Mila urte eta hamabi anai-arreba »

Ikaztegietako Aiutukoak moduan dira ezagunak Eizmendi-Garaialde familiako anai-arrebak. Guztira, hamabi dira. Denak bizirik egoteaz gain, guztien artean urte mordoa osatzen dute. Milurteko oso bat pasea dute, hau da, 1.007 urtetik gora batzen dituzte. Lehen zazpi anai-arrebak, Muñoa baserrian jaio ziren, eta ondorengo bostak, Aiutun. Margari da zaharrena eta 93 urte beteak ditu. Gazteenak, aldiz, Terek, 71 urte ditu. Zortzi anai-arrebek 80 urtetik gora dituzte, eta hilabete gutxiren buruan, lehen lau anai-arrebek, – urtebeteko aldea baino ez dute –, eta 90eko muga pasea izango dute. Urriaren 20an, larunbatean, ospakizun handi baten bueltan, familia guztia elkartzeko ahalegina egin zuten. Laurogeita hamabi kide elkartu ziren ospakizunean. Guztira, 124 badira ere, Ingalaterra eta Suitzatik gerturatu zirenak ere izan ziren. Anai-arrebek, 35 seme-alaba izan dituzte, eta hauek, 45 biloba. Helburua, familia elkartzeaz gain, hamabi anai-arrebak omentzea izan zen. «Bada zer edo zer 1.007 urte bete izana», adierazi dute Eizmenditarrek. Hainbeste urtez bizitzearena gurasoengandik ote datorkien galdetuta, ezezkoa adierazi dute senideek: «Ama 72 urte zituela hil zen, eta aita 53 urterekin». Osasuntsu bizi dira anai-arreba guztiak. Bakoitza bere buruaren jabe da, eta eguneroko bizitzari umorez egiten diote aurre. Gainera, prest daude guztiak beste hainbat urte batzen joateko. Guinness errekorrean sartzeko ahalegina ere egingo dutela adierazi du […]

Erasotuak diren emakumeei arreta koordinatua emateko protokoloa osatzen ari dira Tolosan »

Genero indarkeria eta sexu erasoen biktima diren emakumeei ematen zaien arretaren hobekuntzan protokolo bat osatzen ari dira Tolosan, eta horren berri eman dute agerraldi batean. Ekimen horretan hainbat eragilek parte hartu dute: udaltzaingoa, Ertzaintza, Osakidetza, legegileak, Gipuzkoako Foru Aldundiko larrialdi zerbitzuetako ordezkaria, Bilgune Feminista, indarkeria jasandako emakumeak, udaleko Berdintasun saila eta Gizarte Zerbitzuetakoak. Guztiak ari dira protokoloa gauzatzeko lan taldean parte hartzen, Sortzen aholkularitzak dinamizatuta. Agerraldian erakunde horietako ordezkariak izan dira. Sortzen aholkularitzako Norma Vazquez ari da lan taldea koordinatzen. “Protokoloa genero indarkeria eta sexu erasoen aurrean ematen diren erantzunaren antolakuntza da”, azaldu du Vazquezek. “Protokoloa ez da egoera honen irtenbidea, baina pauso garrantzitsua da biktima diren emakumeek ez dezaten bigarren mailako biktimizazio bat jasan koordinatu gabeko zerbitzuetara jotzen dutenean laguntza bila, eta ez dezaten bere historia errepikatu zerbitzu bakoitzean”. Koordinazioa nola arindu daitekeen garatu dute lan taldean, Vazquezek esan duenez, eta horrez gain “beste zer ekimen egin daitezkeen, ez bakarrik lege arloan edo asistentziaren arloan, baita gizarte mailan ere jendea sentsibilizatzeko emakumeen eskubideen inguruan eta baliabideek izan ditzaketen mugak”. Vazquezek nabarmendu duenez, “oso garrantzitsua da indarkeria antzematea eta salatzea, bai bikote mailan bai beste arloetan ere”. Lan taldeak egin dituen tailerretan eragileak elkar ezagutu dira, bere eragiteko moduak eta zalantzak elkarbanatu […]

