Anoetarrek ez dute geldirik egoteko aitzakiarik »

Anoetako herritarren jakituria areagotzeko aukerak ez ziren 2011n amaitu. Urte berria, arlo horretan, indartsu hasi dute, eta udalaren laguntzarekin hiru ekimenetan parte hartzeko aukera dute ondorengo egunetan. Gaiak ondorengoa dira: Dantza-soka, margoketa dekoratiboa eta Qi-Gongo eta automasajea. Entsagua, ikastaroa eta tailerrak geldirik egoteko aitzakia guztiak uxatu dizkie anoetarrei. Otsailaren 11n, larunbata, Anoetan Dantza-Soka Eguna ospatuko dute.  Axeri dantza eta fandango nahiz arin-arina lantzeko, entseguak antolatu dituzte bihar eta hilaren 27an. Bi ostiral hauetan 19:30ean elkartuko dira frontoian. Entsegu orokorrak, aldiz, otsailaren 3an eta 8an egingo dute frontoian: Lehena 19:30ean, eta bigarrena 19:00etan. Antolatzaileen esanetan, oso garrantzitsua da entsegu orokorretara azaltzea. Parte hartzeko zerrendak, bestalde, Itzuli tabernan jarri dituzte. Bertan, DBH2tik gorakoek eman dezakete izena. Margoketa dekoratiboari buruzko ikastaroa Kutxak antolatu du, Hozpel kaleko udal lokaletan. Urte osoan, guztira 48 orduko ikastaroa izango da: otsaila-maiatza eta urria-abendua artean banatuta, eta ostegunetan, 15:15etik 17:15era. Izena emateko epea asteazkenean zabaldu zen, eta hilaren 25a bitarte egongo da irekita. 151 euro ordaindu behar dira matrikula, materiala aparte. Ikastaroan parte hartu nahi duenak www.kutxasocial.com helbidera idatzi behar du, edo 902 54 00 40 telefonora deitu. Ikastaroaren lehen eguna otsailaren 9an izango da. Qi-Gong tailerra Automasaje eta Qi-Gong tailerra bereziki pre eta post menopausian dauden emakumeentzat […]

Danbor hotsei ihes egin ezinik »

San Sebastian egunaren jaiak hiria erabat hartzen du; aisiarako baliabide gutxi gelditzen dira jaian murgildu nahi ez dutenentzat. Lerro hauetan burrunba eta danbor hotsei ihes egiteko proposamena egiteko asmoa zuen Irutxuloko Hitzak. Baina testu hau osatu duen kazetariak bertatik bertara ikusi ahal izan du, urtarrilaren 20an, festa girotik aldentzeko aukera gutxi dagoela Gipuzkoako hiriburuan. Bart afaldu ondoren ohera joan zirenek ez dute eguna kirola egiten hasteko aukera handirik izan. Orriaren goiko aldean azaltzen den eguraldi iragarpenari kasu eginda, kiroldegira joatea erabakitzen duenak ateak itxita aurkituko ditu. Kirol Patronatuko langileek jakinarazi dutenez, jai egun gehienetan irekita egoten dira kiroldegiak, «baina San Sebastian egunean itxi egiten dugu,  egun berezia baita». Loiolako Erriberako bezalako azpiegitura pribatuek, ordea, gorputzari astindua emateko aukera erraz dezakete, eta baita atari zabalean ere. Turistarena egitea ere zail samarra izango da. Txu-Txu trena erabiltzea ezinezkoa izango da, bere arduradunak atzo azaldu zuen moduan, «kontua ez da danborradaren eguna izatea, baizik eta martxoaren lehena arte itxita egotea». Eureka Museoaren atarian dagoen Albert Einsteinen estatua ere bakar bakarrik igaroko du eguna, Zientziaren Kutxagunea bezala ezaguna zenak ateak itxi baititu gaurko partez, eta iragarritako euriak ez duelako inguru eder hura gozatzen utziko. Kultura handitzeko asmotan jaikitzen denak ere ez du askoz zorte […]

Sei artisten lanak erakutsiko dituzte Legazpiko Juan Cruz ileapaindegian »

Legazpiko Juan Cruz ileapaindegia arte gune ere bihurtu da. Susana Jodra artistaren koadroak ditu ikusgai paretetatik, eta ez dira aurten bertan ikusi ahal izango diren bakarrak.
Ileapaindegiko jabeak, Juan Cruz Fernandezek, Gorka Salmeron argazkilari…

