Arraun Eguna ari dira ospatzen Orion »

  Orioko Arraun Elkarteak antolatuta, Arraun Eguna ari dira ospatzen Orion, lehenengo aldiz; festak miresmen handia sortu du herritarren artean, goizetik egin dituzten ekitaldietan jende ugari elkartu baita. Izan ere, Oria Ibaiko XVIII. Jaitsierak du festako garrantzia bereziena, baina hori arratsaldean izango da; goizean, berriz, Babyauto Banderan parte hartuko duten taldeak hasi dira beroketak egiten, Orioko Ikastola Aurrean egin duten arraunaren ginkana-n. Hondarribia, San Pedro, Zarautz, Zumaia, Ondarroa eta Orioko arraun taldeetako bina arraunlari ergometroan aritu dira lehendabizi, eta ondoren, patroiak lokotx bilketan aritu dira; tartean, berriz, herri bakoitzeko alkate eta ordezkariek arraunaren inguruko galderak erantzun dituzte. Giro polita sortu da parte-hartzaileen eta bertaratu diren herritarren artean, eta amaierara arte Hondarribia eta Orioren artean lehia izan bada ere, azkenean hondarribitarrek irabazi dute proba. Gaurkoa festa izanik, Egunsenti otxoteak ez du galdu zita, eta horiek kantuan jardun dute ginkana amaitutakoan; bitartean, Eusko Label produktuen dastaketa ere izan da bertan. Arratsaldean izango da ekimenik garrantzitsuena; 15:00etan hasiko dute Babyauto Bandera 57 taldek. Aurten, aspaldiko parte hartze kopururik handiena izango du jaitsierak; tartean, Urdaibai, Hondarribia, San Juan eta San Pedro. Baina eskualdeko talde ugari ere izango dira larunbatean Orion; hala nola, Orioko eta Getariako hiru traineru, Zumaiako bi traineru eta Zarauzko traineru bat. Herritarrek, berriz, banderaren inguruko apustuak egiteko aukera […]

Inude eta artzainak bihar jaitsiko dira herrira »

Bi aste luze iraun dute inauteriek Errenteria-Oreretan, eta astearteko sardinaren ehorzketarekin ez ziren amaitu: inude eta artzainek esango diete agur datorren urtera arte. Hain zuzen, Orereta Ikastolak antolatzen duen inude eta artzainen desfilea bih…

Indartsu hasi dira Trintxerpeko inauteriak »

Atzo hasi ziren Trintxerpeko inauteriak. Eguraldia lagun, Karmengo Ama Ikastetxeko ikasleak arduratu ziren barrutiari inauteri kolorea emateaz, eta arratsaldean egin zuten desfileak herritarren ikusmina sortu zuen, Tintxerpeko kaleetan zehar musika eta dantza zabalduz: 2 urtetik hasi eta 14 urte bitarterainoko ikasleek parte hartu zuten ikuskizunean. Ikastetxeak aurtengo mozorroen festarako aukeratu duen gaia Eta zu nongoa zara? da, hortaz, munduko hainbat kulturatako pertsonaiak ikusi ziren atzo barrutian zehar: 2 urtekoak indioz, 3 urtekoak mexikarrez, 4 urtekoak tiroldarrez, 5 urtekoak txinatarrez, lehen ziklokoak Bantuez, bigarren ziklokoak Inuitez eta hirugarren ziklokoak arabiarrez jantzi ziren. Bertakoak dira ondoko hiru irudiak. Gaur eta bihar, desfileak nagusi Trintxerpeko inauterien berezitasunetakoa konpartsen desfileak dira. Hala, gaur arratsaldean egingo dute desfile handia, 16:30ean hasita, Carbones eremutik. Honako konpartsek parte hartuko dute: Zuhaitzak, Lagun Artea, Alegria de Alza, Santa Barbara, Gurea, Trumoiak, Aitor ikastola, Tantai Loiola, Thamessis, Fama, Mystic, Txingor, Alaia, Odissey, Eureka, Kaos, APA Telleri, Furius, Bosko Zuhaitz, Intxaur Txiki, Show Time, Boveda eta Txassis. Ondoko zerrendan daude gaurko eta biharko egitarauak: Gaur (larunbata) 11:30ean. Haurrentzako tailerrak Euskadi etorbidean. Ondoren, mozorro lehiaketa. Eguraldi txarra egingo balu elizaren etxabean egingo lituzkete ekimen horiek. 16:30ean. Konpartsen eta karrozen desfilea. 21:30ean. Haurrentzako eta gazteentzako afaria Karmengo Ama ikastetxearen gimnasioan. 23:00etatik 00:30era. […]

Eureka eta Trumoiak konpartsek irabazi dute inauterietako sari nagusia »

Epaimahaiak Trumoiak eta Eureka konpartsei eman die sari nagusia. Umorearen sari nagusia, berriz, Mundo Nuevo konpartsak eskuratu du. Konpartsa eta karrozen saridunak ikus ditzakezu argazki galerian.

