Galizian ekingo dio etzi bigarren itzuliari Ampo Ordiziak »

Espainiako Ohorezko Mailako errugbi ligaren lehen itzulia zazpi garaipen eta bi porrotekin bukatu eta gero, Ampo Ordiziak Galizian jokatuko dute etzi bigarren itzuliko lehen partida. Universidade de Vigo talde igoera berria izango du aurrez aurre, eta Altamiran lanak eman zizkiola ikusita, partida lehiatua espero dute Axio Araña eta Paul Healy entrenatzaileek. Partida garrantzitsua da oso, teorian puntuekin itzuli beharko bailuke Ordiziak. Gainera, lehen bi sailkatuek, Santboianak eta VRAC Quesos Entrepinaresek, elkarren aurka jokatu dute igandean bertan, eta Ordiziak irabaziz gero, bigarren postura igoko litzateke. Urteko azken partida izango da, datorren urtera arte ez baita ligako partidarik izango. Lehen itzulia zaila izan da galiziarrentzat, baina partidak jokatu ahala eskarmentua hartzen ari da, eta Arañak ez erlaxatzeko deia egin die jokalariei: “Aurkariak ez dira gutxietsi behar. Guk ere badakigu zer den mailari eusteko sufritzea, eta beharra bezalakorik ez dago kasta ateratzeko”. Galiziarrak azkenak dira sailkapenean, baina puntu bakarrera dute hurrengo sailkatua, eta pentsa liteke gogor saiatuko direla Ordizian mendean hartzen. Aitzol Idiakezen itzultzear Joanes Aierbe izan bazen aurreko asten taldera itzuli zena, Aitzol Idiakez harrobiko jokalaria da laster itzultzeko moduan izango den beste jokalari bat. Denbora dezente da min hartuta dagoela, eta ikusita iaz partida oso txukunak jokatu zituela, klubeko arduradunak mutilaren […]

Putzuzulon salduko dituzte Zea Maysen kontzerturako sarrerak, 21:30etan »

Zea Maysen gaurko kontzerturako sarrerak 21:30etan salduko dituzte, Putzuzulo gaztetxean bertan, atzeko sarreran. Hala argitu du Xakela gaztetxe asanbladak, egunean zehar hainbat jenderengana heldu den mezu bat ezeztatuz. Mezu faltsuaren arabera, arra…

Irakaskuntzak bi aurpegi ditu »

Aktore gazteak eta iniziatiba handikoak. Halakoak dira Iñigo Antsorregi azkoitiarra eta Ander Azurmendi donostiarra. Horren erakusle izango da bikoteak gaur arratsaldean estreinatuko duen Irakasleak antzezlana; 19:30etik aurrera izango da ikusgai, Zestoako kultur etxean (gaztetxe azpian). Antsorregi gidoiak, antzerki lanak eta bakarrizketak idazten aritzen da, eta duela sei hilabete inguru taularatzear duten istorioa idatzi zuen. Zestoko lagun baten bidez, antzezlan bat egiteko proposamena jaso zuen, eta antzezlan berria aurkezteko baliatuko du aukera. Hasieran Azkoitiko lagun batekin antzezteko asmoa zuen Antsorregik, baina hark beste konpromiso batzuk zituela eta, Azurmendirekin ekin dio abenturari. Donostiako Arte Eszenikoen Tallerreko ikasleak dira bi aktoreak, eta duela hilabete eta erditik ari dira buru-belarri antzezlana prestatzen. «Orain, estreinatzeko gogoz gaude», onartu du egileak. Irakasleak parodia da. Azurmendi Lehen Hezkuntzako tutorea da, eta guztiz estresaturik bizi da, azterketak zuzendu eta zuzendu. Antsorregi, aitzitik, soinketako irakaslea da, eta tutoreak baino patxada handiagorekin hartzen du lanbidea. «Lehenengoak bere pena guztiak kontatuko ditu, eta bigarrena, berriz, bere kasara ibiliko da. Horrekin batera, lehengo eta oraingo irakaskuntza alderatu nahi izan dute. Betiere, umorearekin eta ironia ukituarekin azalduta», nabarmendu du. Bakarrizketa batekin hasten da antzezlana. Bakarrizketa hori Antsorregi berak egingo du, eta familia bazkarien inguruko gorabehera guztiak jarriko ditu mahai gainean. «Antzeztuko dudan pertsonaiaren […]

Errezil sagarraren festa da igandean, Errezilgo Azokak antolatuta »

