Langileen lan baldintzen gainekoak erabakiko dituzte biharko udalbatzarrera »

Udalak udalbatzarraren osoko bilkura deitu du biharko, ezohikoa eta legegintzaldi honetako azkena. 19:30etik aurrera bilduko dira hautetsiak Biltzar Areto Nagusian, gai zerrendan ageri diren sei gairen gainekoak erabakitzeko.
Lezoko Udal langileen lan …

Zaldibian bi hautagaitza eratu dituzte herrikoak, Bildu eta Zaldibian Herrigintzan »

Zaldibian errotik aldatu da maiatzaren 22ko udal hauteskundeetarako perspektiba, duela lau urtetik. Ezker abertzaleko Bildu koalizioak «kultura politiko desberdineko jendea» batu du zerrendan. Bestetik, EAJren inguruko Zaldibian Herrigintzan hautesle elkargoa eratu dute herrian. Bederatzi zinegotziko udalbatza osatzeko bi indar horiek izango dira, nahiz PPk eta PSE-EEk ere hautagaitzak aurkeztu dituzten. Bildu Bilduk «herriarekin herriarentzat» lan egiteko «eredu berria» ekarri duela dio programan, «ezkerreko eta abertzale diren indarrak biltzeko helburuarekin». Joxean Etxabe du alkategai. Hirigintzaren alorrean, arau subsidiarioen lanketa aurrera doala eta horiek amaitzeko asmoa agertu du Bilduk. Ibarguren Azpi, Zelaa eta Errementari eremuetan etxeak eraikitzeko bidea jarrita, nahikoa izango dela aurreratu dute. Uraren kudeaketa «ongi aztertu» eta hobekuntzak egiteko garaia da. Obrei «jarraipen zuzena» egiteko konpromisoa agertu du, «Kanpandegi atzeko lurzoruaren egoera kaskarra» errepika ez dadin. Kultur eragileekin elkarlan guneak sortu, haurren kirol eskaintza zabaldu eta filosofia parte-hartzailea indartu, eta kirol azpiegiturak mantentzea izango da lana. Euskaran, Uematik sustatutako ildoa hartuko dute ardatz. Auzolana indartu, merkataritza txikia bultzatu, eta krisi garaian udal langileen zuzeneko kontratazioa lehenetsi du. Bilore lantegian kutsadura ezabatzea da Bilduk programan sartu duen beste gaietako bat. Ingurumenarekiko errespetua eta oreka dira lehen sektorearen eta baserriaren arlorako oinarriak. Zaldibian Herrigintzan: enpresentzat kokalekua behar Zaldibian Herrigintzan hautes elkarteak «esperientzia, […]

Ataunen bi hautagaitza sortu dituzte herrian, Bildu eta Herrigintza »

Goierriko herri ertain gehienetan bezalaxe, Ataunen ere herrian bertan sortutako bi hautagaitzaren artean erabakiko dute ataundarrek hurrengo legealdian udaleko bederatzi zizeiluak nork beteko dituen. Bildu eta Herrigintza hautagaitzak osatu dituzte herrian bertan, nahiz eta han ere PSE-EE eta PP ere azaldu diren. Herrigintza Herrigintzaren zerrendan buru Bittor Oroz doa, azken bi legealdietan alkate izana. EAJren eta Aralarren babesa du. Energia iturri berriztagarrien azpiegiturak eraikitzea izango da hautes elkargoaren helburu handienetakoa; herriko basoetako egurra enplegatuko duen biomasa zentrala errota hidrauliko txikiak dira proiektuaren ardatz, argindarra sortzeko. «30 enplegu eta udalari urteko 500.000 euroko» diru iturria emango diola aurreratu du Herrigintzak. Hirigintzan, arau subsidiarioak berritzea legealdiko lantzat hartu du. Bestetik, herritarren bilgune plazek izan behar dutela, eta berritzeko Aiakoa geratzen denez hari ekiteko asmoa du Herrigintzak. Azpiegituretan, kanpoko igerilekuak bukatzea, San Martinen kultur etxea egokitzea, herriko ur sarea eta argiteria berritzea, San Gregorion aparkalekua edota komunikazioko banda zabala hari bidez dira asmoak. Udal kudeaketan «ahal bada zorrik ez» egitea da helburua aurrerantzean ere. Kontuak «garbi» eta zergak bizimoduaren igoeraren arabera «aldatu» nahi ditu. Basoen kudeaketa iraunkorra bultzatzeko Agauntzan eta Marumendin antolamendu plana berritu, eta Aitzarterako plan teknikoa egiteko asmoa du, besteak beste. Baserri bideen katalogoa eta herri ondarearen inbentarioa ere egin nahi […]

