Binakako Txapelketako finalean lehiatuko dira »

Igandean jokatuko dira Eusko Label Binakako Aizkora Txapelketako finalak, eta bertan izango dira Anjel Arrospide leaburuarra Urrezko mailan eta Mikel Zabaleta leitzarra Gaztetxo mailan. Jardunaldia igande honetan izango da, 12:00etatik aurrera Azpeitiako Izarraitz pilotalekuan. Bertan hiru final jokatuko dira, Urrezko mailakoa, Zilarrezko mailakoa eta Gaztetxo mailakoa. Esan bezala, Urrezko mailan Anjel Arrospide leaburuarra izango da Mugerza II.arekin batera. Txapelketa honetako maila gorenean lehenengo aldiz ez da aizkolari nafarrik izango. Arrospidek eta Mugerza II.ak Gipuzkoako eta Bizakiko txapeldunak diren Azurmendi eta Atutxa II.a izango dituzte aurkari. Finalean egongo diren lau aizkolarietatik, Arrospide da  Txapelketa honetako final gehienetan egon den aizkolaria. Guztira sei finaletan parte hartu du, honakoa kontutan hartuta. Final hauetako batean txapela ere eskuratu ahal izan zuen. Zehazki 2001-02 denboraldian izan zen, Arria V.a bikote zuelarik. Bere bikote den Ugaitz Mugerzak estreinaldia izango du maila honetan, baina bi aldiz parte hartu du jada txapelketa honetako finaletan, zilarrezko mailan, bere anaia den Aratz Mugerzarekin batera. Aurkari gogorrak izango dituzte aurrean Arrospidek eta Mugerza II.ak. Alde batetik, Gipuzkoako txapelduna den Iñaki Azurmendi izango dute arerio bezala. Berak 2008-09ko Binakako Txapelketako finalean parte hartu zuen eta Arrospiderekin izan zen, gainera. Orduan ez zuten txapela lortzerik izan, galdu egin baitzuten Larretxea eta Atutxa II.aren […]

Mendizabal brontzea lortzen saiatuko da »

Frontoi Motzeko Emakumeen Gomazko Paletako Kutxa Sariko finala eta 3. eta 4. postuak jokatuko dira larunbat honetan Tolosako Beotibar pilotalekuan, 11:30ean. Eta, bertan izango da Maider Mendizabal anoetarra Aurore Coset bikotearekin 3. postua lortzeko…

Amuteko-Kosta eta Arkollako bizilagunek bihar ezagutuko dute autobus sare berria »

Atzo asteazkenez aurkeztu zuten Foru Aldundian Ekialdebus, martxoaren 1etik aurrera Bidasoa eta Oarsoaldea Donostiarekin lotuko dituen autobus sareko emakida berria. Gaur goizean Ingurumen eta Agenda 21eko zinegotzi Ion Elizaldek herrian izango duen eragina aztertu du komunikabideen aurrean, eta bihar, ostiralean, gauza bera egingo du Amuteko auzo elkartean, 19:00etan. Ibaetara eta Bidasoaldeko Ospitalera joateko linea berriak «ezinbestekoak» zirela nabarmendu du.Elizalde «oso pozik» agertu da Foru Aldundiak «herritarren eskaerak kontuan izan» dituelako. «Azken bi urtetako lanaren ondorioa da, erakundeen arteko lanaren fruitua. Bagenekien oraingo zerbitzua errez hobetu zitekeela, eta lortu dugu», gaineratu du. Bere ustez, martxoan abiatuko diren linea berriekin «garraio publikoa mugitzeko modurik azkarrena» izango da. Linea berriez gain, autobusek herrian egingo duten ibilbideak ere berrikuntzak izango ditu, «ahalik eta leku gehienetatik» pasatzeko. «Zerbitzu arinagoa nahi genuen, eta trafiko gehien duen auzotik sartzeak eta ateratzeak ez zuen horretan lagunduko», azaldu du Elizaldek, «ordutegia zabalagoa izango da, eta maiztasuna handiagoa», gehituz. Gainera, martxoaren 2tik 13ra Lurraldebuseko txartela doan ateratzeko aukera izango dela aurreratu du (Matxin Arzukoaren kaleko Iza saltokian). «Bost euro kobratruko digute, baina Lurraldebusek kantitate bera kargatuko digu txartelean gero» argitu du Edurne Simonek, Izadi 21eko arduradunak. Kanpaina eta bideo lehiaketa Martxoaren lehenetik hasita eta Ingurumenaren nazioarteko eguna bitarte (ekainak 3), […]

