Arduraz kontsumitzeko pausoak »

Gabonetan etengabeko erosketa masiboetan murgiltzen da gizartea. Zirimola horri aurre egin nahian, eta egungo egoera ekonomikoa eramangarriago bihurtze aldera, kontsumo jasangarria alternatiba posiblea bezain baliagarria dela erakutsi zuen Zumaiako Bigarren Eskuko Azokak hirugarren urtez. Zumaiako Udaleko Ingurumen Sailak eta Algorri Natur Zentroak antolatuta, joan den larunbatean egin zuten ekimena, Alondegiko Oxford aretoan, eta bertaratu ziren herritarrek bestelako erosketa-ohiturak bilatzeko eta probatzeko aukera izan zuten egun osoan. Aurten, berrikuntza nagusi gisa, herriko elkarteek eta partikularrek postua jartzeko aukeran izan zuten; nahi izan zuen orok izan zuen salerosketan aritzeko parada, hain zuzen ere. Algorri zentroak emandako datuen arabera, 38 saltzailek hartu zuen parte azokan, eta salgai jarri zituzten 1.087 produktuetatik 578 saldu zituzten; erdia baino zertxobait gehiago. Guztira, 1.641,81 euroko diru-irabazia lortu zuten; batez beste, produktu bakoitza 3 eurotan salduz. «Martxa onean aritu ginen saltzen; izan ere, jende askok hartu zuen parte», adierazi du Algorriko koordinatzaile Nerea Ibañezek. «Normalean, antzeko emaitza izaten dugu, jasotakoaren erdia salduz. Aurten, aitzitik, produktu gutxiago jaso ditugu, arropa ez dugulako onartu, ez ginelako ongi moldatzen. Gainberakoan, ordea, balorazio ona egin dugu. Irabaziei eta parte-hartzeari dagokionez, oso arrakastatsua izan da aurten ere». Berrerabili eta trukatu Azokaren baitan, Zumaia Zero Zabor ekimenekoek berrerabili daitezkeen produktuen erakusketa jarri zuten. Behin […]

Azkoitiarrak «engainatu nahi izatea» leporatu dio EAJk Bildur »

Azkoitiko EAJk «egoera ekonomikoaren inguruko eztabaida publikora» deitu du Pello Baztarrika alkatea (Bildu). Bilduk kudeaketarekin «azkoitiarrak engainatu nahi izan» dituela uste dute EAJko kideek, «kudeaketarako gaitasun eza ezkutatu nahian». Horren aurrean hainbat gairen inguruko azalpena eman, eta Bilduri «kudeatzeko eta erabakiak hartzeko gaitasun eza ez ezkutatzeko» eskatu diote, baita «ardurak besteei ez pasatzeko» ere. Zorraren inguruan ez dagoela «ezusterik» esan dute EAJko zinegotziek. «Udalaren zorra publikoa da. Urte bukaeran 10,2 milioi eurokoa izango da. Horrez gain, Aldundiari Gipuzkoako udalerri guztien proportzio bera gehitu beharko zaio». Gaur egungo zinegotziek ez dutela erabakirik hartzen salatu dute. «Aurreko legealdiko ezker abertzaleko zinegotziak guztiaren jakitun izan beharko lukete, Udalaren proposamen ekonomikoak, batzordeetan eta ondoren plenoetan onartu baitziren. Bildurekin egin ditugun bileretan ikusi dugu, oraindik zinegotzi hauek dira erabakiak hartzen dituztenak». Zorra «inbertsiorako» erabili dela nabarmendu dute, inoiz ez gastu arrunterako. Horren adibide Elkargunea, Txalon Erreka, Insausti eta Ezenarro-Oinartxo jarri dituzte. Eta gai horien inguruan gaizki zer iruditzen zaien galdetu dute. Elkargunea, aurreko kiroldegia baino merkeagoa izatea lortu zela diote. Kanpoko igerilekuen aurka al dauden ere galdetu diote Bilduri, «bi urtean 80.000 erabiltzaile izan dituela jakinda». Insaustiko lurren %50 Udalaren eta Aldundiaren artean erosi zirela gogorarazi dute. Eremu hori esku pribatuetan gelditzea nahiago al duen […]

