Gizartearen ispilu barregarria »

‘Wilt, panpina puzgarriaren hilketa’ antzezlana taularatuko du Ados Teatroak, Antzoki Zaharrean Tom Sharpe idazle ingelesaren eleberri bat antzerkira egokitzen ausartu den lehena izan da Ados Teatroa. Wilt eleberria aukeratu dute antzezteko, diotenez, idazlearen lanik dibertigarriena eta ezagunena. Ibilbidea behintzat, zabala izan du, 22 hizkuntzetara itzulia izan baita, eta 10 milioi ale baino gehiago saldu dituzte. Hala, eleberriko istorioa oinarri hartuta, Wilt, panpina puzgarriaren hilketa antzezlana osatu dute. Errenteria-Oreretako Niessen kulturgunean egin zuten estreinaldia, duela hiru aste, eta beste herri batzuetatik igaro ostean, Donostiara iritsi da. «Estreinaldia euskaraz bakarrik egitea erabaki dugu. Bi hizkuntzetan batera prestatu izan ditugun lanetan, gaztelerazkoak euskarazkoak baino eskaera handiagoa izan duelako», azaldu du Garbi Losada zuzendariak. Era horretara, euskarazko bertsioari bultzada handiagoa eman nahi izan diote, eta gazteleraz, agian, udazken aldera estreinatuko dutela azaldu du. Hogei pertsonaia inguru antzeztuko dituzte taula gainean egongo diren bost aktoreek, eta ikusleek hasieratik barre egingo dutela ziurtatu dute. Finean, honako gertaerak nahastuko dira: Literatura irakasle baten emaztearen desagertzea, hormigoi azpian lurperaturiko panpina puzgarri bat, polizia ikerketa zoro bat, eta beste hainbat egoera surrealista. «Istorio nahasi bat erabiltzen du Sharpek, duela 30 urteko gizartearen begirada sarkastikoa egiteko», argitu du zuzendariak. Edonola ere, gizarte hori gaur egungoaren oso antzekoa dela diote aktoreek, […]

Itxako ez da ABF Ligako izar bakarra »

Lizarrako eskubaloi taldea eta Donostiako Bera Bera aurrez aurre arituko dira gaur, 19:00etan, Bidebietan Bazirudien azken denboraldietan Itxako ahalguztidunak ez zuela sekula bere tamainako aurkaririk topatuko, ABF Ligan. Reyes Karrerek 2011-2012 Ligarako osatutako taldea, ordea, oso indartsu dabil. Azken batean, esan daiteke, Donostiako Bera Bera indarberritu egin dela, azken urteetako beheradia eta zorte txarra alde batera utzita. Oraingoan ere, lehenengo postuan aurrea hartuta dago Lizarrako taldea, Ligako sailkapenean, 28 punturekin. Bera Bera, ordea, oso txukun ari da lanean, eta liderra gertutik jarraitzen ari da uneoro, 23 punturekin. Gaurko partida zinez interesgarria izango da, bi taldeek elkarren aurka jokatuko baitute, 19:00etan, Bidebietako kiroldegian. Bera Berako jokalariek badakide ez dutela batere lan erraza izango gaurkoan. Izan ere, momentuz, Itxakok ez du aurkaririk izan, eta Ligan jokatutako partida guztiak irabazteko gai izan da. Lehen itzulian, lan handiena eman zion taldea Bera Bera izan zen. Hala ere, 2011ko irailaren 17 hartan, partida bikaina osatu arren, 27-26 galdu zuen Donostiako taldeak. Sekulakoa litzateke Bera Berarentzat euskal derbiko irabazlea izatea. Izan ere, Ligarako oso puntu baliagarriak lortzeaz gain, 2004-05 denboralditik lortu gabeko garaipena bilduko luke; ordutik ez baita Itxako Ligako partida batean garaitzeko gai izan. Gaurko partidan, gainera, Reyes Karrerek berriro ere bere esanetara izango du […]

Ondo aritu arren, garaipenik gabe itzuli da Union etxera »

Mendizorrotzako zelaian aritu zen Real Union futbol taldea larunbatean, Deportivo Alavesen kontra. Ez zuen partida txarrik egin Unionek, baina talde arabarrak sartutako bi penaltik garaipena eman zien etxekoei.
Unionen hasierako hamaikakoak honako joka…

‘Lau martxa’ »

