Klarinetearen berezitasuna »

Zumaiako Klarinete Maratoiak elkartu zituen Urval Ensemble taldeko lau kideak. «Urteetan elkarrekin jotzeko aukera izan du­gu egitasmoaren baitan.  2010­etik aurrera serio heldu genion proiek­tuari, eta egitasmotik kanpo ateratzen hasi ginen. Harrezkero, hainbat emanaldi eskaini ditugu», azaldu du taldeko kide eta Klarinete Maratoiko koordinatzaile Marixi Sesma zumaiarrak. Orain, ordea, nazioartetik etorri zaie deia: abuztuaren 1etik 6ra Nebraskako (AEB) Lincoln hirian ospatuko duten Clarinet Fest 2012 batzarrean parte hartzera gonbidatu dituzte. «Mundu mailan klarinetearen inguruan egiten den egitasmo garrantzitsuena da. Grabazio bat prestatu genuen, hara bidaltzeko, eta gure ezusterako deitu egin gaituzte. Europatik bi talde aukeratu dituzte; bata, eskoziarra da eta bestea, berriz, gu geu», dio Sesmak hautaketaren nondik norakoen inguruan: «Harri eta zur geratu gara, egia esan. Ez genuen espero inondik inora ere». Batzarrera bidalitako grabazioan aurkeztutako programak arrakasta izan zuela dio zumaiarrak; batik bat, Aita Donostiaren lanen inguruko errepertorioak. Hori horrela, euskal musikagilearen piezak taularatuko dituzte AEBetan: Eresia, Aitonaren ele zaharrak, Artzai gaztearen oiuak, Oñazez, Aur dantza, Sosoa dantza eta Emaztegaianeruntz irlagipean. Abestiok pianorako mugatuta zeuden, eta Urval Ensemble taldeko musikari eta Zumaiako Musika Bandako zuzendari Mikel Emezabalek moldatu ditu klarinete laukoterako. Sesmarekin eta Emezabalekin batera, Klarinete Maratoiko irakasle ofizial Carlos Casadok eta  klarineteko goi-irakasle Jasone Etxebestek osatzen dute taldea. […]

EAJk herrigintzan aritu diren kideak omenduko ditu Beasaingo jaialdian »

Goierriko EAJk egun osoko festa antolatu du irailaren 1erako. Beasainen elkartuko dira, eta besteak beste, alderdiko kideei omenaldia, bazkaria, umeentzako jolasak eta kontzertuak izango dira. Atzo aurkeztu zuten Goierri Bizia izeneko ekimena Beasaingo batzokian; bertan esandakoaren arabera, ekitaldi horrekin «politikan, herrigintzan eta auzolanean aritzeko borondatea agertu duten guztiei eskerrak» eman nahi dizkiete. Joxan Imaz, Beasaingo uri batzarreko lehendakariak azaldu zuenez, «1977tik, demokrazia ezarri zenetik, hain zuzen, alkate, zinegotzi, lurraldeko batzarkide, diputatu, sailburu eta senatari karguetan lanean aritu diren goierritarren lana errekonozitu» nahi dute. Guztira, 200 bat lagun izango dira omenduak. Iazko urritik hona, «bake bidean, politikan eta herriaren bizitzan beste garai bat hasi dela» gogorarazi zuen Imazek, eta horri esker, alderdi kideak «oso pozik eta itxaropenez beteta» daudela. «Alderdiari eta herriari bultza egin dieten guztiei eskerrak» eman nahi dizkiete, «omenaldi xume» baten bidez. Alderdikide, jarraitzaile eta lagun guztiak gonbidatu dituzte ekitaldira. Bazkarira joateko, mezu bat bidal daiteke goierrikoeajpnv@gmail.com helbide elektronikora. Festa 13:00etan hasiko da, Zubimuzu plazan. Bertako produktuak dastatu eta gero, bazkaria egingo dute, eta segidan, omenaldia. Arratsaldean, 16:00etatik aurrera, umeentzako jolasak izango dira, Gernika pasealekuan. Marsel magoak ikuskizuna egingo du 18:00etan, eta ondoren, txokolate jana eta Gozo Gozo musika taldearen emanaldia izango dituzte. Gauean, kontzertuak Irailaren leheneko festa gazteentzat ere irekia izatea nahi dute. Hori […]