 Ibarbi sagarra, Errege sagarra eta Errezil sagarra; baditu izenak sagar mota honek. Igandean protagonista izango da Errezilen, bereziki antolatutako festan, 10:00etatik 14:00etara bitartean, frontoian. Errezilgo Azoka taldeak antolatu du, Errezilgo Udalaren laguntzarekin. Errezilen Ibarbi sagarra bezala ezagutzen dute batik bat sagar mota hori. Ernioren aurrealdean, Errezil herriaz bestaldean dago Ibarbi auzoa. Inguruan, berriz, Errezil sagarra edo Errege sagarra bezala da ezaguna. Jaki askotarako sagar ederra dela dio Mariaje Galarragak: «Jaki asko egiteko oso ona da sagar mota hau. Gauza askotarako balio du, onena da: konpota egiteko, gozoa egiteko (irasagar edo menbriloarekin egiten denaren modukoa), egosteko, gordinik jateko… Konpotan ere ez da erraz puskatzen, eta gozorako ere egokiena da. Gordinik jateko ere onena oraintxe dago». Urrian biltzen da errezil sagarra, eta asko irauten du. Hala dio Errezilgo Azokako kide eta Iraolazaharra baserriko Mariaje Galarragak: «Sagarra bildu eta lauzpabost hilabete irauten du». Baina aurten sagarra harrak jota eta oso ustelkorra dagoela dio Galarragak. «Sagarraren iraupenean zerikusi handia du eguraldiak. Gainera, guk baserritarrok ez dugu sagarrik tratatzen». Horrez gainera, aurten beste kontu bitxi bat gertatu zaie sagastiei: «Bi aldiz loratu dira aurten sagastiak. Sagarra jaso eta gero, udazkenean, berriro loratu da arbola». Inoiz horrelakorik gertatu denik ez du gogoan Galarragak, eta horren […]

Sanikolasetako egitarau bete-betea »

 Azken asteetan hainbeste entseatutatako danbor hotsak entzun ahalko dituzte herritarrek astelehenean, San Nikolas bezperan. Abendutik 5etik 8ra bitartean ospatuko dituzte Orioko festa nagusiak. Hotzari aurre eginez, haur, gazte eta helduentzat hamaika ekitaldi izango da han eta hemen. Izan ere, aurten berrikuntza nabarmenak izango dira Udalak, festa batzordeak herriko eragileek antolatu duten egitarauan. Egitaraua Abenduak 5, astelehena 19:00. Buruhandiak, erraldoiak eta txistulariak kalez kale. 19:30. Danborrada plazara abiatuko da. 20:00. Txupinazoa, plazatik. 20:30. Danborrada kalez kale. 21:30. Festa hasierako otordua, plazan. Oilasko izter, piper eta txanpiñoi razioa eta postrea 3 eurotan eskainiko zaie herritarrei. Danborradan eta txupinazoan parte hartzen dutenei otordua doan emango zaie. 23:30. Haiek garaiak, Orioko dantzaleku izandakoen oroimen jaia. Abenduak 6, asteartea. San Nikolas Eguna 06:30. Gaupaseroen argazkia, plazan. Ondoren, baratxuri zopa. 09:30. Txistulariak kalez kale. 10:30. I-play jolas berria Muntoko jolas eremuan. 8 urtetik gorako haurrei eta gazteei zuzendua. Sariak eta edariak izango dira denentzat. 10:45. Udalbatzaren, Kofradiaren eta herritarren prozesioa elizara. 11:00. Meza nagusia. Salatxo abesbatzak kantatuko du. 11:00-13:00. Jubilatuen hamaiketakoa, Zaharren Babes Lekuan. 12:00. Dantzari Txikien txapelketa, Harribil dantza taldeak antolatuta. 12:30. Salatxo abesbatza kalez kale. 16:30. Pilota partidak frontoian. Gaztetxoak, eskuz: Joseba Aranburu eta Pello Olaizola – Iker Olaskoaga eta Xuban Manterola. Afizionatuak, […]

Zaintzaileen ikastaroan izena emateko epea astelehenean amaituko da »

Astelehenean amaituko da adineko pertsona ezinduak zaintzen dituzten familia zaintzaileei zuzendutako ikastaroan izena emateko epea. Zumaiako Udaleko Gizarte Zerbitzuak antolatu du ekimena, Gipuzkoako Foru Aldundiko Gizarte Politikako Departamentuar…

Ostalaritza eta aisia bultzatzeko proposamen sorta plazaratuko du PPk »

