Eusko Tren Ligan Getariako trainerua lehen postuan da »

Getariarrek ezin hobeto hasi dute Eusko Tren Liga. Emakumezkoen lehenengo estropadak izan dira pasa den asteburuan, eta Getaria-Tolosa traineruak irabazi du Bilboko bandera. Aurten, ligaxka bi multzotan ari dira aurrera eramaten Eusko Tren Liga; A taldean, Galizia, Zumaia eta Orio ari dira lehian, eta horiek bigarren eta hirugarren amaitu zuten larunbateko Camargoko (Espainia) saioa, hurrenez hurren. B taldean, berriz, Getaria-Tolosarekin batera, Bizkaia, San Juan eta Hondarribia traineruak dabiltza. Ligaxka amaitutakoan, talde bakoitzeko lehenengo bi traineruak lehiatuko dira Zarautzen egingo dituzten play-offetan. Hala, sailkapen orokorreko A multzoan Zumaiak bi puntu ditu, eta Oriok puntu bat du. B multzoan, berriz, Getaria lehenengo postuan da, lau puntukin. San Miguel Liga ere asteburuan hasi dute gizonezko arraunlariek, joan zen ekainean Bordeleko estropadak bertan behera geratu ondoren. Joan zen larunbatean Camargon egin zuten lehenengo estropada, eta Zumaiak seigarren postua lortu zuen bertan. Oriok ez zuen ongi hasi denboraldia, eta zortzigarren amaitu zuen. Hala ere, sailkapen orokorrean Zumaiako eta Orioko traineruek zortzigarren eta hamargarren postuan daude; izan ere, igandean, Bilboko banderan, oriotarrek hamaikagarren egin zuten, eta zumaiarrek zortzigarren. KAE 1 ligan, bestetik, Josean Olaskoaga oriotarrak gidatzen duen Portugalete traineruak jarraitzen du sailkapeneko lehenengo postuan; eskualdekoei dagokienez, berriz, larunbatean, zarauztarrak bosgarren izan ziren Portugaleten, eta atzo hirugarren egin ostean, […]

Erdi Aroko argazki lehiaketara lanak bihar arte aurkez daitezke »

Udaleko Merkataritza eta Turismo sailak antolatutako Erdi Aroko Azoka argazki lehiaketako lanak bihar arte aurkez daitezke. Partaide bakoitzak gehienez lau argazki aurkez ditzake, eta argazkiak koloretan edo zuri-beltzean aurkez daitezke. Lanak 20&#215…

Borja Portos eta Ion Aizpeolea pistako Espainiako txapeldun »

Emaitza bikainak lortu zituzten Santiagotarrak arraun elkarteko ur lasaietako piraguistek ekainaren 25ean eta 26an ospatu ziren lehiaketetan. Borja Portos eta Ion Aizpeoleak Espainiako txapeldunak izan ziren Sevillako pistan, eta Olatz Zabala hamargarr…

Eskualdeko bederatzi triatloilariek bukatu dute Austriako Iron Man proba »

Denek amaitu zuten. Bederatziak finisher. Austriako Iron Man proba (3’8km-180km-42’2km) oso marka onekin osatu zuten eskualdeko bederatzi triatletek igandean. Aitortu behar zaie: maila ikusgarria erakutsi zuten. Itsaso Leundak 38. amaitu zuen emakumezkoen sailkapenean, eta bere adin taldean (25-29 urte) 7.a izan zen, 10:11:32-ko lana osatuz. Proba ondo amaitzea zen bere lehen helburua eta baita lortu ere; bigarren saria faltatu zitzaion, Hawaiirako sailkapena lortzea, baina ez zen posible izan. Hurrengo baterako esperientzia aberasgarria bildu du, hori bai. Mahala Tolosaldeko Triatloi Taldeko mutilen artean aurreikuspen baikorrenak bete zituzten ia denek. Aitor Regillaga eta Alberto Vaquero izan ziren buruan, orotara 108. eta 137. sailkatuz 9:14:57-ko eta 9:19:51-ko denborekin; ia bederatzi orduko langa gainditzeko balentria lortu zuen Regillagak baina korrika azken kilometroetan bete egin zen, eta Vaquerok, bere aldetik, bikain erregulatu zuen proba guztia puntako denboretan osatuz. Bigarren multzo batean Ion Artutxa, Edu Gonzalez eta Asier Saez sartuko ditugu. Lehen biek 10 orduko langa gainditu zuten, Artutxak 9:48:46 igeriketa eta maratoi saio bikainak eginez, eta Eduk 9:53:58 bizikleta partzial ikusgarriarekin. Saez-ek 10:08:51 egin zuen; 11 orduko langa gainditzea zuen helburu, beraz atera kontuak… Eta segidan hiru debutariak: Iñigo Esnaola (11:12:12), Alar Sevillano (11:38:03) eta Yon Gonzalez Gonzi (11:38:03). Hiruek izan zuten partzial zail bana, […]

