Hektarea bat baso berritu dute Lezon »

Albistea, hemen.

45 hektarea baso berritu dituzte Oiartzunen, Lezon eta Errenteria-Oreretan »

Aldundiak eta Caixak egin dituzte lanak, herri onurako mendietan, eta bertako espeziak aldatu dituzte Gipuzkoako hainbat menditan egindako basoberritze lanak aurkeztu zituzten atzo Oiartzunen. Bertan, Errenteria-Oreretan eta Lezon, guztira, 45,5 hektarea biziberritu dituzte. Oiartzunen egin dituzte lanik esanguratsuenak, eta horregatik egin zuten bertan aurkezpena. Han izan ziren Julian Unanue Gipuzkoako Foru Aldundiko Mendi eta Natura Inguruneko zuzendaria, Angel Garabieta Donostialdeko Caixako zuzendaria, eta Oiartzungo Udaleko Mendi eta Ingurumen zinegotzi Zigor Goikoetxea. Goikoetxeak eskerrak eman zizkien aldundiari eta Caixari, «gogoa izan arren, euren laguntzarik gabe Oiartzungo Udalak ezingo zuelako halako lanik egin». Caixak, «naturaren aldeko ekintzak eta gizatalde behartsuenen gizarteratzea sustatzen jarraituko duela» esan zuen, bestalde, Garabietak. Unanuek ere Caixari eskerrak eman, eta proiektuaren nondik norakoak azaldu zituen. Jakinarazi zuenez, Gipuzkoan, guztira, 83 hektarea basoberritu dituzte. Hosto zabalak aldatu dituzte, bertako espezieak, eta aurretik zegoen pinua kendu: «Helburua, 60ko hamarkadan landatu zituzten insignis motako pinu sailak ordezkatzea da, eta bertako espezieak —hosto zabalak— landatzea». Lan horietan hamabost lagun ibili dira, eta horietatik zortzi gizarte bazterketa arriskuan zeuden langileak izan dira. Gainontzeko herriak Oarsoaldeko herrietan aritzeaz gain, beste hainbat herritan ere egin dituzte basoberritze lanak, hala nola, Usurbilen, Orexan, Iruran, Berastegin, Zerainen eta Ataunen. Eskualdeko datuak Oiartzun Mendiak. Pikokarate, Sarobe eta Kausua. […]

Botanika bidelagun hartuta »

Zarautz eta inguruetako landareria ezagutzeko eta botanikaren munduan sakontzeko, Arkamurka Natur Taldeak zenbait irteera antolatu ditu. Hala, Maiatza loretan lelopean, gaiari lotutako hainbat ibilbide egingo dute etzi zein datorren larunbatean. Hilaren 19an, historian zehar inguruko landareei eman zaien erabilera izango dute aztergai parte-hartzaileek. Horretarako, Aranzadi Zientzia Elkarteko kide eta etnobotanikan aditu Dani Perez gonbidatu dute. Maiatzaren 26an, berriz, Irita  (Arkamurkakoek Ihidieta esaten diote gune horri) ingurura joko dute. Antolatzaileen arabera, inguru horrek natur ikuspegitik «garrantzia berezia» du. «Eremu hau babestea ezinbesteko ikusten dugu Zarauzko hezeguneek duten bioaniztasunaren zaintza bermatzeko». Hala, eremuaren potentziala eta bertan aurki daitezkeen natur balioak aztertuko dituzte. Bi egunotan 09:00etan elkartuko dira parte-hartzaileak, Arkamurka Natur Elkartearen egoitzan (Santa Marina 2,2). Eremua naturalizatu Arkamurkako kideek «pozez» hartu dute Eusko Jaurlaritzak Iritan  industriagunea egiteko laguntzak atzera bota dituelako. Jakinarazi dutenez, duela 25 urte Erriberetako parkea delako egitasmoa aurkeztu zioten Udalari. Kanala—egun Iñurritzako Biotopoa —, Irita eta Asti babesteko eskatzen zuten bertan, besteak beste. Natur taldearen arabera, «egitasmoaren %85 onargarria» zela nabarmendu zuen orduan erakundeak. Hala ere, urtez urte Erriberetako parkea sortzeko «itxaropena» galdu dutela esan dute, herriko beste eremuetan ere ondasun naturalak «hondatzen eta desagertzen» joan direlako. Horren aurrean ez dira kikildu, ordea: «Arkamurkak beste ahalegin bat egingo du […]

Mutriku Zero Zabor taldearen aurkezpena izango da etzi, Luardo Etxean »

Hondakinen bilketaren gaia mahai gainera aterata, Mutriku Zero Zabor taldearen aurkezpena egingo da barikuan, Luardo Etxean. 18:30erako egin dute hitzordua udal ordezkariek.
Taldeak dituen helburuak eta nondik norakoak azalduko dituz

Zumaian atez ateko sistemaren aurkako herri plataforma aurkeztuko dute astelehenean »

Zumaiako herritar talde batek atez ateko sistemaren aurkako herri plataforma sortu du, eta hurrengo astelehenean, hilaren 21ean, aurkeztuko taldea, Birziklapena bai, Atez Atekorik ez lelopean. 19:00etan izango da saioa, Alondegiko Oxford aretoan, eta …

Monpaseko pasabidea dela eta, PP eta EAJ «zuritik beltzera» igaro direla salatu du Eguzkik »

