«Filma egitea erronka da niretzat, ez hainbeste gero izan dezakeen bidea» »

Xabier Perurena Aktorea eta zuzendaria Harategian, Goenkale telesailean, Goenkale antzerkian, Yes we jai saioan, Peru-Harri museoan, eta hori guztia gutxi ez, eta film bat zuzentzen ari da Xabier Perurena (Leitza, 1987). Lau egunetan egin ditu Parle vu euskara lanaren grabazioak, «oso gustura» geratu da, eta orain muntaketa lanei ekingo dio. Nola da posible zinemaz ezer jakin gabe film bat grabatzen hastea? Azken sei hilabeteetan, buru-belarri aritu naiz informatzen, nire kabuz ikasten, film bat nola egiten den. Astegunetan lan ugari izaten dudanez, asteburuak kameren atzeko lana ikasten aritu naiz. Eta, nire burua prest ikusi nuenean, Parle vu euskara antzezlana filmera egokitzea aukera polita iruditu zitzaidan. Zer kontatzen du? Langarreta fikziozko herrikoa den mutil xelebre baten gorabeherak kontatzen ditu. Protagonista bertako turismo bulegoko aldi baterako langilea da. 1992an gertatu zen istorioa. Turismo bulegotik igarotzen diren pertsonekin makina bat xelebrekeri izango ditu, baita Interneteko bere maisuarekin ere. Halaber, maitasun istorio bat ere izango du. Komediazko filma da. Film laburrarekin saiatu ordez, film luzea egitera ausartu zara. Lan handia izango zela banekien arren, une honetan film laburra baino, luzea grabatzea errazagoa zela ikusi nuen. Guztia turismo bulego batean oinarrituta dago. Leitzako turismo bulegoan pentsatu nuen, eta zera ikusi nuen, benetako plato batean bezala argiak […]

Bilduk eta Aralarrek 2016rako hondakinen %85 gaika biltzea helburu duen sistema ezarriko dute »

Tolosako azken osoko bilkuran hiri hondakinen gaia jorratu dute eta Bilduk eta Aralarrek onartutako mozioan helburu jakin batzuk bete behar dituen bilketa sistema ezarriko dela zehaztu dute. Batetik, «hondakin sortzailearen erantzukizuna ezinbestekoa denez», hondakinak sailkatzea eta kanporatzea, «borondatezko ekintza baino, herritar guztion ardura eta betebeharra» izango dela dio mozioak, eta, bestetik, gaika bilduko diren hondakin kopurua zenbatekoa nahi den izatea zehaztu du: «2014. urtearen bukaeran, gutxienez, hondakinen %70 gaika bilduko da, helburua delarik 2016 urterako %85 gaika biltzea». 2013ko bukaera baino lehen Tolosako udalerrian gaika bilduko diren hondakin motak zehaztu ditu testuak: papera, ontzi arinak eta plastikoak, beira, materia organikoa eta sukaldeko olioak. Onartutako mozioaren arabera, «hautatzen den bilketa ereduak, edozein dela ere, betebehar horri erantzun beharko dio eta hondakinak nahastuta kanporatzea eragotziko du». Bestalde, hondakinak egoki sailkatzen direla bermatzeko, ikuskaritza-sistema bat izango duela zehaztu du mozioak, eta bilketa sistema «etengabeko hobekuntza prozesu baten bidez doitzeko eta hobetzeko modukoa» izango dela. Izan ere, helburuak azaldu badira ere, ez da bilketa mota nolakoa izango den zehaztu. Bilduk eta Aralarrek onartutako testuak dioenez, «bilketa eredu berriaren proposamena Tolosaldeko Mankomunitatearekin elkarlanean egingo da». Horretarako, «hondakinen kudeaketan aditua den eta Gipuzkoan hiri hondakinen kudeaketan interesik ez duen enpresa bati» eskatuko zaio proposatu dezala finkatutako […]

Eusko Jaurlaritzak Kontxa eta Morlans arteko trenbidea lehiaketa publikora ateratzea onartu du »