Berastegiarren sustraiak landatuko dituzte »

Azken urteetako ohiturari jarraituz Zuhaitz eguna ospatuko dute igande honetan Berastegin.  Muñagorri herri eskolako haurrek ere parte hartuko dute festa honetan.
Gainera, aurten berrikuntza bat izango dute, ekitaldi berri bat ospatuko baitute. 2010e…

‘Idiazabal txuri-beltzean” liburua aurkeztu dute »

Idiazabalgo historia jasotzen duen argazki bilduma argitaratu du Ikerketa Taldeak eta Udalak. Guztira 300 argazkirekin osatutako liburua da Idiazabal txuri-beltzean, eta denak herritarrek utzitakoak dira. 1900 eta 1975 urteen artean ateratako argazkiak dira guztiak, “1975etik aurrera hasi zirelako koloretako argazkiak egiten eta urte horrek hainbat aldaketa ekarri zituelako”, argitu du Xabier Urteagak. Liburuan bildutako 300 argazkiez gain beste 700 inguru ere bildu dituzte. Denen artean politenak aukeratu dituzte bilduma osatzeko eta argazki bakoitzaren ondoan hainbat datu ere jarri dituzte: urtea, lekua, argazkian agertzen direnen izenak… Datu horiek denak biltzeko ere herritarren laguntza izan dute Ikerketa Taldeko kideek. Gillermo Urrestarazuk zehaztu duenez, “hiruzpalau arratsaldetan elkartu gara eta denon artean bildu ditugu datuak. Dena eginda genuela uste genuenean herritarren batek beste daturen bat ematen zigun eta berriro hasieratik hasi behar izaten genuen”. Liburuko argazki guztiak hamar ataletan daude banatuta:  herria, herritarrak, festak eta ospakizunak, Ursuaran, kirolak, lana, eskola, erlijioa, irteerak eta bitxikeriak. Guztiek, herriak azken hamarkadetan izan duen aldaketa erakusten dute. Baita idiazabaldarrak zenbat aldatu diren ere, eta horrekin guztiarekin gizartean eman den aldaketa ere bai. 2005etik bilketa egiten Idiazabalgo Ikerketa Taldea 2005ean hasi zen lanean. Herriko historia biltzeko asmoa zuten, baina modua falta zitzaien. Eusko Ikaskuntzako kideek eman ziten laguntza eta […]

Goibegi zerbitzu etxea inauguratu dute »

