Eneko Etxeberria alkate berriak, auzolanera deitu ditu herritarrak »

Bildu koalizioko hautagai Eneko Etxeberria izendatu dute alkate gaur eguerdian Azpeitian egin den Udalbatza osaketako ekitaldian. Zinegotzi guztiek kargu hartu ondoren, bozkaketa egin dute eta alderdi bakoitzak bere hautagaia babestu du; hamaika boto jaso ditu Bilduk, bost boto EAJ-PNVk eta boto bat Hamaikabatek. Etxeberriak txalo artean jaso du Julian Eizmendi alkate ohiaren eskutik alkatetzaren lekukoa eta datozen lau urtetan erabiliko duen aulkitik auzolanera eta amets egitera deitu die herritarrei. “Azpeitia ez da amets bat” esanez hasi du mintzaldia Etxeberriak, “Azpeitia gizaldiz gizaldi, harriz harri, hitzez hitz eta jendez jende osatu den herria da,  izerdi askokin jasotako herria”, esan du; herriari gaur egun duen itxura batez ere “jendeak eta jendearen ametsek” eman diotela, “jendea eta beraien ametsak dira gure herriaren bihotza”. Herritarrak auzolanera deitu ditu alkate berriak, auzolanak “bakoitza noraino iristen den eta bestea non hasten den erakusten digu eta elkarrekin jardutearen menkanika erakusten digu, banaka egin ezin duguna denok elkarrekin egin dezakegula erakusten digu”. Udala, “herritarren etxea, azpeitiarron etxea” dela esan du Etxeberriak, “denok osatzen dugu Azpeitia, inor ez dago soberan”. Aldaketa sozial eta politiko bat gauzatzeko asmoa agertu du, “eta ez diogu iruzurrik egingo gure herriari”. Atzean inor ez dutela utziko adierazi du, “izan gizon edo emakume, izan zahar edo […]

Miren Balerdi da Altzoko alkate berria »

Altzoko udaletxean udal gobernuaren osaketa egin dute. Bilduko Miren Balerdi izendatu dute alkate. Bildu koalizioak 169 bozka jaso zituen eta udaleko zazpi zinegotziak eskuratu zituen maiatzeko udal hauteskundeetan.

Irunen ezuztekorik ez, eta Santanok jarraituko du alkate »

12:40etan izendatu dute Jose Antonio Santano Irungo alkate. Gehiengoz lortu du kargua, ordezkaritza duten alderdi guztiek euren hautagaitza aurkeztu eta babestu dutelako. Santanok PSE-EEren 9 bozkak lortu ditu, Xabier Iridoyk EAJren 5ak, Bilduko Oinatz Mitxelenak beste 5, Juana Bengoetxea PPko alkategaiak beste horrenbeste, eta Manuel Millanek Ezker Batuaren bakarra. Ondorioz, bozka gehien jaso duena izanik, Jose Antonio Santano sozialistak aginduko du datozen lau urteetan ere Irunen. Bere lehen hitzak jasotako konfidantza eskertzeko erabili ditu Santanok; herritarrei eta alderdi kideei eskerrak eman nahi izan dizkie. Ondoren, udalbatzako zinegotziak 61.000 irundarren ordezkari direla gogoratu die eta “haientzako lan egiteko” eskatu. Gehingo absolutorik gabe, duela lau urterekin alderatuta “erronka berriak” izango dituela nabarmendu du, eta “horiei erantzuna emateko bestelako politikak aurrera eramateko konpromisoa” agertu du. Bere agintaldian ezarri nahi dituen hiru ezaugarriak argitu ditu, gainera: “zorrotzak izan behar dugu gure kudeaketan, udalaren jarduera gardenagoa egingo duten baliabideak lortu, eta irundarrekin lankidetzan agintzan asmatu behar dugu, haiengandik beti gertu egonez”. Euskal Herriak bizi duen normalizazio egoerari buruz ere mintzatu da alkatea bere izendapen hitzaldian. “Irungo udaletik ahal duguna egingo dugu egoera berri hori sendotu dadin”. “Hiriko zinegotziak bizkartzainik gabe joan eta proiektuek horizonte berria ikusi ahal izatea” ere galdegin du Santanok.

Ainhoa Zabalo Lezoko alkate berria da, sorpresarik gabe »

Ez da sorpresarik izan Lezoko udaletxean gaur eguerdia. Ainhoa Zabalo Bilduko zerrendaburuak alkatetza eskuratu du, koalizioko zinegotzien aldeko bederatzi botoekin. EAJk Kepa Garbizu alkategaiari eman dizkio hiru botoak. PSE-EEko ordezkari Mikel Antxon Arrizabalagak, aldiz, ezin izan du Udalbatza eratzeko saioan egon. Kepa Garbizuk eta Lucia Aranburuk (Bildu) osatu dute adineko mahaia, zinegotzi zaharrenari eta gazteenari dagozkien postuetan. Zinegotzi soberanistek “legeak inposatuta” zin egin dute, “Espainiako Konstituzioak Euskal Herriaren borondatea errespetatzen ez duelako”. Jeltzaleek, berriz, Konstituzioa errespetatuko dutela esan dute. Botoak kontatu ondoren, alkate berriak hartu du hitza. “Inoiz baino babes handia jaso dugu ezkertiarrok eta abertzaleok”, esan du Zabalok, eta “guztientzat” lan egingo dutela adierazi du, “inolako bazterkeriarik gabe”.Euskal Herrian ireki berri den aro berria ere aipatu du, eta “bortxakeria, mehatxuak, presioak, atxiloketak eta torturak” gaitzetsi ditu. Presoak eta deportatuak etxera itzultzeko nahia ere adierazi du. Haritz Salaberria orain arteko alkateak “Euskal Herriaren burujabetzaren ikur” den arrano beltzaren bandera ere eman dio Zabalori, baita aginte-uztaila ere. “Ziur guk baino hobeto egingo duzuela” gaineratu du Salaberriak, “eta espero dut, guri gertatu zaigun bezala, inorri ez debekatzea zerrendetan aurkeztea”. Imanol Esnaolak ere hartu du hitza. 1999tik 2003ra zinegotzi izandakoak espetxean dagoen Xabier Alegria zinegotzi ohia gogoratu du, baita Udalbiltzaren lana ere. Nazio […]

