Gazteen beharrizanak aztertu asmoz, Gazteria Saila sortu du Bermeoko Udalak »

Herriko gaztee beharrak eta arazoka beraiekin aztertzeko eta eztabaidatzeko, eta horiei irtenbideak emoteko Bermeoko Udalak Gazteria Saila sortu du. Atzoko osoko bilkuran onartu zen Bilduren aldeko botoekin. Eusko Alderdi Jeltzalea (EAJ), barriz, abstenitu egin zen. Orain arte Gazteriaren arloa, Kultura, Gazteria eta Hezkuntza Sailaren barne zegoen, baina gazteen egoera zelakoa den kontuan izanik, udal gobernual berariazko sail bat sortzea erabaki du. Juan Kuarlos Agirre izango da sail barriko zinegotzi arduraduna, eta haren esanetan sail barriak “ez du gainerako kostu ekonomikorik izango”. Nahiz eta EAJko zinegotziek horrek 20.000 euroko kostua suposatuko duela aipatu. Agirreren arabera, “udalak egun dituen baliabideak erabiliko dira bere funtzionamendurako. Eskatuko duen bakarra esfortzu pertsonala da”. “Gure etorkizuna diren gazteek, egun, krisi ekonomikoaren ondorioz, arazo asko dituzte; langabezia, etxebizitza falta, aisialdirakok aukera falta…”, gogorarazten du Agirrek. Horrela, gai guzti horiek gazteekin “eztabaidatzea eta lantzea” beharrezkoa dela uste dute. Bestalde, gazteek arko desberdinetan bizi duten egoera ezagutzeko, beraiekin batera diagnostiko bat egingo dutela jakinarazi dute, “lan hori funtsezkoa izango da irtenbideak bilatzeko”. Juan Karlos Agirrerekin batera, Bildutik Aingeru Astui eta Josune Barturen izango dira Batzordeko ordezkariak. EAJko ordezkariak, barriz, Alazne Zumeta eta Aritz Abaroa izango dira. EAJk ez du uste beharrezkoa denik EAJko zinegotziek, barriz, abstenitu egin ziren atzoko […]

Hondakinak sailkatzen ez dituzten getariarrek %5eko igoera izango dute tasan »

Getariako Udalak eman die behin betiko oniritzia 2013ko ordenantza fiskalei, Bilduren eta Getariako Independenteen aldeko sei botorekin, eta EAJren abstentzioarekin (lau boto). “Juxtuak eta nahikoak” direla dio udalak, eta gustura agertu dira ordezkariak. Oro har, zergak eta tasak KPI adina igoko dira datorren urtean, baina Hego Euskal Herriko KPIaren bataz bestekoa; %3,2, zehazki (Gipuzkoakoa %3,1ekoa izan da 2011ko urritik 2012ko urrira; Bizkaikoa %3,3; Arabakoa %2,8; eta Nafarroakoa %3,5). “Nazio ikuspegia” oinarri hartuta erabaki dute hori. Ohiko etxebizitzak ez direnen jabeek %25eko errekargua ordaindu beharko du Ondasun Higiezinen gaineko Zergan. Eraikinek etxebizitza erabilera dutenean, baina erabiltzen ez direnean (errenta edo lagapena medio) ordaindu beharko da gehigarria. Salbuespenak egongo dira; besteren artean, urtarrilaren 1ean hutsak dauden etxeak baina urtean zehar gutxienez zortzi hilabetez alokairuan emango direnak salbuetsita geratuko dira. Jarduera Ekonomikoaren Zergari dagokionean, milioi bat eurotik gorako fakturazioa duten enpresek ordaindu beharko dute datorren urtetik aurrera. Orain arte bi milioi eurotik gorakoa zutenek ordaintzen zuten. “Araua Gipuzkoako Foru Aldundiak onartu du, eta udal guztiek bete beharko dute. Getariako Udalaren kasuan, guztiz bat gatoz neurriarekin, herrirako sarrera gehiago lortzeko aukera ematen baitigu”, azaldu du Getariako Udalak. Tasak ere, oro har, %3,2 igoko dituzte. Baina salbuespenak ere egongo dira. Hondakinagatiko tasa %3,2 izango da […]

Azpeitian eta Zumaian, urte amaiera bertsorik bertso »