Xabier Otaegi, pailazoa Hirurogeita ez dakit zenbatgarren urteko festa baten amaieran Agur Jaunak kantatzen ari ginela Goardia Zibilaren jeep pare baten bisita izan genuen. Gehiengoak aho batez kantatzen zuela ikusteak polizien susmoa piztu zuen eta jaialdiaren arduradunari haren letra emateko eskatu zioten. Honek, ez zekiela baina nahi bazuten musika kantatuko ziela erantzun zienez, gaua casa-cuartelean pasa behar izan zuen. Donostiako martxarekin ere horrelako zerbait gertatuko litzatekeela esango nuke, denok ezagutzen dute musika, baina askok ez dakite letra osoa. 1883 aldera Raimundo Sarriegi maisuak konposatutako doinua letra egokiz apaintzeko asmoz, La semana aldizkari donostiarrak proposatutako bertso lehiaketan, hiru egilek aurkeztu zituzten obrak. Epaileek ez zituzten onartu, ez zuten haien ustetan Sarriegiren doinua laguntzeko nahikoa kategoriarik. Euskal Erria aldizkariak, 1884. lehenengo alean, norenak ziren azaldu gabe halaxe argitaratu zituen: San Sebastian-en martxa: “Gaurdegu… bai, bai/ Gaurdegu… bai, bai, bai./ Gaurdegu jaunak, San Sebastian, bai, bai./ Gu gerade irtengeranak, goiz-goizetik kalera./ Musika adi’naz, atabala juaz, lo daudenak esnatu aztera … Bai, bai./ Gaurko egunakin, umore onakin,/ goiz eta artzalde tanboliñarekin/ zezenak dirade jokatzen sokekin/ usario zarra galdu ez dediñ. Ez dediñ./ Gabaz ere zezen-suzkoarekin/ jolasten gerade, gaztiak zarrekin./ Nola ez bizi orlako festakin?/ Biba Donostia bere lege zarrekin”. Donostiako patroiari: “Au poza… bai, […]

Parte hartze handia izan dute Iraetako santainesek »

 Iraetako Santa Ines festen balorazio oso ona egin dute antolatzaileek. Iban narbaiza «gustura» agertu da festez hitz egiterakoan. Igandean, haurren egunarekin amaitu ziren aurtengoak. Ostiralean mus txapelketa jokatu zuten, eta 85 bikotek hartu zuten parte. Narbaizak jakinarazi duenez, iaz 97 bikote lehiatu ziren. «Baina hala ere gustura gaude, kopuru handia baita, eta gastu guztiak berdintzeko nahiko jende badelako». Aitor Bergarak eta Jose Antoni Tamaiok osatutako bikotea izan zen irabazlea; txapel banarekin joan ziren etxera, eta bientzako 1.000 euro ere lortu zituzten. Larunbatean auzoen arteko futbol 7 txapelketa izan zen. «Eguraldiak gehiegi lagundu ez zuen arren, jende askok hartu zuen parte, eta euriaren arabera jende gehiago edo gutxiago zegoen begira, baina saltsa ederra izan zen». Arroa Goiak, Arroa Beheak, Aizarnazabalek, Iraetak, Akoak eta Zestoak hartu zuen parte. Aizarnazabalek eta Zestoak jokatu zuten finaleko partida. Azkenean, Zestoa izan zen garaile. «Azken unera arte iraun zuen emozioak, penaltitan erabaki baitzen nor izango zen txapelduna. Polita izan zen». Frontoia beteta, afaritarako Horren ondoren, herri poteoa egin zuten Iraetan zehar, eta gauari hasiera emateko, berriz, afaria frontoian. 150 lagun elkartu ziren; hori zen ezarri zuten gehienezko kopurua. «Euria egin bazuen ere, 150 pertsona elkartu ziren afaltzera. Beraz, oso ondo joan zela esan beharra daukagu». […]

Zegamako Fermin Mazkiaran eta Joxe Ramon Zurutuza eta Jon Arakama eta Eneko Arratibel izango dira herrialdeko mus txapelketan »

Larunbatean 16:00etatik aurrera jokatu zuten Itzala tabernan Euskal Herriko Mus Txapelketaren barruko Zegamako kanporaketa. Hamabost bikotek parte hartu zuten, eta bi bikote sailkatu ziren herrialdeko kanporaketarako: Fermin Mazkiaran “Maxki”k eta …

1952an jaio zirenen bazkaria, otsailaren 4ean »

Larunbat honetan, otsailaren 4ean, 1952an jaiotako lezoarrek bazkaria egingo dute. Oriotarra jatetxean izango da, 14:30etik aurrera. Informazio gehiago nahi duenak 943 51 49 62 telefono zenbakira deitu behar du (Dani).

Euskara ikastaroa etorkinentzat »

Etorkinei zuzenduriko euskara ikastaroa emango du AEK-k otsailaren 6tik apirilaren 28ra. Izena emateko epea ostirala arte dago zabalik, Zumaiako AEK-ko bulegoan (9:30-11:30 / 19:00-21:00) edo 943860248/943130175 telefonoetan. Ikastaroa doan da.
 

ZAEren urteko batzarra izango da larunbatean »

Otsailaren 4an
egingo du ZAE Zarauzko Arraun Elkarteak urteko batzarra, 10:30ean, Arrona Hermanosen lokalean. 2011ko gastuen likidazioaz, aurtengo gastuez eta diru iturrien aurrekontuaz ariko dira bertan. Horrez gain, kirol mailako balantzea eta aur…

Mikel Olazabalek eta Larrinagak 22-7 irabazi dute Beotibarren »

Olazabal-Larrinaga bikoteak erraz irabazi du Bigarren mailako binakako txapelketako partida, Gorka-Arrutiren aurka. Tolosako Beotibar pilotalekuan jokatu da lehia, eta gorriek 22-7ko emaitza lortu dute.