagusituko […]

Tolosako Udalak hiri hondakinen gaia jorratuko duen lan taldea abian jarriko du »

Hiri hondakinen inguruko lan taldea martxan jarriko du Tolosako Udalak. Hasieran lan taldean eragileek parte hartuko dute, eta, aurrera begira, herritarrekin lanketa egitea da asmoa. Horrela, Aste Santutik uda bitarte, hainbat tekniko eta aditu izango dira Tolosan, hiri hondakinen eta hauek jasotzeko sistemen inguruko informazio emateko. Egitasmoaren aurkezpena Ibai Iriarte alkateak, Hasier De los Rios Ingurumen zinegotziak eta Iñigo Muñoz Ingurumen teknikariak egin dute. Lan taldean parte hartzeko eragileak identifikatu ditu udalak. Horrela, alderdi politikoak, sindikatuak, auzo elkarteak, merkataritza eta ostalaritza sektorekoak, enpresak eta talde ekologistak izango dira informazio saio horietara joango direnak. Beste norbaitek parte hartzea nahi badu ateak irekita izango direla azaldu du udalak. Bestalde, saio horietan jasotako informazioa zabalduko duela gaineratu du.  

Antolatzaileak «gustura» Aizkardiko Ibilaldiak izan duen parte hartzearekin »

Euskal Herriko iraupen luzeko ibilaldien zirkuituaren baitako urteko lehena izan zen herenegun, Aizkardiko Ibilaldia, hain zuzen. Bada, urteko lehena izanagatik edota XIV Orduen ibilaldia aurten egokitzen delako, oso parte hartze handia izan du Aizkar…

Elkartasuna kilometroz kilometro »

Sasoian.info. Hilabete pasatu da Eskualdeko hiru lagunek –Aitor Irigoien getariarrak eta Maria Izeta eta Alaitz Aiertza zarauztarrek–  Sahara Marathon egistamoan parte hartu zutenetik. Bertako bizipenak eta oroitzapenak, ordea, oraindik fresko dituzte, eta ez dirudi horren erraz ahaztuko dituztenik. Hirukoteak argi zuen   desertuan korrika egiteko aitzakian sahararren errealitatea eta errefuxatu-guneak bertatik bertara ezagutu nahi zuela. «Batzu­ek kirol ikuspegitik hartzen dute bidaia, proba bera eta denborak kontuan hartuz. Guretzat hori baino gehiago zen; korrika egiteaz aparte, hango familiekin egon eta haien bizimodua ezagutu na­hi genuen». Errefuxiatu-guneak Aljeriak utzitako basamortu zati bati batean daude. Guztira, bost kanpamendu dira: El Aaiun, Smara, 27 de febrero, Dagla eta Auserd.  Kanpamendu hauek sa­harar herriko probintzien izenak dituzte; hau da, beraien lurrak be­rreskuratu eta itzultzen direnean, ba­koitzak jakin dezan nondik datozen. Korrikalariek Smara kanpamenduan egin zuten bat;  Sahara Marathongo helmugan, ale­gia. Aste bateko egonaldia egin zuten bertan, otsailaren 25­etik martxoaren 2ra, fa­­milia sahararren haimatan. Euskal Herritik 25 lagun joan ziren, eta horien artean hirukotea; bidaia egin aurretik, gainera, ez ziren elkar ezagutzen. Aiertzaren dantzako lagun baten bitartez izan zuten zarauztarrek egitasmoaren berri: «Harrezkero, interesatzen hasi ginen, baita gure hu­rrengo bidaia hara egin genezakeela pentsatzen ere». Irigoienek, berriz, duela urte batzuk Behobia-Donostia lasterketako helmugan jasotako es­kuorria topatu zuen, […]

Egiako presoak zoriontzeko gutunak banatuko dituzte »

Egiara herri mugimenduak Egiako presoei idazteko kanpaina abian jarri du. Horren harira, presoen urtebetetzeetan gutunak utziko dituzte Kosko, Ilargi, Beti Boga, Kata eta Antxuene tarbenetan, jendeak idatz diezaien. Aste honetan, esaterako, martxoaren …

Goierriko eta Tolosaldeko hautetsiak, goi tentsioko linearen aurka »

Goierriko eta Tolosaldeko hainbat udal hautetsik Red Electrica Españolak Deikaztelutik (Nafarroa) Ezkio-Itsasora egin asmo duen goi tentsioko linearen aurkako desadostasuna azaldu dute. 400kv-eko linea berri bat egin nahi du enpresak, 120 kilometroko luzera duena, eta sei hektarea hartzen duen azpiestazio bat. Udal hautetsiek nabarmendu dutenez, paisaian eta ingurumenean “sekulako kalteak” sortuko ditu linea horrek, eta osasunerako ere kaltegarria izango da, eremu elektromagnetikoaren eraginez. Ordiziako udal batzar aretoan azaldu zuten desadostasun hori atzo Goierriko eta Tolosaldeko 30 bat hautetsik. Mutiloako alkatea Iñaki Ugaldek hitz egin zen denen izenean. Linea hori egiteko 42 eta 46 metro inguruko dorreak egin beharko dituzte, eta dorreen arteko distantzia 400-500 metro ingurukoa izango da. Lau oineko hormigoizko oinarriak ere izango ditu, eta pistak zabalduko beharko dituzte, “landaredian eragin nabarmena izanez”. Horrez gain, gune horietan zuhaitzak landatzea debekatuko dutela jakinarazi dute hautetsiek. “Informazio falta izugarria dago arlo sozioekonomikoan izango dituen eraginen inguruan, turismoan izango duen inpaktoa izugarria litzateke, eta beste horrenbeste ondarean”. Alegazioak eta sinadurak Proiektua 2011ko abuztuan jaso zuten Goierri eta Tolosaldeko udaletan, eta baita Nafarroako udal eta zenbait kontzejutan ere. “Proiektua jaso bezain laster alegazioak martxan jartzeko prozesua hasi zen, eta alegazioak jarri ziren”. Udaletan eta hainbat elkartetan goi tentsioko linearen aurkako mozioak eta manifestuak […]