‘Ai, Ximun, Ximun!’ liburua aurkeztu du Kazabonek »

Antton Kazabon irakasle eta idazleak haurrentzako liburu berria idatzi eta kaleratu du: Ai, Ximun, Ximun! Erein argitaletxearekin publikatu du azken lana, eta interesa dutenek 6,8 euroan eskura dezakete.

Aldatzen Laguntzen taldeak ‘Ispilua’ obra aurkeztuko du Poltsiko Antzerkian »

Saioa Royo eta Ion Martinez aktoreak Aldatzen Laguntzen antzerki taldeko aktoreak dira. Poltsiko Antzerkiaren 21. ekitaldian izango dira bi donostiarrak. ‘Ispilua’ obra eskainiko dute; bikote harremanen inguruko antzezlana da. Bi emanaldi …

Olatu Talka ekimenarekin bat egingo du Tolosak larunbatean »

Donostia 2016an Europako kultur hiriburua izango da eta horren harira sortu dute Olatu Talka ekimena. Egitasmo hori Gipuzkoa osora zabaltzeko proposamena egin dute Donostiako Udaletik, eta Tolosan bat egin dute asmo horrekin. Hala, datorren larunbaterako Sukal Talka bazkaria, Gainditzen elkarteak antolatutako zeinu hizkuntzan egindako bakarrizketa eta Box.A elkarteak antolatutako hiri baratzei buruzko tailerra egingo dira. Edurne Mendia Tolosako Udalaren Kultura zinegotziak azaldu duenez, “olatu talka eta herritarren energiaren metaforari helduz, hori areagotu eta izaera herrikoiagoa eman nahi izan zaio Donostiako Udaletik, ekimena Gipuzkoara zabalduz”.  Donostiako Udalarekin “lankidetza polita” sortzeko eta, aldi berean, “Tolosara begira bertako eragileek lan bat batera egiteko eta harreman horiek sustatzeko” erabili dela ekimena azaldu du Mendiak. “Udalak bitartekaritza lana egin du”, azaldu du zinegotziak: “Proposamena bertako taldeei zabaldu zaie eta gero zuzenean egin dira eragileen arteko harremanak”. Proposamen asko izan direla nabarmendu du Mendiak. “Nahiz asko bertan behera gelditu, gehienbat denbora faltagatik, aurrera begira horiei heltzeko aukera izango da”, zehaztu du zinegotziak.  

Dantza Eguna ospatu dute Ordizian »

Dantza eguna ospatu zuten igandean Ordizian. Adin guztietako ia 400 dantzari elkartu ziren ordiziako kaleetan: Dantzari txikien zortzi talde –270 dantzari inguru– eta helduen lau –ehun bat dantzari–.
Bi irizpide aintzat hartuta erabaki dute a…

John Andueza: “Polita izan da institutura itzultzea nolakoa izango zen imaginatzea” »

Arrasatearrak Larunbatean Bukowskin liburua kaleratu du
John Anduezaren lehen literatur lana da. Halere, beti izan du idazteko ohitura. Gidoigintzan lan egin du, eta zenbait kontakizun labur eta ipuin ere idatzi ditu.
Aspalditik zuen gazteentzako lib…

Atlantiar nazioarteko biltzarrerako izena etzira arte eman daiteke »

Hilaren 18an egingo dute Ficoban, egun osoz, Bizkaiko Golkoko paleolito garaiaren gaineko topaketa
Hilaren 18an Atlantiar nazioarteko biltzarra egingo dute Irungo Ficoban, egun osoz. Bertan, naizoarteko hainbat adituk Bizkaiko Golkoaren inguruko lurral…

90. hamarkada gogora Matadero Egunean »

Adin guztiak bat egitea lortu zuen Matadero Egunak. Taupada taldearen garaikoak eta talde barrien jarraitzaileak bat egin zuten Akerbeltz gaztetxean. Eguraldia zela eta, Markina-Xemeingo hiltegia zegoen lekuan egitekoa zen irratsaioa Buztarri tabernati…

Umeek gorriz jantzi dute Zumaia, Gipuzkoako Bertso Eskolen Egunean »