Datorren astetik aurrera salgai izango dira Bonberenea Sutan-eko sarrerak »

Datorren irailaren 15ean izango da jaialdia, eta Berri Txarrak talde nafarra izango da kartel burua Bonberenea Sutan jaialdia 2008an lehenengoz antolatu zutenez geroztik, hirugarrenez ospatuko dute aurten jaialdia, datorren irailaren 15ean. Eskainiko dituzten kontzertuetarako sarrerak, abuztuaren 1etik aurrera eskatu ahal izango dira. Urte osoan zehar, zuzeneko musika emanaldiek tarte nabarmena izaten dute Bonbereneako jardueren agendan. Magnetofono, kasete, disko biragailu, CD nahiz MP3aren bidez norberak etxean behin eta berriro entzundako abestiak bestelako dimentsio batean gozatzeko aukera hori, beraz, ostiral eta larunbateroko eskaintzatik haratago joango da irailaren 15ean, punta puntako bost talderen emanaldiekin. Euskal musikariak nagusi Aurreko bi jaialdietan bezalaxe, irailaren 15ean ere, euskal musikak tarte nabarmena izango du Bonbereneako futbol zelaian, Andaluziako musikarekin batera. 19:30ean irekiko dituzte ateak, eta emanaldiak 20:00etan hasiko dira. Diska argitaratu berri duen Glaukoma talde tolosarrak abiaraziko du 2012ko Bonberenea Sutan jaialdia, euren rap-reggae doinuekin. Matxuraren txanda izango da jarraian. Euskal Herriko zenbait talde entzutetsutako musikari bildu, eta elkarrekin gauzatutako proiektua da Matxura. Rock doinuak nagusituko dira eurekin, kaosa eta sinkronizazioa uztartuz, eta iaz Bonberenea ekintzak zigiluarekin argitaraturiko diskoa izango dute hari nagusia. Jaialdiko kartel-burua Berri Txarrak talde nafarra izango da. Pasa den otsailean izan zen, azkenekoz, Gorka Urbizuren hirukotea Bonberenean, eta datorren irailaren 15ean ere, Haria […]

Paul Egozkue: “Bai onerako bai txarrerako, beldurrak gugan eragin handia duela uste dut” »

Paul Egozkue: Aktorea ‘Goenkale’ko Xabier pertsonaiari esker ezaguna egin zen Paul Egozkue Euskal Herrian; Marialuixaren semea izateari utzi zionetik, lanean jarraitu du, eta bere lehen film laburra osatzen ari da zuzendari gisa. Madrilen, Siento miedo filmari azken ukituak ematen ari da Paul Egozkue (Parte Zaharra, 1970); irailean, Donostiako Zinemaldian aurkeztea baita bere asmoa. Iaz, bere ama hil zenez, abizena aldatu eta amarena jartzea erabaki zuen, ordura arteko Zubillagaren ordez. Idatzi eta zuzendu berri duen lehen filma ere, amaren omenez egin du. Bere berri eman dio IRUTXULOKO HITZAri. Zure lehen film laburra osatzen ari zara, nolatan? Betidanik oso gogoko izan dut idaztea, eta nire sentimendu txarrak kanporatu izan ditut. Iaz nire ama hil egin zen, eta horrek galdera asko sortu zizkidan. Siento miedo izeneko testu bat nuen gordeta, eta horrekin zerbait egitea erabaki nuen. Beldurrek pertsonengan duten eraginaren ingurukoa da; bai onerako bai txarrerako beldurrak gugan eragin handia duela uste dut. Bizi dugun egoerarekin, gainera, oso lotua dagoela uste dut. Jendea oso beldurtua dago. Hilabete eta erdiko lanaren emaitza da filma. Jose Luis Aramendi enpresari donostiarraren laguntzari esker lortu dut filma egiteko dirua. Luna Roca, Araceli Budia eta Lara Divildos aktoreekin lan egin dut, eta oso pozik nago lortutakoarekin. Orain, muntaketa […]