Hilobien irekierak aldaketak ekarri ditu »

Azken egunetan, epaileen aginduz, hiru hilkutxa ireki dituzte. Bere haur jaioberria lapurtu izanaren susmoa duten familiek epaitegietan hala eskatuta egin dute. Hiru hilkutxetan emaitza bera izan da: hutsak zeuden, ez zegoen gorputzen arrastorik.   Susmoak egi bihurtzen ari dira, eta, SOS Ume Lapurtuak elkarteko kidea den Juan Bautista Aranzabe tolosarrak azaldu duenez, gertaera horiek «aldaketa oso interesgarriak» ekarri dituzte agiri bila dabiltzan familientzako. Bost hilabetetan zehar, Donostia Ospitalean ez diete kasu handirik egin agiri bila joan diren familiei, Aranzabek zehaztu duenez. «Aste honetan joera hori aldatu egin da. Tolosatik hara paperak eskatzera joan diren batzuei agiriak ekarriko dizkietela esan diete». Izan ere, Gasteizen daude historia kliniko guztiak gordeta. Aranzabek azaldu duenez, orain arte Donostiara joan direnei esan ohi zieten beraiek ez zutela paperik, haurra ez bazen Donostian jaio. «Orain jarrera aldatu dute, eta Gasteiztik ekarriko dituztela esaten dute. Horrez gain, familia guztiek hobe dutela Donostia Ospitaletik pasatzea beraien eskaria egiteko esan dute». Erregistroan ere aldaketa sumatu dutela dio Aranzabek. Azken egunetako beste albiste batzuk ez direla pozgarriak izan esan du SOS Ume Lapurtuak elkarteko kideak: «Idoia Mendia Eusko Jaurlaritzako bozeramaleak elkarteari laguntzeko dirurik ez dagoela esan du». Orain hiru urte lanean dabiltzala dio, eta dirua poltsikotik atera behar izan dutela […]

Gastronomia sustatzea helburu »

Eusko Jaurlaritzako Turismo saila produktu turistikoak sendotzeko egiten ari den ahaleginaren barruan, Goierrik «leku garrantzitsua» izango duela iragarri zuen Goiturrek joan den abenduan, eta ildo horretan, Goierri Gastronomika ekimena martxan jartzea izango da Goierriko turismo eragile nagusiak aurtengo du erronka nagusietako bat. Horrekin batera, kalitatea, irisgarritasuna eta berrikuntza bezalako gaiei jarraipena emango die, eta eskualdeko promozio eta komertzializazio turistikoa ere egingo du formatu ezberdinak erabiliz eta turismo azoketan presente egonez, aste honetan bertan Fiturren egin duten bezala, Madrilen. Goierri Gastronomika planak sei ildo estrategiko ditu: produktu turistiko jakin horren sorrera; Goierriko kultura gastronomikoaren hedapena; azpiegitura eta zerbitzuen hobekuntza; formazioa eta berrikuntza; kalitatea; eta promozioa eta komertzializazioa. Ildo estrategiko horien pean, hainbat ekimen burura eramateko konpromisoa hartu du Goiturrek: Goierriko mapa gastronomikoa osatzea; Goierriko nortasun gastronomikoa sendotzea; Goierriko azpiegitura eta irudiaren hobekuntzarako programa; nazioarteko sareetan parte hartzea; eta Goierriko mahai gastronomikoa sortzea, besteak beste. Horrez gain, Ordiziako azokaren 500. urteurrena sustatuko du Goiturrek Gipuzkoako Foru Aldundiarekin eta Eusko Jaurlaritzarekin lankidetzan. Lehen sustapen lana Fitur azokan egin dute. Natura, bigarren lan ildoa Goiturrek aurreko urteetan landutako marketin planaren arabera, natura izango da aurtengo bigarren lan ildo nagusia. Senderismoaren alorrera bideratuko du indarrik gehiena, Aizkorri-Aratz eta Aralar natur parkeak, Mutiloa-Ormaiztegi bide berdea eta […]

«Zerrenda horretan egotea guretzat bizia da» »

