Euriteek arazo ugari sortu dituzte Tolosaldean eta Leitzaldean »

Asteburuko euriteek arazo ugari sortu dituzte Tolosaldean eta Leitzaldean. Ostiral iluntzean  hasi zen euria, eta oraindik ere ez du atertu, nahiz eta egoera egonkortu egin den. Arazo gehienak eta larrienak  pasa dira jada. Larrienak atzo arratsaldean izan ziren. ARESO, BERASTEGI ETA ELDUAINGO IRUDIAK TOLOSA, AMEZKETA, VILLABONA ETA ZIZURKILGO IRUDIAK    

Iñaki Azurmendi Euskal Herriko txapeldun »

Iñaki Azurmendi aizkolari arriarandarrak Euskal Herriko Maila Nagusiko Aizkora Txapelketa irabazi du. Sei segunduko aldea atera dio bigarrenari, Floren Nazabal nafarrari, eta ia bi minutu hirugarren egin zuen Juan Jose Lopezi. Azurmendiren bederatzigarren finala izan zen atzo Elizondon (Nafarroa) jokatu zutena, eta lehen aldiz jantzi du txapeldun handiaren txapela. Lehen enborretan “lasai eta presarik gabe” aritu zen beasaindarra, eta amaieran indartsu aritzeko. Finalaren aurretik iragarri zuen eztarritik “justu samar” zebilela eta saio garrantzitsua izan arren, ez zuen hasieratik gogor hasteko asmorik. Helburuak beteta, final ikusgarria eskaini zuten Azurmendik eta Nazabalek. Enborrren erdiak ebaki arte, Lopez joan zen aurrena hasieratik, seigarren enborrean Nazabal jarri zen aurretik, Azurmendi bigarren eta Lopez hirugarren. Ordutik aurrera, Azurmendi eta Nazabal ziren txapela irabazteko aukera gehien zituztenak. Azurmendik ongi ebaki zituen hiru oinbikoak, baina laugarren epaia egiteko bi aldiz itzuli behar izan zuen enbor gainean, eta bost segundora hurbildu zitzaion Nazabal. Hala ere, txapeldun-ordeak ez zuen etsi eta gogor eutsi zion erritmoari. Azkenaurreko enborrean hamahiru segundoko aldea zuen Azurmendik, eta Nazabalek erritmoa gogortu bazuen ere, ez zuen Azurmendi gailentzerik lortu, azkenaurreko kanaerdikoan epaia itxi eta buelta eman behar izan baitzuen nafarrak. Saioaren amaieran pozik agertu zen atzo Azurmendi, eta txapela Aitor Esnaolari eta Batis Kortajarenari eskaini […]

Iker Zubeldiak eta Iñaki Apalategik ere aurrera egin dute G puntuan »

Azpeitian jokatu zuten atzo G puntua txapelketaren final laurdenetako azken kanporaketa. Iker Zubeldiak eta Iñaki Apalategik hurrengo faserako txartela zuten jokoan, eta biek ala biek, aurrera egitea lortu dute. Eguraldiak bideetan hainbat arazo eragi…

Armistizioaren zeremonia, ostiralean »

Hilaren 11n, ostiralarekin, 1914-1918 Gerlako Armistizioaren Eguna ospatuko dute Ipar Euskal Herrian, eta Hendaian, Pausun eta Biriatun, Lehen Mundu Gerlan hildakoak izanen dituzte gogoan. Hendaiako zeremonia 12:00etan hasiko da, Hildakoen Monumentoan….

Juan Mari Lujanbio Castroko lemazaina izango da »

Arraun mundura itzuliko da Juan Mari Lujanbio sanjuandarra. Castroko lemazainago izan da hurrengo denboraldian. Lujanbiok ederki ezagutzen du La Marinera. 2002an Kontxako bandera irabazi zuen Castroko lemazaina zela.

Uholdeak Loiola, Txomin eta Martutene auzoetan »

Urumea ibaiak gainezka egin du, egunotan egindako euri zaparrada etengabeen ondorioz. Hori dela eta, Urumea ibaiak gainezka egin du hiriko ohiko tokietan, hau da, Loiola, Txomin eta Martutene auzoetan. Martuteneko hainbat bizilagunek, esaterako, euren etxebizitzak utzi behar izan zituzten atzo arratsaldean, ura sartu zitzaielako. Loiolako bizilagun batek baino gehiagok, berriz, autoak tokiz mugitu behar izan zituzten, urak hartzearen beldurrez, eta garajeren batean ere ura sartu zen. Errepidea moztua dago bai Amaratik Loiolara La Salle ondotik sartzeko, bai Loiolatik Martutenera joateko ere.

Ostegunean mozorro gaualdia eginen dute Xoldon »

Biriatuko San Martin besten harira, mozorro gaualdia antolatu dute ostegunerako, hilaren 10erako, Xoldo ezker paretan. Besta Komitetik esan dutenez, mozorroturik doazenen artean edari sorpresa bat banatuko dute. Ekitaldia 22:00etan hasiko da, eta DJ An…

Euriteen ondorioz urak gainezka egin du eskualdeko hainbat lekutan »

Azken orduetan botatako euriak arazoak sortu ditu eskualdeko hainbat lekutan. Hainbat errepide itxita daude. Gernika-Lumon, esaterako, Kanpantxura doan bidea itxita dago; baita Errenterirako sarbidea eta Santa Anako atzeko parkinera doan bidea be. Kort…

Haurrentzako euskarazko ipuinak asteazkenean Ikust Alaian »

Amaia Arriaran ipuin kontalariak 4 eta 7 urteko haurrentzako ipuinak kontatuko ditu asteazkenean Ikust Alaia udal liburutegian, euskaraz. Ipuin sortaren izenburua Nondik nora joan, ipuinak han izango da. 17:30ean hasiko da, eta sartzea libre izango da.

Autoak frontoira eroateko gomendioa egin du Udalak »

Artibai erreka gainezka egiteko arriskuan dagoela eta, ibaiaren ingurutik autoak kendu eta frontoi ingurura eroateko gomendioa egin du Udalak bando bidez.
Azken egunetan egindako euriagatik Artibai erreka gainezka egiteko arriskuan dago. Bolu inguruan …