Hamahiru buru, beste horrenbeste aburu »

Tolosaldeko herritarrek hamahiru zerrenden artean aukeratu beharko dute urriaren 21ean. Alderdi edo koalizio politikoak, aldiz, alderantzizko bidean daude, kanpainan zehar botoak bildu nahian. Horretarako euren mezuak lau haizetara zabaldu nahi dituzte, eta guztientzat ez da erraza izaten hori. Egun Eusko Legebiltzarrean ordezkaritza duten alderdietatik haratago, beste horrenbeste izen eta marka daude. Hauteskunde Administrazio, Joko eta Ikuskizunen Zuzendaritzak, zerrendak kaleratzean, seigarren postuan Equo Berdeak-Euskal Ekologistak jarri du. Equo Europako Alderdi Berdearen ordezkaria da,  Europarraren ordezkaria da. Besteak beste, mezu politikoen artean «demokrazia birsortzeko beharra» azpimarratzen dute. ATTKA alderdia, bere aldetik, animalien tratuaz kezkaturik aurkezten da hauteskunde hauetara. Hauteskunde programan azaltzen dutenaren arabera, une honetan milioika animalia sufritzen edo modu gogorrean hiltzen ari dira. Honekin amaitu beharra dagoela aldarrikatzen dute, animali guztienganako errespetua eskatzearekin batera. Aulki Zuriak alderdiak, hauteskunde hauetan boto zuria ez emateko eskatzen du, alderantziz, hori egin beharrean, Aulki Zuriak bozkatzea nahi dute. Alderdi desberdinekin bat egiten ez duten herritarrengana zuzentzen dira, eta legebiltzarkide bat lortuz gero, ondorengoa egingo lukete: «Aulki zuriak uzteko prest gaude. Lortu ahal izango genukeen edozein aulki hutsik uzteko eta egungo hauteskunde legeak aitortzen duen edozein ordainsari ekonomiko jasotzeari uko egiteko konpromisoa hartzen dugu». Unificación Comunista de Españak bere burua ideia zehatz batekin aurkezten du: «Espainiako […]

III. Ahoa bete hots jardunaldietan ahozko sorkuntzara aztertuko dute »

Villabonako Mintzola Fundazioan III. Ahoa bete hots jardunaldiak aurkeztu zituzten atzo. Gipuzkoako Foru Aldundiaren Euskara zuzendariak, Zigor Etxeburuak, hirugarren edizioaren nondik norakoak azaldu zituen, Josune Zabala Mintzola Fundazioaren zuzendariaren eta Beñat Gaztelumendi Bertsozale Elkarteko kidearen laguntzarekin. Hauekin batera, nahiz eta atzoko agerraldian egoteko aukerarik ez zuten izan, Euskal Kantuzaleen Elkartea, Ipuin kontalari taldea eta Euskal Herriko Antzerkizale Elkartea aritu dira antolatzaile lanetan. Zigor Etxeburuak hartu zuen mamia aurkezteko ardura, eta jardunaldien izena Euskalkiak, batua eta erregistroa ahozko kultur sorkuntzan izango dela azaldu zuen. Josune Zabalak aurreko bi edizioak gogoratu zituen, eta iazkoak biltzen zituen liburua jada salgai dagoela esan zuen. Ahoa bete hots jardunaldietan parte hartzeko, izena www.mintzola.com webgunean edo 943 69 28 70 telefonoan eman behar da. Matrikula arrunta 60 eurokoa da. Antolatzaile elkarteetako bazkideek 40 euro ordaindu beharko dituzte, Aiztondoko biztanleek bezala. Ikasle, langabetu eta erretiratuen matrikula prezioa 35 eurokoa da. Izena emateko aukera gaur zabalduko dute, urriaren 24an ixteko. Informazio gehiagorako Mintzolara joan behar da. Egitaraua Azaroak 7, asteazkena 09:00-09:15. Sarrera. 09:15-10:00. Manex Fuchs-en eskutik, Euskara batua eta euskalkiak antzerkian; Ipar Euskal Herriko talaiatik. 10:00-10:45. Ainara Gurrutxagaren eskutik, Euskalkiak traba edo aldeko dira antzerkian? 10:45-11:30. Itziar Ituñoren eskutik, Antzezlea gidoiaren hizkuntza egokitzen duelarik bere egin arte. 11:45-13:00. […]

