Energia subiranotasuna helburu, kontsumoa aztertuko dute Urola Erdian »

Azkoitian, Azpeitian eta Zestoan, Urola Erdian, energiaren inpaktu ekonomikoa aztertuko dute, Energia adimentsua izenburua duen proiektuan. Ikerketarako 400 norbanako boluntario behar dituzte, inkesta egin dezaten, eta, horrez gain, Urola Erdiko 300 bat enpresetara ere joko dute ikertzaileek. Energiaren azterketaren proiektua bailarako erakundeen artean landu dute, elkarlanean. Azterketa egin ondoren, energiaren arloan eskualderako plangintza egin nahi dute. Epe luzerako plangintza baten bidez energia subiranotasunerantz bidea egiten hastea da egitasmoaren helburu orokorra, eta helburu zehatzetako bat, berriz, energia arloan eskualdeko ekonomia suspertzeko garapen teknologikoa eta berrikuntza. Baina ezer egiten hasi aurretik, hiru udalerrietako egoera zehatza ezagutu nahi dute, eta horretarako energiak duen inpaktu ekonomikoa aztertuko dute. Hala azaldu Leire Etxanizek, Azpeitiko Udaleko zinegotziak. Energiari lotutako berrikuntza lantzea «ezinbestekoa» dela esan du Loiola Berrikuntzako Begoña Beobidek. «Gizarteak ulertu behar du energia kontsumitzaile izatetik energia kudeatzailea izatera pasatu behar duela, eta enpresek energia erabiltzetik sortu eta kudeatzera pasatu behar dute». Energia ereduaren eraldaketak Urola Erdiari «aukerak» ekarriko lizkioke: «Teknologia berria sortzeko, gizartea eraldatzeko, ekonomia sustatzeko edota bizi kalitatea hobetzeko aukerak izan daitezke». Azterketa egiteko herritarren parte-hartzea ezinbestekoa da, Ingurugiro Etxea Fundazioko Orkatz Goenagaren esanetan. «Energiak duen inpaktu ekonomikoa aztertzeko familiekin hitz egitea beharrezkoa da». Familiek 30 minutuko inkesta bete beharko dute. Galdeketan, familiaren energia […]

Gizon bat atxilotu dute beste bati aulki batekin jotzeagatik »

Ertzaintzak 20 urteko gizon bat atxilotu du Errenteria-Oreretan beste bati aulki batekin jotzea leporatuta. Gaur goizaldeko ordubietan atxilotu dute herriko taberna batean, eta Herrizaingo Sailak jakinarazi duenez, erasotuak saihets hezurretan haustura…

Santa Ageda eskean irtengo dira zeraindarrak »

Ohitura zaharrari jarraituz, Santa Ageda bezperan, otsailaren 4an, kantu eskean irtengo dira zeraindarrak, 15:00etan, eta herriko hainbat txoko igaroko dituzte. Entsegua berriz, datorren astelehenean egingo dute, 19:30ean Zeraingo kultur etxean.

Astelehenean hasiko da Hirukideko Bake Astea, Ghandiren heriotzaren urtemuga probestuz »

Bake Astea ospatuko dute, datorren astean, Hirukide ikastetxean. Aurreko urteetan bezala, asteleheneko jarduerari eman diote garrantzia; eskolarteko bakearen eta biolentziaren aurkako eguna ospatuko dute, Ghandiren heriotzaren urtemuga probestuz. Trian…

Gipuzkoako SOS Haur Lapurtuak elkartearen aldeko mozioa onartu du Udalak »

Haur lapurtuen kasuak ikertzen laguntzeko eskaera onartu zen atzoko plenoan. Plenoan izan ziren SOS Haur Lapurtuak elkarteko hainbat kide, tartean senide bila dabiltzan Mertxe Aizpurua eta Ana Carlota Dominguez zumaiarrak. Hemen irakur dezakezue joan d…

Eskola txikiak aldarrikatuz »

Ekainaren 3an izango da eskola txikien festa Larraulen. Aurten 25 urte beteko dira, Bidegoianen lehen festa egin zenetik. Eskola txikiak bizirik lelopean egin zen festa hura, eta oraindik ere, aldarrikapen berberarekin jarraitzen dute Gipuzkoako herri eta auzoetako eskola txikiek. Azken bost edo sei urteak oso mugituak izan dituzte Larraul herrian. Lan handia egin behar izan dute dena hasieratik antolatzeko: eskolaren irekiera, guraso elkartearen sorrera, zaintza-zerbitzua, bilerak eta negoziazioak Hezkuntza sailarekin… Legearen arabera, eta duten haur kopurua kontuan hartuta, larrauldarrei eskola propioa dagokie. Gaur egun, ordea, oraindik ez diete onartu eskola propioa izateko duten eskubidea, eta Asteasuko Pello Errota eskolaren gela balitz bezala funtzionatzen dute.  Beraien ekarpena, eskola txikien mugimenduari, festa antolatzearen ardura hartuz izango da. Guzti honen aurrean, eta eskola txikien mugimenduari mesede egin nahian, festa antolatzearen ardura hartu zuten. Era berean, beraien egoeraren berri eman nahi dute. Pasa den urteko ekainean, Abaltzisketako Txalburu eskolari hartu zion lekukoa Larraulek. Ez dute etsi, eta gaur egun herrian duten zerbitzua handitu nahi dute.  Haur eskolaz gain, hiru gela dituzte. Eskola txikien ezaugarria den adin aniztasuna ematen da geletan, eta urtetik urtera haur gehiago dituzte. Eskola txikiaren festa antolatzen hasiak daude. Guraso elkarteko kideak hainbat arlotan banatuta lanean ari dira: Ekonomia, ikuskizunak, komunikazioa, […]