Martuteneko haurrek eta helduek kirola egingo dute asteburu berezian »

Realeko beteranoen aurkako futbol partida jokatuko dute uholdeengatik kaltetutakoen alde Kirola izango da asteburuko protasonista nagusia Martutenen. Batetik, Pilarko jaietan haurrentzat antolatutako pilota txapelketak izandako arrakasta ikusita, Gabonetarako beste bat egitea erabaki du Sarroeta Auzo Elkarteak. Bestetik, futbol partida ere antolatu dute (igandean, 12:00etan). Gainera, aurrez aurre arituko diren taldeak ez dira nolanahikoak izango, Martutene Futbol Elkarteko eta Realeko beteranoak, nor baino nor. Martuteneko Gabonetako I. Eskupilota Txapelketa izango da larunbatean jokatuko dutena (15:30). «Jaietako txapelketak izan zuen arrakasta ikusita, gabonetan ere antzeko zerbait antolatzea erabaki dugu», esan dio auzo elkarteko Joaquin Sotillak Irutxuloko Hitzari. Zehazki, bi mailatan banatuko dute lehia: Benjamin eta Alebin. Beraz, 8 eta 11 urte bitarteko aurrei zuzenduta egongo da, baina Martutenekoak direnentzat bakarrik. «Haurrek auzoan pilotan jokatzen dute, baina ez dute leku egokirik. Zailtasunak dituzte eta horretan lagundu nahi diegu. Auzoko haurrek maila baxua dutenez, Gabonetako txapelketa beraientzat bakarrik antolatu dugu. Jaietakoa zabalagoa izango da». Finean, txapelketa «etxeko giroan» egin nahi dutela dio Sotillak, haurren artean zaletasuna handitzeko asmoz. Larunbatean eguraldi ona egiten badu, kanpoaldeko frontoi txikietan arituko dira pilotan, eta euria egiten badu, berriz, Arantzazuko Ama ikastolako frontoian jokatuko dute. Momentuz, 20 haur inguruk eman dute izena, baina oraindik ere parte hartzeko epea zabalik […]

Emakumezkoen bizitza ohitura osasungarriez jardunaldia egingo dute etzi »

D’elikatuz Bizi jardunaldia azaroan antolatu ohi du urtero D’elikatuz Elikadura eta Gastronomia Zentroak, eta Ibaetako campuseko EHUko Psikologia fakultatea izaten du bilgune, ahalik eta gipuzkoar gehienengana iristeko. Aurten, ordea, ez du behar a…

Kontserbatorioko ikasleen entzunaldi ‘Sinplea’, ostegunean »

Baionako Maurice Ravel Kontserbatorioko ikasleek musika klasikoko entzunaldi Sinplea eskainiko dute ostegunean Varietes aretoan, 18:00etatik aurrera. Emanaldia doan izanen da.

Euskadiko txistor onenak aukeratzeko lehiaketa izango da bihar Ordizian »

