Mapfre ontziak arazoak izan ditu »

Xabi Fernandez ibartarrak eta Iker Martinezek arazoak izan dituzte Barcelona Word Racen.
Mapfre ontziaren drizetako bat hautsi zaie eta ordu luzez geldirik egon behar izan dute. Baina lurra ukitu gabe ontzia konpontzea lortu dute eta bidean doaz. Berai…

Portugalen lehiatuko da Ekaitz Saies asteburuan »

Portugaleko Montemayor o Velhon lehiatuko da Ekaitz Saies piraguista asteburuan. Izan ere, nazioarteko NELO Winter Challenge egongo da jokoan. Zehazki, larunbatean, 2.000 metroko erlojupeko proba egin beharko du Saiesek eta igandean, berriz, 200 metrok…

Ligari eta Jim Dixoni agurra »

Berezia izango da dudarik gabe igandean Ampo Ordiziak eta liga irabazi duen La Vila taldeak Altamiran jokatuko duten partida. Berezia izango da ligako azken partida delako, txapeldunaren aurka jokatuko dutelako goierritarrek, eta irabaziz gero bigarren bukatuko dutelako sailkapenean. Eta berezia zaleek festa prestatu dutelako eguerdi-arratsalde parterako, eta azken hiru urteetan kirol zuzendari izan den Jim Dixonek ere agur esango duelako. Partida 12:00etan da. Orain hamabost egun etziko partida bereziagoa izango zela zirudien, gehiengoak uste baitzuen liga Altamiran erabakiko zela, baina tristura une hori pasata, igandekoarekin gozatzea beste erremediorik ez dago. Ampo Ordiziaren denboraldia, hala ere, bikaina izan da. Axio Arañak argi hitz egiten du: “Beti gehiago nahi izaten dugu, baina egin dugun denboraldia txapela kentzeko modukoa da. Mailari juxtu-juxtu eustetik ligarengatik borroka egitera pasa gara. Pena izan zen Valladoliden gertatutakoa, baina orain liderra dugu aurrean, eta irabazi egin nahi diegu garaipena zaleei eskaintzeko”. Jim Dixonen agur eskutitza Igandeko partidara begira, bi baja nabarmen izango ditu Ampo Ordiziak. Batetik, Tom Parkerren hutsunea betetzera etorri zen Damian Lloyd Australiara itzuli da dagoeneko, eta azken partidarako osatu ez dena Phil Huxford da, medikuek beste bi astez geldirik egoteko agindu baitiote. Eta aurrerantzean baja izango dena Jim Dixon Ordizia Rugby Elkarteko kirol zuzendaria da. […]

“Daukagun lokala oso txikia geratu zaigu” »

Bost urte daramatza Groseko Indarra surf taldeak Zurriola hondartzan duen lokala handitzeko eskaera egiten Udalari. Izan ere, 1980an kluba sortu eta handik urte gutxira lokala eskuratu zutenetik ez du hobekuntza handiegirik lortu. Aurten, zerbait lortzeko esperantza dute klubeko arduradunek eta lanak lehenbailehen hastea da beraien nahia. Egungo lokalak 100 metro koadro inguru ditu eta ondorioz, arropaz aldatzeko eta surf taulen biltegi moduan darabilte batik bat, ez baitute beste askorako lekurik. Groseko Indarrako Jesus Jimenezekin bildu da Irutxuloko Hitza eta beraien beharren berri eman dio. Edonola ere, arazoa argi daukate, “daukagun lokala oso txikia geratu zaigu”. Egun, 250 bazkide ditu klubak eta itxaron zerrenda dute, ezinezkoa zaielako jende gehiago hartzea, dituzten azpiegitura arazoengatik. “Hasieran, Sagueseko berrikuntzen barnean zegoen gure lokalaren zabalkuntza, baina datak atzeratzen ari dira eta ez da aldaketarik egon. Uste dut finantziazioa dela arazoa”. Zehazki lokalak 140 metro koadro ditu eta lekua ia hirukoiztea da proiektuaren asmoa, pasealekuaren azpian zuloa handituz. Hala, 400 metro koadroko lokala lortu arte. Jimenezek azaldutakoaren arabera, dagoeneko Udalak proiektua osatu dauka iazko urte bukaeratik. Gainera, Kostalde-baimena betetzen du, behin agindutako aldaketak eginda. “Arkitektuak gurekin harremanetan jarri ziren eta gure beharren berri eman genien”, azaldu du Jimenezek. Egoitza berriak gimnasio txiki bat eta eskola teorikoak […]

Nagusitasunez irabazi du Laskorainek etxean jokatutako partida »

Larunbatean, Usabalgo polikiroldegian jokatu zuen Laskorainek Gernikako Zuzenbide-Naturgas taldearen aurka, eta sufrituta baina nagusitasunarekin irabazi zion 5-2ko emaitzarekin. Aurkaria sailkapeneko postu erosoetan dago kokatuta, eta beraz, talde arr…

Zizurkil trindoor lehiaketatik kanpo geratu da »

Trindoor lehiaketatik kanpo geratu dira zizurkildarrak. Larunbatean jokatu zen Trindoor kanporaketa Hondarribi eta Zizurkil artean. Lehia estua eta maila onekoa izan zen. Hondarribi sailkatu zen, aurtengo ekitaldiko hirugarren denborarik onena eginda….