Azoka eguneko lehiaketetako izen ematea laster zabalduko dute »

Urriko azken astean kultur astea izango da Berastegin hamaika ekitaldirekin, eta horien artean handiena azaroaren 4an izango den Azoka Eguna. Animaliak, jakiak, artisautza… denetarik izango da. Baita lehiaketak ere, bost lehiaketa, hain zuzen: XX…

Tolosako Hodeiertz abesbatza Burgosen lehiatuko da asteburuan »

Tolosako Hodeiertz abesbatzak  Burgosko (Espainia) XI. Antonio Jose abesbatza lehiaketan parte hartuko du etzi. Lehiaketa honetan  Hodeiertz abesbatzak ez ezik Irungo Ametsa gazte abesbatzak, Hondarribiko Eskifaia abesbatzak, Bartzelonako Cor de Camb…

Nekrogunek ekimen bereziak bilduko ditu Beldurrezko Astean »

Teknologia berriekin lotura handia izango dute, eta partaidetza bultzatzea izango da helburu nagusia Fantasiazko eta Beldurrezko Zinemaren Astea urriaren 27tik azaroaren 2ra ospatuko dute hirian. Jaialdiaren aurkezpen ofiziala datorren astean egingo dute, eta bertan emango dute aurtengo xehetasunen berri. Hori baino lehen, ordea, Nekrogune egitasmoaren barnean antolatu dituzten ekimenak aurkeztu dituzte. Aurkezpenean izan ziren Ane Rodriguez Tabakalerako zuzendaria, Jon Sanchez Gugan elkarteko kidea, eta Josemi Beltran jaialdiaren zuzendaria. Ekimen bereziak izango dira guztiak ere, eta guztiek helburu bera dute, partaidetza bultzatzea. «Gure birusaz ahalik eta jende gehien kutsatzen saiatuko gara. Zinemaldiko ohiko partaideak direnekin eta ez direnekin ere harreman estuagoa lortu nahi dugu. Teknologia erabiliko dugu eta kalea okupatuko dugu, partaidetza bultzatzeko», azaldu zuen Beltranek. Nekrobira, jokoak… Egingo dituzten ekimenen artean, Bost Haurrak jokoa, Nekrobira, Olerki galduaren bila eta Master of doom daude. Gutxi gora-behera azaldu zituzten ekimen guztiak, baina xehetasunetan sartu gabe, onena bertaratu eta parte hartzea izango dela azaldu baitzuten. Bost Haurrak, errealitate aktiboko jokoa da. Tabakalerak antolatutako Tranxlan lantegi-laborategian parte hartu zuten partaideek egin dute. Istorio berezi bat kontatuko dute, sare sozialen, bideo-jokoen eta ikus-entzunezkoen bidez. Guztia jarraitzeko, urriaren 15etik 23ra Tranxlan.eu/blog webgunean eta Facebook.com/BeldurrezkoAstea gunean sartu beharra dago. Nekrobira, urriaren 27an egingo dute eta Zonbia ala […]

‘Irakurri baino lehen irakurtzen’, irakurzale eta musikazale txikiak hazteko ekimena »