 Alde ala kontra «hauteskunde estrategien arabera» egin dutela dio  Monpaseko pasabidearen egitasmoa «telesail amaiezina» da Eguzki talde ekologistarentzat eta oraindik ere saio gehiagotarako pasarteak eskaintzen jarraitzen duela zehaztu du Eguzki taldeko Juan Mari Beldarrainek. PPko udal taldeak azken hilabeteetan izandako jarrera aldaketa deskribatu du Eguzkiko kideak. PPko zinegotziek Elorzak mahai gainean jarri zuen egitasmoaren alternatiba aurkeztu zieten 2011ko abenduaren 9an udaleko Ingurumen Aholkularitza Batzordeko kideei. Ramon Gomez PPko udal bozeramaileak, baina, Uliako labarretan pasabidea egiteko aukerari ezin zaiola ihes egiten utzi plazaratu zuen aurreko astelehenean eta, egitasmoak udalbatzaren gehiengoaren (PSE-EE, EAJ eta PP) oniritzia duenez, Bilduk gehiengoaren nahia errespetatu beharko lukeela adierazi zuen bozeramaileak. PPren ildotik, EAJ ere Sagueseko pasealekua luzatzeko asmoen aurrean «zuritik beltzera» pasa dela salatu du Beldarrainek. Monpaseko proiektuaren alde ala kontra egin «hauteskunde estrategien arabera» egin dutela uste du Eguzkik. PPren jarrera aldaketa, hain justu, gobernu aldaketari zor zaiola adierazi du. Espainiako Gobernuan PP egoteak eta udalean Bildu, popularren jokabidea baldintzatu duela erantsi du Monpaseko pasabidearen gorabeherak gertutik jarraitu dituen Juan Mari Beldarrainek. Eguzki PPk abenduan egindako proposamena babesteko prest egongo litzatekeela adierazi du Juan Mari Beldarrainek. Abenduaren 9an igorritako eskutitzaren arabera, «aukera ekologikoagoa eta garbiagoa» proposatzen zuten. Azken batean, egun labarretatik doan bidea […]

Uraren inguruko hitzaldia, bihar, Cristina Enean »

Duela zenbait urte Italian uraren horniketa pribatizatzeko asmoak zirela eta, herri galdeketa egin zen eta ezezkoa nagusitu zen. Ura guztion ondare dela aldarrikatzeko borrokatu zen Tomasso Fattorik hitzaldia emango du, bihar, 19:30ean, Cristina Ene…

Hondartzen moldaketa egin beharko du uda aurretik Eusko Jaurlaritzako Portu Zuzendaritzak »

Uda denboraldia hasi baino lehenago Mutrikuko hondartzen moldaketa egin beharko du Eusko Jaurlaritzako Portu Zuzendaritzak. Erabakia Espainiako Kosta Zuzendaritzak hartu du, eta Mutriku Natur Taldeak Gipuzkoako Fiskaltzari jakin eragin dio, «ahal beza…

Monpaseko pasabidearen proiektuan udal taldeek azaldu duten «koherentzia falta» salatu du Eguzkik »

Monpaseko pasabideko proiektuaren aurrean, udal taldeek «hauteskunde estrategien» araberako jokabidea erakutsi dutela salatu du Eguzki talde ekologistak. Jarrera «zuritik beltzera» aldatu dutela eta euren jarreran «koherentzia falta» nagusitu del…

Udalak herritarren parte hartze bidez erabakiko du hondakinen kudeaketa »

Bi orduko udalbatzarra egin zuten herenegun Azpeitiko udaletxean. Gai eta mozio ugari eztabaidatu zuten, baina alderdien arteko eztabaida sutsuena hondakinen kudeaketaren inguruko mozioek eragin zuten: EAJk, Bilduk eta Hamaikabatek mozio bana aurkeztu zuten. Bilduk aurkeztutakoa bakarrik onartu zen, Bildukoen aldeko botoekin; EAJkoek eta Hamaikabatekoak kontra bozkatu zuten. EAJko eta Hamaikabatekoen mozioek euren aldeko botoak jaso zituzten, eta Bildukoen kontrakoak. Bilduko mozioaren arabera, Azpeitiko Udalak hondakinak murriztu, berrerabili eta birziklatu behar direla aldarrikatuko du. Eta Azpeitian dagoen hondakinen arazoari irtenbidea emateko, «hondakinen ahalik eta birziklapen maila altuena» lortu behar da. Bilduren arabera, «Azpeitian hondakinen %28 bakarrik botatzen da birziklatzera, eta hondakinen %90 da birziklagarria». Azpeitiko Udalak erabaki du  ahalik eta hondakin gehien birziklatzeko «gure herriko berezitasunetara egokitutako hondakinen bilketa sistema diseinatu eta ezartzea». Horretarako, herritarrei informazioa bidali eta bilketa sistemaren diseinuan «herritarrekin elkarlana bultzatzea» erabaki du udalak Bilduko mozioa onartuta. Hala, eragileek eta herritarrek parte hartzeko bitartekoak jarriko ditu udalak. Epemuga kontutan Hamaikabateko Aitor Aranguren zinegotziaren ustez, dagokion udal batzordean hondakinen kudeaketaz gutxi eztabaidatu da: «Pena ematen dit, ordubete eskas eztabaidatu eta gaia udalbatzarrera ekartzea. Hondakinen gaiak luzerako ematen du, eta lasai aztertu behar da». Horren aurrean, Eneko Etxeberria alkateak (Bildu) gogorarazi zion errausteko plantaren kontuan ekainean bukatzen dela Gipuzkoako Hondakinen […]