Jesus Garmendiak hiru garaipen lortu ditu »

Nazioarteko Hipika Lehiaketa jokatu zuten asteburuan, Loiolan. Bertan, Jesus Garmendia izan da hiriko ordezkari bakarra eta ongi baino hobeto aritu da. Gipuzkoa Kirolak, Frigo eta Volkswagen sariak eskuratu ditu Garmendiak, hiru eguneko lehian. Gipuzkoa Kirolak Saria, larunbatean jokatu zuten. Bertan, 36 zaldik lortu zuten oztopoz betetako ibilbidea zigorrik gabe osatzea; jauzi ederrak eginez. Denborarik onena egin zuena, ordea, Jesus Garmendia izan zen, Calvaros Conzerten gainean. Egun berean lortu zuen bigarren garaipena Garmendiak. Perle Condeenneren gainean, sekulako lana egin zuen donostiarrak eta 44’31 segundotan osatu zuen Frigo Sariko ibilbidea. Igandean ere, gustura geratu zen Garmendia, Volkswagen Saria eskuratuta. Parte hartu zuten 76 zaldietatik 27k lortu zuten gehienezko puntuazioa, 65 puntu, hain zuzen ere. Berriro ere, Perle Condeenneren gainean egin zuen lan onena Garmendiak.

Elkarretaratzea Hernaniko hilketa salatzeko »

Errenteriako talde feministek elkarretaratzea antolatu dute biharko atzo Hernanin gertatutakoa salatzeko: 55 urteko emakume bat hil zuen ustez bere bikotekide ohiak labankadaz. Ertzaintzak atzo bertan atxilotu zuen 42 urteko gizona. Aurretik ere genero…

Mikel Alkorta Euskadiko Sega Txapelketako finalean lehiatuko da »

Mikel Alkorta egiatarra Euskadiko Sega Txapelketaren finalerako sailkatu da; berarekin batera arituko dira, Arkaitz Arteaga, Jon Kanflanka eta Juanjoxe Lizaso. Euskadiko Sega Txapelketako finalerdiak jokatu zituzten Aizarnan, larunbat arratsaldean. Zortzi segalari aritu ziren lehian, eta eskarmenturik handiena dutenek lortu zuten finalerako txartela: Mikel Alkorta egiatarra, Arkaitz Arteaga, Jon Kanflanka eta Juanjoxe Lizaso. Datorren igandean jokatuko dute finala, Oiartzungo Pikoketan. Finalerdi bakoitzean lau segalarik jardun zuten, eta ordu erdiko lana egin behar izan zuten, ahalik eta belar kilo gehien ebakitzeko helburuarekin. Lehen finalerdian, honela geratu zen sailkapena: 1. Arkaitz Arteaga (Baliarrain): 1.106 belar kilo 2. Jon Kanflanka (Leitza): 1.079,5 belar kilo 3. Jon Intxaurbe (Zeanuri): 924,5 belar kilo 4. Iban Pardo (Zestoa): 774,5 belar kilo Bigarren finalerdian, berriz, honela geratu zen sailkapena: 1. Juanjoxe Lizaso (Asteasu): 1.174,5 belar kilo 2. Mikel Alkorta (Donostia): 1.119,5 belar kilo (-20 kilo) 3. Etxeberria (Amasa): 1.070 belar kilo 4. Gorka Larrañaga (Otxandio): 676 belar kilo Juanjoxe Lizasok hartu zuen probaren burua hasieratik, eta berak ebaki zituen azkarren hiru sailak; gainera, laugarrenaren zati bat ere ebaki zuen. Mikel Alkorta eta Jokin Etxebarria aritu ziren bigarren txartelaren atzetik, baina Alkorta aritu zen saio osoan aurretik, eta, hiru sail eta laugarrenaren maila pare bat ebaki zituen. Gorka Larrañagak […]

