Pala motzeko finalerdiak, gaur, Madalensoron »

Txostek antolatutako Xanistebanetako Banakako II. Pala Motz Sariak aurrera jarraitzen du, eta gaur jokatuko dituzte finalerdiak Madalensoro pilotalekuan. 20:30etik aurrera, Aierbe eta Etxeberria ariko dira elkarren aurka lehenengo partidan. Ondoren, So…

Previa Kutxa 2012 txapelketako finala jokatuko du Jon Juaristik larunbatean »

Sasoian.info. Previa Kutxa 2012 txapelketako finala jokatuko du Jon Juaristi erremontista zarauztarrak larunbat honetan, Aizpurua II.aren aurka. Hitzordua 17:00etan izango da, Hernaniko Galarreta pilotalekuan. Bi pilotariek gaur aukeratu dituzte partidan erabiliko duten materiala. Finalean, erremonte jokalari zarauztarra jotzen dute faboritzat. “Iaz txapelketa hasi eta berehala joan nintzen kalera, eta desengainu handia izan zen. Aurten azken txanpara iritsi naiz, baina finala irabazi ezean, txapelketan zehar egindako jokoa eta irabazitako partidek ez dute balio ezertarakol”. Txapelketa irabaziko balu, Juaristik Torneo Kutxa garrantzitsua jokatzeko txartela lortuko luke, momentuko bost erremontista onenen aurka: Ezkurra, Urriza, Zeberio II.a, Urrutia I.a eta San Miguelekin batera ariko litzateke, alegia.

Euskaraz Bizi Nahi Dut herri lasterketa egingo dute irailean »

Ttur-ttur eta herriko hainbat kirolari ari dira antolatzen; irailaren 22an izango da, arratsaldez Euskararen Erakundeen Kontseiluak lehengo astean jakinarazi zuen, irailaren 22an Euskal Herriko hainbat herritan Euskaraz Bizi Nahi Dut herri lasterketak egingo dituztela: «Euskaraz bizitzeko nahia, harrotasunez eta elkar hartuta adierazteko beste aukera bat izango da». Oiartzunen ere, lasterketa antolatzea erabaki dute. Ttur-ttur Euskaltzaleon Bilgunea eta herriko hainbat korrikalari elkarlanean ari dira hori antolatzeko: «Ekimen osasungarri honen bidez, euskaraz bizitzeko nahia agertu nahi dugu». Ttur-tturretik nabarmendu dutenez, lasterketaren helburua ez da lehiatzea izango, familia giroan edota lagunartean parte hartzea baizik: «Kirola eginez ongi pasatzea da helburua; euskaraz, noski». Haurren lasterketak eta helduena izango dira. Haurrenak, hiru: 6-8, 8-10 eta 10-12 adin tartekoentzat. Eta helduenean, 12 urtetik gorakoek parte hartu ahal izango dute. Azken lasterketa horretakoek, banaka edo 4-6 pertsonako taldeetan egin ahal izango dute korri. Gainera, oparien zozketak, haur jolasak eta txokolate jatea ere izango direla iragarri dute. Izena emateko Lehia ez izan arren, parte hartzeko izena eman behar da. Haurrek ez dute ezer ordaindu behar parte hartzeko, bai ordea, Euskaraz Bizi Nahi Dut kamiseta eskuratzeko (5 euro). Helduek, berriz, 5 euro ordainduko dute izen-ematea, eta 10 euro, kamisetarekin parte hartu nahi izanez gero. Ttur-tturrek zehaztu du irailaren hasieran […]

Iker Karrera Chamonix eta Zermatt arteko marka saiakera egiten hasiko da, 19:00etan »

Iker Karrera amezketarrak erronka berria du. Frantziako Chamonixetik abiatuko da gaur, 19:00etan, eta Suitzako Zermatt mendira arteko 115 kilometroak egin beharko ditu lasterka. Mendi lasterkariak Alpeetako bi mendi esanguratsuenak lotuko ditu: Mont Blanc eta Zerbino. Aurreko astea bertan pasa du entrenamendu saioak egiten. Hiru etapatan egin du ibilbidea, eta azken zatia izango du zailena. Oraingo artean dagoen 18 ordu eta 50 minutuko errekorra hautsi nahi du lasterka. Bakarrik eta gelditu gabe egingo du. Hamabi glaziar gurutzatuko ditu, eta oso altura handian ibiliko da. Goi mendian egingo du korri eta 9.000 metroko desnibela izango du, «konpromiso eta maila handiko» erronkari aurre egingo dio.  «Gogorra izango da, baina inoiz egin dudan gauzarik politena izango da», adierazi du.

