Heavy musikaz beteko da Larratxoko kultur etxea »

Etengabeko Zarata Jaialdiak nazioarteko zazpi talde indartsu batuko ditu Buenawista Prolleckziom’s eta Donostia Kulturak bultzatutako Etengabeko Zarata Jaialdia hamargarren urtez ospatuko dute. Hasierako urteetako formatu hura murriztu dute, baina hala ere, antolatzaileak pozik daude, heavy musika jaialdia aurten ere egingo dutelako. Beraz, aurten ere jaialdia egun bakarrekoa izango da, eta Larratxoko kultur etxea izango da eszenatokia, bihar, 19:30ean. Sarrerak 10 euro balioko du eta honakoak izango dira taldeak: Diskoiraa, Entropiah, Derrota, Besta, Psychofagist, Massgrave eta Mob 47. Diskoiraa talde zarauztarra hirugarren aldiz izango da Larratxon. Taldearen denboraldiko azken kontzertua izan daiteke, abeslaria Finlandiara baitoa erizain-lanak egitera. Ahots bereziko HC/Punk kontzertuaz gozatzeko aukera izango da. Entropiah Segoviako taldea da. Euskal Herrian ia jo ez badute ere, 10 urte daramatzate elkarrekin, eta pare bat disko argitaratu dituzte. Derrota Valentziako taldeak, hamar urte daramatza han eta hemen zarata egiten. Portugaleko taldea da Besta, eta taldekideak esperientziadunak diren arren, duela hilabete gutxi sortu zen. Jaialdiari kolore apur bat emango dion taldea da Psychofagist. Italiako zoroak dira eta musikari bikainak. Kanadatik etorriko da Massgrave, benetako CrustCore infernua. Mob 47 taldeari buruz hitz egitea, HC/Punk europarraren historiari buruz hitz egitea da. 1981. urtetik ari baitira jotzen. Urteak jo gabe igaro ondoren, taldea 2005ean hasi zen berriz […]

Aurreko diskoan baino erritmo biziagoekin itzuli da Xabi San Sebastian »

Antiguako abeslariak ‘Erraiak’ izeneko hirugarren lana kaleratu du, bere bandarekin batera «Aurtengo denboraldia estreinatzeko, nola ez, disko eder bat; Xabi San Sebastian eta bere taldearen Erraiak. Ibilbide sendoa jorratu du azken hamarkadan; musikari bikaina da eta konposatzaile hobea. Guzti hori, bere diskoetan eta kontzertuetan agertzen du». Musikari antiguatarren hirugarren lana hitz horiekin aurkeztu zuen Elkarreko Angel Valdesek. «Bere kantuentzako oreka berezi bat aurkitu duela dirudi, bere banda iraunkorrarekin. Aurreko diskoa, Ospela, oso ederra zen, eta mezu intimoak zituen; oraingoan, lehen entzunaldian sartzen diren kantuak egin ditu. Banda sendo bat eta proiektu garrantzitsu bat daukagu», gehitu zuen Valdesek. Rock and roll doinuz betetako diskoa osatu duela esan zuen San Sebastianek berak, baina azken aldian maiz entzun duen Afrikako musikaren eragin handia duela. «Denbora askoan nire buruan egon ostean, banuen gogoa diskoa osatua ikusteko. Talde disko bat da, rock and rolla da, baina tribu sentimenduari begira egindakoa. Afrikako pignoen musikan dago egun gureak bezala ikusten ditugun musikak; eta horri gitarra jarrita rock and rolla daukazu, eta nik hori egin dut», azaldu zuen San Sebastianek. Musikak sortzen dituen barruko sentipen horiek bultzatu nahian, erritmodun abestian sortu ditu San Sebastianek. «Disko honen elementuak sua eta lurra dira; lurrari oso lotua dago eta disko sutsua da. Konposatzerakoan, […]

Monpaseko pasabidearen proiektua desegokia dela erabaki du udal gobernuak »

