“Sistema bera dago krisian eta sistema aldatu behar da” »

Alternatibak, Aralarrek, Eusko Alkartasunak eta ezker abertzaleak Hego Euskal Herrirako proposamen sozio-ekonomikoa aurkeztu zuten atzo arratsaldean Tolosako kultur etxean egindako hitzaldian. Ainhoa Beola Aralar alderdiko Hegoaldeko zuzendaritzako kidea eta Hasier De los Rios Eusko Alkartasuneko kidea eta Bilduko zinegotzia Tolosako Udalean izan ziren hizlariak. Beolak azaldu zuenez, egungo krisia “anitza” da, eta ez bakarrik ekonomikoa: “Finantza krisi bat bada, baina baita soziala, ekologikoa…, eta esparru askotatik egin behar zaio aurre horri”.  Beolak gaineratu zuen krisia “sistema beraren krisia” dela eta “gainerako eragileak proposatzen ari diren irtenbideak sistema bera mantentzekoak” direla. Lau alderdiek proposatzen dutena garbi utzi zuen: “Sistema bera krisian badago, sistema bera aldatu behar da”.  Aldatze horrek “burujabetzaren” aldetik etorri behar duela esan zuen Aralarko kideak. “Burujabetza ez bakarrik identitarioa, baita kulturala, ekonomikoa eta soziala”. Krisi sozialari hainbat irtenbide proposatzen dizkiotela esan zuen Beolak, besteren artean, “zerbitzu sozialak publikoak, indartsuak, kalitatezkoa eta unibertsalak izatea”. Horiek finantzatzeko krisi ekonomikoari aurre egin behar zaiola gaineratu zuen Beolak, eta horretarako “beste garapen ereduak garatu behar dira, endogenoak, hemen Tolosaldean egiten ari dena, hau da, lurraldean ekoiztu, sortu, kontsumitu eta saldu dadin”. Bestetik fiskaltza eredua “ezinbestean aldatu beharra” dagoela esan zuen, bi irizpide nagusi kontuan hartuta: “Gehien dutenak gehiago ordaindu behar dute, eta […]

Azken bi agintaldietako kontuen ikuskaritza eskatu du Gautegiz Arteagako ezker abertzaleak »

Gautegiz Arteagako alkate Juan Felix Naberanek (EAJ) egindako adierazpenak ukatu dituzte herri horretako ezker abertzaleak eta EAE-ANVk, agintaldian egon zenean azken alderdi horrek kudeaketa gardena eta zentzuzkoa egin zuela esanez. Bada, gauzak argit…

Hileta zibilak egin ahal izateko ordenantza aztertuko dute osoko bilkuran »

Beasaingo udalbatzak osoko bilkura egingo du bihar, 19:00etan. Landuko duten gai zerrendan, hileta zibilak egiteko eta hilerrian errautsentzako kolunbarioa jartzeko ordenantzak daude, besteak beste. Horrez gain, Loinatz musika eskolaren tarifak eta bes…

Zarauztarrekin landuko du udalak aparkalekuen arazoa konpontzeko proposamena »