Nafarroako bandera »

Maiatzeko plenoan, Nafarroa Bizirik 1512-2012 taldeak aurkeztutako mozioa onartu zuten Bilduko zinegotziek. Hala, eragindako kaltea aitortzeko eskatu zion udalak Espainiako Gobernuari. Era berean, uztailaren 25ean (atzo) udaletxean Nafarroako bandera j…

Tradizioa nagusi Santa Ana Egunean »

Bezperako parranda handiaren eta zaindariaren eguna goizetik bizi nahi izaten dutenen uztarketa izaten da Santa Ana eguna. Asko izan dira gaur goiz-eguerdi partean Ordiziako kaleetan zebiltzan mozorrotuak, herriari biharamun kolorea ematen ziotenak. Goizaldeko danborrada bukatu eta berehala, tradiziozko kalejira egin dute 08:30ean Irungo musika bandako kideek. Haiena amaituta, Meza Nagusi jendetsua egiten da Jasokundearen elizan, eta baita tradizioko prozesioa Alde Zaharreko kaleetan barrena. Behin hori amaituta, agintarien soka-dantzaren txanda iritsi da. Aurten sei hautetsik soilik egiten dute dantza herritarren aurrean. Nahiko une larria izaten da batentzat baino gehiagorentzat, baina behin bukatutakoan sentitzen den patxadak ere badu bere balio. Irungo musika bandak ordubeteko kontzertuarekin bukatu dira Ordizian eguerdian iragarritako ekitaldiak. Arratsaldean segida Eskuz binakako profesionalen pilota partiden jaialdia da arratsaldeko arreta gunean. 18:00etan hasiko da jaialdia. Ordu berean, Lagunak txaranga hasiko da kaleak alaitzen, eta 19:00etatik 21:00etara haur dantzaldia egingo du Egan taldeak. Gauean ere Eganek jarriko du giroa Plaza Nagusian. Bihar bukatuko dira Santa Ana jaiak. Santanazaleek ohiko esku dantza egingo dute 12:00etan, eta 13:00ean, berriz, Kuadrillen Eguna hasiera emateko txupinazoa botako dute.

Piperrak eta txakolina doan, Buy Urdaibai elkartearen eskutik »

Buy Urdaibai elkarteak eskualdeko piper berdeak eta txakolina doan dastatzeko aukera emongo die astelehenean Busturialdeko herritarrei, Turdaibai eta Lanbide Ekimenak Zentroaren laguntzagaz. Horretarako, Gernika-Lumoko Merkurio iturrira gerturatu behar…

‘Basalagunak’ filma emango dute gaur »

Basalagunak gaztetxoei zuzenduriko filma izango da ikusgai gaur, Ibarrako plazan, 22:15etik aurrera. Eguraldi txarra eginez gero, aire librean izan ordez, Belabieta kiroldegian emango lukete.

Jaietako kuadrillen eguneko txartela salgai »

San Bartolome jaietako kuadrillen eguneko txartelak eskuratzeko aukera izango da gaur, 19:00etatik 21:00etara, San Bartolome plazan, 24 euroan. Abuztuaren 2an eta 9an ere izango dira salgai.

Paul Egozkue: “Hilabete eta erdiko lanaren emaitza izango da filma” »

ETB-1eko Goenkale telesailean Maria Luixaren semeetako bat izan zen, Xabier. Hori izan zen aktore lanetan bultzada eman zion pertsonaia, eta egun, 20 urteko ibilbide oparoa darama bizkar gainean Paul Egozkuek (Parte Zaharra, 1970). Momentu honetan, Madrilen bizi da, eta bere lehen film laburra bukatzen ari da, gidoilari eta zuzendari postuan, Siento miedo. IRUTXULOKO HITZAk Egozkuerekin hitz egiteko aukera izan du, eta bere ibilbidearen nondik norako zehatzak biharko egunkarian kaleratuko ditu. “Hilabete eta erdiko lanaren emaitza izango da filma. Beldurrek pertsonengan duten eraginaren ingurukoa da”, azaldu du aktoreak.