Donostiarra, Ohorezko Txandan »

KAE-1 Ligako bigarren asteburuan, lan ona egin du Donostiarrak; bai larunbatean Portugaleten, bai igandean Santurtzin ere.  Bi egunetan, estropada txukunak egin ditu Torrekua traineruak eta, bosgarren ontzi azkarrena izan da. Larunbatean, ordea, laugarren postura jauzi egin zuen, Santurtziren kaleratzearen ondorioz. Beraz, igandean Ohorezko Txandan lehiatu zen eta, datorren jardunaldian ere, hala egingo du. Izan ere, sailkapen orokorrean, laugarren postuan dago Donostiako ontzia, 23 punturekin. Liderra, berriz, Portugalete da, 36 punturekin. Datorren asteburuan ez da Ligako estropadarik egongo jokoan. Hurrengo jardunaldiak, beraz, uztailaren 16an eta 17an izango dira. Lehena Orion eta, bigarrena, etxean, Donostian. KAE-1 LIGA, SAILKAPEN OROKORRA: 1. Portugalete – EULEN: 36 puntu. 2. Zierbena – BBGE: 33 puntu. 3. Lekittarra – BM: 29 puntu. 4. Donostiarra: 23 puntu. 5. Zarautz-Inmobiliaria Orio: 21 puntu. 6. Santurtzi – Iberdrola: 19 puntu. 7. Hondarribia – Orsa: 19 puntu. 8. Santoña C.R. : 17 puntu. Portugaleteko XXX. Bandera, uztailak 2 SAILKAPENA: 1. Portugalete – EULEN 20:04.87 2. Zierbena – BBGE 20:18.52 3. Lekittarra – BM 20:18.79 4. Donostiarra 20:22.29 5. Zarautz-Inmobiliaria Orio 20:47.26 6. Santoña C.R. 20:57.08 7. Hondarribia – Orsa 20:58.55 8. Deusto -Tecuni-Bilbao 21:01.58 9. Orio – Grupo Eibar 21:22.06 10. Arkote A.T. 21:26.87 11. Getxo A.E. 21:41.51 12. Santurtzi – […]

Gaztetxearen okupazioaren III. urteurrena ospatu dute »

Larunbateko bizikleta poteoan, Talaipen. Argazkia: galernasarean

Larunbatean festa giroan ospatu zuten Gaztetxearen okupazioaren III. urteurrena. Bizikleta-poteoa, bazkaria, mojito festa eta DJCanoren musika saioa izan zituzten, besteak beste.

Gazte Eguna ospatzen ari dira »

Gazte Eguna ospatzen ari dira Errenteria-Oreretan, zazpigarren aldiz, Foru plazan, Gazteak elkartuz kateak apurtu leloari erantzunez. Goizean goiz hasi dira ekitaldiekin, Foru plazan. Hasiera, taldeka elkartu dira gazteei kezkatzen dieten gaiak atzeman eta horiei buruz hitz egin eta eztabaidatzeko. Segidan, berriz, atera dituzten ondorioak ezagutarazi dituzte. Bazkaldu aurretik Ibon Zabalari omenaldia egin diote urtero moduan. 1995eko Gazte Egunean hil zen herritarra, eta azken urteetan bere omenez antolatzen dute gazteen jaialdia. Ondoren, tripa bete ahal izan dute gazteek. Bazkal ostean, berriz, poteoari ekingo diote, baina ez da ohiko poteoa izango, poteoa eta atxurraren bila baizik. Alegia, hainbat jolas eginez joango dira gazteak tabernaz taberna. Eguzkia sartzearekin batera musikari egingo diote tartea. Aurreko ekintza guztiak bezala Foru plazan izango dira kontzertuak, eta herriko talde batek eta Revolutionary brothers taldeak parte hartuko dute.