Jende gutxi hurbildu da momentuz Reala-Osasuna partidarako sarrerak erostera »

Realak eta Osasunak euskal derbia jokatuko dute bihar Anoetan (21:30). Gaur jarri dituzte partidarako sarrerak salgai estadioko txarteldegian, baina mugimendu gutxi dabil.

Hasi dira Santa Zezili eguneko ospakizunak »

Santa Zezilia da gaur eta, urtero legez, hainbat dira egunotan han eta hemen dauden kontzertuak eta musikagaz lotutako jarduerak. Zenbait herritan hasiak dituzte ospakizunak; Gernika-Lumon eta Bermeon, esaterako. Dena den, gaur eta datozen egunetan be …

Euskararen Asteko elastikoak salgai daude dagoeneko »

Euskararen Aholku Batzordea, Zumaiako beste hainbat elkarte eta talderekin elkarlanean, Euskararen Astea antolatzen ari da dagoeneko. Horren baitan, urtero bezala, Zumaian Saltaka aritzeko proposamena egin dute, eta egun horretarako Euskaraz bizi nahi…

Zonbi karlistak bueltan datoz »

Ataun of the dead film laburrak izan zuen arrakasta ikusita, haren egileak trilogia bat izango denaren bigarren zatia prestatzen ari dira. Ekainean hasi zituzten grabaketak eta urte bukaerarako errodajea bukatuta izatea espero dute. Lehenengo lanarekin hartutako esperientziari esker, «kalitate handiagoko filma» izango dela azaldu dute. Denera berrehun bat lagun ari dira parte hartzen, eta dozena erdi bat tokitan egiten ari dira grabazioak. Zonbiak bueltan dira, eta sorpresa askorekin datoz, gainera. Beñat Iturriotz filmaren zuzendariak azaldu duenez, Ataun of the dead filmak izan zuen zabalkundeak «harrituta» utzi zituen. «Eskuetatik alde egin zigun; guretzako egindako gauza bat zen, baina interneten zabaldu genuen, eta pixkanaka jendea batetik eta bestetik eskatzen hasi zitzaigun». B serieko hainbat jaialditan ere izan da, eta Valentzian, adibidez, epaimahaiaren aipamen berezia jaso zuen, irailean. Hil honen erdi aldera berriz, Kolonbiako zonbien generoko jaialdi batean eskainiko dute. Bigarren filma egiterakoan, «aurrekoaren planteamenduari» eutsi diotela azaldu du Iturriotzek. «Hemen ez dago profesionala den inor. Profesional batzuk eskaini digute laguntza, baina guk nahiago izan dugu geure erara jarraitu. Dirua lortuz gero eta lantalde profesional batekin sekulako filma egin daiteke. Baina kontuan izan behar da guk erabili dugun aktore kopurua, argiztapena, kamerak… dena profesionala izanez gero, dirutza handia izango litzatekeela. Guk azkenean 400-500 euro gastatu […]

Azpeitiko gazteen artean euskara osasuntsu dago, baina baditu ajeak »

«Ikerketaren emaitzak ikusita, Azpeitian euskarak etorkizuna ziurtatuta daukala esan dezakegu, baina aje txiki batzuk ere badauzka». Azpeitiko gazteen hizkuntza-ohiturak aztertu dituzte, eta emaitzak herenegun aurkeztu zituzten, Udaleko Euskara Patronatuan. «Ajeak sendabidean jartzea komeni zaigu, galera gehiagorik ez egoteko», azaldu du azterketaren emaitzen aurkezpenean Ainhoa Beristain Euskara zinegotziak. Ikerketa iazko urrian egin zuen Udal Euskara Patronatuak herriko ikastetxeekin elkarlanean. Hainbat esparru kontuan hartuta, batxilergoko bigarren mailako ikasleei euskara zenbat eta nola erabiltzen duten galdetu zieten, eta erantzunak bildu. Hala azaldu du Euskara Patronatuko teknikari Nerea Arexolaleibak. Orotara, Iraurgi Ikastetxeko, Urola Ikastolako eta Azpeitiko Ikastola Ikasberriko 103 gaztek erantzun dute galdetegia. Gazteek erantzundako galdetegiak lau ardatz nagusi zituen: aldagai sozio-demografikoak (sexua, jatorria…), familiako kideen hizkuntza gaitasuna, esparrukako erabilera (familia, eskola, eskolaz kanpoko jarduerak, lagunartea, teknologia berriak, irakurketa, musika eta telebista) eta hizkuntza-jarrerak. Horrez gainera, erregistroari ere erreparatu diote; hau da, zuka edo hika aritzen diren aurrez aipatutako esparruetan. Azterketaren helburua Azpeitiko gazteen hizkuntza-ohiturak ezagutzea izan da. Emaitzen arabera, Azpeitiko gazteak euskaldunak dira eta bizimodua batik bat euskaraz egiten dute. Baina nesken artean hitanoaren erabilera galtzen ari dela nabarmendu da. Euskara maila ona Galdetegia erantzun duten familiako kide gehienak euskaldunak dira, herrikoak edota eskualdekoak, «denak oso gertukoak». Eta euskara maila bai inkestatuen eta […]

