‘Publikoari gorroto’ antzezlana hirian izango da azaroaren 17an eta 18an »

Ander Lipusek sortu duen Huts Teatroak taularatuko du obra, Egiako Gazteszenan Laster iritsiko da Donostiara Publikoari gorroto antzezlana; azaroaren 17an, hain justu. Artedrama izeneko Arte Eszenikoen Plataformaren barnean, Huts Teatroa sortu du Ander Lipus aktore bizkaitarrak. «Ni naiz Huts Teatroa eta agian ez du jarraipenik izango. Egun kulturak Hego Euskal Herrian duen egoeran oso zaila da talde bat mantentzea. Hori da nire nahia, baina ez da posible. Le Petit Theatrek hori lortzen du, esaterako, baina Frantziako legediari esker langabezia izateko eskubidea dutelako», salatu zuen Lipusek berak atzoko aurkezpenean. Azken batean, Publikoari gorroto Huts Teatroaren aurkezpena izango da, eta Lipusekin batera, beste bi aktore izango dira taula gainean; Miren Tirapu nafarra eta Iñaki Ziarrusta bizkaitarra. Xabier Mendigurenek 1985ean sortutako antzezlanaren egokitzapena da Publikoari gorroto, eta Manex Fuchs da zuzendaria. Etzi ekingo diote birari, Lapurdiko Harri Xurin, eta Euskal Herriko hainbat herritatik igaro ostean –Azpeitia, Usurbil, Ondarroa, Leioa, Zornotza, Zumaia…–, Egiako Gazteszenara iritsiko da lana. Gainera, pertsonaietako bat donostiarra omen da. Aktore bat eta bi ikusle Aktore bat (Lipus) eta antzezlana ikustera joan diren bi ikusle (Ziarrusta eta Tirapu) izango dira antzezlaneko protagonistak. Antzerkiaren inguruko hausnarketa jostalari baten moduan hasiko da obra, umorez, baina pixkanaka iluntzen joango da. «Lan polita egin dugu, banaketa lan […]

Finalerako txartela lortu du Joxemari Olasagastik »

Maila Nagusiko Euskadiko Aizkora Txapelketako azken lehia azaroaren 18an jokatuko dute Arbizun Joxemari Olasagastik oraindik ere sasoi betean dagoela erakutsi zuen Elizondon (Nafarroa), igandean jokatutako kanporaketan. Hala, beste bost faboritoekin batera, Maila Nagusiko Euskadiko Aizkora Txapelketako finalerako txartela lortu du. Azaroaren 18an izango da aurtengo finala, Arbizun, eta honako aizkolariak ariko dira lehian Olasagastirekin batera; Floren Nazabal (Etxarri-Aranatz, Nafarroa), Aitzol Atutxa (Dima), Joseba Otaegi (Zizurkil), Iñaki Azurmendi (Beasain) eta Unai Otaño (Ibarra). Hamabi aizkolari hiru txandatan aritu ziren igandean, eta Floren Nazabal jaun eta jabe izan zen. Argi utzi zuen Etxarrikoak zergatik den Nafarroako txapelduna. Bigarren eta hirugarren postuan, Atutxa eta Otaegi geratu ziren, Bizkaiko eta Gipuzkoako txapeldunak. Aizkolari bakoitzak seina pago-enbor ebaki zituen; bi kanaerdiko, bi 60 ontzako eta bi oinbiko. Olasagastik Mujikarekin izan zuen lehia estuena; Mujika aurretik ibili zen, baina lanerdietan Olasagastik aurrea hartu zuen. 2010ekoa errepikatzeko gogoz Igeldokoak 2010ean jantzi zuen maila nagusiko txapela, Asteasun, bost urteren ostean. Ziur berriro ere pronostiko guztien aurka helburu bera duela buruan. Maila Nagusiko Euskadiko Aizkora Txapelketako kanporaketa: Floren Nazabal. 15 minutu eta 13 segundo. Aitzol Atutxa. 17:34. Joseba Otegi. 17:48. Iñaki Azurmendi. 18:09. Unai Otaño.18:18. Joxemari Olasagasti.18:38. Jon Rekondo. 19:10. Jexuxmari Mujika. 19:12. Antonio Senosiain. 20:21 Luis Txapartegi. 20:48. […]

Gero eta lore gutxiago hilerrietan »

