Aiako San Migel jaiak, argazkitan »

Aiako Laurgain auzoan San Migel jaiak ari dira ospatzen gaur. Ohi bezala, Meza Nagusia egin dute lehendabizi, eta amaitutakoan auzotarrek hamaiketakoa egin dute Atseden-Toki elkartean. Ondoren, herri kirolen txanda izan da; Ernesto Ezpeleta Bihurri eta Ugaitz Mugerza aizkolariak aritu dira lehian, enbor bana zenek azkarrago moztu. Harri jasotzen, berriz, Agustin Landarbide aritu da, lau harrikin.      

Aurten ere hainbat ikastaro egiteko aukera izango da, Seguran »

Ohikoa den moduan, aurtengo denboraldian ere hainbat ikastaro egiteko aukera izango da Seguran. Soinketa esaterako, Jokin Elkorok emango du, eta kurtso osoko iraupena izango du. Hiru talde egingo dituzte: goizeko taldea (asteartean hasiko dira), arratsaldekoa (hasita daude jada) eta jubilatuena (asteartean hasiko dira). Soinketa Baratze pilotalekuan egingo dute, eta izena eman nahi duenak bertara joan beharko du. Yoga ikastaroa Jose Luis Anduagak emango du, eta hiru hilabeteko iraupena izango du. Saioak Baratze pilotalekuan egingo dituzte. Datorren asteazkenean emango diote hasiera ikastaroari. Euskal dantzak Eñaut Arretxek erakutsiko dizkie helduei, eta hiru hilabeteko iraupena izango du ikastaroak. Pilotalekuan ikasiko dituzte dantzak, eta bihar, ostirala (irailak 30)  emango diete hasiera saioei. Latindar dantzak Julen Aizpeoleak emango ditu, eta kurtso osoko iraupena izango du ikastaroak. Bi maila egin dituzte: maila ertaina dutenena (hasita daude) eta hasierako maila dutenena, haurrak barne (asteartean hasiko dira). Osasun etxeko beheko solairuan egingo dute ikastaroa. Egur taila ikastaroa Jabier Arrietak emango du, eta hiru hilabeteko iraupena izango du. Hasita daude jada, eta saioak astearteetan egiten dituzte Baratze pilotalekuko 1. solairuan. Esku lanak Arantxaxu Lizarraldek emango ditu, eta kurtso osoko iraupena izango dute. Saioei hurrengo ostiralean (urriak 7) emango diete hasiera, eta osasun etxeko bigarren solairuan emango ditu. Euskara ikastaroa […]

1611n lau sorginei egindako epaiketa gogoratuko dute »

Oroitzapen baten berri eman nahi dute Hondarribian: 1611n lau sorginei egindako epaiketa. 400 urte betetzen dira eta XII. mendeko giroa berreskuratuko dute bi egunez. Publiko guztiak parte hartzeko helburuarekin, hitzaldia, antzerkia eta tailerrak anto…

Hauteskunde zerrendak jendaurrean jarriko dituzte »

Zestoako Udalak azaldu duenez, azaroaren 20ko Espainiako hauteskunde orokorretarako zerrendak udal bulegoetan jendaurrean jarriko dituzte, azaroaren 3tik 10era bitartean. Zerbait oker ikusiz gero udaletxean esan behar da  

Neguko ordutegia izango du Balentziaga museoak »

Uda amaituta, ordutegia aldatuko du Getariako Balentziaga museoak. Honakoa izango da, zehazki: Astelehen, asteazken eta ostegunetan: 10:30etik 17:00etara. Ostiral eta larunbatetan: 10:30etik eta 20:00etara. Igandeetan: 10:30etik 18:00etara. Dena den, salbuespenak ere izango dira, eta jostunari eskainitako museoko ordezkariek zehaztu dituzte hauek ere: Urriak 10etik 15era: 10:30etik 20:00etara. Urriak 24an eta 31n: 10:30etik 20:00etara. Abenduak 5etik 10era: 10:30etik 20:00era. Abenduak 24an eta 31n: 10:30etik 17:00etara.    

Aitzol Astigarraga: «Mutrikun, behintzat, aspaldikorik hobetoen dago orain bertsolaritza» »

Final zortzirenetan hasi zuen Gipuzkoako Bertsolari Txapelketako ibilbidea, Andoainen, Aitzol Astigarragak (Mutriku, 1976). Epaile taldean dabil ordundik. Zapatuan Elgoibarren daukate eginda hitzordua. 14 epaile zabiltzate Gipuzkoako Bertsolari Txapelketan. Hala da. Ez da kopuru handia, eta saiatzen gara lan karga arintzen. Lehen zatian batzuk ibili ziren, tartean Eneritz Azkue mutrikuarra. Eneritz final laurdenetan sartuko da berriz epaile lanak egitera. Ni final zortzirenetan nabil orain, eta gero, finalerdietan ariko naiz. Finalera begiratuta, batu egingo gara guztiok, eta esperientzia-eta kontuan hartuta, bost aukeratuko ditugu. Prestakuntza be jaso zenuten… Aurreko txapelketatik hona ez du etenik izan epaile taldeak. Maiztasun batekin batu izan gara, orduan, beti mantendu dugu elkarrekin hartu-emona. Txapelketa honi begira, orain urtebete hasi ginen lanean. Zelan konpontzen zarete? Ondo. Elkarrekin ordu asko pasa izanak prestakuntzan zerikusia dauka. Lagun giroa dago. Aurkikuntzarik egin duzu oholtza gainean? Bat baino gehiago egon dira. Ez dakit esan daitekeen aurkikuntzak direla. Bertsolari guztiak ezagutzen ditugu, maiatzean erakutsi zuten batzuek zertarako  gai ziren, eta beste batzuk orain ari dira erakusten. Egia esan, polita da ikustea maiatzeko fasean sailkatu zirenak orain maila altuagoa ematen, lehendik sailkatutako bertsolariekin batera. Maila  hau koxka bat gorago dago, ikusle gehiago, exijentzia handiagoa. 18-19 urteko gazteak zelan moldatzen diren ikustea bada polita. Gpuntuak harrapatu […]