Pasaian ostalaritza eta turismoa sustatzeko helburuz, hainbat proposamen helarazi dizkie PPk udalerriko gainontzeko indar politikoei, gerora babes ditzaten. PPko bozeramaile David Hernandezek azaldu duenez, proposamenak herriko ostalariekin batera adostutakoak dira. “Proposamen xumeak, dira, ez dira proiektu handiak. Borondate politikoaren kontua omen da, proposamenak gauzatzeak, ez omen duelako, PPren arabera, kostu ekonomiko handia. Udalerrirako sarrerak ondo identifikatzea eskatuko du PPk, Pasaiara heltzen diren bisitariak barruti bakoitzera nola heldu jakin dezaten “errepidetik bertatik”, popularren iritziz gaur egun dauden txartelak ez direlako nahikoak. Nekazal turismoa bultzatu nahi du baita ere PPk, Hernandezen arabera, Pasaiak horretarako behar diren ezaugarri guztiak biltzen dituelako. Begiratoki bat ere sortu nahiko lukete, Jaizkibelen, Lizeotik gertu “gure ingurune naturalaren ikuspegia izan dezagun”. Horrez gain, ibilbide turistikoak atondu beharko lituzketela uste du Hernandezek. Ipar Euskal Herrian sustatu nahiko luke PPk Pasaiaren irudia, Hendaia, Donibane Lohizune eta Biarritz inguruan, Hernandezen arabera, handik  eros ahalmen handiko jendea erakar daitekeela uste baitu. Gipuzkoatik iritsi ohi den turismoari ere erreparatu dio Hernandez, eta Pasaiaren gaineko publizitate turistikoa zabaltzearen garrantzia nabarmendu du. “Horrekin guztiarekin batera, garrantzitsua deritzogu udalerriko kaleak garbi mantentzeari, eta espaloiak eta errepideak txukuntzeari, horrek, gure udalerriko irudia hobetu ez ezik, pasaitarren bizi kalitatea hobetuko duelako ere “, gaineratu du.  

Euskarazko hedabide ez publikoen adierazpena: ‘Erakundeei konpromiso eske’ »

Bederatzi hilabete badira euskarazko hedabide ez publikook agerraldi publikoa eta kanpaina bateratua egin genituela, hiru helburu nagusirekin: 1. Sektorearen estrategikotasuna eta beharra nabarmentzea. Komunikazioaren eta hizkuntz normalizazioaren ikuspegitik ez ezik, ekonomia ikuspegitik ere estrategikoa eta garrantzia handikoa den sektore bati buruz ari gara hitz egiten. 2. Erakunde publikoei sektorearekiko konpromiso handiagoa eskatu zitzaien; publizitate-inbertsio, bestelako inbertsio eta laguntza handiagoak, gaurtik bertatik hasita. 3. Horretaz gain, sektoreak egoeraren analisia egin, eta analisi horretatik abiatuta ildo nagusiak erakundeekin lantzen hasteko konpromisoa hartu zuen. 2012. urtea ate-joka dugu, eta erakundeetatik sektoreari begira jasotzen ari garen mezuak kezkagarriak dira, ikaratzeko modukoak. 1. 2012rako aurrekontu proposamenean jasota daudenak betetzen badira, Nafarroako Gobernuak euskarazko hedabideentzako zituen diru-laguntzak ezerezean izango dira, 2012ko aurrekontuetatik erabat desagertuko da hedabideetan euskara sustatzeko diru partida. Gainera, 2011ko bigarren epealdiko laguntzak desagertzeko arriskua ere handia da. 2. Eusko Jaurlaritzak aurkeztutako aurrekontuak onartzen badira, erakunde horrek aurten baino 400.000 euro gutxiago bideratuko du 2012an hedabideen diru-laguntzetara. Urteetan, Eusko Jaurlaritzaren aurrekontu orokorrak goraka joan direnean, euskalgintzara eta euskarazko hedabideetara bideratutako diru sailak ez dira handitu; orain, aurrekontuetan estutasunak sortu direnean, ez dago gupidarik: lehendik estu dabilen sektore bati are kalte handiagoa egiteko aukera zabalduko da. 3. Gipuzkoako Foru Aldundiak 2011ko diru sailari eustea aurreikusi […]

Asteburuko kirol agenda, hemen ikusgai »

Asteburuan eskualdean izango diren kirol ekitaldiak ikusgai daude urolakosta.hitza.eus webgunean, erdiko zutabean. Ikusi bertan eskualdeko taldeen aste honetako hitzorduak.

Oiartzun liderrak azkena hartuko du etxean bihar »

Espainiako Estatuko Bigarren Mailan jokatzen duen Oiartzunek Marcilla Aurora taldearen kontra jokatuko du asteburu honi dagokion jardunaldia, ligako bederatzigarrena. Etxean jokatuko dute partida neskek, bihar 15:30ean, Karla Lekuona zelaian. Oiartzuar…