Urteko museo europarra izateko izendapena lortu du Topic-ek »

Tolosako txotxongiloen nazioarteko museoak, Topic-ek, urteko museo europarra izateko izendapena jaso berri du. Epaimahaiaren erabakia datorren maiatzean jakinaraziko dute, Portugalen.
2011. urtean, Topic-ek 14.000 bisitari baino gehiago jaso zituen, et…

Txolarre irratiaren aldeko bertso saioa, arrakastatsua »

Larunbatean izan zen Txolarre irratiak antolatutako bertso saioa Leidor aretoan. Sarrera guztiak saldu ziren, eta jendeak kanpoan geratu behar izan zuen sartu ezinik. Maialen Lujanbio, Andoni Egaña, Aitor Sarriegi, Amets Arzallus, Jexux Mari Irazu eta Jon Maia aritu ziren bertsotan. Gai jartzaile lanak, berriz, Amaia Agirrek egin zituen eta ohiko formatua alda batera utziz, berrikuntza ugari sartu zituen billabonarrak. Bi orduko saioa izan, eta antolatzaileak “gustura” geratu ziren saioak eman zuenarekin.

Legazpiko haur danborradako irudiak Zingizangon »

Zingizango webguneak pasa den ostiralean Legazpin ospatu zuten haur danborrada bateko argazkiak sareratu ditu.

Giro aproposa txerrikia jateko »

Legazpiko La Bellota Extremadurako kultur elkarteak urteko lehen ekimena egiten ari da: txerriki jatea. Urtean zehar hainbat ekitaldi egiten dituzte, eta urtarrila txerria hiltzeko garai ona dela ikusita, txerriki jana antolatu dute herritar guztientzako. Manuel Luengo elkarteko presidenteak adierazi duenez, 120 bat kiloko txerria ekarri duten aurten, eta ogi zati frijituak, hirugihar eta urdaiazpiko zatiak plantxan, ardoa eta kafea banatzen dituzte. “Herritar guztiei irekitako festa da, eta nahi duena etor daiteke”. 13:00ak aldera bi mahaikada jende zegoen otordua egiten La Bellota elkartean. Luengok gogoratu du 15:00ak aldera arte jende dezente ibiltzen dela, baino jendea joaten denean elkarteko kideek festak segitzen dutela iluntzera arte. Txorizoak eta odolkiak ere egiten dituzte, baina horiek ez dituzte momentuan dastatzen, eta bihar beste otordu bat egingo dute, baina irekia izan gabe. Odolkiak txerri gantzarekin, tipularekin eta odolarekin egiten dituzte. “Ez diogu ez barazkirik botatzen, ez eta arrozik ere”. Kultura zabaltzea helburu Rufi Nuñez Luengoren emaztea da, eta elkarteko erosketa arduraduna. Adierazi du elkartearen helburua Extremadurako kultura, tradizioak eta gastronomia ezagutaraztea dela. Urtean bitan Zumarragan izaten dira La Bellota elkartekoak hango kultur ekitaldietan parte hartzeko, eta Beasainera urtean behin jaisten dira, Beasainen bizi diren extremeñoekin egotera.

Azkoitiko Kultur Mahaixe sortzeko helburuarekin, bilera deitu dute asteazkenerako »

Kulturgintzan dabiltzan norbanako batzuk bildu dira, Azkoitiko kultur mugimendua koordinatzeko helburuarekin. Horregatik, datorren asteazkenean, hilak 25, bilera antolatu dute, eta kultur eragile zein edozein norbanakori deia luzatu nahi izan diote ber…

Idoia Etxeberria oñatiarrak irabazi du XXX. Lizardi Saria »

Idoia Etxeberria Elorzak (Oñati, 1977) irabazi du Zarauzko Udaleko Euskara Zerbitzuak antolatzen duen Lizardi Sariaren XXX. edizioa, Ez dago argi lanarekin. Hamalau lan aurkeztu dira 2011ko lehiaketara, eta Etxeberriarena aukeratu du Jesus Mari Olaizola Txiliku, Miren Agur Meabe, Iñaki Friera eta Arrate Egañak (2010eko edizioaren irabazlea) osatutako epaimahaiak. 3.700€ jasoko ditu sari gisa Etxeberriak, eta bere lana argitaratu egingo da. Ohi bezala, Zarauzko ikastetxeetan doan banatuko ditu liburuaren 2.500 ale Zarauzko Euskara Zerbitzuak. Argitalpena sari banaketa egunean kaleratuko da, 2012ko apirilean. Zarauzko Udaleko kultura eta euskara zinegotzi Gari Berasaluzek “zorionik beroenak” eman dizkio irabazleari, eta Lizardi Saria historikoki “erakusleiho bikaina” izan dela adierazi du, “euskarazko ipuingintzan duen garrantzia eta tradizioa” nabarmenduz. “Espero dugu Etxeberriaren lanak ibilbide oparoa edukitzea, eta haur eta gazteen artean irakurzaletasuna pizteko balio izatea, hori baita sariaren helburuetako bat”. Lizardi Saria sari erreferentziala da haur eta gaztetxoen euskarazko ipuingintzan. Lehiaketa honek duen ospea nabarmentzeko, ikusi besterik ez dago aurreko urteetan irabazle izan diren idazleen zerrenda: Mariasun Landa, Bernardo Atxaga, Felipe Juaristi, Martin eta Xabier Etxeberria, Imanol Azkue, Pello Esnal eta Xabier Mendiguren Elizegi, besteak beste. Beste emakume baten lekukoa hartu du Etxeberriak, Arrate Egañarena, hain zuzen. Giltza lanari esker irabazi zuen 2010eko edizioa Bermeon bizi den idazle […]

Erakusketa jarriko du Udane Juaristik Donostian »

Urtarrilaren 26tik martxoaren 21era bitartean, Udane Juaristiren lanen erakusketa izango da ikusgai Donostian. Arteztu Galerian egongo dira.

Axari dantza taldeari buruzko erakusketa egingo dute Idiazabalen »

San Blas jaietan Axari dantza taldeari buruzko erakusketa jarriko dute herritar batzuk. Horretarako hainbat material biltzen ari dira. Jendeak dantzako arropak etxean gordeta dituela uste dute, eta herritar horiei arropak uzteko eskaria egin diete, era…

Txolarreren bertso saiorako 100 sarrera jarriko dituzte Leidorren, saioa hasi baino lehen »

Dena prest dago larunbatean Txolarre Irratiak antolatutako bertso jaialdirako. Tolosako Leidorren 18:00etan hasiko da saioa, eta Amaia Agirre Villabonako bertsolariak gidatuko du. Kantuan sei bertsolari: Maialen Lujanbio, Amets Arzallus, Jon Maia, Ando…

Sei artisten lanak erakutsiko dituzte Legazpiko Juan Cruz ileapaindegian »

Legazpiko Juan Cruz ileapaindegia arte gune ere bihurtu da. Susana Jodra artistaren koadroak ditu ikusgai paretetatik, eta ez dira aurten bertan ikusi ahal izango diren bakarrak.
Ileapaindegiko jabeak, Juan Cruz Fernandezek, Gorka Salmeron argazkilari…