Zarauzko Udalak aparkaleku faltaren inguruko azterketa egin du, eta arazoa konpontzeko hainbat proposamen landu. Proposamenok herritarrei aurkeztuko dizkiete udal teknikariek, ekainetik aurrera antolatuko duten parte hartze prozesuaren bitartez. Aipatu proposamena zarauztarren ekarpenekin osatuko dute, hala. «Parte hartze prozesu horren bidez, egungo TAO sistemaren egokitasuna baloratuko da, eta aparkalekuen arazoa kudeatzeko alternatibak aztertuko dira, herritarrekin eta haien ikuspuntuak eta beharrak kontuan izanik», nabarmendu du Herrilan zinegotzi Mikel Goenagak. Partaidetza eta Agenda 21eko zinegotzi Jabier Etxabururen arabera, prozesuak bi fase izango ditu. Lehenbiziko faseak ekainetik uztail hasierara iraungo du, eta guztira hiru bilera egingo dituzte. Lehen bietan 40-45 bat lagun bilduko dira. «Lehen bi bileretako parte hartzaileen kopurua mugatzearen arrazoia metodologikoa da; izan ere, saio hauen helburua ez da iritzia emate hutsa, elkarlanean aparkalekuen arazoari irtenbidea ematea baizik», azaldu du Etxaburuk. Interesa dutenek ekainaren 11a baino lehen eman beharko dute izena, 943-00 51 10 telefonora deituta, edota agenda21@zarautz.org helbidera mezua bidalita. Izena ematen dutenen artean zozketa egin, eta 30 lagun aukeratuko dira. Ostalarien eta merkatarien elkarteko eta auzo elkarteetako ordezkariek osatuko dute 40-45 partaideko taldea. Parte-hartzaileak ekainaren 13an eta 20an bilduko dira, 18:00ak eta 20:00ak bitartean, Etxezabalako aretoan. Saiootan politikaririk ez dela izango nabarmendu du Etxaburuk; teknikariek gidatuko dituzte lan saioak. Egungo […]

Elizari Ondasun higiezinen gaineko zerga eskatuko diote Amasa-Villabonan »

Amasa-Villabonako Udalbatzak ohiko osoko bilkura egin zuen herenegun iluntzean. Gaien artean, eliza katolikoaren eta beste erlijio sinesbideen izenean erregistratutako higiezinei OHZ aplikatzeari buruz PSE-EEk aurkeztutako mozioa zegoen. Alderdi guztietako zinegotziek aldeko bozka eman zuten, eta honen ondorioz, elizak Villabonan dituen Ondasun higiezinak zeintzuk diren aztertzen hasiko da udala, beti ere, gurtzeko guneak kontuan hartu gabe. Mozioan jartzen zuenaren arabera, erlijio desberdinak gurtzen dituzten taldeek herritarren moduan jokatu beharko lukete, are gehiago, herritarrei esfortzu bereziak eskatzen zaizkienean. Berezitasun hauekin amaitzeko OHZ ordaintzen hastea eskatu zuen Amasa-Villabonako Udalak. Ondasun higiezin hauek, herritarrek erlijio jakin bat gurtzeko erabiltzen ez dituzten lokal, etxebizitza, garajeak… izango lirateke. OHZren inguruko mozioaren ondoren, Bilduk Nafarroako konkistaren eta euskal udalerrien aurkako bonbardaketaren inguruko mozioa aurkeztu zuen. Lehenak 500 urte betetzen dituelako eta bigarrenek 75. Kasu honetan, PSE -EEren zinegotziak aurka bozkatu zuen, eta EAJren bi ordezkariek abstentzioaren alde egin zuten. Mozioaren alde egiterako unean, Bilduk, helburua «gure nortasuna eta nazio izaera aldarrikatzea» direla esan zuen. PSE-EEren ordezkariak bonbardaketen aurka zegoela esan zuen, baina Nafarroako konkistaren irakurketa historikoaren inguruan bere zalantzak azaldu zituen. Azkenik, EAJren zinegotziek gertakari historikoen irakurketarekin bat egin zuten, baina mozioko puntu baten inguruan zalantzak agertu zituzten: «Nafarroa Bizirik plataformarekin bat egin dio mozioak, etorkizuneko nazioaren […]

Mario Artola antiguatarra libre geratuko da »


Espainiako Auzitegi Nazionalak ez dio 197/2006 edo Parot doktrina ezarri Mario Artola preso antiguatarrari, eta aske uztea erabaki du. 42 urteko kartzela zigorra jarri zioten Artolari, 1991n, Donostian zerbitzari bat hil zuela egotzita. Auzitegiak …

Ordiziako Bildu prest dago hondakinei buruz jendaurrean eztabaidatzeko »

