Herri kantuek ere tartea egingo diete Santa Zezilia zikloan »

AMA Andra Mari Abesbatzaren Santa Zezilia musika zikloak 29. urtea izango du aurtengoa, eta ekitaldi honetan lehen aldiz, herri kantuei egingo diete tartea. Horrenbestez, kantu jira edo mutxikoak ikusi eta entzuteko aukera izango da, etzitik hilaren 20ra. Horixe izango da beste berritasunetako bat: data. Aurten, astebete aurreratu dute zikloa. Mari Carmen Garmendia AMAko presidentearen arabera, aurtengo Santa Zezilia asteak “sekula izan duen parte hartze handiena edukiko du”. Partaideak mota askotakoak izango dira, “umeetatik hasi eta helduetara arte”. Eta musika ere askotarikoa izango da, «erakargarria, alaia, eta guztientzako egokia», Garmendiaren esanetan. Aurtengo egitarauetik ere Landarbaso Abesbatzaren parte hartzea nabarmendu dute antolatzaileek. Aurten hogei urte bete dituela eta, kontzertua emango du Fatimako elizan, hilaren 19an (larunbata). Garmendiak antolakuntzaren atzean egon direnei ere egin die keinua, eta “lan handia” egin dutela eta boluntario moduan aritu direla jakinarazi du. Irune Balentziaga Kultura zinegotziak, bestalde, herritar guztiei egin die deia datorren astean zehar izango diren ekitaldietan parte hartzeko. Egitaraua Hilak 12, larunbata. Kantu jira, Errenteriako Udal Txistu Taldearekin, 12:00etan, udaletxeko arkupeetatik. Hilak 13, igandea. Mutxikoak, 12:00etan, Herriko plazan. Hilak 15, asteartea. Andra Mari Abesbatzaren harrobia: Musika Tailerra, Orereta Txiki eta Oinarri abesbatzak, 20:00etan, Fatimako elizan. Hilak 16, asteazkena. Errenteria Musikaleko Orkestra eta ikasleen bandak kontzertua […]

Mariasun Landak Dabilen Elea saria irabazi du »

Mariasun Landa idazle errenteriarrak euskal liburugintzan lanean ari diren bost elkartek emandako Dabilen Elea saria eskuratu du. Gaur, 20:00etatik aurrera, Donostiako Viktoria Eugenia antzokian emango diote saria eskura liburugintzaren alorrean egin d…

Gerriko Bekako liburua gazteei eta autoei buruz »

Gerriko Ikerlan Bekaren XIV. deialdian gazteek beribilekin duten harremanari buruzko lan batek irabazi du saria. Maddi Garcia Olaskoagak osatu du azterlana, eta Auto ibilbideak. Goierriko gazteen automobil kulturaz du izenburua. Gaur zortzi aurkeztuko …

Ipuin «preerotikoak» kontatuko ditu Carrerek »

Joxe Mari Carrere kontalariak literatura emanaldia egingo du asteartean, azaroak 15, Lazkaon. Maitasunaren arbola. Ipuin preerotikoak izenburudun kontakizun sorta ekarriko du. Ipuin kontaketa saioa Gerriko Txokoan izango da, 18:45ean. Goierriko Kultur …

‘Midnight in Paris’ filma asteburuan Lazkaon »

Lazkaoko Areria zineman Midnight in Paris filma (Gauerdia Parisen) emango dute bihar, etzi eta astelehenean. Bihar bi emanaldi izango dira, 19:30ean eta 22:15ean. Jaian 19:30ean da, eta astelehenean —ikuslearen eguna— 21:30ean. Haurrentzat Diario d…

Kultur ekitaldiz betetako astea izango dute Adunan »

Datorren astean Aduna kultur ekintzetan murgilduko da, kultur astea ospatuko baitute. Kultur astea astelehenean hasiko da, ikus-entzuneko batekin. Emanaldi honetan bikote batek, beren bi seme-alabekin Zeelanda Berritik zehar hiru hilabetez bizikletaz egin duten bidaia baten berri ematen du. Ikus-entzunezkoan Kiwi familia batzuekiko harremana, ikaragarrizko paisaia, animaliekin izandako topaketak, bertako flora ugaria eta hiru hilabeteko bidaian zehar familiaren bizipenak ezagutu ahal izango dira. Ekitaldirik gehienak asteburuan izango dira. Ostiralean, zehazki akrobazia ikuskizuna eta kantaldia izango dira Asvinenean. Tartean, zerbait jateko aukera ere izango da; ogitartekoak eta abar erosi ahal izango baitira. Larunbatean, kantuaren eguna izatez gain, sagardogintzari buruzko hitzaldi didaktiko bat ere izango da. Ondoren, sagardotegian bertan bazkaltzeko aukera izango da. Baina, bazkarira joan nahi dutenek tiketak hilaren 16a baino lehen erosi beharko dituzte, Uztartzan. Amaiera, frontoieko barrikotearekin emango diote. Kultur Astea azaroak 14, astelehena 20:00. Zeelanda Berria bizikletaz ikus-entzunezkoa, kultur aretoan. azaroak 15, asteartea 20:00. Patxi Abasoloren, Konkistak 500 urte, deuseztatu ezin izan duten oroimena hitzaldia, kultur aretoan. azaroak 16, asteazkena 17:30. Zomorroak, Zurrumurru taldearen eskutik, kultur aretoan. 20:00. Pedro Albiteren Migrazioa eta aniztasuna hitzaldia, kultur aretoan. azaroak 17, osteguna 20:00. Julian Bereziartua medikuaren Zer adinetan zer eta nola jan hitzaldia, kultur aretoan. azaroak 18, ostirala 19:45. Aireko akrobazia ikuskizuna […]

