Tolosan geratzen den azken karobia »

Ikus hemen karobia berreskuratzeko egindako lanen bideoa. Erakusten duen edertasuna ukaezina da. 500 metroko altueran kokaturiko balkoi ederra da, eta bertatik Tolosaldea eta Beterriko mendiak, edota Nafarroakoak, eta itsasoa bera ere begizta daitezke. Ikuspegi zoragarri hauei, paseotxoak egiteko ibilbide politak edota landa auzo baten berezko ezaugarriak gehitu behar zaizkie. Urkizuk, baina, baditu hain agerikoak ez diren bestelako altxorrak ere. Gorostizu baserriaren lurretan dagoen karobi zaharra, esaterako. Duela gutxira arte, ordea, altxorretik gutxi zuen karobiak. Baserriko jabeek, Joxe Mari Etxeberriak eta Ixiar Otamendik, azaldu bezala, «erabat hondaturik zegoen, eta zikinkeria ugari zuen pilatuta». Elementu hark izan zezakeen balioaz ohartuta, Burdina taldearekin harremanetan jartzea erabaki zuten, berreskuratzeak merezi zuen ala ez jakite aldera. Ondare historikoaren berreskurapenean lan egiten duen boluntario taldea da Burdina taldea. Xabier Arruti Txanka taldeko kideak azaldu bezala, euren helburua «elementu hauek zaharberrituz gure arbasoek zuten bizimodua eta lan egiteko modua herritarrei erakustea da, gure historiaren zati hori ahanzturan gera ez dadin». Asko dira Tolosaldean nahiz Leitzaldean eginak dituzten lanak. Azkena, Leitzarango Tolare meatzean eginikoa. Hainbat karobi eta meategi zaharberritu berri dituzte bertan. «Berreskuratzeak merezi du» Bada, Urkizura joan ziren karobia gertutik ikustera, eta ez zuten zalantzarik izan: «Oso egoera txarrean zegoen arren, berreskuratzeak merezi zuela esan genien; egia […]

Miguel Gutierrez gasteiztarrak irabazi du Mikel Essery Bidaia Kontakizun Lehiaketa »

Txapeldunaren kontakizuna beste 17 kronikekin batera argitaratu dute ‘Mampo Poa 4’ liburuan Bost urte igaro dira Mikel Essery beste bederatzi lagunekin batera Yemengo atentatu batean hil zutenetik. Zarauztarra zen Essery, baina Egian bizi zen eta Intxaurrondo Hegoa Ikastetxeko ikasketa burua zen. Bere omenez, Mikel Essery Bidaia Kontakizun Lehiaketa antolatzen hasi ziren duela lau urte. Aurten, 53 bidaia kronika jaso dituzte, horietako 37 gazteleraz, 4 euskaraz, 4 ingelesez eta 8 katalanez. Miguel Gutierrez gasteiztarrak irabazi du lehia, Viaje a los ojos de Wanda lanarekin. Lan irabazlearekin batera, aurkeztutako lanetatik beste 17 hautatu ditu epai-mahaiak, eta Mambo Poa 4 liburua argitaratu dute. Gutierrez kazetaria eta idazlea da, baita bidaiaria ere, eta hainbat liburu argitaratuak ditu. Gutierrez oso pozik dago lehiaketa irabazteagatik, eta oso lehiaketa polita iruditzen zaiola dio. Datorren urteko lehiaketako oinarriak jarriak daude, eta kontakizunak 2013ko urtarrilaren 1etik maiatzaren 1era bidali beharko dira. Informazio gehiagorako: www.mikelmunduan.net.

