Tolosa Kup txapelketako bilera izango da astelehenean »

Datorren astelehenean, hilak 26, Tolosa Kup koadrila arteko areto futbol txapelketaren inguruko bilera izango da. 18:00etan hasita, Tolosako Udaleko Berdintasun eta Gazteria sailek ideia berrien ekarpenak egin eta jasotzeko helburua dute.

Pasaka herri txapelketa antolatu nahi du Txostek »

Errebotearen ondoren, pasaka berreskuratzeko lanetan dabil Txost. Hala, Pasaka I. Herri Txapelketa antolatu nahi du, edonorentzat, eta pilota bigunekin. Interesa dutenek, bihar 19:30ean Kontzejupetik pasatu behar dute, informazio bilera egingo baitute….

Aritz Lasa, pilota aukeraketan »

Atzo egin zuen Aritz Lasa pilotari urretxuarrak ostiraleko partidarako pilota aukeraketa. Txapelketako azken partida izango du, eta Zubietaren ordez, Peñgarikano izango du lagun. Aurrean, Olaizola II.a eta Oier Mendizabal izango dituzte. Gotzon Aranb…

Realak Levanteren aurka galdu du Anoetan, markagailuan aurrea hartu arren (1-3) »

Reala eta Levanteren arteko partidan kanpotarrek lortu dute garaipena, donostiarrek lehen minutuetan markagailuan aurrea hartu arren (1-3). Txuri-urdinak partidari buelta ematen saiatu dira bigarren zatian, atsedenaldira dagoeneko galtzen joan baitira. Saiatu, asko saiatu dira, baina zorterik gabe. Izan ere, Gorka Elustondori bigarren txartel horia atera diote 57. minutuan. Hortaz, Reala jokalari bat gutxiagorekin gelditu da azken ordu erdian. Luzapenean, Levanteko jokalari Xavi Torresek partida erabaki du, hirugarren gol bat lortuta. Donostiarrek burumakur hartu dute aldageletako bidea, Konek 1-2koa jarri baitu 45. minutuan. Partidaren gakoa hor egon da. Lehen zatiaren bukaera ez ezik, partidaren hasiera ere eroa izan da. Bi gol izan dira lehen hamar minutuetan. Realak lehen gola egin du 6. minutuan, Carlos Velari esker (1-0). 11. minutuan, ordea, epaileak penaltia adierazi du txuri-urdinen aurka, Iñigo Martinezek eginda, eta Levantek berdindu du (1-1), Barkeroren bitartez. Minutu batzuen buruan, berdinketak eman dion konfiantzak bultzatuta, Levante nagusi izan da. Bi aukera garbi izan ditu; Bravok geldiketa bikain bati esker, esaterako, Koneren gola ekidin du. Geroago, Realak berreskuratu du jokoaren ekimena, baina ez du arrisku gehiegirik sortu. Montanierrek zuzendutako jokalariak lehen zatiaren azken txanpan hurbildu dira gehien aurkariaren atera, baina Konek 1-2koa jarri du atsedenaldiaren atarian. Partidaren bukaeran, 1-3koa jarri du Xavi Torresek. […]

Reala jokalari bat gutxiagorekin ari da bigarren zatian, Elustondori gorria atera eta gero (1-2) »

Reala eta Levanteren arteko partida bigarren zatian da Anoetan. Txuri-urdinak partidari buelta ematen ahalegintzen ari dira, atsedenaldira galtzen joan baitira (1-2). Momentuz, saiatu, saiatzen ari dira, baina zorterik gabe. Izan ere, Gorka Elustondori…

Reala-Levante: 20.722 ikusle »

Reala eta Levanteren arteko partida ikusteko 20.722 ikusle hurbildu dira Anoetara, norgehiagokaren atsedenaldian Realak emandako datuen arabera. Sarreren bitartez, 5.680 euro bildu ditu klubak.

Kiroldegia Eskola Kiroleko egoitza lehenengo aldiz »

Aurreko asteburuan Donibaneko kiroldegia eskola kiroleko benjaminen eskubaloiko egoitza moduan estreinatu zuten. Pasaiako Udalak azken hilabetetan kiroldegiko pistan hainbat egokitzapen egin ditu: benjaminentzako egokiak diren 3 zelai markatu ditu zabaleran, eta jasotzen diren 6 ate egin ditu. Horri esker, 3 ordutan 18 talderen arteko 9 partida jokatzeko aukera lortu da, guztira ia 200 kirolari hartuz. Eskola Kiroleko programa 8 eta 12 urte arteko haurrek eskola orduz kanpo gehien egiten duten jarduera dela kontuan hartuz (guztira 1200 neska-mutil), ikasturtean zehar jokatzen diren 21 jardunaldiak programatzeko, instalazioen erabilerak %100ekoa izan behar du. Partida kopuru handia dela eta, eskualdeko kirol instalazioetan sartzeko ordutegi arazoak izaten dituzte antolatzaileek. Hortaz, primerako egokitzapena izango da Donibanen egindakoa. Egokitzapen horrekin konponbidea eman zaio Pasaiak historikoki eskualdearekiko izan duen mendekotasunari. Lan egunetan Pasaia Lezo Lizeoak egunero egiten ditu saioak bertako pistetan eta kiroldegian egindako egokitzapenari esker, pista estalian entrenatzeko aukerak biderkatu egingo dira. Aurreko larunbatean egindako proba ohitura bilakatuko da Aste Santutik bueltan. Ikasturte bukaera bitartean astebururo Oarsoaldeko benjamin guztien eskubaloiko egoitza berria izango da Donibaneko kiroldegia.

Eskualdeko cricketa, bihar HITZA-n »

Bihar, Arkupean gehigarrian, eskualdeko cricket taldeei buruzko erreportajea. Errealitatea eta ametsak, eta joko horren inguruko zenbait xehetasun.

Kirolkide foroa martxan jarri du kirol patronatuak »

Kirol patronatuak Kirolkide Komunitatea foroa jarri du martxan kirolari nahiz kirola gustuko duten herritarrentzat. Erabiltzaileek, erregistratu ondoren, hainbat gairen gaineko iritziak emateko aukera izango dute. Gaiak patronatuak zein erabiltzaileek …

Cricketa eskualdean, bihar HITZA-n »

Bihar, Arkupean gehigarrian, eskualdeko cricket taldeei buruzko erreportajea. Errealitatea eta ametsak, eta joko horren inguruko zenbait xehetasun.