‘Hango eta hemengo kondairak’ izango dira Urkizuko Alur Txikin »

Ipuinen munduaren sorrera eta antzeko kontuak izango dira larunbatean Urkizun, Zurrumurru antzerki taldeak Alur Txiki auzo elkartean eskainiko duen ipuin kontaketan. Hango eta hemengo kondairak izenburupean, haurrei zuzendutako emanaldia izango da, 17:…

Joko zuzenen arrakasta »

Iragarritakoa bete zuen eguraldiak: txarra egin zuen. Hala ere, Pilota Zuzenean! ekimenaren barruan Txostek antolatutako joko zuzenei buruzko erakusketa, hitzaldia eta partida arrakastatsuak izan ziren. Asteartetik igandera egon zen joko zuzenei buruzko erakusketa Fermiñeneko erakusleihoetan. Eta jendearen interesa piztu zuen. Ostiralean, berriz, hitzaldiaren txanda izan zen, 19:30ean, Manuel Lekuona Bibliotekan. Joko zuzenak Oiartzualdean izan zen gaia, eta J. M. Mitxelena izan zen hizlaria, Anton Mendizabalen laguntzarekin. Irudiz hornitutakoa izan zen eta entzuleek arreta handiz jarraitu zuten. Anton Mendizabalen arabera, horren lekuko izan zen “galde-erantzunen txanda zabala eta bizia”. Harridura eta interesa sortu zuten zenbait datu eta gertakarik, Mendizabalek gogorarazi duenez: “Izan ere, hain da eskasa geure memoria historikoa…”. Pasaka partida Larunbatean 13:30ean hasi behar zuen Txosten eta Laxoa elkartearen arteko partidak. Zertxobait atzeratu zen azoka tokiz aldatu behar izan zutelako, baina hasi bezain laster jende dezente gerturatu zen Kontzejupera. Egun historikoa izan zen. Izan ere, 80 urte pasatu dira bertan pasakako azken partida jokatu zutenetik. Txosteko Mendizabalen arabera, “harriduraz eta gogo handiz” jarraitu zuten partida ikusleek. Pilotariei dagokienez, hasieran pixka bat kostatu zitzaien Kontzejupearen neurrietara moldatzea, baina «berehala hasi ziren honek eskeintzen dituen berezitasunaz baliatzen». Txostekoak joan ziren beti aurretik nahiz eta amaiera aldera baztandarrak asko inguratu ziren (8 – […]

Bertso bazkaria egingo dute 19an Urretxuko Motz tabernan »

Azaroaren 19an bertso-bazkari-pikoteoa egingo dute Urretxuko Motz tabernan. Aitzol Barandiaran eta Unai Gaztelumendi izango dira bertan. 13:00etan poteoa egingo dute Urretxuko tabernetatik eta bazkaria eta bertso saioa 14:30ean hasiko dute. Izena eman …

«‘Bodologuak’ ikuskizuna barre egiteko sortutako antzezlana da» »

 Hiru euskal aktorek osatutako lan bat estreinatuko dute etzi, ostiralean, Azpeitiko XXIX. Euskal Antzerki Topaketetan. Bodologuak da Soreasuko antzokian estreinatuko duten antzezlanaren goiburua. Aktoreen artean hirurak dira ezagunak. Mikel Pagadizabalekin batera, eskualdeko bi aktore izango dira oholtza gainean; Nagore Aranburu azpeitiarra eta Egoitz Lasa zarauztarra. Bakarrizketa formatoan ariko dira, baina elkarren ondoan jardungo dute; txandaka edota hirurak batera oholtzan. Baina «egoera zelebre baten ondoko bakarrizketak» eskainiko dituzte. Pertsonaiek ezkontza bat izan dute, eta horregatik jarri diote goiburu Bodologuak. Umorea ez da faltako, barre egiteko antzezlana sortu baitute. «Ikuskizun hau barre egiteko ikuskizuna da. Dauzkagun edota sortzen zaizkigun zalantzei erantzuten diegu, bakarrizketa batzuen bitartez. Adibidez, oporrak izango ditugu hizpide. Oporrak bizitzeko moduak batzuetan onak dira, eta beste batzuetan txarrak. Edota euskalduna izatea erraza al da? Ez da erraza, ez», azaldu du Egoitz Lasak. Hirurak batera, lehenengoz Club de la comedia-ren ukitua eman nahi izan diote lan berriari. «Berez hala izan nahiko luke. Baina ezkontza batetik gatoz, eta horrek gauzak hankaz gora jarriko ditu. Gure artean elkarreragin batzuk sortzen ditu, eta monologoak pixka bat aldatu egiten dira, ezkontzatik gatozelako», aurreratu ditu Lasak antzezlanaren nondik norakoak. Aranburuk, Lasak eta Pagadizabalek azken urteetan elkarrekin askotan jardun dute lanean; Wazemank-en eta Noaoa-n, besteak beste. […]