‘Begirada berriak arkitekturan’ erakusketa ireki dute Añorgan »

Arkitektura Eskolako kurtso bukaerako 15 lan onenak bildu dituzte Museum Cemento Rezolan Añorgako Museum Cemento Rezolan Begirada berriak arkitekturan erakusketa zabaldu dute. Euskal Herriko Unibertsitatearen Donostiako Arkitektura Eskolako hainbat lanek osatzen dute erakusketa; zehazki, 2011-2012 ikasturte bukaerako 15 proiektu onenak bildu dituzte. Proiektu bakoitzaren azalpenak museoaren hormetan banatuak daude, eta ondoan, bakoitzaren maketa. Erakusketa atzo zabaldu zuten, eta 2013ko martxoaren 3a arte egongo da ikusgai. Gainera, arkitekturak egungo gizartean duen eraginaren inguruko hitzaldiak antolatuko dituzte erakusketaren harira. Erakusketak museoko bi gela bete ditu, eta ikus-entzunezko labur batekin osatu dute. Bertan, ikasle bakoitzak bere proiektuaren nondik norakoak azaltzen ditu, labur-labur. Proposamen ausartak Ikasleek denetariko proposamen ausartak egin dituzte euren proiektuen bidez, haur udalekuetarako gunea Irunen, Madrilgo Jai Alai frontoiaren berreraiketa, Euskadiko Arte Eszenikoen Eskola Bilbon… guztien artean bada Donostian kokatua dagoen bat. Izan ere, Ulian XIX. Mendeko Gipuzkoako Gotorlekuen Interpretazio Zentroa sortzea proposatu du Kristina Aranburuk (Pasai Antxo, 1987). Ideia izan zuenetik, bi urte behar izan ditu Aranburuk lan guztia osatzeko, eta guztiaren berri zehatza eman dio Irutxuloko Hitzari. «Donostia begiratuta, proiektua oso leku estrategiko batean kokatu nuen. Donostiako lurretan dago, naturan, baina gertu. Gainera, aspalditik berreraiki nahi izan dute, berrerabiltzeko; baina sekula ezin izan da egin diru faltagatik. Potentzial handiko proiektua […]

«Aktore aritzea aldaketa handia izan da, baina ez diot garrantzia berezirik ematen» »

Ekitaldi berezia antolatu dute biharko, ostirala, Ikaztegietan, Kulturaldia egitarauaren barruan. 20:00etan Jose Mari Garmendiak (Ikaztegieta, 1947) parte hartzen duen zenbait film labur emango dituzte udaletxearen behe solairuko aretoan: Itzalak, Hara nun ziran…?!, Lubaki eta Esna gaitezen. Bertan izango dira Garmendia eta Iñaki Beraetxe aktorea, aurkezpen lanak egiteko. Ondoren, Herri Ostatuan euskal afaria egingo dute, 21:00etan hasita, eta afalostean, Ugane auzoko Unai Urretabizkaiak eta Jone Garmendiak kantaldia eskainiko dute. Goenkale telesailan hasi zinen aktore lanetan, Antonio pertsonaia egiten. Nola sortu zen aukera hori? Legorretako festa batzuetan, Alex Ezkurdia Goenkaleko zuzendariak telefono zenbakia eskatu zidan. Bere aita Ramonekin harremana nuen. Nire zenbakia zertarako behar zuen galdetu nion, eta berak Goenkalen sartzeko zela erantzun zidan. Nik erotuta zegoela esan nion eta berak alperrik ari nintzela, deituko zidala. Eta hala, pare bat astetara deitu zidan eta hara joan nintzen gustura, umea zapata berriekin modura. Ondo moldatu zinen giro horretan? Pixkana pixkana joan nintzen giro horretan sartzen, eta oso gustura. Grabatzera joaten ginenean, oso goiz egon behar izaten genuen bertan, baina, egia esan, oso gustura aritu nintzen Goenkalen egin nituen bost urte horietan. Gure lana normalean lehenengoan egiten genuen, zuzendariak ez zigun eszena errepikarazten. Zaila izaten zen gidoia ikastea? Hasieran esaten nien ea nola ikasiko […]

Animazioari eskainiko dio Zinemaldiak atzera begirakoetako bat »