Jon Ander Urkizuren askatasuna aldarrikatzeko elkarretaratzea deitu dute »

Parot doktrina ezarri zioten 2007an preso sanpedrotarrari; aurten 25 urte egingo ditu kartzelan. Jon kalera orain lelopean Jon Ander Urkizu presoaren lagunek eta senitartekoek elkarretaratzea deitu dute larunbata eguerdirako San Pedron. 12:00etan izango da elkarretaratzea, Dorrean. 1986. urteko irailaren 19an atxilotu zuen Espainiako Poliziak Jon Ander Urkizu, bere etxean, San Pedron. Donostiako gobernu Zibilean zazpi egunez atxiki zuten, eta han torturatu zutela salatu zuen presoak. Aurten 25 urte egingo ditu preso sanpedrotarrak. Urte hauetan guztietan Espainiako estatuko hamika kartzela ezagutu ditu: Alcala Meco, Herrera de la Mancha, Gijon, Teruel, Martutene, Iruñea, Huesca, Soria, Zuera eta lehengo astera arte, Alcazar de San Juanen izan da. Ostiralaz geroztik, ordea, ez da presoaren berririk. Lekualdatu behar dutela esan diete senideei, baina atzo ez zuten oraindik presoaren berririk. Bizi arteko zigorreren kontra Parot Doktrina izenez ezagutzen dena aplikatu zioten Jon Ander Urkizuri 2007an. Modu horretan ezarri daitekeen kartzela zigorrik handiena ezarri zioten, kondena 30 urtera arte luzatuz eta ordura arte pilatuta zituen erredentzioak bertan behera utziz. 2000. urterako zigorraren hiru laurdenak beteta zituen Urkizuk. Parot Doktrina ezarrita, aldiz, 2.016 urteko irailaren 10era arte luzatu diote zigorra. «Jonen lagunak, bizilagunak eta senideak ditxosozko kondena honen aplikazio dakarren bizi osorako zigorra irmoki salatu nahi dugu. Espainiako […]

“Udal kudeaketa eredu berria” jarriko du martxan Bildu koalizioak Ordizian »

Ordizian “aro berri bat ireki” nahi du Bilduk, eta horretarako tresna nagusia «udal kudeaketa eredu berria» ezartzea izango da. “Udalaren funtzionamendua demokratizatu eta herritarren benetako parte hartzea bultzatu nahi dugu”. Eredu hori abian jartzeko herriko kultur, kirol eta aisia taldeetako pertsonak bildu dituzte «lan talde zabaletan», koalizioak dioenez. Herri programa gaika azalduko dute aste honetan, egunero bilerak eginez. Atzo arratsaldean bertan, kirolari buruz aritu ziren Barrenan, herriko kirol talde eta norbanakoekin. Ostiralean, berriz, ekitaldi politikoa eta festa egingo dituzte Plaza Nagusian, 20:00etan. Kudeaketa eredu berri horretan “gardentasuna” izango du ikur Bilduk, “bai aurrekontuak erabakitzerakoan eta baita kontratazioetan ere”. Zer politikari segi erabakitzerakoan, “ikuspegi integral eta estrategikoa” izango du Bilduk. “Ordiziaren zerbitzurako Ordiziaren garapena bultzatuko dugu”. Udal politikaren ardatzak Lau dira Ordiziako Bilduk udalera eraman nahi dituen printzipio eta konpromiso politikoak: elkarlana, emakumea, euskara eta iraunkortasuna. “Sentsibilitate ezberdinetako gizon eta emakumeok Bildun bat egin dugu, batzen gaituena lehenetsi dugulako. Printzipio politiko garbiek presente egon behar dute udalaren jardunetan”. Elkarlan horren barruan, gazteekin lankidetzan aritzea lehenesten du Bilduk. “Gazteak herritar oso gisa hartu behar ditu udalak”. Bilduren arabera, gazteek edozein herritarren “behar berberak” dituzte, eta behar horiei aurre egiteko “politika espezifikoak” sustatu beharko lituzke udalak. “Udalak gazteekin elkarlanean jardun behar du, beti […]

Eneko Etxeberria: “Proiektu honek daukan indarra ikaragarria da eta ez dauka atzera bueltarik” »

Hauteskundeetako ekitaldia egin zuen atzo (igandea) Bilduk
.500 lagun baino gehiago elkartu ziren Izarraitz pilotalekuan

Rosa Mari Urkia da Bilduren alkategaia Ormaiztegiko Udalerako »

Rosa Mari Urkia da Bilduren zerrendaburua Ormaiztegiko Udalerako. Urkiarekin batera honako hauek osatu dute zerrenda: Aitor Iraetak, Iñigo Mendiak, Ekaitz Zuloagak, Lierni Ormazabalek, Miren Arantxa Urbiztondok, Eneko Mujikak, Maixabel Garciak, Amaia …