Tolosaldean errenta aitorpena euskaraz egiten dutenen kopurua %21 igo da »

2012an gora egin du errenta aitorpena euskaraz egin duten herritarren kopuruak. Guztira, 5.227 lagun izan dira, iaz baino 681 gehiago. %21,75. Kopuru horietan, segur aski, eragina izan du Aurten noraino? kanpainak. Izan ere, azken urteetan bezala, Tol…

Pello Zelarainen askatasuna eskatu dute, berriro ere »

Pello Zelarain euskal presoaren lagun, senide eta herritarrek, bere egoera salatzeko eta askatasuna exijitzeko eskutitz idatzi dute. Modu horretan, euskal herritar guztiei billabonatarra bizitzen ari den egoera azaldu nahi die: «Uztailetik gaude Pello etxean izan behar duela entzuten, baina egikaritzen ez den errealitate maltzurrak, Pello espetxean mantentzen du, Villabonatik 1400 kilometrotara, 65 urte betetzear, espetxe baldintza oso gogorretan». Zelarainek 26 urteko espetxealdian lortutako erredentzio edo zigor murrizketak daude aferaren erdian. Gertukoen esanetan, Espainiako Auzitegi Nazionalak murrizketa horien aitortza egin ondoren, Zelarain aske uztea besterik ez zuen egin behar Espetxe Zuzendaritzak. Baina honek gauzak argi ez zeudela erantzun zuen. Berriro, Espainiako Auzitegi Nazionalera joan zen afera, eta honek, aurrekoan bezala, billabonatarrari eman zion arrazoia. Egun, ordea, Pello Zelarainek espetxean jarraitzen du. Borroka juridiko soila, borroka politiko bilakatu dela salatu dute Zelarainen herritarrek: «Nola da posible, arlo juridikoan gorenetakoa den epaitegi baten epaia Espetxe Zuzendaritzak ezbaian jartzea?». Erantzuna argi dute: «Mendeku goseak ez du amaierarik». Ostegunero, 19:00etan Pello Zelarain Villabonara eraman arte borrokan jarraituko dutela azaldu dute euskal presoaren lagunek: «Pello maite dugu eta beti maiteko dugu. Ez dugu arnasarik etengo bera etxera ekarri arte, bitartean, ostegunero, 19:00etan geldituta, Gurea zinema paretik bere etxe atariraino, isilean, bere askatasuna eskatzen jarraituko dugu. Muxu […]

Saharar kanpalekuetara joango dira hainbat hautetsi proiektuak ezagutzera »

Tolosaldeko hainbat herritako zinegotzik eta alkatek saharar errefuxiatuen kanpalekuetara bisita egingo dute. «Saharar nazioari babes politikoa adieraztea eta eskualdeko herriek bertan dituzten proiektu desberdinen nondik norakoak zuzenean ikustea» da bidaia honen helburua. Proiektuei dagokienean, batetik, Ibarra anaituta dagoen Tichla herrian burutu duten balioanitzeko zentroa bisitatuko dute; bestetik, Tolosa anaituta dagoen Bir-Lehlu herriarekin dagoen ur deposituen proiektua ezagutuko dute, eta Alegia anaituta dagoen Hagounnia herria ere ezagutuko dute gertutik. Zortzi laguneko taldea joango da Aljerian dauden kanpalekuetara: Ibarrako bi zinegotzi eta  Villabona, Elduain, Alegia eta Orexako bana. Beraiekin batera, Tolosaldea Sahararekin elkarteko bi kide ere joango dira, «koordinazio eta antolaketan laguntzeko nahiz bertan mugitzeko erraztasunak izateko». Azaroaren 27an abiatuko dira eta abenduaren 1ean itzuli. Herritarrei deialdia Hautetsien talde hori saharar errefuxiatuen kanpalekuetara doala baliatuta, herritarrek euren laguntza emateko aukera izango dute. Izan ere, bidaiari bakoitzak 31 kiloko poltsa eraman ahalko du, eta bertakoei emateko gauzekin bete nahi dute. «Herritarren babesa eskatzen dugu, ahal duten neurrian noski, eskolarako materiala (koadernoak, boligrafoak, arkatzak…), botikak, gozokiak (karameluak, txikleak…) eta jantziak aipatutako herrietako gizarte zerbitzuetara eraman ditzaten», adierazi dute zinegotziek. «Hainbeste sufritu duen eta oraindik sufritzen duen herri batekin elkartasuna adierazteko aukera dugu esku artean eta gure aldetik, bidaia hau ahal den eta probetsugarrien izan […]

