Berazubi estadioa eraberritzeko lanak epe laburrean hasiko dituzte »

Gaur aurkeztu dute Tolosako Berazubi estadioa eraberrituko duen proiektua. Lehen faseko obrak, uda ostean hastea aurreikusten dute. Kirol gune irekia izango da, eta etorkizunean ere kirolari lotutako estadio izatea ahalbideratuko dute obra hauek.Urte luzeetako proiektua ia gauzatzear dago. Iraila alderako obrak lizitatu eta lanean hastea espero dute. “Lehenago izan dadin saiatuko gara”, adierazi du Ibai Iriarte alkateak. Usabal kiroldegiarekin komunean kudeatuko dute Berazubiko estadioa. Herriari irekia izango dela, eta “gizarte gastua” dela dio Iriarte alkateak. Aurkezpenean, Ibai Iriarte alkatea eta Peio Etxabe kirol zinegotziarekin batera, Iñaki Arratibel Tolosa CFko lehendakaria, Asier Bakaikoa Tolosa Lantzeneko teknikaria eta Pepita Esnaola Muñoa fundaziokoa izan dira. Kirol ikuspegitik, zahartua eta urte askoan berritu gabe egon da Berazubi. Funtzionala izatea nahi dute, eta eraikin estaliak sortuko dituzte lehen fasean egingo diren obrekin. Besteak beste, padeleko pistak, eta gimnasia egiteko gelak izango ditu Berazubi berrituak. “Negua luzea da, eta beharrezkoa ikusten zen eremu estaliak izatea”, adierazi dute. Lehen faseko lanek zortzi bat hilabete iraungo dute, eta 1,1 milioi euroko kostua izango du.   Udaletik, diru laguntzak lortzeko ateak jotzen jarraituko dutela nabarmendu dute. Eta Muñoa fundazioarenak dira Berazubiko estadioaren lurrak, eta “eskerrak” eman ditu Iriarte alkateak: “izan duten prestutasunagatik eta gertutasunagatik, eta baita eskaini duten laguntzagatik […]

Chory Castro Donostian da »

Gonzalo Chory Castro Donostian da. Bidaia luzea egin du, eta Costa Vasca hotelean ari da atseden hartzen. Bihar osasun azterketa egingo diote, eta laster jokalari uruguaiarraren aurkezpen ofiziala egingo du Realak.

Udako Unibertsitate Bolibartarra uztailaren 16an hasiko da, bigarren urtez »

Ikastaroetan parte hartzeko 15 euro ordaindu behar dira (langabetuek doan). Itxaso Paia izango da ekitaldi guztien aurkezlea eta moderatzailea. Ikastaroetan izena emateko ordainketa Bolivartiar Ikaskuntza Elkartearen kontuan egin behar da: Euskadiko Kutxa 3035-0067-61-0670073265. Dirua sartzean ikasleek izena, abizena, posta elektronikoko helbidea eta telefono zenbaki bat jarri beharko dutela be esan du antolakuntzak. «Azkenengo egunean ikastaroetan parte hartu duten ikasle guztiei diplomak emango dizkiegu», gaineratu dute antolatzaileek. Ikastaroak Bolivartiar Ikaskuntza Elkarteak antolatzen ditu, Ziortza-Bolibarko Udalare, Bizkaiko Foru Aldundiaren eta LNren (Pro Libertate Nabarra) laguntzagaz. Egitaraua, egunez egun: Uztailak 16 Kurtsoen hasiera eta ‘El Alba y el Celac’. 15:30ean hasiko da. Hasiera ekitaldian Jose Azpiazu Ziortza-Bolibarko alkatea eta Aldundiko ordezkaria eta J.M. Unzueta Bolivartiar Ikaskuntza Elkarteko lehendakaria egongo dira. 16:00-17:50. Yolanda Rojas Urbina Venezuelako kontsulatuko ordezkariak Qué es el Alba hitzaldia eskainiko du (gaztelaniaz). 18:00-19:50. Mauricio Rodriguez Venezuelako enbaxadako Madrilgo ministro kontseilariak Qué es el Celac hitzaldia gidatuko du (gaztelaniaz) Uztailak 17 16:00-17:50. Mirari Bereziartua irakasleak Irakaskuntza gaur gaia aurkeztuko du (euskaraz). 18:00-19:50. Halip Lartiga historialariak eta irakasleak Aintzinako Akitania jorratuko du (euskaraz). Uztailak 18 16:00-17:50. Gorka Jakobe Palazio EHUko irakasleak Onlaineko dendak sortuz software librearen bidez aurkeztuko du (euskaraz). 18:00-19:50. Pello Guerra idazleak eta historialariak La conquista (Nabarra marítima) hitzaldia gidatuko […]