Animatopia. Animaziozko Zinemaren Bide Berriak izango da 61. Zinemaldiaren atzera begirakoetako bat. Genero horren barruan eta azken hamarkadan nazioartean ekoitzi diren lanen panoramika eskainiko dute bertan. Proposatu dituzten filmak generoari “oker ezarri zaizkion mugetatik”, “familiako entretenimendu zintetatik” edo “fantasiazko abenturetatik” harago doazela adierazi du jaialdiak. Donostiako Zinemaldiak ez du aurreratu zein film izango diren zikloan baina “izan daitezkeen” pelikulen zerrenda eman du: Waking Life (Richard Linklater, 2001), My Life As McDull (Toe Yuen, 2001), Hair High (Bill Plympton, 2004), Mind Game (Masaaki Yuasa, 2004), The District (Aron Gauder, 2004), Paprika (Satoshi Kon, 2006), Princess (Anders Morgenthaler, 2006), Taeguchi: Life of the Amazing Fastfood Grifters (Mamoru Oshii, 2006), Renaissance (Christian Volckman, 2006), Waltz with Bashir (Ari Folman, 2008), Mary and Max (Adam Elliot, 2009), Metropia (Tarik Saleh, 2009), Fantastic Mr. Fox (Wes Anderson, 2009), Chico & Rita (Fernando Trueba, 2010), Crulic (Anca Damian, 2011), Alois Nebel (Tomás Lunák, 2011), Tatsumi (Eric Khoo, 2011), Arrugas (Ignacio Ferreras, 2011), Gordo, calvo y bajito (Carlos Osuna, 2011) eta A Liar´s Autobiography (Bill Jones, 2012). Atzera-begirakoa osatzeko, jaialdiko Hautaketa Batzordeko kide Roberto Cuetok koordinatutako liburu bat argitaratuko dute.

Euskararen Eguna aste osoan zehar ospatuko dute Ordizian »

Astelehenean, abenduak 3, ospatuko da Euskararen Nazioarteko Eguna, eta horren harira, asko eta asko dira Ordizian antolatu dituzten ekitaldiak. Euskararen Astea ospatuko dute, Euskara ahoan, ibili munduan lelopean.
Etzi, zapatua, Orkli lantegikoek Eu…

Hamar urteen irudiekin bideoa osatu du Kukaik »

Kukai dantza konpainiak hamar urte bete ditu aurten, eta ibilbide osoan bildutako argazkiekin bideo bat osatu du. Horrez gain, hainbat pasarte eta hainbat ikuskizunen zatitxoak ere jaso dituzte ikus-entzuneko horretan.
Urrian hamarkadan zehar ateratako…

Musikari buruzko mahai ingurua Alegiako Gaztetxean »

Alegiako Gaztetxearen 25. urteurreneko ekitaldiei hasiera emango diete bihar, ostirala, 19:00etan. Musikari buruzko mahai ingurua egingo dute 1980ko hamarkadako musika eszenako kide izandakoak eta egun musika munduan diharduten musikariak. Iñaki Nabarro, Andoni Tolosa Morau, Okene Abrego eta Joxi Ubeda ariko dira hizlari moduan eta moderatzaile lanetan Koldo Otamendi izango da. Alegiako Gaztetxean bertan egingo da solasaldia Mahai inguruaren ondoren, garagardo azoka antolatu dute; bertako garagardo artisauak ere dastatzeko aukera izango dugu. Ondoren saiheski eta gaztaina jatea egingo dute, eta, ekitaldiari amaiera emateko, 22:30ean kontzertuak: Okene Abrego & Mariano Hurtado, Morau eta Petti.