Haur Liburutegi Nagusiak txiki-txikitatik literatura, musika eta artearekiko interesa pizteko bidea irekitzen du. Irakurtzen eta ikasten ezagutzen dugu elkar; irakurtzen eta ikasten ikasiko dugu dena; hizkiak, zenbakiak, dibertituko zara. Abesti honekin hasten dute Irakurri baino lehen irakurtzen ekimena. Parte Zaharrean, Fermin Kalbeton kaleko Haur Liburutegi Nagusian egiten dute, eta 0-3 urte bitarteko txikiak dira protagonista. Ordu betez euskaraz, gazteleraz eta ingelesez irakurri, abestu eta jolasten dira. Ez dute beraiek irakurtzen noski, baina adi-adi entzuten dute narratzailearen hitza. Doinuaren arabera berehala jakiten dute noiz barre egin, noiz egin txalo edo noiz geratu isil-isilik. Irakurri baino lehen irakurtzen ekimenaren helburu nagusia haur txikiak literatura, musika eta artearekin lotzea da. Elena Oregi, Haur Liburutegi Nagusiko arduradunaren esanetan, «haurrek irakurketarekin lotura afektiboa izatea lortu behar da, gurasoekin batera etorrita, une goxo baten moduan sentitzen dute, eta zaletasun horrek betirako irauten du». Beharrez sortua Ana Molina da Irakurri baino lehen irakurtzen ekimenaren gidarietako bat. Jatorriz mexikarra da, baina urte asko daramatza Donostian. Ama izan zenean ohartu zen ez zegoela 0-3 urte bitarteko txikientzako aukerarik. Haur-eskola edo haurtzaindegira joaten ez ziren haurrek ez zuten beste alternatibarik. Asko bidaiatutakoa da Ana Molina, eta beste herrialde batzuetan ezagutu zuen ideia zabaldu zuen Donostian ere. Mestiza elkarteak lagundu zion […]

Zorroagako Gaueko Aterpea urte osoan egongo da irekita »

Bertako zerbitzuak hogeita hamabi ohe eskaintzen ditu eta 20:00etatik 9:00ak arte egongo da zabalik Orain arte, etxerik ez dutenen eta kalean lo egiten dutenentzako Neguko Aterpea zena Gaueko Aterpea izatera igaro da. Lehen, urteko bost hilabete hotzenetan bakarrik irekitzen zuten aterpea, eta orain, gaua bertan igarotzea behar dutenentzat, urte osoan zehar egongo da zabalik. Udal gobernuak iragarri zuen aldaketa hau egiteko nahia, etaGizarte Ongizateko zinegotzi Jon Albizuk atzoko agerraldian azaldu zituen aldaketaren nondik norakoak. Urriaren 1etik jada zabalik dagoen aterpea, 20:00etatik 9:00etara egongo da irekita. Bertan hogeita hamabi pertsonak lo egin ahal izateko lekua dago, eta hara joaten direnenei edari beroa eskainiko zaie; besteak beste, tea, esnea edo salda. Telebista duen egongela bat ere badago bertaratzen direnentzat. Gaueko aterpea izan arren, goizean gosaria izango dute, baita dutxarako aukera ere. Azkenik, aterpearen zerbitzua zehazki, 11 hilabetetan egongo da eskura, udaran hilabete batez ixtea aurreikusten baitute. Bertan lekua hartzeko, orain arteko sistema erabiltzen jarraituko dutela esan zuen Albizuk. Sistema honen arabera, astelehenetan lehen orduan banatzen dira, aste osoan bertan lo egitea ahalbidetzen duten txartelak. Iaz, plaza gehiago zeudela adierazi zuen Albizuk; aurten, ordea, oheen artean leku gehiago izatea lehenetsi dute. Hala ere, larrialdietarako edo egoera puntualetarako beste plaza batzuk gordetzen dituzte. Iaz […]

«Euskara arma politiko moduan erabiltzen dela uste dut» »