«Denon hondarrarekin sekulako hondartza» egin daitekeela aldarrikatu dute Laskoraingo ikasleek »

Lodosako (Nafarroa) Ibaialde ikastolaren  egoera ekonomiko larria dela eta, Laskorain ikastolako ikasleek giza-katea egin zuten atzo, elkartasun egunaren barruan, eta hala nabarmendu zuen Beñat Azaldegi ikasleak:  «denon hondarrarekin sekulako hondartza egin daiteke». Lehen Hezkuntzako 3.mailatik Batxilergo 2.mailara bitarteko neska-mutil guztiek parte hartu zuten ekimenean, eta lepoan zapi gorria jantzi zuten, sinbolo moduan. Elkartasun egunaren helbururik behinena, Lodosako ikastolara bidaltzeko dirua biltzea izan zen, ikasle bakoitzeko euro bana jomugatzat jarriz: «Ikasle bakoitzak euro bana jarriz gero, 1.500 euro aterako ditugu, eta lagungarria izango zaie». Horretarako, batxilergoko 1. mailako ikasleak lanean aritu ziren goizeko atseden garaian, txistorra, edariak eta antzekoak saltzeko txosnan; dantza ikuskizuna eta beste zenbait jarduera ere antolatu zituzten. Sakramentinoetako patioan, berriz, ikasleek Tolosatik Lodosarainoko bidea irudikatu zuten, txanponak ilaran jarriaz. Arratsaldez txokolatea prestatu eta euro baten truke eskaini zieten, ikasle nahiz gurasoei. Datorren otsailaren 5ean Sartagudan (Nafarroa) antolatu duten festa egunean ere izango da Ibaialde ikastolari laguntzeko aukera. Era berean, Lodosako Ibaialde ikastolaren alde diru laguntzaren bat eman nahi dutenek, Euskadiko Kutxako honako kontu korrontean egin dezake: 3035 0153 46 1531026051 Helduenek gazteenei Azaldegik azaldu duenez, duela bi aste izan zuten Lodosako ikastolaren egoeraren berri. Honen aurrean, ikasle zaharrenek zerbait egin zitekeela pentsatu zuten: «Oso tristea da Nafarroako ikastolek […]

Tolosan bi lagun deitu dituzte deklaratzera ume lapurtuen auzia dela eta »

Tolosako epaitegiko epaile batek, bi lagun deitu ditu lekuko moduan deklaratzera, Tolosako osasun zentro batean ustez gertatutako ume lapurtuen kasu bat argitze aldera. Deklaratzera deitu dituztenetako bat medikua da, eta bestea, berriz, emagina.
Otsai…

Inauterien hurrengo geltokia, Areso »

Leitzarrak izan dira inauteriez gozatzen lehenak, baina hurrengoek ez dute gehiegi itxaron beharrik, gaur arratsaldean hasiko baitira Aresoko inauteriak. Hiru egunez mozorro eta karrozen koloreek, musikak, dantzak, algarak eta zoramenak hartuko dute herria. San Pedro jaietan bezala, orain arte herriko gazteak elkartzen diren Lagun Artea elkarteak antolatu izan ditu inauteriak. Aurten, ordea, guraso elkarteak eta udalak ere parte hartu du antolakuntzan. Lagun Artea elkartetik azaldu dutenez, «herritar guztiei zuzendutako jaiak» egitea nahi izan dute, «ahalik eta jende gehien animatzeko festan parte hartzera». Era berean, pasa den urteko jaiek izandako «arrakasta» ikusita, herritar guztiei eskerrak eman dizkiete antolatzaileek, «azken urteetako inauteri onenak izan baitziren». Iazkoei eusten saiatzea da euren helburua, «guztien gustukoa den festaren parte herri osoa izanik». Bestalde, ekitaldiak herriko leku bakarrera mugatu ordez, aurtegoan Aresoko elkargune ezberdinak erabiliko dituztela ere nabarmendu nahi izan dute. «Gure helburua herritarrak herrian ditugun baliabide guztietara mugitzea da», esan dute. «Iazko inauterietan, esaterako, igandeko bazkaria goiko elkartean egitea erabaki genuen eta oso polita izan zen, bi elkarteetako jendea elkartu baitzen; beraz, aurtengoan ere hori errepikatu nahi izan dugu». Mus txapelketa ere, herriko tabernan egingo dute berrikuntza bezala. Bi otordu eta lehiaketa Edozein ospakizunetan bezala, otorduek ere bere lekua dute inauterietan. Bi izango dira, bata […]

San Clemente edanda ez zirudiela deklaratu dute polizia agenteek »

Aurrera segitzen du Yasmin Rodriguezen hilketaren gaineko epaiketa, eta polizia agenteen arabera, akusatua “edanda ez zirudien”, horren “zantzurik ez baitzuen”. Istripuaren momentuan bertaratutako udaltzainek San Clementek &#822…