Idurre Bidegureni emon dio makila Xabier Legarretak »

Bildu izango da Bermeoko alkatetzan datozen lau urteotan. Idurre Bideguren bermeotarra izango da alkatea. Bideguren, gainera, aehen andrazkoa izango da alkatetzan. Bilduko bederatzi eta EAJko zortzi zinegotzi izango dira Udalean.
Idurre Bidegurenek Xab…

Oier Eizmendi da Leitzako alkate berria »

Leitzako udaletxean udalbatza berria osatu da gaur eguerdian. Lehenik eta behin, adinaren mahaia osatu dute, Derecha Navarra y Española alderdiko Silvestre Zubitur izan delarik mahaiburu nagusiena delako, eta gazteena berriz, Bilduko Oier Eizmendi…

Bilduko Koldo Agirre da Beasaingo alkatea »

BIldu koalizioko Koldo Agirre aukeratu dute Beasaingo alkate. Agirrek berak botoak kontatu dituen arte ezin izan da jakin zein aukeratuko zuten alkate, azken asteetan informazio nahasia zabaldu baita herrian. Alkate berriak ere hala azaldu du: “Ez genekien zer pasako zen, azken asteetan eta egunetan gauza ezberdin asko entzun baititugu”. EAJ alderdiko hautagaiarekin eta zinegotziekin lau bilera egin dituzte Bildukoek, Udal Gobernua osatzeko adostasunen bat lortzeko asmoz. Azkenean ordea, ez dute adostasunik lortu eta hauek izan dira alkatea izendatzeko bozketaren emaitzak: Bildu koalizioko Koldo Agirrek zazpi boto lortu ditu; Aitor Aldasorok (EAJ) sei boto; Fernando Boadak (PSE-EE) bi boto; Julio Herrerosek (PP) boto bat eta beste boto bat zurian. Alkate berria izendatuta, aurrerantzean talde lana bultzatu beharko dutela esan du Agirrek: “Astelehenetik aurrera hasi beharko dugu gobernua osatzeko lana egiten, eta ikusiko dugu zer gertatzen den, oso zaila delako seirekin edo zazpirekin gobernatzea. Lehenengo gobernua ondo osatzen saiatuko gara eta momentuko akordioak lortzen”. “Helburua beteta” Beasaingo Bilduren lehen helburua maiatzaren 22an bete zen, Beasainen sei zinegotzi lortu zituztenean. Jasotako boto kopuruarekin “oso gustura” geratu ziren koaliziokoak, eta alkatetza lortzen ez bazuten ere “herrian lortutako erantzunarekin helburua betetzat eman zitekeen” Agirreren arabera. Gaur alkatetza lortuta ordea, poza bikoiztu egin zaie hautagaiari, zinegotziei […]

Oihane Zabaleta da Urretxuko alkate berria »

Historian lehen aldiz, Urretxun emakume bat da alkate: Oihane Zabaleta. Iñaki Zabala orain arteko alkateak hunkituta eman dio aginte makila. Azken asteetan hainbat zurrumurru egon dira udalbatza berriaren osaketaz hitz egiten zutenak, baina azkenean, …

Rosa Mari Urkia izendatu dute Ormaiztegiko alkate, Orbelen aldeko botoekin »

Rosa Mari Urkia, Bildu koalizioaren zerrendaburua izango da Ormaiztegiko alkate legegintzaldi berrian. Bere alderdiko zinegotzien eta Orbel hautes elkartekoen babesa izan du Urkiak; hala, bederatzi bototik sei jasota, gehiengo osoa lortu du. Eguerdiko 12:00etan egin dute alkatea izendatzeko osoko bilkura, eta jende ugari bildu da batzar aretoan. Txalo artean hartu dute alkate berriaren izendapena. Orain arte alkate izan den Jon Intxaustik aginte makila emanda irudikatu du kargu aldaketa. Agurrean, lau urtez alkatetzan egotea “esperientzia aberasgarria” izan dela azaldu du, eta esker ona agertu die berekin lan egin dutenei. Urkiari eta Bilduri berriz, zorte ona opa diela eta ondoan izango dituztela azaldu die Intxaustik. Rosa Mari Urkiak, Bilduk Euskal Herrian sortu duen “ilusioa eta itxaropena” azpimarratu ditu eta hori herrian irudikatzen saiatuko dela. Udala kudeatzeko eta politika egiteko “modu berri bat” ekarriko dutela dio, “herritarren partehartzea” bultzatuko duena.

Igor Eguren izendatu dute Ordiziako alkate »

Goierriko udal guztietako udalbatzak gaur goizean osatu dituzte, horien artean Ordiziakoa. Igor Eguren izango da datozen lau urteetan Ordiziako alkate, Bildu koalizioak gehiengo osoa lortu baitzuen maiatzaren 22ko hauteskundeetan.