Gernika-Lumon erabakiko dira finalistak, domekan »

Domekan jokatuko da Bizkaiko Bertsolari Txapelketako hirugarren eta azken finalaurrekoa, Gernika-Lumoko Jai Alai frontoian. Bada, saio horretan erabakiko da zeintzuk bertsolari egongo diren aurtengo finalean. Gernika-Lumoko saioan Ibon Ajuria gernikarra (Balmasedako saioko irabazlea), Iratxe Ibarra markina-xemeindarra (Berriatuko kanporaketako irabazlea) eta Joseba Artza etxebarritarra (puntuen arabera sailkatutakoa) izango dira Lea-Artibaiko eta Busturialdeko ordezkariak. 17:30ean hasiko da saioa, eta Maite Berriozabal ariko da aurkezle lanetan. Epaileak, aldiz, Jurgi Fuentes, Iñaki Aurrekoetxea, Gorka Intxaurbe, Jon Jaio, Josu Telleria eta Mirari Azula izango dira. Bertsolariek egin beharreko lanari dagokionez, lehenbizi, gaia emanda eta binaka, hiruna bertso osatu beharko dituzte zortziko handian, beste hiruna zortziko txikian eta beste hiruna hamarreko txikian. Kartzelako lana egin beharko dute ondoren, eta hasierako puntua emanda bertso bi osatu beharko dituzte gero, zortziko txikian. Amaitzeko, gaia emanda hiruna bertso osatu beharko dituzte, doinu eta neurri librean. Irabazlea, finalera Gernika-Lumoko saioaren irabazleak zuzenean lortuko du finalerako txartela. Gainontzekoek, ostera, puntuazioaren arabera edukiko dute Miribillako Bilbao Arenan jokatuko den finalean sartzeko aukera. Basauriko Artunduaga kiroldegian jokatu zen lehenengo finalaurrea, eta Durangoko Landakonbigarrena. Hurrenez hurren, Arkaitz Estiballes galdakoztarra eta Etxahun Lekue larrabetzuarra nagusitu ziren, finalean egoteko aukera bereganatuz. Bada, oraingoz ez da Lea-Artibaiko eta Busturialdeko bertsolaririk sailkatu finalerako. www.bertsosarrerak.eu webguneagaz izandako arazo batzuk […]

Gernika-Lumon erabakiko dira Bertsolari Txapelketako finalistak »

Domekan jokatuko da Bizkaiko Bertsolari Txapelketako hirugarren eta azken finalaurrekoa, Gernika-Lumoko Jai Alai frontoian. Bada, saio horretan erabakiko da zeintzuk bertsolari egongo diren aurtengo finalean. Gernika-Lumoko saioan Ibon Ajuria gernikarra (Balmasedako saioko irabazlea), Iratxe Ibarra markina-xemeindarra (Berriatuko kanporaketako irabazlea) eta Joseba Artza etxebarritarra (puntuen arabera sailkatutakoa) izango dira Lea-Artibaiko eta Busturialdeko ordezkariak. 17:30ean hasiko da saioa, eta Maite Berriozabal ariko da aurkezle lanetan. Epaileak, aldiz, Jurgi Fuentes, Iñaki Aurrekoetxea, Gorka Intxaurbe, Jon Jaio, Josu Telleria eta Mirari Azula izango dira. Bertsolariek egin beharreko lanari dagokionez, lehenbizi, gaia emanda eta binaka, hiruna bertso osatu beharko dituzte zortziko handian, beste hiruna zortziko txikian eta beste hiruna hamarreko txikian. Kartzelako lana egin beharko dute ondoren, eta hasierako puntua emanda bertso bi osatu beharko dituzte gero, zortziko txikian. Amaitzeko, gaia emanda hiruna bertso osatu beharko dituzte, doinu eta neurri librean. Irabazlea, finalera Gernika-Lumoko saioaren irabazleak zuzenean lortuko du finalerako txartela. Gainontzekoek, ostera, puntuazioaren arabera edukiko dute Miribillako Bilbao Arenan jokatuko den finalean sartzeko aukera. Basauriko Artunduaga kiroldegian jokatu zen lehenengo finalaurrea, eta Durangoko Landakonbigarrena. Hurrenez hurren, Arkaitz Estiballes galdakoztarra eta Etxahun Lekue larrabetzuarra nagusitu ziren, finalean egoteko aukera bereganatuz. Bada, oraingoz ez da Lea-Artibaiko eta Busturialdeko bertsolaririk sailkatu finalerako. www.bertsosarrerak.eu webguneagaz izandako arazo batzuk […]