Tolosaldeak marka bikainak lortu ditu Gipuzkoakoan »

Gipuzkoako Txapelketa jokatu da azken asteetan eta bertan parte hartu du Tolosaldea I. K. T igeriketa taldeak. Gainera, emaitza bikainak lortu zituzten bertan. Izan ere, 7 aldiz lortu zuten Gipuzkoako Txapeldunak izatea. 12 zilarrezko domina eta 9 bro…

Maider Mendizabalek hirugarren postua eskuratu du Kutxa Sarian »

Maider Mendizabalek eta Casetek Frontoi Motzeko Emakumeen Gomazko Paletako Kutxa Saria 2011 txapelketaren hirugarren postua lortu zuten, larunbatean Beotibarren jokatutako partidan 23-30 irabaziz. Txapela Etcheleku-Montes bikoteak jantzi zuen 30-19 gar…

Arrospidek nagusietan lortu ez duen txapela jantzi du Zabaletak gaztetxoenetan »

Iñaki Azurmendik eta Aitzol Atutxak irabazi zuten igandean Anjel Arrospideren eta Ugaitz Mugerzaren aurka Azpeitian jokatu zen Urrezko Aizkorako Binakako Txapelketa. Aldiz, Mikel Zabaleta leitzarrak eta Eneko Otañok Gaztetxo mailako txapela eskuratu zuten Eloy Kortxeroren eta Iker Vicenteren aurka jokatu zuten finalean. Giro bikaina izan zen Azpeitiako Izarraitz pilotalekuan, ehunka ikusle izan baitziren harmailetan. Aizkolariek sei proba egin zituzten. Lehenengo lau probetan parean ibili ziren bi bikoteak, baina, bi 60 ontzako moztu behar zituzten, bakoitzak bana. Leaburukoari adabegidun egurra tokatu zitzaion, eta arazoak izan zituen lana amaitzeko. Honela, gauzak erabakita gelditu ziren, txapeldunek bi 60 ontzakoak 4 minutu eta 39 segundoan moztu baitzituzten eta 5 minutu eta 20 segundoan, berriz, Arrospidek eta Mugerza II.ak. Seigarren probara alde handiarekin iritsi ziren Arriarangoa eta Dimakoa, eta aurkariak, aldiz, nahiko etsita zeuden azken proban. Lehen zuten aldea, areagotu egin zuten irabazleek. Beraiek 16 minutu eta 49 segundo behar izan zituzten, eta gipuzkoarrek 18 minutu eta 13 segundo. Guztira txapeldunek 29 minutu eta 19 segundo behar izan zituzten proba guztiak amaitzeko eta Arrospidek eta Mugerza II.ak 31 minutu eta 39 segundo behar izan zituzten proba guztia amaitzeko. Txapelketa guztian zehar bikain ibili diren arren, ez zuten egunik onena izan gipuzkoarrek eta azkenean desberdintasun handiarekin […]

Bostetik final bakarra irabazi dute eskualdekoek Euskal Herriko Txapelketan »

Eskualdekoek bost final jokatu dituzte asteburuan Euskal Herriko Kluben Arteko Txapelketan eta garaipen bakarra lortu dute. Zazpi Iturriko Erik Jaka lizartzarrak lortu du txapela jubenilen mailan Doneztebe elkarteko Lasaren aurka 22-16 irabaziz . Zazpi Iturriko Xalton Zabalak azaldu duenez, gaizki hasi zen partida, Lasak sakea erabili baitzuen mina egiteko. «Asko jo zion Lasak», dio Zabalak. «Gero Jaka asmatzen hasi zen eta 12-9 galtzetik 12-19ra iritsi zen. Lan asko egin behar izan zuen Jakak partida irabazteko». Lizartzarrak partida bakar bat galdu gabe eskuratu du txapelketa. Aurrera-Saiaz elkarteko bi bikote lehiatu ziren finaletan. Nagusien ohorezko mailan Urbietak eta Telletxeak 22-16 galdu zuten Hernaniko elkartekoen aurka. Aurrera Saiazeko Luis Galarragak azaldu duenez, «beroketan ari zela pilota sartu zitzaion Telletxeari eta horrek partida baldintzatu zuen». Urbietak lan handia egin zuela dio Galarragak eta 18 urterekin nagusien ohorezko mailako finalean aritzea nabarmendu du. Kadeteetan Mujika eta Iruretagoienak 19-22 galdu zuten Segurako elkartekoen aurka. «Ez zuten bere maila eman», esan du Galarragak. «Ez ziren partidan sartu. Opari asko egin zituzten eta horrela irabaztea zaila da». Orokorrean gustura azaldu da Luis Galarraga Aurrera Saiaz elkarteko pilotariek egindako txapelketarekin. Gazteleku elkarteko Tolosa anoetarrak 18-13 galdu zuen Burlatako Agirreren aurka kadeteen banakako mailan, partida gogor batean. Mikel Belloso tolosarrak […]