Ordiziako gainerako eragile politiko eta sindikalekin hondakinei buruzko eztabaida publiko batean parte hartzeko prest dago Ordiziako Bildu. Sasiker ikerketa taldeak gaur goizean egin dio proposamen hori Ordiziako Bilduri. “Gu han izango gara. Prest gaude birziklapenean emaitzarik onenak eman ditzakeen sistemari, eta osasun aldetik zein ikuspegi sozialetik egokiena den sistemari buruz hitz egin eta elkarlanean aritzeko”. Igor Eguren alkatearen esanetan, Sasikerrek hondakinen kudeaketari buruz Ordizian egin duen lana aurkeztu nahi du, eta aurkezpen hori baliatu eragileen iritziak entzuteko. “Baietz esan diogu Sasikerrek jendaurrean ideiak eta proposamenak eztabaidatzeko egindako proposamenari, aberasgarri izango delakoan”. Gaur arratsaldean egin ditu adierazpenok Egurenek, gobernu taldeko beste bost kiderekin egindako prentsaurrekoan. Usurbilgo Ituna onartu Hilabete da Ordizian hondakinen kudeaketari buruzko informazio eta sentsibilizazio kanpaina hasi zutela, eta dagoeneko 200 herritarrek parte hartu dute egindako hiru bileretan, Egurenek esan duenez. “Gai honek kezka sortzen dien herritarrek ere ari dira bilkurak antolatzen, eta horrek poztu egiten gaitu, zaborrarekin dugun arazoa mahai gainean jarri dugulako, eta herritarrok arduraz jokatu behar dugula onartzen ari garelako”. Oraindik beste bilera-hitzaldi batzuk egiteke dituzte, eta baita bi irteera ere: hilaren 16an Sasietara joango dira eta hilaren 23an Usurbilera. Horrekin lotuta, Egurenek jakinarazi du atzoko Gobernu Batzordean Usurbilgo Ituna onartu zutela. Euskal Herriko gehiengo sindikalak, […]

Mario Artola antiguatarra libre geratuko da Auzitegi Nazionalak Parot doktrina ez ezarri eta gero »

Espainiako Auzitegi Nazionalak ez dio 197/2006 edo Parot doktrina ezarri Mario Artola preso antiguatarrari, eta aske uztea erabaki du. 42 urteko kartzela zigorra jarri zioten Artolari, 1991n, Donostian zerbitzari bat hil zuela egotzita.
Auzitegiak dio,…

Espetxean egindako artelanak, Barrenan »

Goierri beheko 22 euskal presoek egindako hainbat artelanekin erakusketa jarri dute Ordiziako Barrena kultur etxean. Askotariko lanak ikus daitezke, horietako gehienak margolanak. Presoek kartzelan egiten duten lana ezagutzera ematea da erakusketaren helburua, eta senideek nabarmendu dutenez, “egoera makurretan bizi diren arren, presoek duten sormenerako gaitasuna” azalaratzea. Ostiralera bitarte egongo da ikusgai erakusketa. Barrena irekita dagoen bitartean bisitatuko ahalko da, baina pieza guztiak ikusi ahal izateko 18:00etatik 20:00etara joatea komeni da, bi ordu horietan egongo baitira senideak lanei buruzko azalpenak ematen.

Udala ertzain-etxeko arduradunekin bilduko da, larunbateko gertaeren harira »

Zarauzko Udalak bilera eskatu dio Zarauzko ertzain-etxeko arduradunei, “larunbat gaueko gertaera larriak argitze aldera”. Hala adierazi du Zarauzko Udaleko zinegotzi batek. Haren esanetean, aste honetan bilduko dira bi aldeak. Zinegotzi horrek gehitu duenez, “atxilotutako eta jipoitutako herritarrekin ere biltzeko asmoa dugu aste honetan”. Ertzaintzak droga trafikoaren kontrako sarekada egin zuen larunbat gauean Zarautzen, eta hainbat istilu eta zauritu egon zen.