Hautagaiak aurkeztu ditu Bilduk »

Ostiral arratsaldean, Lezoko Bilduren zerrenda aurkeztu zuten Gurutze Santuaren plazan. Ainhoa Zabalo alkategaiak eta Iñaki Lartiguek hartu zuten hitza ekitaldian eta Bilduren lan ildoak zeintzuk izango diren aipatu zituzten. “Herritarrengandik …

Hamar puntutan laburtu ditu EAJ-k Beasainerako dituen «konpromisoak» »

Beasaingo EAJ alderdiak, «errespetu, lankidetza, eta parte hartzea bezalako balioak oinarri dituzten ekintza eta eztabaida lekuak sustatzeko» konpromisoa hartu du datorren legealdirako. Helburu horiek lortzeko, «pertsona bezala hazi eta heziko gaituen herria» eratu nahi dute, «gizalegezkoa eta Goierriko bihotzean dagoen inguru paregabea zainduko duena». Horretarako, hamar puntutan laburtu dituzte datozen hauteskundeen ondoren beasaindarrekin bete nahi dituzten konpromisoak, batzuk orain arte egindako bideari jarraipena ematen diotenak. Elkartegintzari garrantzi berezia eman nahi diote jeltzaleek, «elkartegintza iruditzen zaigulako herri kohesioa bultzatzeko oinarria», Aitor Aldasoro zerrendaburuak azaldu duenez. Elkarte ezberdinek antolatutako jardueretarako, aurrekontuak %5 igotzeko konpromisoa hartu dute. Hirigintza eta irisgarritasuna Hirigintzari dagokionez, «Arana kalea bihiritartzea» eta oinezkoentzako zubi batez bidez Gipuzkoa plazara bidea egitea proposatu du Aldasorok. Gipuzkoa plazaren inguruan egun ematen diren trafiko arazoak ekiditeko, azterketa egiteko konpromisoa ere hartu du, aparkalekua nola handitu aztertzeko. Bernedo Eneako aparkalekurako ere prozesu bera jarraitzea proposatu du. Nekoalde kaletik Arangoiti egoitzara eta Jose Migel Iturrioz kaletik Joan XXIII kalera igogailua jartzeko proiektuarekin aurrera jarraituko dutela ere iragarri dute. Enpresak eta azpiegiturak Langabeziak herritarren artean sortzen dituen «buruhausteei» aurre egiten laguntzeko, «enpresa berriak martxan jartzeko ekimenak» babestuko ditu EAJ-k Beasainen: «Enpresa inkubategiaren eraikitzea sustatu behar da, Goierriko Zentro Teknologikoan gazte ekintzaileek beren enpresa sortzeko aukera izan […]

Gutuna »

Alegiako EAko militante ohiak herritarrengana zuzendu dira euren egoeraren berri emateko . Orain gutxira arte Alegiako Eusko Alkartasunako militante zirenek ohar bat kaleratu dute, gaizkiulertuak saiheste aldera, une honetan Euskadiko mapa politikoa jasaten ari den aldaketen aurrean euren egoeraren berri emateko helburuz. EAko militante ohiek gutunean azaldu dutenez, iazko uztailean Eusko Alkartasuna uztea erabaki zuten aho batez, euren iritziz “Urizarren alderdiak izandako bilakaerak EAren hasierako helburuekin bat egiten ez zuelako”. Horren ondorioz, alderdiak Alegian zuen antolaketa desegina geratu zen. Horrekin batera gogorarazi nahi izan dute 2003az geroztik ezin izan dutela udal hauteskundeetan kandidaturarik aurkeztu. “Horren arrazoia Udalean egon ginen garaian geuk eta geure senideek jasan behar izan genituen irain eta mehatxuetan aurkitu behar da, jazarpen hori ez baitzen inolaz ere onargarria balizko hautagai askorentzat”. EAko militante ohiek Bildurekin zerikusirik ez dutela jakinarazi nahi diete herritarrei. Era berean, honakoa ere argi utzi nahi izan dute: “Beti defendatu dugu alderdi politiko guztiek udal hauteskundeetan parte hartzeko duten eskubidea, eta aurrerantzean ere halaxe egingo dugu”. Udalean egon ziren urteetan zehar alegiarrengandik jaso zuten babesa eskertu ondoren, “agian egunen batean, Alegiara normalizazioa iristen denean, eta beharrezkoa bada, baliteke berriz gure herriaren kudeaketan parte hartzeko moduan izatea, hogei urtetan zehar ahalegin osoz egin genuen bezala”. […]