Gipuzkoako Bertso Eskolen VIII. Egunean 300 haur elkartu dira  Zumaian. Herenegun ospatu zuten ekimena, eta goizean goizetik kolore gorria nagusitu zen herriko txokoetan, bertaratu ziren guztiek kolore horretako elastikoak baitzituzten jantzita; gainera, aurtengoan, herriaren izaerara hurbilduz, umeek olagarro baten irudia izan dute soinean, eta animalia horixe irudikatu dute kalean ateratako argazkietan. Antolatzaileen esanetan, lehenengo momentutik «giro ederra» nagusitu zen igandean, eta Bertso Eguna izanik, bertso eta musikaren inguruko ekimen ugari izan ziren herritarren eta bertsolarien gozagarri. Eguraldiak, azkenean, aurreikusita zituzten ekitaldi guztiak egitea ahalbidetu zuen. Hala, Eusebio Gurrutxaga plazan haur eta gaztetxo guztiak elkartu ostean, lip-dub bat grabatzeari ekin zioten. Taldetan banatuta, aldez aurretik ongi prestatua zuten koreografia dantzatu zuten haurrek hainbat txokotan. Bazkaltzeko tartetxoa izan ostean jarraitu zuen festak, Jon Urbieta disko jartzailearen eskutik. Bertso trama berezia egin zuten gero, Maria eta Jose Ikastetxean. Josu Goikoetxeak zuzenduta, Maialen Lujanbio, Jon Maia, Beñat Gaztelumendi eta Aitor Sarriegi bertsolariek saio «bizia» eta «umoretsua» eskaini zuten. Antolatzaileak, esker oneko Egitasmoaren helburuetako bat ere bada «harremanak sendotzea» eta elkar ezagutzea, eta antolatzaileak pozik dira aurtengo Bertso Eskolen Egunak izan duen harrerarekin. Edurne Soraluze Gipuzkoako Bertsozale Elkarteko transmisio eragilearen arabera, «eskertzekoa da hainbeste lagun animatu izana egun eder hau ospatzera», eta begirale lanetan aritu […]

Fagollagatik bokaleraino, zuri beltzean »

Giuliano Mezzacasaren argazkiek Urumearen ingurua eta ondarea jaso dituzte Loiola kultur etxean dagoen erakusketa batean. Argazkietako kolore faltak ikusten denaren garrantzia handitzen du. Modu horretan, poesiaren eta dokumentalgintzaren arteko nahasketa egin du Giuliano Mezzacasa argazkilariak (Belluno, Italia, 1938). Jorge Gonzalez Arangurenekin batera Urumea ibaiari buruzko argazki liburua-edo, argitaratzeko asmoa zuen Mezzacasak. Baina, proiektuaren ezaugarriak zirela eta, luze jotzen ari zen. Gauzak horrela, italiar donostiartuak beste zerbait egitea erabaki zuen, eta Cristina Enea Fundazioko kideekin duen harremana dela eta, bere argazkiak «eskaintzea» erabaki zuen. Fundazioko kide den Oier Etxeberriak harrera ona egin zien argazkiei, eta egunotan gauzatzen ari den HidroLogikak egitarauaren barruan txertatu zituzten erakusketa gisa. Multzoa Urumea ibaia Fagollagatik bokaleraino izenarekin batailatu, eta ikusgai ipini dute Loiola kultur etxean, uztailaren 27a arte. Sentimenduen irudi jarioa Urumearekin antzekotasun handia dauka erakusketak. Ikusleak ezin du erabaki zein izango den irudien jarioa; erakusketa izan arren, proiekzioa ere badelako. Mezzacasak dioenez, «hasierako arrazoia aurrekontua izan zitekeen arren, proiekzioa gauzatu izanak on egin dio bildumari». Duela lau hamarkada eta gaur egun ateratako argazkiek bat egiten dute bederatzi minutuko eskas irauten dituen proiekzioan. Argiz egindako ur-laster horretan, Mezzacasaren hitzak ere sartzen dira. «Azkenean oso ondo gelditu dira nire hitzak, Javier Erkiziak irakurtzen dituelako». Ondareak, ohiturek eta […]

Legorburu eta Albistur Iurretan saritu dituzte »

IX. Iurretako Bertsopaper Lehiaketan bi errenteriar izan dira protagonista: Iñigo Legorburu eta Julian Albistur. Hain zuzen, Legorburuk irabazi du hamargarren ekitaldia, Mila pertsonaia pertsona bakarrean lanarekin. Albisturrek, berriz, epaimahaiaren aipamen berezia jaso du 7.000.000.000 biztanle bertsopaperarengatik. 200 eta 100 euroko saria eraman dute.