Sanikolasetako bertso jaialdia izan zen aurrena, eta Zarauzko Kopla Txapelketa hurrena. Abendua errimaz jantzirik iritsi zen, eta modu berean agurtzeko itxura guztia du. Astebukaera honetarako, esateraok, bi jaialdi antolatu dituzte: Txapelen omenezkoa, Azpeitian, eta bertsolari gazteena, Zumaian. Hori gutxi balitz, gaur zortzi Azpeitiko Bertso Parrandako finala jokatuko dute. Izen direlako gera lelopean antolatu du Erniarraitz Bertsozale Elkarteak Txapelen omenezkoa. Saioa igande honetan izango da, eta, bertan, aipamen berezia egingo diete Joxe Lizaso, Imanol Lazkano eta zendu berri den Joxe Agirreri. Horretarako, Sanagustin kulturgunea plaza bihurtuko dute, 17:30etik aurrera, eta Sebastian Lizaso, Aitor Mendiluze, Maialen Lujanbio, Uxue Alberdi, Amets Arzallus, Andoni Egaña eta Imanol Lazkano bera ariko dira bertsotan. Gai jartzaile ardura, berriz, Laxaro Azkunek hartuko du. Sarrerak 6 eurotan eskuratu daitezke aurretik, Sanagustinen eta Orkatzen, eta egunean bertan, berriz, 8 eurotan. Azpeitian jarraituz, urteko azken ostiralean, hilaren 28an, Bertso Parrandako finala jokatuko dute gaztetxeko taula gainean.  Kanporaketa bidez, bi talde iritsi dira azken txanpara: Sipien (Silvia Etxaniz, Jokin Sudupe Pio eta Eneritz Artetxe) eta Iruxe (Iban, Ruben eta Josu Oiarzabal Xenpelar) aurrez aurre. Ekitaldia gauez izango da, eta 23:00etan emango diote hasiera parrandari. Zumaiako Bertso Astea Zumaiako Bertso Eskolak bertsolari gazteen jaialdiarekin ekingo dio aurten ere Bertso Asteari. Emanaldia bihar […]

2013rako aurrekontuak onartu dituzte behin-behinean »

2013rako aurrekontuak onartu zituen atzo Udalbatzak, Bilduren aldeko botoekin. EAJk kontra bozkatu zuen (Hamaikabat!eko zinegotzia ez zen egon udalbatzarrean). Hala ere, behin-behinekoak dira aurrekontu horiek, eta jendaurrean jarri dituzte. EAJren izenean Mikel Idiazabalek kritika egin zuen, “2012an inbertsioetako partida apenas” ukitu dela. Aiora Perez de San Roman alkateak erantzun zion: “Inbertsio batzuk atzeratu egin ditugu, zerbitzu hobea eskaini ahal izateko —esaterako, Manuel Lekuona bibliotekako sabaia ez dugu aurten konpondu iruditzen zaigulako irisgarritasuna hobetzeko lanekin batera egitea egokiagoa dela— eta beste inbertsio batzuk udalaz kanpoko faktoreengatik ezin izan dira gauzatu”. Hala ere, inbertsio horiek 2013an gauzatzea aurreikusten du udalak. Idiazabalek “gizarte-ongizate partida jaitsi egin dela krisi garaian” esan zuen. Alkateak hori ez dela egia esan zion: “Diru kopurua murriztua ikusten da, baina kontzeptuak begiratu behar dira. Oarsoaldea Garapen Agentziaren ekarpenean daude moldaketak, eta beraiek eskatutakoak dira. Oiartzuarrek gizarte-ongizatetik jasotzen dutena mantendu egin da, eta kontzeptu batzuk gehikuntzak dituzte”. Petra Lekuona Fundazioari “ekarpena murriztu diozue” esan zuen Idiazabalek. Gobernu Taldeak egoera zertan dagoen azaldu zuen: “Aste honetan bertan kontaktua izan dugu eta fundazioak ez zuela hitz egin nahi esan zigun. Hala ere, proposamen batekin etorri dira eta positibotzat jotzen dugu urrats hori eman izana. Udala hitz egitera eseriko da, helburua bien arteko […]

Barandiaran Museoan taloak egingo dituzte gabon astean »

Abenduaren 26, 27 eta 28an taloak egiten ikasteko aukera izango da Ataungo Barandiaran Museoan, San Gregorion. Egun horietan, 12:00etan tailerrak egingo dituzte, bisitarientzat. Ordu eta erdiko saioak izango dira. Aurrez izena eman behar da (943 18 03 …