Ingurugiroari egingo lioken kaltea eta mantenimendu kostu altua izan dira atzera botatzeko arrazoiak Udal gobernuak Monpaseko pasabidearen proiektua desegokia dela ondorioztatu du, eraginak aztertu ostean.Hasierako proiektuarekin alderatuta hobekuntzak ikusi badizkiote ere, azkenean mantentze eta ingurugiro arloan bideragarria ez delako atzera botatzea erabaki dute. Horretarako, hiru sailek egin dituzte txostenak;  Proiektuak eta Obrak departamentuak,  Mantenukoak eta  Ingurumenenekoak. Ingurumeneko zinegotzi Axier Jakak atzo egindako agerraldian adierazi zuenez, «udaleko teknikarien arabera, proiektua teknikoki bideragarria da, baina mantentze arloan eta ingurumenekoan ez dira baldintzak bete». Erabakia ofizialki atzo aurkeztu zuten, eta ondorengo pausuak emango dituzte berehala. Jakak eman beharreko pausuak adierazi zituen; «txosten horiek datorren asteko Tokiko Gobernu Batzordetik pasako dira eta ondoren udalak Kostetako Zuzendaritzari gutunez bidaliko dio gure erantzuna». Ingurumen baldintzak betetzearen inguruan, ingurunea eta espezien gaineko kalteak eragingo lituzkeela ondorioztatu dute txostenetan. Besteak beste, hegaztiek habiak jartzen dituzten lekua oztopatuko lukeela adierazi dute. 124.000 euro urtean Mantentze lanen inguruan, Donostiako Udalari eragingo lioken kostua 124.000 eurokoa dela kalkulatu dute. Hor barnean, gainera, ez lirateke sartuko salbuespeneko gertakariak. Besteak beste,  itsasbazterrean izaten diren eguraldi gorabeherek eragindako kalteak. Proiektuari esleitutako 9 milioien inguruan, udal gobernuak badu eskaririk. Jakak udal gobernuak hirian dauden beste behar batzuk asetzeko erabili behar liratekela adierazi zuen, eta eskaria […]

‘Topoa Euskotren da’ aldarrikatu dute Intxaurrondon »

Langileak kezkatuta daude Metro Donostialdea izen aldaketarekin enpresa bitan banatuko ote den Intxaurrondoko Euskotrenen geltoki berria abian jarri zen  atzo. Geltokiaren parean, ordea, Topoa Euskotren da lelopean, Euskotreneko Batzorde Iraunkorraren izenean, garraio enpresako langile batzuek elkarretaratzea egin zuten. Orain arte Euskotren izan den eta Topo bezala ezagutua denak, Metro Donostialdea izena hartu du. Aldaketa honekin langileak eta batzorde iraunkorra arduratuta daude, batik bat honek Euskotrenen bikoizketa ekar dezakeelako. Txema Negro Batzorde iraunkorreko kideak azaldu duenez, «enpresa zatikatzen ari da». Hasteko, marka edo izen aldaketak zuzendaritza egitura berriak sortzea dakar, eta horrek, Negroren esanetan, «enpresa bikoizten du ezinbestean». Azken batean, Metro Donostialdea Euskotrenetik aterako ote diren beldur dira langileak. Argi dute izen aldaketa ez dela irudi kontua bakarrik eta horrela esan du Negrok; «ez dirudi aldaketa soil bat, honen atzean irudiaren erabilera bat dago». Bi milioi euro Batzorde iraunkorrak ez du ulertzen nola gastatu ahal izan dituzten bi milioi euro izen aldaketa horretan. Horren inguruan, Negrok inork ez diela ezer azaldu esan du. Gainera, jakin nahi dute zein den izen aldaketaren arrazoia, zeren, beraien ustetan, ez bada Euskotren enpresaren bikoizketa edo banaketarik egongo, «sekulako erokeria» da bi milioi euro horretan gastatzea, «soilik marka batentzat», gaineratu du Negrok. Euskotrenen egungo egoeraz ere […]

Asteko albistegia ikusgai dago, zorion agurren bideoarekin »

Albistegiak ondoko gaiak biltzen ditu: Ondarroako Bilduk EAJren eta DEIAren aurka egindako salaketa, Mutrikuk mailegua eskatuko du, Gautegiz Arteagako Udalak mailegua eskatu du, Bermeok 20 milioi litro ur ez kutsatzea lortu du, Ondarroako Erdi Aro Jaia, eta gehiago! Zuzenean zorion agurren bideora joan.    

Sei gazte auzipetuen helegiteak hilaren 24an aztertuko ditu gorenak »

Errenteria-Oreretako sei gazte auzipetuek euren eskaerak aurrera ateratzeko azken aukera izango dute hilaren 24an (asteazkena). Egun horretan, Espainiako Auzitegi Gorenak eurek aurkeztutako sei helegiteak aztertuko ditu, eta azken tramitea izango da behin betiko erabakia jakin aurretik. Epe laburrean espero dute erabakia jakinaraztea. Joan den urtarrilean jakinarazi zuen Espainiako Auzitegi Nazionalak Oarsoaldeko hamazazpi auzipetuen gaineko epaia. 11 absolbitu zituen, eta seiri —seiak Errenteria-Oreretakoak dira— espetxe zigorra ezarri: Xabier Lujanbio, Maitane Linazasoro, Iosu Arruabarrena, Aitor Alberdi, Aitor Franco eta Arkaitz Anza. “Talde terroristako kide” izatea leporatuta, sei urte, eta sei urte eta sei hilabete arteko kartzela zigorrak ezarri zizkien. 2011ko uztailaren 18tik 28ra epaitu zituzten Espainiako Auzitegi Nazionalean. Auzipetuek absoluzioa eskatu zuten, Fiskaltzak eta akusazio partikularrak aurkeztutako froga bakarrak poliziek egindako jarraipenak eta inkomunikazio aldian egindako adierazpenak izan zirela argudiatuta. Fiskaltzak, berriz, zortzina urteko kartzela zigorra eskatu zuen auzipetu bakoitzarentzat, eta AVT akusazio partikularrak, berriz, zortzi eta hamabi urteko zigor eskaerak egin zituen. Atxiloketak eta epaiketa 2008ko apirilean eman zuen Fernando Grande Marlaska epaileak eskualdeko 22 gazte atxilotzeko agindua, Segiko kide izatea leporatuta. Apirilaren 18ko goizaldeko polizia operazioan atxilotu zituzten erdiak, eta beste batzuk, bigarren sarekadan, hilaren 22an. Apirilean atxilotu ez zituztenak Donostiako Auzitegian aurkeztu ziren uztailean, eta orduan atxilotu zituzten. Lehen […]