Europako hiritarra sentitzen da eta oso aurrerakoitzat du bere burua. Bizi eta utzi bizitzen da bere lema, eta gorroto ditu inposaketak. Gipuzkoako zerrendaburua izango da Eusko Legebiltzarrerako hauteskundeetan. Nicolas de Miguel (Donostia, 1963) Morlansen bizi da eta Osakidetzan egiten du lan. Gipuzkoako UPyDko zerrendaburua izango da datozen hauteskundeetan. Nicolas de Miguel betidanik egon da politikarekin oso lotua. Idaztea gogoko du eta hainbat komunikabidetan aritzen da kolaboratzaile gisa, nazioarteko politikaz betiere. Oso aurrerakoitzat jotzen du bere burua eta Europako hiritar sentitzen da. Nola hasi zinen politikan? Betidanik gustatu izan zait, gehienbat nazioarteko politika. Oso pertsona aktiboa naiz, berdintasuna, elkarlana eta giza eskubideen aldeko apustua egin izan dut beti. Ideia hauek defenditzeko, oso gaztetan hasi nintzen politikan, 70. hamarkadaren bukaera aldean. Orduan Ezker Batua alderdian aritu nintzen. Baina beste garai batzuk ziren haiek, eta Madrazoren etorrerarekin alderdia utzi nuen. Urte askoan politikatik aldendua egon naiz, eta ez nuen uste gainera berriro bueltatuko nintzenik, baina, hara, saltsan nabil berriro. Zergatik UPyD? Zerk erakarri zintuen? Ia kasualitatez egin nuen bat UPyDrekin. Alderdian afiliatu aurretik eta krisia hasi aurretik ere, ohartua nengoen Espainiako sistema politikoa usteldua zegoela. Gustuko nituen Fernando Savater eta Vargas Llosaren idazkiak, eta haiek irakurriz egin nuen bat UPyD alderdiarekin. Egia esan, […]

Marrutxipin pilatutako obra hondakinak garbitzeko eskatu du EAJk »

Futbol zelaia izan zena, zabor eta eraikuntzako hondakinez beteta dagoela salatu du Martin Ibabek Azken hilabeteetan Marrutxipiko zelaian, zarama, eraikuntzako hondakinak eta mota guztietako zaborra pilatzen joan dela azaldu zuen atzo Martin Ibabe EAJko zinegotziak. 16.000 metro koadro dituen gunea, kontrolik gabeko zabortegi bilakatu dela saltu du zinegotziak. Gainera arduratuta azaldu zen zabor kopuruaren igoerarekin; «badirudi bertan obra hondakinak eta abar inongo arazorik gabe bota daitezkeen zurrumurrua zabaldu dela» esan zuen. Honen aurrean udal gobernuak ezer ere egin ez duela esan zuen eta honen aurrean zer egiten duen azaldu dezan eskatu zuen. Horregatik udal gobernuari arazoari aurre egiteko neurriak hartu ditzan eskatu zuen. Bi neurri zehatz eskatu zituen, batetik, hondakinak jasoz lekua garbitzea, eta bestetik, han hondakinak botatzen dituztenak identifikatu eta legea bete araztea. Beraien esanetan, zaborretako asko argi ikusten baitira zein sektoreetakoak diren. Bilduren erantzuna Atzo bertan eman zuen erantzuna udal gobernuak prentsa ohar baten bitartez. Marrutxipiko zelaiko arazoaren aurrean, neurriak hartu dituela adierazi zuen Nora Galparsoro zinegotziak. ADIFi zelaian botatako hondakinak jasotzeko eskaria egin ziola esan zuen. Udaleko Obra eta Jarduera departamenduak egindako ikerketaren arabera, zelaian aurkitutako hondakin ezberdinen artean, tren azpiegiturak berritzeko erabiltzen diren porlanezko bloke eta trenbide-trabesa arrastoak daude. Urriaren 5 ean egin zitzaion ADIFi eskaera […]

Latinoamerikako gizarte borrokaren berri emango dute »

Txileko Sinapsis proiektuaren eskutik Latinoamerikan izaten ari diren hainbat gizarte borroka  gertutik ezagutzeko aukera izango da bihar arratsaldean, 19:00etatik aurrera, Mikelazulo kultur elkartean.
Proiektu horren bidez zenbait erreportaje eta fil…