Abaltzisketako zerbitzu etxe berria inauguratu duteo udaleko eta Foru Aldundiko ordezkariek. Goibegi izena jarri dioten eraikina herritarrei zabaldu diete ohiko zinta mozketarekin Jesus Mari Gorostidi alkateak, Markel Olano ahaldun nagusiak, Rafa Uribarren Landa Garapenerako diputatuak eta Florentino Ugalde Landagipuzkoa32 egitasmoaren kudeatzaileak. Eusko Jaurlaritzako ordezkaririk ez da izan inaugurazioan. Eraikina herriko frontoiari itsatsita dago, errepidearen ondoan Txindokira begira. Bi solairu ditu, behekoa herritarren erabilerarako eta goikoa enpresentzako. Eraikinaren teilatua terraza bezala egokitu dute eta elizaren ondoko parkera lotuta gelditu da. Hain justu, bai terrazatik bai eraikinaren barruko bi solairuetatik Aralarreko parajeen ikuspegi ederraz gozatu daiteke. Guztira milioi bateko aurrekontua izan du eraikinak. Horietatik 600.000 euro jarri ditu Foru Aldundiak Landagipuzkoa32 egitasmoaren bitartez, beste 300.000 euro Eusko Jaurlaritzak jarri ditu Erein egitasmoaren bitartez eta udalak 100.000 euro ipini ditu. Herri txikien beharrak Jesus Gorostidi alkateak eraikinaren garrantzia azpimarratu du ekitaldian: «Zerbitzurik gabe zaila da bizitzea herri txikietan. Eskola, garraioa, medikua eta beste hainbat zerbitzuren beharra izaten dugu. Udalak antolatzen dituen ekintzetarako lokal faltan izaten gara eta gaur inauguratuko dugun eraikina behar horiek betetzen lagunduko du». Alkateak dei egin die Foru Aldundiari eta Eusko Jaurlaritzari  diru laguntzak ematen jarraitzeko eta Markel Olanok bilera batean esandakoari heldu dio: «Gipuzkoan herri txikien eta handien artean […]

Loatzo Musika eskolako ikasleen emanaldia Gurea Antzokian »

Loatzo Musika Eskolako ikasle eta irakasleak, martxoaren 17tik 20ra, Kataluniako Arenys de Mar herrira irteera egingo dute. Hori dela eta, asteartean, 19:00etan Villabonako Gurea Antzokian emanaldi bera eskainiko dute. Euskal Herriko mugetatik haratago joan nahi izan dute musika eskolako irakasleek irteera hau antolatuz. Eta Kataluniako Arenys de Mar herriko Musika Eskolarekin harremanetan jarri eta elkartruke bat egitea erabaki zuten. Lau eguneko irteerara, Loatzo Musika Eskolatik talde handia joango da. Guztira, 72 ikasle (banda, orkestra, txistulari, trikitixa talde eta eskusoinu taldea),  9 irakasleren gidaritzapean izango dira. Gurasoek Kataluniara ezingo dutenez joan, Villabonan ikusteko aukera izango dute.  Arenys de Mar-en egingo duten emanaldi berdina eskainiko dute.  Ikasleak, 12 eta 22 urte bitartekoak dira. Eta hain zuzen ere, Alegia, Altzo, Aduna, Anoeta, Ibarra, Irura, Villabona eta Zizurkil herrietakoak. Loatzo Musika Eskolako irakasleek «Villabonako emanaldira gonbidatzen zaituztegu» diote. Eta gurasoez gain edonorentzat ateak doan zabalik egongo dira Gurea Zineman. Musika eskolen elkartrukea Lehen hartuemana martxoan egingo dute eta Kataluniarrak datorren ikasturtean etorriko direla gurera adostu zuten. Ostegunean, hilaren 17an, 15:00etan aterako dira Anoeta eta Villabonatik autobus banatan. Igandean berriz, 20:30etan iritsiko dira irteera puntu berdinetara. Arenys de Mar herrian, ostiralean, lau taldetan banatuta institutu ezberdinetara joango dira emanaldiak ematera. Larunbatean berriz, larunbateroko azokan kalejiran […]

Ze urrun dago Kilimanjaro »