Joseba Egibar Azkoitian izango da bihar goizean »

Bihar gauerdian hasiko da urriaren 21ean izango diren Eusko Legebiltzarrerako hauteskundeetarako kanpaina, eta horren baitan, EAJk hainbat ekimen egingo ditu bihar herrian. Joseba Egibarrek, EAJren Gipuzkoa Buru Batzarreko presidentea eta hauteskundeet…

Enpresen zenbait kudeaketa arintzeko, lehiatila bakarra irekiko du udalak »

Enpresentzako lehiatila bakarra irekiko du Irungo Udalak HAZ bulegoan astelehenetik aurrrera. Horren bidez, enpresariek gauzatu beharreko zenbait izapide eta prozedura azkartzea bilatzen du tokiko gobernuak eta HAZen gain, internet bidez ere egin ahal izango dira kudeaketa lan horiek. Hala, jarduera ekonomikorako lizentziak eta leku publikoaren okupaziorako eskaerak luzatu ahal izango dituzte enpresariek. Komertzio txikiek, ostalariek –2. maila bitartekoak–, ileapaindegiek, garraio enpresek,  bulegoetako jabeek… bide berri hau aukeratu ahal izango dute zenbait kudeaketa egiteko garaian. Era horretan, administrazioek eskari horiei erantzuteko duten 6 hilabeteko epea arinduko dela aurreikusi dute udaletik. Zerbitzu hau erabiltzeko interesa duten enpresariek HAZ bulegora edota www.irun.org webgunera jo dezakete.

Azpeitikoa, esportatzekoa »

Gazteak, hitanoa eta euskara Azpeitian gai hartuta bildu ziren herenegun Sanagustinen, Kike Amonarriz gidari, Josu Goenaga, Maitane Eizagirre eta Maddi Aranguren azpeitiarrak. Hirurek Azpeitiko euskararen gainean eginda dituzten ikerketak aurkeztu zituzten, 30 bat lagunen aurrean. Azpeitiak soziolinguistikoki eta Euskal Herriko testuinguruan «ezaugarri berezi dezente» dituela esanez hasi zuen hitzaldia Amonarrizek. «Askotan egokitu zait Azpeitiaren eta Tolosaren arteko aldeei buruz hitz egitea. Hor badago mito bat, Tolosako euskarari buruzkoa. Zuek esango zenuketen bezala txerrikeye. Tolosak fama dauka hiru gauzari esker. Tolosako euskara da bat; fama zeukan inork erabiltzen ez zuelako, ondo zegoen formoletan gordeta. Gero, babarrunak, baina Tolosan ez dago babarrunik, denak ingurukoak dira. Eta, inauteriak, hori bai». Baina bi herrien artean, diferentzia garrantzitsu eta interesgarri bat dagoela zioen: «Gure belaunaldikoek Azpeitian kalean euskaraz egiten zuten. Eta, gure belaunaldikook, kalean denek erderaz egiten genuen. Hau da, hizkuntzaren transmisoa kalean egin zen Tolosan eta Azpeitian ez. Horrek ekarri du Azpeitian hitanoa askoz indartsuago egotea, eta Tolosan ia-ia galdutzat eman dezakegu. Esamoldeak, adierazkortasuna, bizi-indarra askoz handiagoa da Azpeitian Tolosan baino». Amonarrizek azaldu zuenez 10.000 biztanletik gorako herrietatik, gazteen artean gehien euskaraz egiten denetako bat da Azpeitia. «Beste kasua Ondarroa da». Eta Azpeitiko bilakaerak beste herrietan gertatu daitekeenaren gainean «pistak» eman ditzakeela zioen. Horregatik, […]

Asteazken eta ostiraletan jokatuko da Orioko Frontenis Txapelketa »

Atzo abiatu zuten Orioko Frontenis Txapelketa eta pilota elkartetik jakinarazi dutenez denera 18 bikotek eman dute izena txapelketan eta sei bikoteko hiru talde egin dituzte.
Asteazken eta ostiraletan
Hasiera batean, partidak ostiraletan jokatzea aurre…