Bihar zortzi ospatuko da San Tomas eguna Euskal Herrian, eta ospakizun horren atarian, Euskadiko XIV. Txistor-Lehiaketa izango da bihar Ordiziako udaletxeko arkupeetan, asteazkeneroko feria egunarekin bat eginez. Gipuzkoako harakin eta urdaitegi-zaleen gremioak antolatu du lehiaketa, kontsumitzaileengan bertakoak diren produktuen aldeko arreta pizteko, eta artisauek beraiek kontsumitzaileek asko estimatzen dituzten kalitateko produktuak egiten jarrai dezaten. Txistorra egiten duten profesionalek soilik har dezakete parte Ordiziako lehiaketan. Parte hartzaileek txistorra haiek egina dela ziurtatu eta gero, gaur arratsaldeko zortzirak baino lehen aurkeztu beharra daukate kilo bat hestebete (sei txirikorda) Barrena kultur etxean. Iaz 48 harakinek parte hartu zuten lehiaketan, eta aurtengorako ere antzeko kopurua espero dute. Lehiaketak Euskadi izena daraman arren, Nafarroako eta Gipuzkoako harakinek parte hartu ohi dute lehiaketan. Tolosako Jose Luis Muñagorri izan zen iazko irabazlea. Epai irizpideak Txistorraren neurria eta itxura homogeneoa, gustua, txikitze neurria, gihar eta koipe kopurua, eta ontze puntua dira, adituen arabera, txistorra epaitzeko kontuan hartu behar diren irizpideak. Epaileek produktuak duen itxurari erreparatuko diote lehendabizi (hestea, lodiera, eskuz lotua izatea). Ondoren, gordinik dagoela, txistorra ebaki, eta gihar eta koipe proportzioei begiratuko diete, eta baita txikitze tamainari ere. Azkenik, txistorra frijitu, eta zaporea, usaina eta gustua hartuko dituzte kontuan. Goierriko eta Goierriz kanpoko sukaldariak izango dira biharkoan […]

Ezkurrak eta Aizpurua II.ak finalerako txartela galdu dute »

Pasa den larunbatean Galarreta pilotalekuan 31-40 galdu ondoren, Ezkurrak eta Aizpurua II.a tolosarrak osatutako bikoteak, ez du erremonteko binakako txapelketa ofizialeko finala jokatuko. Partidaren hasieran, dirua ere alde zuten Ezkurrak eta Aizpurua II.ak, baina jokoak ez zien arrazoirik eman apostulariei. 1-0koa lortu zuten Ezkurrak etaAizpuruak, baina handik aurrera, beste bikoteak agindu zuen partida osoan zehar. Hamabigarren tantora bitarte markagailua berdinduta joan zen arren, Juaristi eta Lizasok lortutako 0-10eko partzialak norgehiagoka erabat aldatu zuen. Xanti Aizpuruak, kantxatik, era bertsuan ikusi zuen partida: «Hasieran partida irabazteko aukerak genituela ikusi genuen, nahiko orekatuta joan baitzen partida. Aurreko partidan baino hobeto hasi ginen, baina bukaera okerragoa izan zen». Aurreko finalaurrekoetan kontrakoa gertati zitzaiela azaldu du tolosarrak: «Ez genuen asmatzen; nik akatsgutxi egin nituen arren, pilota eskura jarri nion aurkariari, eta ez nuen minik egin, ezta sakearekin ere. Txapelketa guztian egin ditudan sakerik okerrenak egin nituen aurrekoan. Aurkariei, berriz, kontrakoa gertatu zitzaien; Lizasok oso ondo jokatu zuen eta Juaristik ez zuen akatsik egin». Pilotariak aipatu bezala, 0-10eko partzialetik aurrera, Juaristik eta Lizasok ondo eutsi zioten partidari, eta Ezkurra-Aizpurua II gorria 26-33 gerturatu ziren arren, norgehiagoka 31-40 emaitzarekin amaitu zen. Txapelketa «positiboa» Xanti Aizpurua pilotariak lehen aldiz jokatu du aurten, erremonteko txapelketa ofiziala. Bere burua ondo […]

Ceniceron irabazi ondoren, lehen postuan da Bide Bide »