“Tontorra, tontorra!”. Mendizale baten hitzik desiratuena den hori edo beste antzekoren bat entzun zen 1976ko abuztuaren 10ean Kilimanjaroko gainean (5.895 metro, Tanzania, Afrika). Euskaraz eta ozen. Gailurrean ziren 11 euskal herritar: Kepa Urruzuno, Rafael Orofino, Fernando Zearreta, Javier Odriozola, Josu Agirre, Dario Fernandez de Arroiabe, Joakin Zubeldia, Joxe Mari Llavori, Joxe Mari Gutierrez, Luis Mari Aristegi zumaiarrak, eta Jose Manuel Murua zarauztarra. Azkeneko kanpamenduan, gaixorik igo ezinik 4.000 bat metrora zegoen Javier Carballo zumaiarrak ere entzungo zituen, akaso, arrakastaren oihu gozoak. Horra, Zumaian, gazte talde batek antolatu zuen espedizioaren lorpen handiaren azkeneko zatiaren kontakizuna. Tontorrean ikurrina jarri aurreko bidea askoz lehenago hasi zuten, ordea. Mahai baten bueltan dauden talde hartako lau kidek, Odrizolak, Carballok, Aristegik eta Zearretak azalduko dute nola gauzatu zen asmoa, bidaia nolakoa izan zen, gailurrerako bidean zer gertatu zitzaien, eta nola ez, halako bidaietan sortzen eta bizi izaten diren anekdotak. «Joakin Zubeldiaren ideia izan zen», hasi da Zearreta. «Lehenago igoa zen Mont Blanc mendira, Europako garaienera, eta Afrikako tontorrik doilorrena zapaldu behar genuela bururatu zitzaion. Horrela hasi zen dena». Bakarrik ezin joan, ordea, eta taldea osatu beharra zegoen. Taldekide denek ezaugarri bera izan behar zuten, halabeharrez: mendizaleak izatea. «Hortik aurrerakoak, espedizioaren beharren arabera antolatu genituen». Aristegik hartu […]

Tesinsako langileen elkarretaratzea »

Enpresa batzordeak deituta, Lezoko Tesinsako langileek bi orduko lanuztea eta elkarretaratzea egin dute gaur, euren lantokiaren parean.  LABek salatu duenez, Tesinsak enplegua erregulatzeko dosierra aurkeztu zuen lan falta argudiatuz, eta langileen or…

Inauteriak ekintzaz beteta datoz aurten Legazpira »

Aurtengo inauteriak berrikuntzekin datoz Legazpira. Ohiko egitarauan txertatuta, inauteri iganderako Sustraiak Dantza Taldeak berreskuratu edo asmatu zuen Lintx pertsonaiaren etorrerarekin emango zaie Legazpiko Inauteriei hasiera ofíziala aurten. Hainbat ekintza burutuko dituzte Legazpin inauterietan. Musika eskolakoen kalejirak, ikastetxeetako haurrentzako desfileak, Gazte Asanbladak antolatutako jaialdiak eta Iñude eta Artzaiak konpartsak Legazpiko kaleak jai giroz jantziko dituzte datorren astean. • Martxoaren 3an, osteguna, Doinua Musika eskolako ikasleek inauteri kalejira egingo dute, 17:30etik aurrera. • Martxoaren 4an, ostirala, herriko ikastetxeetako haurren desfilearen txanda izango da. 16:00etan abiatuko da desfilea Santikutz egoitza paretik. Santikutz kalean eta Kale Nagusian zehar abiatuko dira, plazan amaitu aurretik. 17:00etan Lintxen etorrera ospatuko dute Euskal herria plazan. Ordu horretan, Urolatarrak txaranga kaleak alaitzen hasiko da, 21:00ak arte. Lintx katamotza, Katamaloz lagundurik azalduko zaigu plazan ikastetxeen desfilearen amaieran eta bertan bildutakoen lana izango da zarata ateraz (txilibitu, karraka, txindata, txistu,…) Lintx eta katamaloak uxatzea. Behin lortuta, etxafleroen jaurtiketarekin inauteriei hasiera ofiziala emango diete. LYNX (grekera) Izen honekin izendatua agertzen da Legazpiko udal dokumentu zahar batzutan katamotza. Katamotzak, otsoa eta beste animalia harrapakeri  batzuk bezalaxe, inguruko baserritar eta artzainei buruhauste ugari ekartzen zizkien: artalde eta etxe-abereetan kalteak egiten zituzten eta beldurra eragin ere bai. Gisa honetako animalien ehiza baimendua zegoen eta ehizaldiak […]