Lanek 55,5 milioi euroko aurrekontua dute eta 40 hilabeteko epea izango da horiek gauzatzeko.
Eusko Jaurlaritzak 55,5 milioi euroko aurrekontua bideratuko du EuskoTreneko sarea Kontxa eta Morlans artean luzatzeko. Iñaki Arriola Eusko Jaurlaritzako Gar…

Anoeta estadioa euskal errugbiaren bilgunea izango da abuztuaren 3an »

Baionak eta Miarritzek Euskal Herriko I. Kopa jokatuko dute, eta gainontzeko taldeek jaia bultzatuko dute Errugbi jaia antolatu du Euskal Herria Kirolak abuztuaren 3rako. Baionako eta Miarritzeko talde indartsuak izango dira aurrez aurre, 20:00etan, eta Anoeta izango da lehiaren lekuko. Hala, Euskal Herriko I. Kopan, lehia eta aldarrikapena batuko dira. Jaia, ordea, arratsalde osoan izango da, eta garagardo azoka egingo dute estadioaren kanpoaldean, eguerditik aurrera. Gainontzeko euskal taldeetako kideek txosnak jarriko dituzte: Bera Bera, Donostiako Atletiko, Uztaritze, Hernani, Gernika, Zarautz, Gaztedi eta La Unica. Gainera, Dj Bullek eta Damba eta Xutik taldeek giroa alaituko dute, 16:00etatik aurrera. «Egun hau errugbi jaia bihurtu nahi dugu, eta denen artean lehia berezi hau bultzatu, edozein dela bere formatua», adierazi zuen aurkezpenean Jon Esturok, Euskal Herria Kirolaren bozeramaileak. Hasiera batean, dagozkien ligetan hobekien sailkatutako lehenengo sei taldeekin antolatu nahi zuten Kopa. Egutegi arazoak tarteko, ordea, ezinezkoa izan da. Beraz, bi talde nagusiekin finala jokatuko dute zuzenean. «Bakarrik Euskal Herriko txapelduna zein den jakitea falta zaigu», gehitu zuen Esturok. Hala ere, datorren urterako txapelketa nagusi bat antolatu nahi dute, hainbat mailetako talde askok elkarren kontra joka dezaten, beti ere, beheko mailetako araudiarekin. Sarrerak salgai daude Euskal Herria Kirolak, kirolarien bilguneak, kopak, txapelketak eta ligak antolatzea du […]

Iaz baino ikus-entzule gehiago erakarri dituzte Jazzaldiko emanaldiek »

Guztira, antolatzaileen arabera, 122.000 lagun izan dira jaialdiak eskainitako 103 kontzertuetan Zapore ezin gozoagoa utzi die 47. Jazzaldiak antolatzaileei. Aurreko urteetako datuekin alderatuz, ikus-entzuleek gora egin dutela adierazi zuten arduradunek, atzo emandako prentsaurrekoan. Guztira, 122.000 ikus-entzule egon dira egindako 103 emanaldietan (horietatik 70 doakoak); hau da, iaz baino %6 jende gehiago izan da; zehazki, 115.000 ikus-entzule jaso baitzituen iazko jaialdiak. Horretaz gain, bildutako musikarien maila artistikoa «handia» izan dela nabarmendu zuten, eta komunikabideek plazaratutako kritikak onak izan direla. «Jazzaldia Donostian errotua dagoen jaialdia da, eta hiriari asko ematen dio, bai ekonomia bai musika aldetik ere. Hiria mundura zabaltzeko beste era bat da», nabarmendu zuen Juan Karlos Izagirren alkateak. Viktoria Eugeniaren mendeurrena ospatzeko, Gaujazza egin zuten uztailaren 20an, eta sarrerak pare bat aste lehenago agortu ziren. Antolakuntza zailtasun handienak horrek sortu zituela aitortu zuen Miguel Martinek, Jazzaldiko zuzendariak. «Guztia oso ongi atera zen Gaujazzean, baina ongi trebatutako langile asko behar izan genituen. Oso konplikatua izan zen», aipatu zuen Martinek. San Telmo Museoa, esperimentazio gunea izan da, iaz egin bezalaxe. Aurtengo jaialdian, euskal artistek bat egin dute nazioarteko izarrekin, eta erantzunarekin ezin alaiago agertu zen Martin. «San Telmoko emanaldietan jendeak izandako erantzunarekin oso gustura geratu gara, ez genuen halakorik espero. Gune esperimentala izaten […]