Domu Santu Egunean lore eskaintzak egin ohi dituzte, hilerriak kolore biziz jantziz. Horien arduradun dira loradenda eta lore saltzaileak, baina hauek ere nabari dute krisiaren eta ohitura galtzearen eragina. Domu Santu Eguna gerturatzen doan ahala, loradendek eta lore saltzaileek urteko egun potoloenetako baterako prestatu behar izaten dute. Aurreko egunetan hilobiak txukundu ostean, hilerriak kolore eta usainez betetzen dira egun horretan, nahiz ohitura hori ere indarra galtzen ari den urteak aurrera doazela. Loradenda eta lore saltzaileek eguna nola bizi duten jakiteko inguratu da IRUTXULOKO HITZA Bretxa ingurura. Aurreikusi, ez dutela gehiegi aurreikusten esan du Lizardi Loreakeko langileak. Bretxa kanpoan duten postuan jendeak ez omen du enkargu gehiegirik egiteko ohiturarik; «jendea ohituta dago azken unerarte itxarotera, hainbeste aukera dago…», dio. Onartzen du, hala ere, urtero ibiltzen direla egunarekin «beldurtuta», izan ere, azaroaren 1a iritsi arte, ezin omen da jakin zenbat jende azalduko den bertara; «hala ere, gero beti saltzen dugu», onartu du. Ohitura aldaketa Salmenten jaitsieraren inguruan, aspalditik nabari dela beherakada dio Lizardiko langileak, baina ez krisiagatik bakarrik, baizik eta hilerrietara loreak emateko ohitura galtzen joan delako; «jende helduaren ohitura izan da beti hau, eta pixkanaka galtzen joan da. Gainera, adibidez, gero eta gehiago egiten dira errausketak eta, beraz, hilerriak ere ez […]

Montanier: “Etxetik kanpoko dinamika txarrarekin amaitu dugu” »

Realeko entrenatzaile Philippe Montanier pozik agertu da partidaren ostean, txuri-urdinek denboraldiko lehen puntua lortu baitute etxetik kanpo, Valladoliden berdindu eta gero. “Etxetik kanpo egin dugun partidarik onena ez da izan, baina etxetik kanpoko dinamika txarrarekin amaitu dugu”, adierazi du frantziarrak. Norgehiagoka irabazteko aukera izan dutela nabarmendu du. “Gol aukera ugari izan ditugu. Ondo dago berdinketa, baina etsipen piska bat dugu, norgehiagokaren azken aukera garbia gurea izan baita”, erantsi du. Antoine Griezmann, Realeko protagonista nagusia, bere aldetik, ez zegoen guztiz pozik berdinketarekin. “Ez gara maila hoberenean aritu, baina pena izan da, irabazi ahal genuelako. Pozik nago bi gol sartu ditudalako, baina garrantzitsuena talde lana da”, adierazi du frantziarrak.

Keshler MVPa ez du nahikoa izan Hondarribia-Irunek Conquero menderatzeko »

Hondarribia-Irun saskibaloi taldeak puntu bakar batez galdu zuen larunbatean Toyota Recreativo Conqueroren kontra, Emakumeen Ligako hirugarren jardunaldian (68-69). Partida oso parekatua izan zen. Anne Peñaren neskek garaipena eskuetan izan zuten, min…

La Bacaladerak puntu bat lortu du Bilboko bisitan »

Bilboko Escolapiosen kantxan berdinketa lortu eta gero (26-26), hiru punturekin dauden beste hiru taldeekin berdindu du Euskal Ligako La Bacaladera eskubaloi taldeak. Hondarribiarrak 11. postuan daude baina zulotik ez dira gehiegi urrundu. Datorren iga…

Musika lokalak esleitzeko oinarriak jakitera eman ditu udalak »

Fernando San Martin Irungo Udaleko Gazteria zinegotziak gazteei zuzendutako musika lokalen esleipenerako oinarriak jakitera eman ditu gaur goizean. Horretarako, lehenik eta behin, interesatuek HAZ bulegora jo eta inprimakia bete beharko dute, abenduare…

Lekeitioko V. Herri Krossak 100 lagun jarri ditu aringa-aringa »