Amiantoaren gordina, argitara »

Pauso garrantzitsua izan da Osalanek Xeyk amiantoarekin lan egin zuela baieztatzea, eta, beraz, nire aita mineral minbizi-sortzailearen ondorioz hil zela onartzea. Orain, Gizarte Segurantzak aita lan gaixotasunarengatik hil zela aitor dezan borroka egin behar dugu». Francisco Leonen hitzak dira. Bere aita, Francisco Leon, iazko azaroan hil zen, biriketako minbiziaren ondorioz. 1972. urtetik 2005. urtera bitartean Zumaiako Oikia auzoko Xey enpresan egin zuen lan. Mantentze-lanetarako mekanikoa izan zen, erretiratu zen arte. Hil aurretik, ordea, laneko jarduerak idatzita utzi zituen. Horietan oinarrituta, Osalan Laneko Segurtasun eta Osasunerako Euskal Erakundeak Leonek amiantoa erabili zuen ala ez jakiteko ikerketa abiatu zuen. UROLA KOSTAKO HITZA-k jakin duenez, «noizean behin» amiantoa zuten materialak «manipulatu» zituela ebatzi du erakundeak. Zumaiarrak adierazi duenez, bere aitak hainbat jarduera egin zuen enpresan, eta horietako bat melamina prentsen estalkiak aldatzea izan zen. Horretarako mantak erabiltzen zituzten, eta estalkiei «amiantozko mantak» deitzen zieten. Honen arabera, hori egiterakoan eskularru batzuekin babesten zen, plantxek 180 graduko tenperatura zutelako. «Oso zaila da amiantoa erabiltzen zutela frogatzea, baina langileek mantei izen hori ematea esanguratsua da». Behin jubilatu zenean, lanpostu bera zuen lankide batekin batera bideo bat egin zuen. Biek ala biek zioten amiantoa baliatu zutela ikusentzunezkoan. Mirenalarekin lan egiteaz gain, ordea, Leonek hil aurretik jakinarazi zuen […]

Jarrera “alderdikoiak” alde batera uzteko eskatu du Errenteria-Orereta Bizirik plataformak »

Jarrera “alderdikoiak” alde batera uzteko eskatu du Errenteria-Orereta Bizirik taldeak

Ibilbide bihotz-osasungarrietan lehena, iruditan »

Poliklinika Gipuzkoak antolatutako eta Donostiako Udalak lagundutako Ibilbide bihotz-osasungarriak izeneko ekimena abian da aurten ere. Gaur egin dute programa honen lehen irteera; izan ere, bihotz arazoak dituztenak oinez ibiltzea sustatu nahi du ekimen honek, eta horretarako bost eta sei kilometroko lau paseo prestatu dituzte. Poliklinikako fisioterapeutek gidatuta, astean behineko zortzi irteera antolatu dituzte, eta erantzunaren arabera beste lau paseo antolatuko dituzte. Hitzordua Bengoetxea kaleko Sorospen Etxean ezarri dute, asteazkenero, goizeko 8:00etan; izan ere, ibilbideei 9:30ean ekingo dieten arren aldez aurretik tentsioa neur dezakeelako nahi duenak. Ekimenean aritzeko ez da beharrezkoa aldez aurretik izena ematea, nahikoa da bertara azaltzea antolatutako paseoan parte hartzeko. Bengoetxea kaleko Sorospen etxea abiapuntua izanik, aldaparik gabeko lau ibilbide zehaztu dituzte; hurrenez hurren, Haizearen Orrazia, Burdinazko Zubia, Anoetako estadioa eta Pasealeku Berria helmuga dutenak. Lehenengo egunean, Haizearen Orraziraino joan dira parte hartu duten 40tiko gora pertsonak.