Danel Lauzirikaren zutabea: Werte bat »

Nazkatuta, haserretuta, minduta, arduratuta, izorratuta… baina harrituta ez. Ministro jaunak euskararen eta katalanaren kontra abiatu duen gurutzada legal klasikoak ez nau batere harritzen. Gehiago l(h)arritzen nau euskaldunon jarrerak, alarma gorriak piztu ez izanak. Politikarien adierazpen batzuk gorabehera, euskararen aldeko borroka euskalgintzan hasi eta bukatzen dela ematen du. Normala den legez, garaiotan herritarrak euren poltsikoez kezkatzen […]

Kafe Antzokian izango da aurtengo Gabonak Rock Festa »

Aurten, La Kapilla elkarteak urtero antolatzen duen Gabonak Rock Fest jaialdia Bermeoko Kafe Antzokian izango da eta ez antzinako Jose Done ikastetxeko Kapillan aurreko urteetan egin den moduan. Jaialdia hilaren 29an izango da eta sarrerak salgai daude jada. 20:30eatik aurrera lau talde izango dira Bermeoko Kafe Antzokiko agertoki gainean izango direnak: Rise To Fall, Porco Bravo, Instinct eta Norez. Halanda be, jaialdia ez da amaituko musika talde horien zuzeneko kontzertuekin; izan be, horiek amaitu ondoren, disko jartzaileak izango direla jakinarazi dute antolatzaileek. Sarrerak aurretiaz, 7 eurotan Gabonak Rock Fest jaialdira hurbiltzeko asmoa duten horiek dagoeneko sarrerak salgai dituzte. Gainera, aurretiaz erosita merkeagoak dira, 7 euro balio dituzte, hain zuzen. Bermeoko Irudi, Luma eta Zarata dendetan eta Katu tabernan; Gernikako Ospa tabernan eta interneten   www.kulturalive.com webgunean eros daitezke. Bestalde, jaialdiaren egunean bertan Kafe Antzokiko lehiatilan 10 euro balioko dituztela esan dute. Sarreraren prezioaren barruan, sarrera bera, edari bat eta gitarra elektriko baten zozketarako zenbakia daude sartuta.

“Independentziarako gero eta gutxiago falta” dela ospatzeko mendi irteera »

2013. urteari ongi etorria emateko “eta independentziarako gero eta gitxiago gelditzen” dela ospatzeko asmoz, Gernika-Lumoko Piper berdeek (Independentistak Sarea) mendi irteera bat antolatu dute urtarrilaren 1erako. “Buelta txikia” izango dela azaldu dute, Gernika-Lumotik Aixerrotarainokoa, hain zuzen be. 11:00etan elkartuko dira kultur etxeko arkupeetan eta, ondoren, Aixerrotako tontorrean bandera independentista jarriko dute, eta hamaiketako “xume” bat egingo dute. Irteeran parte hartzeko deialdia egin dute Piper berdeek: “Ezin zara falta; ekarri zure lagunak eta zure inguruko independentista guztiak”. Gaineratu dutenez, “pare bat orduko buelta izango da, beraz, ez dago aitzakiarik poteorako edo bazkari familiarrrerako soberan helduko gara-eta”.

Ikastolako merkatu txikia egingo dute asteburuan »

Andramendi Ikastolak Merkatu Txikia egingo du asteburuan, hirugarren urtez. Hondakinen prebentzioan eragitea eta etxean ditugun gauzei erabilera berri bat ematea da azoka horren helburua. Jostailuak, arropak, liburuak eta bestelako tresnak izango dituz…

Altzon eta Tolosan ere ikurrinaren aldeko aldarriak egingo dituzte »

Eskualdeko herri gehienetara iritsi da Espainiako bandera jartzeko agindua. Hori dela eta, herri askotan ikurrinaren aldeko ekimenak antolatzen ari dira. Kasu honetan, Altzon eta Tolosan izango dira. Altzon, igandean, hilak 23, herritarrei 12:00etan herriko plazara agertzeko deia egin diete. Bertan, ikurrinari omenaldia egingo diote, herriko alkate eta zinegotziei babesa adieraziz. Inposaketarik ez, geurea ikurrina lelopean […]