Gaztetxoen lasterketan 30 herritarrek parte hartu zuten eta nagusienean 65 lagunek egin zuten aringa-aringa. Lasterketaaurretik egin zen beroketa kolektiboan be giroa «aparta» izan zela esan du ekimena antolatzen duen Lekitto Bixirik herri eragileak. Lasterketetan parte hartzeko kamiseta morea soinean zutela, gazte zein nagusiek gogotik parte hartu zuten herri eragileak antolatutako ekimenean. Nagusien lasterketan hamabi emakumek eta 53 gizonezkok parte hartu zuten. Gizonezkoen artean Imanol Goñi izan zen lehena helmugaratzen. Emakumezkoetan ostera, bi herritarrek batera zeharkatu zuten helmuga: Goizalde Onaindiak eta Mireia Arrilagak. Nagusien ibilbidea sei kilometrokoa izan zen eta herritarrek gogotik animatu zituzten parte hartzaileak. Umeen ibilbidea motzagoa izan zen. Sariketa Behin lasterketak amaitu eta gero, Kontziopean batu ziren denak, sari banaketa egiteko. Sari banaketa «berezia» izan zela esan dute herritarrek. Izan be, Lekitto Bixirikek abian dituen ekimenen berri eman zuen. Horien artean, herritarren artean zabaltzen ari den inkestaren garrantzia azpimarratu zuten taldeko kideek. «Lekeition duintasunez lan eta bizi ahal izateko norabidean, herritarren artean ideiak batzeko tresna da inkesta», azaldu zuten Lekitto Bixirikeko kideek. Ekitaldiaren amaiera Eta herriko arte sortzaile ezberdinek inkestaren galdera nagusiei erantzun zieten: Eneko Arruza margolari lekeitiarrak Kontziopeko horma irudia amaitu zuen eta Miren Agur Meabek ipuin labur bat irakurri zuen. Iñigito Arrasatek, ostera, abesti bat jo […]

Moreak irabazi du Zaldibiako mondeju txapelketa, zazpigarren aldiz »

Zaldibian bizi den Maria Luisa Morea amezketarrak jantzi du, zazpigarren aldiz, mondeju onenaren egiletzat beste behin errekonozitu duen txapela. Ardiki Eguna atzo ospatu zuten Zaldibian, eta festaren barruan jokatu zen lehiaketa hori. Azken hiru urteetan jarraian irabazi du Moreak. Denera hamar sari atera ditu lehiaketaren 18. ekitaldietan: zazpi lehenengo postu, bi bigarren eta hirugarren bat. Bigarren Mari Jose Alkaiaga geratu zen, eta hirugarren Modesta Sukiak eta Josune Etxeberriak elkarrekin aurkeztutako sorta. Aralarko Gaztaren 15. Txapelketa ere izan zen. Ordiziako Joseba Intsaustiren gaztak irabazi du, Gipuzkoako txapelduna aurten. Haren aitak jaso zuen saria. Bigarren Bedaioko Karlos Otegi izan zen, eta hirugarren Migel Amiano altzotarra.

Luis Gascak Drakularen hamaika aurpegi erakutsi ditu Okendon »

Bram Stoker idazle irlandarrak sortutako pertsonaiari eskaini diote Okendo kultur etxean ireki berri duten erakusketa: Banpiroen erregea Arriskutsua, misteriotsua, gorrotagarria, lizuna, limurtzailea, begiak odoletan dituen munstro asezina… Hori guztia eta gehiago da Drakula, Banpiroen erregea. Fantasiazko eta Beldurrezko Zinemaren Asteko protagonista handia da aurten. Bram Stoker idazle irlandarrak Drakula kondearen pertsonaia sortu zuenetik zinemak eta komikiak munstroaren hamaika aupegi sortu ditu. Horiek guztiak erakutsi ditu Luis Gasca bildumazaleak (Donostia, 1933) Okendo kultur etxean. Zineman eta komikian aditua da Gasca, eta hark urteetan bildutako materiala izango da ikusgai aretoan. Kartelak, argazkiak, liburuak, komikiak, hainbat filmetako irudiak… Guztiek balio dute banpiro ezagunenaren estereotipo guztiak gertutik ezagutzeko. Baita denboran zehar, garaiko moden arabera, munstroaren itxura nola aldatu den ikusteko. Murnauk hatzamar luze eta bizkar makurreko izaki gisa irudikatu zuen Nosferatu filmean. Bela Lugosik, aldiz, kapa eta gominadun banpiroaren irudia sortu zuen. Francis Ford Coppola, Terence Fisher, Tim Burton, Tod Browning… Asko eta asko izan dira Drakula zinemara egokitu duten zuzendariak. Gascaren ustez, ordea, ez da inoiz Stoker-en nobelaren benetako egokitzapenik egin. Gascaren bertsio kuttunenak zuri-beltzean egin dituztenak dira: “Dena erakutsi beharrean, iradoki egiten duten lan horiek ditut gustuko. Munstroa biktimaren lepora gerturatzen denean, eta kosk egiten dion une horretan eszena guztia Drakularen kapa […]