Presoen aldeko bizikleta martxa, igandean »

Iganderako preso eta iheslarien aldeko bizikleta martxa antolatu du Oiartzungo Herrirak. 10:00etan aterako da Gurutzeko biribilgunetik Euskal presoak Euskal Herrira ikurrekin, eta auzoz auzo herria zeharkatuko du. Doneztebe plazan bukatuko da.
Herri bi…

Buru gaixotasuna duten pertsonentzat egoitza bat zabaldu dute Buenavistan »

Agifes elkarteak Loiolan duen zentroa ordezkatuko du zerbitzu berriak, lan baldintzak hobetzeko. Agifesek, buru gaixotasuna duten pertsonen eta senideen Gipuzkoako elkarteak, errehabilitazio psikosozialerako zentro bat inauguratu du Buenavistan. 350 metro koadro inguruko egiturak erabilera anitzeko hiru areto ditu eta hogei bat erabiltzaile hartzen ditu egunero. Zentroaren helburu nagusia, bere arduradun Nerea Amunarrizen hitzetan, hauxe da: «buru osasun arazoak dituzten pertsonei gaixotasunaren ondorioz galdutako gaitasunak berreskuratzeko espazio bat eskaintzea, bizitza normalizatua eramateko aukera izan dezaten». Irabazi-asmorik gabeko elkarteko lehendakariorde Jose Mari Irazustak baieztatu duenez, horrelako zentro bat edukitzea «oso berri ona da Agifesentzat», eta erabiltzaileek behar zuten egitura errealitatea izan dadin lagundu duten erakundeei eskerrak eman dizkie: Kutxazabali, Gipuzkoako Foru Aldundiari eta Donostiako Udalari, hain justu. Irazustak gogorarazi du zentroaren erabiltzaileak, ekainera arte, Agifesek Loiolan duen beste zentro batera joaten zirela. «Lokal hori oso zaharkitua zegoen, eta ez zituen errehabilitazio lanak aurrera eramateko baldintza egokiak eskaintzen», esan du. Kalitate hobea Txelo Perez Gipuzkoako Foru Aldundiko Ezinduen eta Desgaituen Laguntza departamentuko zuzendariak, bere aldetik, Agifesek egiten duen «lan ikaragarria» txalotu du, eta zentro berriarekin «kalitate hobeko zerbitzua eta plaza gehiago» eskaintzen dituztela aipatu du. Izan ere, Loiolan 18 pertsonarentzako lekua zegoen, eta Buenavistan 22 erabiltzaile daude. Aldundiko ordezkariak azpimarratu du, halaber, bere […]

Iparraldeko Gurutxage ehiztariaren ‘Deros’ zakurrak irabazi du Aralarko field triala »

Asteburuan Aralarko parke naturalean jokatu den Enirio-Aralarko II. Field Triala —heriotzarik gabeko oilagor ehiza zakurrekin— Ipar Euskal Herriko Nicola Gurutxageren Deros des pics Luchonnais setter arrazako zakurrak irabazi du. Lehen mailako Bikain-CACT kalifikazioa eman diote epaileek. Eguraldi aldetik baldintza gogorretan garatu da, bi egunez, field triala. Haizea, euria eta zenbait unetan elurra ere egin diete. Egoera horrek oilagorrengan sortzen duen eraginak ere zerikusia izan du, Euskal Herrian Field Trial elkarte antolatzaileko lehendakari Ion Urteaga ormaiztegiarraren arabera. “Zakurren lana zaildu egin du eguraldiak, oilagorren jokabide izua tarteko”. Europa iparraldetik Afrikarantza pasean doazen oilagorrak ehizatzea izan da probaren egitekoa. Ehiza-zakurren iaiotasuna da garrantzitsuena. Hegaztia aurkitu, gerarazi, eta ehiztariari erakutsi behar dio, eta tiro hotsa ateratakoan —ez diote oilagorrari kalterik egiten— lekuan bertan gelditu. Zailtasun klimatikoaren gehigarria izan bada ere, “azkenik” puntu bat hartu ahal izan zuen Deros zakurrak. J.M. Guettek hazia da, eta Gurutxage gidaria bera du jabea. Enirio-Aralarko field triala Euskal Herriko Basoetako Dama sarirako lehenbiziko proba baliagarria zen. Astebukaera honetan —azaroaren 3an eta 4an— Iratiko oihanean (Zuberoa) erabakiko da nor den irabazlea.