Basurdeak, Europara »

Bizkaia Gernika Rugbyk Europa mailako Amlin Challenge Cup-a jokatuko du datorren denboraldian, Quesos Entrepinaresek eta Ampo Ordiziak Europan jokatzeko txartelari uko egin ostean. Txapelketa horretan parte hartzea «oso garrantzitsua» izango da taldearentzat, Marcos Larrauri Bizkaia Gernika Rugbyko managerraren esanetan. Gainera, Gernika-Lumoko, Bizkaiko eta Euskadiko errugbiarentzat be garrantzitsua izango dela uste du. Horregatik, «aprobetxatu beharra dagoen aukera» bat dela dio Larraurik. «Txapelketan parte hartzeko erabakia hartu dugu, baina ez dugu inolako zorakeriarik egingo». Taldeko managerrak dioenez, «denbora dexente» hartu dute Europan jokatu ala ez erabakitzeko; denbora horretan parte hartzearen alde onak eta txarrak begiratu dituztela dio. Bestalde, Larrauriren ustez, «Europako maila oneneko jokalariak» lehiatuko dira txapelketa horretan; horregatik, errugbilari batentzat bertan parte hartzea «asko» dela dio. Hartara, taldeko jokalariak «oso pozik» egon beharko lirateke Larrauriren ustez; izan be, tankera horretako aukerak «gutxitan» izaten dira bizian. Beldurrik barik zelaira Hala, gernikarrek Perpignan (Frantzia), Worcester Warriors (Erresuma Batua) eta Femo-CZ VEA Rovigo (Italia) taldeen aurka jokatuko dute Amlin Challenge Cup-en. Larraurik azaldu bezala, talde horiek Gernika-Lumokoen liga baino «askoz gorago» aritzen dira. Izan be, azaldu duenez, «aurkarien aurrekontua osoa handia izaten da urtero, eta, gainera, nazioarteko hainbat jokalari be badituzte taldean». Horregatik, «errespetu handiz» ikusten dituzte aurkariak; dena den, «inongo beldurrik barik». Bitartean, […]

Meakaurreko frontoi barriztua inauguratu dute »

Morgako herritarrek Meakaur auzoko frontoian jokatzeko aukera izango dute, aurrerantzean. Frontoiko hormak eta lurzorua egoera txarrean zeudela eta, Morgako Udalak pilotalekua barrizteko lanak hasi zituen iaz, eta gaur inauguratu  dute auzoko kirol a…

Gorka Izagirrek irabazi du Ordiziako Klasika »

Gorka Izagirre ormaiztegiarrak irabazi du Ordiziako 89. Klasika. Hasierako kilometroetan Dmitry Sokolov errusiarra ibili bada ere aurretik, Izagirrek eta Johan Chavezek ihes egitea lortu dute, seiko talde bat atzetik zutela. Zaldibiatik Ordiziarako bi…

Beasainek larunbatean jokatuko du aurre denboraldiko lehen partida »

Pasa den astean hasi zituen Beasainek opor ondorengo lehen entrenamenduak. Taldea aurpegi berriz beteta dator, eta datorren denboraldia prestatzeko, sei partida antolatu dituzte udarako. Aurrenekoa Pasaiaren kontra jokatuko dute, larunbatean, 17:30ea…

Dmitry Sokolov errusiarra ihes eginda doa lasterketaren buruan »

Goizeko 10:00etan abiatu dira Ordiziako Klasikan parte hartzen ari diren 130 txirrindulariak Ordiziako herrigunetik. 166 kilometroko ibilbidea egin beharko dute, tartean, Altzoko eta Larraizko gainak pasata.
Lasterketa erdialdera gerturatzen ari da dag…

Ordiziako Klasikoa sartu da Tolosaldean »

Goizeko 10:00etan eman zaio hasiera Ordiziako Klasikoari. Minutu gutxiren buruan sartu da Tolosaldean Ikaztegietatik. 117 txirrindulari atera dira, eta dagoeneko ihes egiten saiatu dira lehen txirrindulariak. Bost itzuli egingo dituzte; Amezketat…