Donostia 2016 «norberarena» sentitzeko garaia heldu da »

Europako Batzordeak ofizialki izendatu du Donostia 2016ko Europako Kultur Hiriburu 2011ko ekainaren 28an 2016ko Europako Kultur Hiriburua izendatzen duen epaimahaiak jarri zituen donostiarrak saltoka. Orain, Europako Batzordeko kideak izan dira xanpaina zabaltzeko gogoa piztu dutenak. Ofiziala da: Donostia Europako Kultur Hiriburu izango da 2016. urtean. Topa egiteko elkartu dira Juan Karlos Izagirre alkatea, Blanca Urgell Kultura sailburua, Ikerne Badiola Kultura diputatua eta udal taldeetako ordezkariak udaletxean. Goizean baieztatu du Europako Batzordeak Donostia 2016ren izendapena. Deskalabru handirik izaten ez bazen, begi bistakoa zen atzoko izendapena inongo gorabeherarik gabe egingo zela ofiziala. Eguna, beraz, normal joatea espero zuen Eva Salaberria Donostia 2016 bulegoko kudeatzaile eta koordinatzaileak. «Albistea jakin orduko urduri samar» jarri zela onartu du, «tximeletak nituen sabelean», dio. Eneko Goia EAJko bozeramailearen arabera, «segurutzat duzu baina gertatu arte ez duzu benetan sinisten». Bruselan izendapena onartu bezain laster, Espainiako Kultura Ministerioaren ordezkari bat bulegoko ordezkariekin jarri zen harremanetan eta ospakizunari hasiera eman zioten. Festa, Nautikoan Udaletxean egin duten ospakizuna bat-batekoa eta «informala», izan da. Ofiziala eta herritar gehien bildu nahi duen jaia gaur egingo dute eguerdian, Nautikoan. Ekitaldian Donostia 2016 proiektua garatzen lagundu eta hemendik aurrera indartzen jarraituko duten erakunde, eragile eta herritarrek parte hartuko dute. Udaleko, Eusko Jaurlaritzako eta Gipuzkoako Foru […]

Rafael Munoa hil da »

Gaur goizean zendu da marrazkilari donostiarra Marrazkilaria ez ezik, bitxigilea eta umorista ere izan zen Rafael Munoa. Parte Zaharrean jaio zen, 1930ean; eta gaur zendu da, bere etxean. Aldamar kaleko Casa Munoa bitxi dendaren jabea izan zen. Codorniz aldizkari satirikoaren lehen urteetan parte hartu zuen Rafael Azcona eta Chumy Chumezekin batera, bsteak beste. 2005ean Donostiako Udalak Hiritar Merezimenduaren Domina eman zion .

‘Plantetan’ antzerki topaketak ikastaro eta guzti datoz »

Plantetan. Horrelaxe ibiltzeko aukera emongo dute Ondarroako Udalak eta Antzerkizaleek antolatu dituzten Antzerki topaketek.
Hamasei orduko ikastaroa be egongo da, Asier Sota, Ainara Gurrutxaga, Ander Lipus eta Miren Tirapuk zuzenduta. Interesatuek dat…

Oreretako Ikastolako ikasleak Andaluzian »

Orereta Ikastolako 4. DBHko 24 ikasle Andaluzian izan dira egunotan Literatur ibilbideak: 27ko belaunaldia izeneko proiektuaren barruan. 1927ko belaunaldiko poeta nagusien (Rafael Alberti, Federico Garcia Lorca…) jaioterrietan ibili dira, eta hor…

Udaberriko txistu kontzertuak »

Itsas Mendiko Txistulari Taldeak udaberriko kontzertuak emango ditu bihar eta igandean. Biharko kontzertua San Pedroko elizan da, 20:00etan. Igandekoa, berriz, Donibaneko plazan, 13:00etan.

Bihar, ‘Gipuzkoako Hitza’ egunkarian, Dani Ulazia gitarra-jotzailea »

Gaur egun Pariak Bai musika taldean jotzen du gitarra Dani Ulaziak (Zarautz, 1959). Ibilbide luzea du atzean, ordea. Besteak beste, OK Korral taldean ibilia da 1980eko eta 1990eko hamarkadetan. Rock eta country doinuak Zarauztik Euskal Herri osora barreiatu zituen musika taldeak, eta garai hura gogoratuko du bihar Gipuzkoako Hitza egunkarian. Egunkariko azken orrian egingo du, Kontu Kontari atalean.

Kultur hiriburutzaren alde topa egin dute »

Udal talde guztiak elkartu dira udaletxean Donostia ofizialki Europako Kultur Hiriburu izendatu dutelako. Juan Karlos Izagirre alkateak ospakizun eguna dela esan du, eta zinegotziek hala berretsi dute topa eginez. Olatu Talka jaialdiarekin izango du j…

Benito Lertxundiren ‘Oroimenaren oraina’ diska kalean da »

Benito Lertxundi Orioko kantagileak eta kantariak hamaseigarren diska kaleratu du; Oroimenaren oraina. «Modu naturalean» atera zaizkio Lertxundiri diska berriko abestiak. «Duela urtebete pasa hasi nintzen abestiak sortzen; bat-batean hasi nintzen….

Gaur izendatuko dute Donostia Europako Kultur Hiriburu »

Europako instituzioek iazko ekainaren 28an hartutako erabakia berretsiko dute gaur Bruselan
Donostia 2016ko Europako Kultur Hiriburu izendatuko dute gaur. Epaimahaiaren ebazpena hiriburutza ofiziala izateko eman beharreko pausoa da. Donostiarekin bat…

Festen ezinbesteko osagaia »

Beasaingo festetako ezinbesteko osagaia bihurtu da urtero argitaratzen duten Beasain Jaietan aldizkaria. Ez ditu alferrik bete 90 urte herriko kontuak biltzen dituen agerkariak. Historian zehar, etapa ezberdin asko pasa ditu, baina azken 34 urteetan, Beti-Bizi elkartea arduratu da artikuluak bildu eta argitaratzeaz. Dagoeneko inprentara bidalita dute aurtengo zenbakia, eta hilaren 19tik aurrera jarriko dute salgai. Aurreneko aldizkaria 1922. urtean argitaratu zuten, eta 1927ra arte iraun zuen. Hogei urteko etenaren ondoren, herritar talde batek berreskuratu zuen 1947an, eta beste hogei urtez argitaratu zuten, harik eta 1967an utzi zuten arte. 1973an beste saiakera bat egon bazen ere, ez zuen jarraipenik izan. Beti-Bizi elkartea sortu zenean, 1979an, beraiek hartu zuten, eta geroztik urtero argitaratu dute, etenik gabe. Bost lagunek osatzen dute Beti-Bizi elkarteko kultur komisioa, aldizkaria argitaratzeaz arduratzen den taldea. Juanjo Ruiz, Jesus Mari Sanpedro, Marcos Zurutuza, Antonio Alviz eta Manolo Ferndandez dira boskotea osatzen dutenak. Sanpedrok azaldu duenez, «kultur komisioak bi zeregin nagusi ditu urtean zehar, San Silbestre eguneko krosa eta Beasain Jaietan aldizkaria». Aldizkariaren ezaugarri nagusietako bat, herriko jendeak egindakoa izatea da. Alegia, herritarrek idatzitako artikuluekin osatzen dute. Ruizen hitzetan, «kolaboratzaile gehienak Beasainen bizi den jendea, edo Beasainen jaio arren kanpora bizitzera joandako jendea da». Urtero parte hartzen duten 20-30 bat kolaboratzaile dituzte, betikoak […]