Joxe Azurmendik jasoko du Dabilen Elea saria »

Euskal Liburuaren Gauaren lekuko izango da Viktoria Eugenia Antzokiko Club Aretoa, datorren azaroaren 5ean. Bosgarren urtez jarraian antolatu dute ekimena hirian euskal literaturaren inguruan lanean diharduten bost elkartek; Euskal Editorren Elkartea, Euskal Idazleen Elkartea, Euskal Irudigileak, Galtzagorri Elkartea, eta Euskal Itzultzaile, Zuzentzaile eta Interpreteen Elkartea. Gauaren helburu nagusia, euskal literaturari lekua ematea eta elkarrekin “goxotasunean” egotea dela azaldu du Jorge Jimenezek, Euskal Editoreen Elkarteko presidenteak, gaurko aurkezpenean. Ekimena irekia izango da, eta elkarteekin lotura duten lagunez gain, literatura zaleei ere joateko deia egin diete. Euskal Literaturaren Gauean, Dabilen Elea saria banatuko dute, eta aurtengoan, Joxe Azurmendi idazle zegamarrarentzat izango da. Hala, bere ibilbide oparoa saritzeaz gain, bere jarrera eta lanerako grina ere saritu nahi dituzte, besteak beste.

‘Miedo a perderos’ liburua aurkeztuko du, gaur, Luis Elizetxeak »

Luis Elizetxeak bere bigarren eleberria aurkeztuko du. Duela sei urte, Bajo el nivel del mar lana argitaratu zuen, eta Miedo a perderos liburu berriaren nondik norakoez ariko da gaur,  Tolosako Hirukide ikastetxeko irakaslea. Kultur etxean izango da …

Gazte bat atxilotu dute Donibanen, baimenik gabe gidatzeagatik »

Eusko Jaurlaritzaren Barne Sailak jakinarazi duenez, hogei urteko gazte bat atxilotu zuten atzo Donibanen, gida baimenik gabe gidatzeagatik. Bart 23:20 aldera izan zen atxiloketa, gazteak Lezo bide kalean istripua eduki ondoren. Ez zen inor zauritu ist…

Itsasondon odola eman ahalko da gaur »

Itsasondoko odol emaile taldeak ateraldia antolatu du, gaurko. 19:00etatik 21:00etara eman ahalko dute odola herriko emaileek, udaletxeko beheko solairuan.

Gipuzkoako pentsiodunen topaketak arrakasta handia izan du Tolosan »

Harizpe elkartearen 25. urteurrera medio, eurek antolatu dute aurten ibilaldia; 550 lagun inguru elkartu dira Eguraldia lagun zutela, arrakasta izan zuen, pasa den igandean Tolosan ospatu zuten Gipuzkoako pentsiodunen ibilaldiak. Herrialdeko pentsiodunak elkar ezagutu eta jai egun bat elkarrekin pasatzeko helburuz antolatzen du martxa, urtero, pentsiodunen elkarte batek. Tolosako Harizpe jubilatu elkartearena izan da, aurten, martxa antolatzearen ardura. 25 urte bete ditu aurten elkarteak, eta aurrez aste osorako antolatu zituzten jarduerak borobiltzeko bidea izan da ibilaldiarena. Angel Martinezek, Harizpe elkarteko lehendakariak «balorazio ona» egin du: «Eguraldia lagun izan genuen, eta guztia normaltasun osoz atera zitzaigun, espero bezala». Horrela beraz, pasa den asteko aurkezpenean zehaztutako ibilbidea burutu zuten, 544 pentsiodunek; Trianguloa plazatik abiatuta, bide lauetan barrena ibili ziren, eta Amarozko aldaparen zailtasuna erraz gainditu zuten betaratutako 136 patruiletako kideek. Parte hartzaile guztiek, beraz, ibilbidea osatu zuten, eta ez zen ezbehar larririk suertatu, Martinezek azaldu duenez: «Bi lagun artatu zituzten, baina ez zen ezer larria izan, eta gero bazkaltzera ere etorri ziren». Lagunarteaz gozatuz Zortzi kilometro inguruko ibilbidea amaitu eta gero, Zerkausian egin zuten bazkari legea. 550 parte hartzaileez gain, Ibai Iriarte Tolosako alkatea ere eurekin izan zen egun osoan zehar, eta bazkari amaieran oroigarriak banatu zituzten, Angel Martinezek azaldu duenez. Besteak […]

Izena eman daiteke Gure Kaiolaren babarrun lehiaketan »

Hogei parte hartzaileren muga jarri dute elkarteko kideek, hogeitaseigarren lehiaketarako
Azaroaren 9ra bitarte, Gure Kaiola elkarteak antolatzen duen babarrunaren gastronomia lehiaketan izena emateko aukera izango da.
Tolosako Babarrun Astearen barrua…

Paris, eraikia eta suntsitua »