Kalejira koloretsuan aurkeztuko dute Ein Daigun Bidi herri ekimena zapatuan »

Ein Daigun Bidi herri ekimenak pare bat hilabete daroaz martxan Ondarroan. Orain, aurkezpena egiteko momentua ailegatu da. Zapatuan izango da, Itsasaurre plazaren bueltan. Antolatzaileek jakitera emon dutenez, aurkezpenak ez du «betiko itxura» edukiko. Ohiko agerraldietatik aparte, kalejira bizia, koloretsua, zaratatsua eta alaia egingo da. Hasiera, gainera, ez da Itsasaurren izango. Kalejira Kamiñazpitik aterako da, 12:30ean, besteak beste, hankapalu eta buruhandiekin. Isiltasunaren aurrean, zarata «Herritarrak gonbidatu nahi ditugu kalejirara txistuekin, turutekin, burduntzaliekin, lapikoekin eta tapekin etortzera». Balkoietatik begira daudenei be egin diete eskaria. «Tapak jotzera animatu nahi ditugu kalejira pasatu ahala».  Itsasaurre plazan segituko du ekimenak, koadrilen arteko herri kirolekin. Pintxoak eta sagardo kupela be egongo dira jai eremuan, ekimena borobiltzeko. Zapatuko aurekezpen deia sarean be badago ikusgai: http://eindaigunbidi.blogspot.com/2011/09/adi-irailak-1-larunbata-jai-handixe-eta.html Ein Daigun Bidi Gernika Akordioaren ondorioz euskal preso eta iheslarien eskubideen alde sortutako Egin dezagun bidea ekimenaren harira hasi zen martxan Ondarroan, udan.

Estreinako erakusketa inauguratuko du gaur Juan Antonio Mendizabal ‘Kepai’ eskultoreak Torre Luzean »

Juan Antonio Mendizabal ‘Kepai’-k 20 urte daramatza eskultura lantzen, eta gaur arratsaldean bakarkako bere lehen erakusketa zabalduko du Torre Luzean. Ateen irekiera eta inaugurazioa 19:00etan egingo dute, eta azaroaren 6a bitartean izang…

108 abelburu hartuko ditu Urriko Lehenengo Asteleheneko azokak »

Urriaren 2an eta 3an izango da Gernika-Lumon Pirenaika Arrazako XXVI. Euskal Herriko Lehiaketa, eta aurreko urteetako datuak mantenduz, 23 ganadutegitako 108 abelburu hartuko ditu Santa Ana aparkalekuak domekan eta astelehenean. Arabatik, Gipuzkoatik, Nafarroatik eta Bizkaitik etorriko dira ganadutegiak lehiaketara. Iñaki Gorroño Eria arloko zinegotziak eta Koldo Bilbao lehiaketaren koordinatzaileak azaldu dutenez, bederatzi ataletan banatuta egongo da lehiake; zazpi emeena izango da eta bi arrena. Atal bakoitzeko lehenengo hirurek jasoko dute saria. Bestetik, umatutako emeen enkantea izango da aurten be. Zehazki, 31 eme aterako dituzte enkantera. Beti bezala, Eusko Labeldun okela dastatzeko aukera edota hainbat produktu erosteko aukera izango da aurtengo azokan.  

Urriko tailerretan XIX. mendeko pertsonaiak landuko dituzte, Zumalakarregin »

Zumalakarregi museoan XIX. mendeko pertsonaiak landuko dituzte urrian zehar. Tailerrak ohiko moduan larunbatetan izango dira, 17:30etik 19:00etara bitartean, eta 6tik 12 urte bitarteko haurrak dituzten familiek parte hartu ahal izango dute. Saioengatik ez dute ordaindu beharrik izango. Museoan tailerrak egiten dituztela bada jada denboralditxo bat. Orain arte larunbat bakoitzean gai bat jorratu izan dute. Aurtengo denboraldian, ordea, zentzu horretan aldaketa egitea erabaki dute. Orain hilero gai orokor bat aukeratu eta larunbatero gai horren atal bat lantzen dute. «Tailerrek jarraipena izaten dute orain, eta azken larunbatean hilabete osoan zehar landutakoa biltzen dugu. Haurrek tailerrek funtzio argi bat dutela ikusi dezaten nahi genuen, eta horregatik erabaki dugu modu horretan egitea», dio Ane Aranburu museoko kideak. Margolariak hizpide, bihar XIX. mendeko pertsonaien barruan biharko saioan margolari ospetsuak izango dituzte hizpide. Urriaren 8an musikari eta olerkariak hartuko dituzte gai moduan, urriaren 15ean garaiko zientzialariak eta urriaren 22an gerlari ausartak. Urriaren 29an, hilabeteko azken larunbatean, antzerkia egingo dute pertsonaiekin. Tailerretan parte hartu nahi duenak aurrez eman behar du izena Zumalakarregi museoko telefono zenbakira , 943 88 99 00ra deituta edota bertako wegbunean sartuta.