Eguren Bilduren hautagaia gaztetxean izango etzi »

Bilduren Ordiziako alkategai Igor Eguren Ordiziako Gaztetxean izango da etzi, ostirala. Koalizioak Ordiziarako aurkeztu duen herri programa azalduko die bertara hurbiltzen diren gazteei. 19:30ean hasiko da ekitaldia.

Sozialistak bakarrik kanpainako lehen feria egunean »

Harritzekoa izan da, baina PSE-EEko ordezkariek soilik baliatu dute Ordiziako feria eguna gaur. Jendearengana gerturatzeko aukera polita izaten duten hautagaiek halakoetan, baina sozialistak bakarrik ibili dira arrosak banatzen. Barretxe etxearen parean hauteskunde furgonetan utzi, eta arrosak banatu dituzte Iñaki Dubreuil Ordiziako alkategaiak, Julio Astudillo eta Oscar Renedo –Gipuzkoako Batzar Nagusietarako Oria barrutiko lehena eta bigarrena zerrendan– eta Manuel Huertas Gipuzkoako PSE-EEren lehendakaria. Gaur zortzi bestelako irudiren ikusiko dela pentsa liteke; alderdi gehiagotako ordezkariak bilduko dira ferian, alegia.

Ander Errandonea eta Estanix Lopez etxean daude »

Atzo arratsean iritsi ziren bi preso ohiak herrira. Jende asko zeukaten zain. Senideentzako, lagunentzako eta ezagunentzako ez ezik, presoentzako eta iheslarientzako ere esan zituzten hitz batzuk.

Otezurin erizainak behar dituzte »

Zumaiako Otezuri Zentro Gerontologikoan erizainak behar dituzte (DUE). Kurrikulumak Otezuriko harreran utz daitezke edo zumaia.administrativo@gerozerlan.net emailera bidali.

Uribarri-Ganboara ibilaldia egingo dute larunbatean »

Aiako Lardizabal eskolako Guraso Elkarteak Uribarri-Ganboako urtegira goiz irteera antolatu du larunbaterako, hilak 14. 08:30ean irtengo dira herriko aparkalekutik, eta Arabako urtegia bizikletaz edo oinez zeharkatuko dute; bertara joateko izena ostira…

Zuntz optiko publikoa Erdialdean, Antiguan eta Egian »

Donostiako Sustapenak zuntz optiko publikoaren lehen hedapena gauzatuko du Egia, Antigua eta Erdialdean. Hala ezagutzera eman du sustapen zinegotzi Enrique Ramosek atzo egindako prentsaurrekoan. Zuntzaren zabaltzea udal kanalizazioan barrena egingo …

Auzoetarako planak azaldu ditu EAJko Bildarratz hautagaiak »

Tolosako EAJko alkategaiak, Jokin Bildarratzen, datorren legaldian herriko auzoetarako dituen proiektuak azaldu ditu egunotan. Horrela, Berazubi auzoan nahiz Belaten eta Zuloagan agerraldiak egin ditu, plan hauen berri emateko.
Berazubin, estadioa ber…

Ironia aztertuko dute bihar Ikust Alaian »

Ironiaren poetika landuko dute bihar Ikust Alaia udal liburutegian 17:00etatik aurrera, Carlos Agustin Mintegian. Besteak beste, Les Luthiersen, Woody Allenen eta Joan Manuel Serrat eta Guillermina Mottaren zenbait lan aztertuko dituzte.

Bilduk osasun publikoa nahi du eskualderako »

Astearte arratsaldean, Bilduko eskualdeko nahiz foru adundirako hautagaiek agerraldia egin zuten Tolosako anbulatorioaren aurrean, «osasun publiko baten zerbitzurako eskualdeak duen eskubidea aldarrikatzeko». Bildu koalizioko zerrendakideek, Euskal Herriko gainerako eskualdeek dituzten osasun zerbitzu berak, Tolosaldean izatea eskatu zuten: «pribatizazio prozesuari stop esateko garaia dela uste dugu». Era berean, agerraldian azken hilabeteotan Tolosaldean sortu den Tolosaldea Osasun Publikoaren Alde koordinakundearen lana «txalotu» zuten, eurekin bat egiten dutela nabarmenduz. Herritrrak beren gisara antolatu eta oinarrizko eskubideen alde lan egiteak «izugarri pozten» dituela adierazi zuten Bilduko kideek. Bildu koalizioa bera, eta Bildu osatzen duten familia politikoak, «ezkerrekoak izaki», osasunaren izaera publikoa «beti aldarrikatu» izan dutela diote; osasuna unibertsala izateko eta herritarren osasun eskubideak bermatzeko bide bakartzat dute zerbitzu publikoa. Hau guztia dela eta, Bilduk «bat egiten du» Tolosaldea Osasun Publikoaren Alde koordinakundeak azken asteotan eskualdean zabaldu dituen aldarri eta eskaerekin. Lehenik eta behin, «eskualdeak ospitale publiko baten beharra» duela nabarmendu zuten, eta bide beretik, mediku espezialisten zerbitzuak publikoa izan behar duela ere bai: «azken finean osasuna ez da negozioa, eskubidea baizik». Harturiko erantzukizuna Datorren maiatzaren 22tik aurrera, Bilduk herritarren artean sortutako «koordinakunde honen aldarrikapenekin bat egiteaz gain, koordinakundearekin lan egiteko erantzukizuna» hartu zuen Tolosako abulategian egindako agerraldian. Azkenik, datorren larunbatean, maiatzak 14, Triangulotik 12:00etan […]

Aralar tolosan »

Tolosako Aralarrek bere proposamenen berri eman du. Horretarako informazio orriak banatzen aritu ziren alderdikideetako batzuk herritarren artean. Iñaki Irazabalbeitia alkategaia, Txepe Agirrezabala eta Alvaro Atorrasagasti izan ziren bertan.