Agerraldia egin dute Pello Odriozolaren alde »

Atzo iluntzean, agerraldia izan zen Tolosako Plaza Zaharrean, Pello Odriozolaren alde, Biziarteko zigorrik ez, Pello Herrira lelopean.
Tolosako Herrira mugimenduan aste honetarako antolatu dituen jardueren artean, datorren ekainaren 30ekoa izango da n…

Euskal gatazkaren biktima guztiak omendu ditu Amaiurrek Batzar Etxean »

Amaiur alderdi politiko abertzaleak Euskal gatazkaren biktima guztiak omendu ditu Gernika-Lumoko Batzar Etxean. Maite Aristegi Amaiurren diputatuak jakinarazi duenez, “hainbeste basakeria eta eskubide urraketaren lekuko izan den herrian batu gara indarkeria mota guztien biktimei errekonozimendua adieraztera”. Azaldu duenez, biktimek merezi duten kalte-ordaina da, eta horrenbestez, Amaiurrek “egia osoaren ezagutza” defendatuko du aurrerantzean be. Aristegik nabarmendu duenez, Amaiurrek argia ikusi zuen lehenengo egunetik, biktima guztiei “atsekaberik sentikorrena” adierazi die alderdiak. Hala, “oroimenean, errekonozimendua eta errespetuan oinarritutako adiskidetzaren alde” lanean jarraitzeko borondatea berretsi du Aristegik. Amaiurreko kideen ustez, “elkarrizketa eta akordioa” dira gatazkaren erabateko konponbidea lortzeko modu bakarra, eta horrenbestez, ekimen demokratikoen eta baketsuen alde pausoak emongo ditu alderdi politikoak. “Indarkeriaren eta mehatxuen kontrako gure konpromisoa adierazten dugu beste behin” esan du Aristegik. Hitzaldi labur baten, Espainaiko Kongresuak antolatutako ekitaldira ez joateko arrazoiak azaldu ditu Aristegik. Alderdiko kideen ustez, ekitaldi horrek ez du aintzat hartzen Euskal Herriak jasan duen sufrimendu guztia. Hala, biktima guztiak onartzen ez dituela eta, Madrilgo (Espainia) ekitaldira ez joatea erabaki dute. “Alderdikeriaz antolatutako ekitaldia da, eta ez du ekarpen positiborik egiten euskal gatazkaren konponbidean” salatu du Aristegik. Aristegik euskarazko testua irakurri ostean, amaiurreko ordezkariek gaztelaniaz, frantsesez eta ingelesez irakurrik zuten adierazpen bera.  

Akordeoi ikasleen kontzertua, ikasturteari bukaera emateko »

Tolosako musika eskolako akordeoi ikasleek kontzertua emango dute, gaur, eskolaren areto nagusian, ikasturteari amaiera emateko. 19:30ean hasiko da eta Koldo Tarragona izango da zuzendaria. Hainbat obra joko dituzte, besteak beste, Hayden-en Jostailuen…

Uztailaren 7ra begira dago Tolosa-Getaria trainerua, «erreferentziak hartzeko» »

Datorren uztailaren 7an hasiko da, emakumezkoen Euskotren Liga, Portugaleten (Bizkaia), eta Tolosa-Getaria traineruko arraunlariak estropada horri begira daude, gainerako taldeekiko erreferentziak hartzeko. Iazko denboraldi bikainaren ondoren, Euskotren Ligako postua ziurtatua izan du aurten taldeak, eta beraz, ez dute sailkapen estropadarik jokatu beharko; hain zuzen ere, sailkapen estropadako hiru traineru onenekin lehiatuko dira neska tolosarrak eta getariarrak, udako estropadetan. Taldekideei dagokienez, zenbait arraunlarik taldea utzi duten arren, TAKeko nahiz Getariako emakume gazte batzuk hasi dira aurten traineruan, eta azkenean lortu dute taldea osatzea. Ioana Alijostes arraunlari tolosarrak azaldu duenez, «aurtengo neguan lehorrean lan handia egin dugu: gimnasioan, ergometroan, korrika…». Tolosarrei eta getariarrei beste urte batzuetan baino gehiago kosta zaie elkartzea, ikasketak, lana eta bestelakoak medio. «Trainerilletan hasi arte ez gara getariarrekin elkartu, eta iaz baino gutxiago aritu gara uretan elkarrekin», dio Alijostesek. Euskotren Ligako postua aurreko denboraldiaz geroztik ziurtatuta izateak eragina izan du horretan, arraunlarien ustez: «Sailkapenaren presio hori ez dugu sentitu, eta uretako lana iaz baino beranduago hasi dugu aurten. Garai honetarako zailduago ginen iaz». Horrela beraz, uztailaren 7ko estropada mugarri moduko bat izango da eurentzat: «Bertan elkartuko gara guztiok, eta erreferentziak hartzeko estropada izango da Portugaletekoa; aurtengo erronketarako geure burua neurtzeko modua izango da». Alijostesek Pasai Donibaneko emakumeek egindako […]