Pasa den asteburukoarekin, zortzigarren garaipena lortu du Bide Bide Ibiza saskibaloi taldeak. 46-64 gailendu zitzaion Ceniceroko (Espainia) La Alcoholera taldeari, eta sailkapeneko lehenengo postua da talde tolosarra. Taldea beldur puntu batekin joan zen Cenicerora: geldialdiaren osteko lehen partida zen, kantxa gomazkoa zen, bidaia bera ere luzea, eta partida jokatzeko ordua ere ez ze ohikoa izan. Hasiera batean, behintzat, tolosarrek garaipena ez zuten erraz lortzeko modukoa ikusten. Gauzak horrela, Bide Bide Ibizako jokalariei partidan sartzea kosta egin zitzaien; taldekideek hotza eta Ceniceroko taldearen defentsa azpimarratu dituzte, eta honek guztiak norgehiagokako lehenengo laurdea baldintzatu egin zuela nabarmendu dute. Bigarren laurdenean, ordea, tolosarrek egoerari buelta eman zieten, eta atsedenaldira zazpi puntuko aldearekin iristea lortu zuten.Hirugarren laurdenean erakutsi zuten Bide Bide Ibizakoek, ordea, euren jokorik onena: «Bestetalde bat ikusi genuen». 0-23ko partzialarekin amaitu zuten hirugarren zatia. Amaieran, 30 puntu inguruko abantaila ikusita, tolosarrak lasaitu egin ziren, eta La Alcoholera etxeko taldeak markagailuan gora egitea lortu zuten, partida 46-64ko emaitzarekin bukatuz. Azken garaipen honekin, guztira zortzi lortu dituzte Bide Bide Ibizako jokalariek. Galdutako partidak, berriz, bi izan dira. Sailkapen nagusian, lehenengo postuan daude tolosarrak, eta euren atzetik, bigarren eta hirugarren, Goierri-Verkol eta Seky.es taldeak daude hurrenez hurren; biak ala biak zazpi garaipen eta hiru porrot […]

10-2ko emaitzarekin itzuli zen Laskorain Caspetik »

Denboraldiko neurketarik kaskarrena jokatu zuen Laskorainek, pasa den asteburuan, Caspen (Espainia). Erdi aro hondarrean Aragoiko koroaren bilakaeran giltzarri bilakatu zen hiriak, ez zion ezer onik ekarri talde horitxoari, eta inolako eztabaidarik onartzen ez duen porrota jaso zuen. Aski esanguratsua da 10-2ko azken emaitza. Epaileak txilibituari eragin orduko sortu ziren oztopoak, ikastolakoentzat. Etxekoek partidaren agintea errazegi hartu zuten,  eta maila altuko areto futbola josiaz, estu eta larri ipini zituzten tolosarrak, bereahala 2-0 aurreratuz. Falta estrategian Telleriak sareratutako golak, itxaropena piztu zuen instant batez, baina ez zuen partidaren garapena aldatu, atsedenaldirako 4-1koa baitzen aldea. Ondoren, bigarren zati oso-osoan, minutu txarrak jokatu zituzten tamalez, denboraldian estrainekoz laskoraindarrek amore eman baitzuten ezintasunaz etsita. Caspekoei aldiz, dena irteten zitzaien, eta errukirik gabe zulatu zuten Endikaren atea. Azken minutuan egin zuen Laskorainek markagailua batere aldatu ez zuen bigarrena; baina aipamenak merezi du, aurtengo denboraldian debutari den Xabi Diezek sinatu baitzuen, Laskorainen historiako golegileen zerrendan, bere izena idatziaz. Lesio batetik osatu berritan, bere bigarren partidan gola sartu du aurrenekoz, ez dago batere gaizki. Porrot mingarri honetaz haratago, azken jardunaldiak aintzakotzat hartuta, laskoraindarrak 2.B maila berriaren zorroztasuna pairatzen ari direla esan daiteke. Honek, ordea, ez  luke inor nekatu behar, ederki baikenekien aurrez, txapelketaren maila zein den; hortxe dago […]

Urizar beteranoetan garaile Solsonako mendi duatloian »

Luis Mari Urizar billabonatarrak beteranoen mailan denborarik onena lortu zuen, pasa den igandean joatu zen Solsonako (Katalunia)  Mendi Duatloian.
Kataluniako zirkuiturako puntuagarria da Solsonako proba, eta Euskal Herritik hamaika kirolarik parte h…