Gordetzen duen altxorra ezagutarazteko txokoa du Uliak »

Larunbatean irekiko ditu ateak Interpretazio Zentroak; asteartetik igandera egongo da zabalik abuztuan Juan Karlos Izagirre alkatearen arabera, «leku bizi, ireki eta dinamikoa» izango da Zaindu eta maitatu, ondo ezagutzen den hori egiten dela esaten dute eta Uliako Interpretazio Zentroak helburu hori du: Uliako habitat eta aberastasunak ezagutzera eman, bertako nahiz bisitariak hiriak altxor txiki bat duela ohar daitezen. Basollua askaldegiaren ondoan zegoen irrati etxeak bestelako uhinak zabalduko ditu orain, labarretan eztanda egiten duten olatuena, txioka bertan bizi edo negua igarotzera hurbiltzen diren txoriena edo udazkenean beren jantzia eranzten duten zuhaitzena. Uliako Interpretazio Zentroak mendia eta itsasoa «sakon eta bertatik bertara» ezagutzeko aukera eskainiko duela plazaratu du Juan Karlos Izagirre alkateak. Natur eremuan murgiltzeko gogoz direnek, hortaz, larunbatetik aurrera izango dute Uliako Interpretazio Zentroa bisitatzeko aukera, orduan irekiko dituelako ateak. Abuztuan, asteartetik igandera egongo da zabalik, 10:00etatik 14:00etara eta 16:00etatik 20:00etara. Ez da oso leku handia baina hamaika sekretu eta bitxikeri gordetzeko adina leku badu. Zentroaren erdigunea erakusketa iraunkor batek betetzen du. Ingurune fisikoa nolakoa den eta Ulia biziz betetzen duten landare eta animaliak zeintzuk diren ezagutzeko hainbat informazio taula eta jolas prestatu dituzte. Txiki Txokoa Hala nola, baleak ikuskatzeko Ulian dauden talaiak irudikatu dituzte, landareak sailkatzeko koaderno handi bat egin […]

Gutuna: ‘Independentzia? Bai, gurea’ »

Beñi Agirre, euskara irakaslea
Izugarria da herri honek jasan dituen konkisten ondorioz euskaldunok, nafarrok, pairatzen dugun nahasmena. Ez dakigu nor garen, zer garen, zer egin diguten; aitzitik, franko-espainiarrek aukera duten guztietan muturraren…

Topoko lanetan erantzukizunak eskatu ditu Herrera Herrirak »

Salatu dute hondakinen mendixka ez dutela kendu, eta geltokirako sarbiderik ez dutela aurreikusi
Herrerako topoko geltokiaren lanen harira kezka agertu du Herrera Herrira herri batzordeak. Hori adierazteko ekimena egin zuten ekainaren 30ean, baina gaia…

Hasi dira Villabonan herriko jaiak »

Santio Jaien hasierako txupinazoa Malkar aisialdi taldeko kideek bota dute. Herriko jaien lehen egunean, Villabonako presoak gogoan izan dituzte. Aurretik, zortzi egun gelditzen dira.  

Laikotasunari buruzko mozio bat aurkeztu du Bilduk, eta bihar landuko dute »

Ikasturteko azkeneko udalbatzarra egingo dute zinegotziek; hamalau puntuko gai zerrenda landuko dute
Laikotasunari buruzko mozio bat aurkeztu du Bilduk, eta bihar landuko dute herriko zinegotziek. Ikasturte politikoko azkeneko udalbatzarra egingo dute,…