Bihar aurkeztuko dute Esperientziaren Foroa Ordizian »

Bihar goizean aurkeztuko dute esperientziaren Foroaren ikasturte berria Ordizian. Goierriko Ingeniaritza Eskolako areto nagusian egingo dute aurkezpena, 11:00etan. Ekitaldi berean diplomak banatuko dizkiete pasa den ikasturtean foroan parte hartu zuten…

Oihana Kortazar, bihar, ETB1eko ‘Bisitaria’ saioan »

Oihana Kortazar mendi korrikalaria elkarrizketatuko du bihar Xabier Euzkitzek ETB1eko Bisitaria saioan, 22:00etan.

Herri batzarra deitu du ezker abertzaleak gaurko »

Ezker abertzaleak herri batzarra egingo du gaur arratsaldean, 19:30etik aurrera, udaletxeko areto nagusian. Batzar horretan Eusko Legebiltzarrerako hauteskundeen emaitzen balorazioa egingo dute parte hartzaileek, eta horien ondorengo egoera landuko dut…

Klandestinitateari buruz idatzi du Mikel Antzak ‘Atzerri’ nobelan »

Frantzian preso dagoen Mikel Antza donostiarraren Atzerri izeneko nobela aurkeztu du gaur Donostian Susa argitaletxeak. Gorka Arrese editorea eta Harkaitz Cano idazlea izan dira Konstituzio plazako udal liburutegian egindako aurkezpen ekitaldian. “Kartzelaren zanpaketa, ihesaren ametsa, exilioaren bakardadea, klandestinitatearen zorroztasuna, amodioaren grina eta literaturaren emozioa eta liberazioa” dira nobela honen ardatzak, esan du Arresek. Antzaren bigarren nobela da. 2010ean argitaratutako Ospitalekoak nobelan idazlearen «ezintasuna» fisikoa bazen, honakoan “bere bokaziorako sentitzen da ezindua”, azaldu du Canok. Idazle batek beste bati kartzelatik ihes egiten lagundu ostean atzerrian bizi duena kontatzen du nobelak. Bere lagunak idazle izaten jarraitzen duen bitartean, berak ezindurik sentitzen du bere burua. Eleberria “zentrifugatzen” jartzen duen motorra idazleak preso dagoela egunkarian irakurtzen duen artikulu bat da: ’Zenbateraino izango litzateke desberdina gaur egungo euskal letren mundua Joseba Sarrionandiak Martutenetik ihes egin izan ez balu, eta Mikel Antzak klandestinitatera pasatzeko beharrik izan ez balu?’. “Berria egunkariko ale zahar batean Iban Zalduak idatzitako artikulu batekin hasiko da”, azaldu du Arresek. Mikel Antza idazleak berak Atzerri nobelari buruzko hitz batzuk grabatu ditu. Bost minutuko iraupena du Lyon-Corbaisetik grabatutako azalpenak.

Euskadi Sariak, Iban Zaldua eta Inazio Mujika Iraolarentzat »

2012ko Euskadi Literatura sariak jakitera eman dituzte gaur. Bi donostiar daude sarituen artean. Iban Zalduak euskarazko haur eta gazte literatura saria eskuratu du. Zalduak idatzi eta Julen Ribasek ilustratutako Azken garaipena komikia izan da irabaz…