Denboran atzera bidaiatu eta XIX. mendeko Parisera gerturatzeko parada eskaintzen du Photomuseum Argazki eta Zinema Museoak azken erakusketarekin. Nouveau Louvre eta Komuna izenburupean, bi ataletan banatutako proposamena aurkeztu dute; alde batetik, Nouveau Lou­vre dago eta, bestetik, berriz, Komuna. Biek ala biek argazkilaritza arkitektonikoa edo eraikuntzei ateratako irudiak dituzte oinarri, baina oso bestelako egoeran. Lehenak sorkuntza baitu abiapuntu eta besteak suntsiketa, hain zuzen ere. Edonola ere, biek ala biek mende eta hiriguru baten testigantza historikoa azaltzen dute. Erakusketak Kutxa Fundazioarekin elkarlanean atondu dute, eta azaroaren 18ra arte bisitatu daiteke. Nouveau Louvre, eraketa Argazkigintza arte modura nabarmentzen hasi zen garaian, Napoleon III.ak joera horren bultzazailea gisa jokatu zuen. Izan ere, Pariseko udal liburutegi eta eraikin ofizialetako argazkiak erosi zituen. Enperadoreak altxatako  eraikinen artean, Nouveau Louvre izan zuen garrantzi handien; eraikuntza lan honek  aipatu jauregia Tulleries jauregiarekin lotu zuen, zehatz-mehatz. Hori guztia jasotzeko, «argazkilari ofizial» izendatu zuen  Édouard Baldus. Elkarte Heliografikoko kide sortzaile izan zen Baldus, eta Monumentu Historikoen Batzordeak antolatutako Mission Heliographique proiektuan hartu zuen parte. Bolada hartan, Paris, Borgoina, Fontainebleau eta Nîmes- hirietako irudiak atere zituen. Bereziki arkitektura-argazkilaritza interesatu zitzaion, eta, horren harira, Frantziar gobernutik hamaika enkargu jaso zituen; horietariko bat Louvre eraikinaren dokumentazioa izan zen. Proiektu hori 1852 urtean heldu […]

Hirigintzako Aholku Kontseilua diagnostikoa aztertzen ari da »

Modu «berritzailea» proposatu du udalak hirigintza diagnostikoa egiteko, «ez orain arte egin izan den moduan» Oiartzungo Udalak jakinarazi duenez, Hirigintzako Aholku Kontseilua herriko hirigintza diagnostikoa aztertzen hasi da dagoeneko. Duela zenbait hilabete, Hirigintzako Aholku Kontseiluak Hirigintzako Plan Orokorraren aurrerapidea egiteko eskatu zion udalari. Joan den astean egin zuten lehen saioa, eta bertan biltzen diren talde eta eragileetako ordezkariei aurrerapide horixe aurkezten hasi zen udala, «agiria egin duen talde teknikoko kideen zuzeneko azalpenekin». Udalak azaldu duenez, Hirigintzako Aholku Kontseiluak beste hiru bilera egingo ditu gaia aztertzen jarraitzeko. Bilera horietan honako gaiak landuko dituzte: lur ez-urbanizagarriak, lurralde eredua, eta auzoak eta horien arteko harremanak. Hurrengo bilera, azaroaren 12an egingo dute. Hirigintzaz hausnartzen Legegintzaldia hasi zenean udalak hirigintzako gai batzuk «hobeto aztertu eta hausnartu beharra zegoela ikusi zuen». Hala nola, auzo txikien egoera, auzoen arteko harreman sarea, ekipamendu sarea, lur ez-urbanizagarria edota arau subsidiarioak bateratzea. Hirigintzako Aholku Kontseiluak teknikarien proposamenak aztertu eta landuko ditu, eta Planeamendu Batzordeak ere aztertuko du aurrerapide txostena. Urtarrila inguruan, gaia lantzeko tailer orokor bat antolatzea aurreikusi du udalak. Otsaila ingurura arte, bestalde, diagnostiko txosteneko edukiei buruz eztabaidatuko dute Hirigintzako Aholku Kontseiluak eta Oiartzungo Udalak, «eta Hirigintzako Plan Orokorrarekin aurrera jarraitu edo ez erabakiko da orduan». Modu «berritzailea» proposatu […]

Zergadunen zerrenda osatu eta jendaurrean ipini dute Olaberrian »

Olaberriko Udalak uraren eta zaborraren zergak ordaindu behar dituzten herritarren zerrenda onartu du, eta jende aurrean ikusgai ipini du azaroaren 27ra arte, helegiteak jartzeko epeak iraun bitartean. Ondoren, tasak banketxe bidez helbideratuta dituzt…

Lehenengo partida irabaziz egin du debuta EBA Ligan Goierri taldeak »

Urretxuko Goierri saskibaloi taldeko Aluminios Fco. Alberdi-Verkol-Goierri taldeak 86 eta 77 irabazi dio Santanderreko CD Estelari, EBA Ligan jokatu duen lehenengo partidan. Debuta ezin hobea izan da, eta etxeko taldeak ikuskizun aparta eskaini zien larunbatean Aldiri kiroldegira bildu ziren 400 jarraitzaileei. Saskibaloi taldea sortu zela 41 urte bete direnean jokatu du lehenengo aldiz Goierrik EBA Ligan. Santanderreko CD Estela taldea izan zuten aurkari goierritarrek, ligako faboritoetako bat. Hasieratik indartsu irten ziren kantxara santandergoak eta laugarren minuturako euren menpe zuten markagailua, 6 eta 15eko emaitzarekin. Defentsan lan bikaina Bisitarien joko onak, dena den, ez zuen jarraipenik izan hurrengo minutuetan. Daniel Djukovicek eta Milos Martinovicek lan bikaina egin bazuten ere, etxekoen defentsa bikainak partidari buelta ematea lortu zuen, markagailuko aldea 12 eta 15 puntutara gerturatuz. Juanpe Garciaren joko onak Santandergo taldeari abantaila eman zion berriro ere, hirukoa sartu eta gero 14 eta 23ko tartea ezarriz. Goierrikoak ez ziren kikildu, ordea. Taldeko defentsan lan bikaina egin zuten, harmailetako giroak lagunduta. Lehenengo aldiz markagailuan aurretik jarri ziren urretxuarrak, 29 eta 28 emaitzarekin, baina Martinovicen hirukoari eta Alvaro Lomberaren eta Juan Arnaizen saskiratzeei esker atsedenaldira iristerako aurretik ziren berriz santandertarrak: 32-37. Atsedenaldiaren ondoren, partida estu hasi zen, markagailuan bi taldeen arteko aldea ez baitzen nabarmena. […]