San Sebastian eguneko pankarten auzia artxibatu du EAEko fiskaltzak »

Araba, Bizkaia eta Gipuzkoako fiskaltzak San Sebastian eguneko pankarten auzia artxibatzea erabaki du; hala ere, Espainiako Auzitegi Nazionalean oraindik ere aztertzen ari dira urtarrilaren 20an Konstituzio plazan jarritako aldarrikapen mezuak legearen…

Orioko tabernariek pintxo zirkuitua egingo dute Arraun Egunean »

Orion Arraun Eguna ospatuko dute bihar lehenengo aldiz. Oriako XVIII. Jaitsiera aitzakiatzat hartuta egun osoan izango dira ekitaldiak, eta, horren baitan, tabernariek pintxo zirkuitoa egingo dute. Itsasoarekin lotutako pintxoak eskainiko dituzte herri…

Bizi Iturri Jaia egingo dute martxoaren 11n Aian »

Aiako Kirol Elkarteak eta herriko jatetxeek «egun berezia» antolatu dute martxoaren 11rako. Bizi iturri jaia egingo dute lehenengo aldiz, Aiako Udalaren babesarekin. Kirolak eta gastronomiak bat egingo dute festan, Aiako Mendi Lasterketa eta Babarrun Eguna egingo baitute estraineko aldiz. «Egungo egoera ekonomikoak erabaki ausartak hartzera behartzen gaitu», adierazi du Igor Iturainek, Aiako alkateak. Hori hala, «bide berriak» hartu behar direla nabarmendu du Nerea Artolak, herriko tabernarien izenean. Horren ondorioa izango da Bizi Iturri Festa. Herriko nekazarien produktuak «plazaratzeko bide berriei» ekin nahi diete, era berean. Horregatik, Aian ekoiztutako babarrun jana egingo dute jatetxeetan. Arruti, Jauregi, Kanua, Satxota, Altxerri, Errota, Izeta eta Izarra jatetxeetan egingo dituzte bazkariak. Antolatzaileek honako menua prestatuko dute: Aian ekoiztutako babarrunak sakramentu guztiekin, etxean egindako postrea, kafea eta edaria. Hori guztia 15 eurotan jango dute; haurrentzako, berriz, menu berezia prestatuko dute, eta horiek zortzi eurotan izango dute bazkaria. Bazkarira joateko martxoak 4a baino lehen eman behar da izena, 943- 13 09 24 edo 607-23 38 24 telefonoetara deituta. Jatetxe bakoitzean gehienez 30 lagunentzat lekua prestuko dute. Hala, lekurik izanez gero, egunean bertan bertaratzen direnek era gozatu ahalko dute babarrun festaz, platerean. I. Aiako Mendi Lasterketa 11:30ean hasiko da, herriko plazan, eta bertan aritzeko izena emateko epea dagoeneko […]

Jai batzordea asteartean bilduko da mendekosteak prestatzeko »

Mendekosteak hurbiltzen ari direla eta, asteartean jai batzordeak bilera egingo du herriko lehenengo jaiak prestatzen hasteko. Herriko hezkuntza, kultur eta kirol eragileei luzatu diete deialdia bilera horretan parte hartzeko. 19:30ean elkartuko dira K…

Bizi iturri jaia ospatuko dute martxoaren 11n, Aian »

Aiako Kirol Elkarteak eta herriko jatetxeek “egun berezia” antolatu dute martxoaren 11rako; izan ere, Bizi iturri jaia antolatu dute lehenengo aldiz, Aiako Udalaren babesarekin. Kirolak eta gastronomiak bat egingo dute orduan, Aiako Mendi …

Lazkaon danbor hotsek mende laurdena »

Hogeita bost urte beteko ditu Lazkaoko jaietan haur danborradak aurtengo jaietan. 1987ko apirilaren 26an, San Prudentzio aurrean ospatu zen lehenbiziko aldiz, eta ordutik hutsik egin gabe errepikatu da urtero. Urteurrena gogoratzeko, argazki erakusketa prestatzen ari dira antolatzaileak, eta herritarren laguntza eskatu dute, bilketarako.   Haurren artean «ilusio handiz» eta lazkaotar guztiengan «ikusmin askorekin» egin zen lehen saioa, orduko argitarapenetan azaltzen denez. «Egun bikaina egin zuen, eguzkitsua, eta mundu guztiak gozatu zuen. Danborrada kantinerek, oinez eta zaldiz, agintariek, ertzainek, musika bandak eta sukaldarien eta ponpoxoen taldeek osatu zuten. Multzoa ixten, umez betetako karroza, txistu eta danbor erraldoiak zituela», jarraitzen du kronikak. Garaiak asko aldatu diren, oinarrian izaera bertsuarekin jarraitzen du haurren danborradak, festetako igande arratsaldean. Duela bi urte beste ernemuin bat ere eman zuen; helduen desfilea antolatzen hasi baitziren. Igarotako hogeita bost urteak gogoratzeko, argazkiak jaso nahi dituzte antolatzaileek. Udaletxera eraman ditzakete herritarrek, erakusketa bukatu ondoren atzera jasotzeko hitzarekin. Mario Aragon lazkaotarra ari da erakusketa atontzen. Danborradaren antolatzaile zereginetan 11 urte darama, eta testigantza grafiko ugari dauka denbora-tarte horretakoa. «Azken urte horiek ongi dokumentatuta daude. Helburua aurreko urteetako historia ere osatzea da. Ea denen artean lortzen dugun», dio, lazkaotarrei argazkiak utz ditzaten gonbita eginez. Erakusketa festetan Bildutako argazkiekin eta irudiekin erakusketa […]