Joxemari Olasagasti: “Egindako lanarekin oso gustura nago” »

Maila Nagusiko Euskal Herriko Aizkora Txapelketan bigarren postua lortu du Igeldokoak Joxemari Olasagastik Bigarren postua lortu zuen igandean, Arbizun jokatutako Maila Nagusiko Euskal Herriko Aizkora Txapelketan (40:47). «Egindako lanarekin oso gustura nago. Garbi esan behar bada, ongi prestatua nengoen. Bigarren geratzea ez nuen espero, baina hirugarren geratuko nintzela seguru nengoan. Nire barruan podiumean sartzea nuen», adierazi dio Igeldokokoak Irutxuloko Hitzari. Txapelduna Etxarri Aranazko Floren Nazabal izan zen; 39 minutu eta 13 segundoko denborarekin. Hirugarren postuan, berriz, Beasaingo Iñaki Azurmendi geratu zen (42:10). Lortutakoarekin guztiz pozik dagoela onartu du Olasagastik. «Azkenean, bigarren geratu nintzen, eta oso pozik nago. Lan ona egin nuen eta oso gustura geratu naiz». Enborrei dagokienez, ordea, badu kexa txiki bat. «Egurrak gogorrak ziren eta zikinak. Florenek bazuen abantaila txiki bat, bazekielako egurrak nolakoak ziren; bazekien zein material aurkeztuko zuten». Egindako denborarekin ere gustura geratu zen. «Florenek marka ona egin zuen, baina normala da daukan sasoiarekin. Nik daukadan adinarekin nirea egin nuen». Arbizun bildutako giroa nabarmendu du Igeldokoak. «Jende asko bildu zen, eta aspaldian egon den girorik onena izan genuen». Ospakizuna, betiko moduan, lagun artean egin zuela dio. «Galdu edo irabazi, beti nire lagunak aldamenean izaten ditut. Kuadrilla ederra bildu ginen, 25-30 ingurukoa, eta sagardotegi batean bazkari ederra egin genuen». Apustua […]

Hitzen bidezko indarkeriak ere min egiten duela azalduko dute »

‘Hitzak’ antzezlana taularatuko du Hika Teatroak Antzoki Zaharrean, bihartik igandera bitartean Indarkeria fisikoaz gain, hitzen bidezko indarkeria ere existitzen dela argi azaleratuko du Hika Teatroak. Hitzak antzezlana estreinatuko dute bost aktorek Donostian, eta horixe izango du oinarri, hitzen bidezko indarkeria, eta horrek sortutako mina eta ondorioak. Bihartik igandera hartuko dute Antzoki Zaharreko eszenatokia, publikoarengana iristeko asmoz. «Hitz mingarri eta iraingarriak entzungo ditugu antzezlanean», zehaztu zuen Agurtzane Intxaurraga zuzendari eta aktoreak atzo egindako aurkezpenean. Intxaurragak berak duela urte gutxi bizitako gertaera baten harira sortu du antzezlana: «Gertuko bikote batean ikusi nuen gizonak hitz txarrak esan zizkiola emakumeari, eta emakumez isilik geratu zela. Isiltasun horrek pentsarazi egin zidan. Min batetik sortutako antzezlana da». Familia baten istorioa da Hitzak, senar-emaztea eta euren haurra. Emakumea, Mari, hirutan banatua egongo da, eta hiru aktorek interpretatuko dute, horietako bi donostiarrak. Iraganeko Mari, Ane Pikaza izango da; orainaldikoa, Ainhoa Aierbe; eta etorkizunekoa, Klara Badiola. Gizona beti aktore berak interpretatuko du, Jabi Barandiaranek. Gizonak hitzen bidezko tratu txarrak jasoaraziko dizkio emazteari; eta denboran barrena, hitz horiek emakumearengan eragin handia izango dute. «Hitzontzia izatetik isiltasunera igaroko da», argitu zuen Intxaurragak. Hasierako Mari, gaztea, maiteminduta dago. «Nire pertsonaiak bere maitasun istorioa bizi du, hasiera politekoa. Maitasun hori oso betegarria da […]