  Iban Muñoa, Iriarte Jauregiko jabea Familiako negozioa aurrera darama Iban Muñoak. 2009ko udan, Bidegoianen ireki zuen Iriarte Jauregia hotela Lorena Arco emaztearekin batera.  Atzo jakin zuten, Estatu mailan, Traveller’s Choice Hotels sarietan seigarren postua eskuratu dutela. TripAdvisor munduko bidaien webgunea da, eta Fitur azokan eman dute sarien berri. TripAdvisor webguneak ematen dituen Traveller’s Choice Hotels sarietan 6. postua eskuratu duzue. Nola jaso duzue albistea? Egia esan gaur goizean [atzo] enteratu gara, eta oso oso pozik hartu dugu albistea. Hotel bat eguneroko azterketa da, eta sari honek duen berezitasunik onena da ez dela komite txiki baten iritzia, baizik eta, bozkatzen dutenak bisitariak beraiek direla. Izugarri harro gaude. Bisitariek emandako saria izateak garrantzi berezia izango du, ezta? Garrantzi oso berezia du. Sari batzuk aldizkariek edo erakunde pribatuek ematen dituzte, eta azkenean hori subjektu pribatu batek asmatu dezake. Baina hau ezberdina da. Ehunka lagun pasa dira hemendik, eta iritziak eman ondoren, Estatu mailako ia 3.000 hoteletatik gurea seigarrena izatea izugarrizko lorpena da. Gainera, TripAdvisor mundu mailakoa da, eta webguneak berak duen oihartzuna nazioartekoa da. Bisitariek zer baloratu dutela uste duzu? Guk beti bi plano daudela esaten dugu. Toki zoragarria izan daiteke: argi politak, ohe erosoak, dekorazio ikusgarria,… baina guzti horri arima bat […]

Auzolanerako deia luzatu du nekazari berri batek »

Urtarrileko azken bi igandeetarako auzolanerako deia egin du Iñaki Bera, nekazari berriak. Negutegian laguntzea nahi du, eta Barazki bizidunak da bere negutegia. Igandean bere negutegira gerturatzea nahikoa izango da.

Binakakoan Saralegik Arretxe ordezkatuko du »

Eskuz binakako pilota txapelketaren bosgarren jardunaldia asteburu honetan jokatuko da. Ekaitz Saralegik bertan parte hartzeko aukera izango du, Iker Arretxeren lekuan Beginorekin bikotea osatuz. Amezketarrak gaur jokatuko du Azpeitian, Xala-Laskurainen aurka. Iker Arretxek iragan astean min hartu zuen buruan pilotakada bat jaso ostean. Partida bertan behera gelditu zen, eta aste guztia berreskurapen lanetan pasa ondoren, azkenean ez jokatzea erabaki du. Sailkapen nagusian azken postuan dagoen bikoteko partaide izatea tokatuko zaio gaur, beraz, Ekaitz Saralegiri. Indartsu dabilen bikotea, Abel Barriolak eta Juan Martinez de Irujok osatzen dutena da. Laugarren jardunaldiko azken partidan, herenegun, 22-7 irabazi zien Lasa-Zubietari. Ondorioz, sailkapen nagusian partidarik galdu gabe jarraitzen dute, Olaizola II-Beroizen pare. Hain justu, bi bikote hauen arteko lehia ikusteko aukera egongo da igande honetan, Bilbon. Une honetan, binakako txapelketan dagoen partidarik ederrena izango da etzikoa. Txapelketan dagoen eskualdeko hirugarren pilotariak, Oinatz Bengoetxeak, Logroñon jokatuko du larunbatean. Leitzarrak atzean Apraiz izango du lagun, eta aurkari bezala Titin III.a eta Merino II.a. Asegarceko bikotea sailkapen nagusian laugarren postuan aurkitzen da, bi eta biko balantzearekin. Eskualdean partidak Eskualdeko pilota eskoletako pilotariek partida ugari jokatuko dituzte asteburu honetan. Gaur, Bidegoianen 19:00etatik aurrera; Villabonan 19:30ean eta Ikaztegietan 20:00etan izango dira partidak. Bihar, Zizurkilen eta Bidegoianen antolatu dituzte jaialdiak, 16:00etan […]

12:00etan bilera egingo du TOPA plataformak, bihar »

Tolosaldeko Osasun Publikoaren Aldeko plataformak bilera egingo du, bihar, 12:00etan. Udaletxeko pleno aretoan izango da, eta herritar guztiei dei egiten diete bertan parte hartzeko.

Zumaiako lehen txakurkrosa jokatuko da igandean »

 

Argazkia: Leire Zearreta

 
Goizeko 11:00etan abiatuko dira Aitzuri kaletik San Lorente aldera, han bi itzuli egin eta berriro Aitzurira bueltatzeko (ikus ibilbidea). Zazpi kilometroko ibilbidea, guztira. Sortu berri den Gipuzkoako Txakurkros…