Euriak eta hotzak ez dute Jazpana ixilarazi »

Asteburuko euriak eta hotzak ez dute musika geldiarazi, eta ehunka lagun bildu dira Bernedoeneko karpan, Jazpana Fest jaialdiaren laugarren edizioan. Musika eskaintza zabalari eta kontzertuen maila onari esker, urtez urte indartzen ari den jaialdia da Beasaingoa. Aurten antolatzaileak gustura gelditu dira, bai jendearen erantzunarekin, bai taldeek emandako mailarekin. Hurrengo urterako ere, antzeko formulak erabiltzeko asmoa dutela azaldu dute. Kontzertuen inguruko «balorazio ona» egin du antolakuntza taldeko Mikel Alvarezek. «Egin duen eguraldirako jende pila bat etorri da; nik uste iaz baino dezente jende gehiago izan dela. Gelditzen zaigun pena bakarra da zer izango ote zen eguraldiak lagundu izan balu». Aurtengo apusturik garrantzitsuena, Bigott bezalako artista bat ekarri eta iluntzean jartzea izan da; baina «erabaki ona» izan zela ikusi dute, horrekin, «arratsaldeko zazpiretatik goizaldeko bostak arte, jendea etenik gabe karpan egotea» lortu baitute. Gainera, «beste publiko bat, helduagoa» ere erakarri dute horrela. Eta formula hori, «agian datorren urtean ere errepikatu beharrekoa» dela dio. Lisabö, Bigott eta Belako Ostiral gaueko kontzertuetatik, bi izen azpimarratu dituzte antolatzaileek. Bata Lisabö; «ikaragarriak dira; kontzertuaz ere horixe espero genuen eta hala izan zen». Gainontzeko taldeek ere giro ona jarri zuten. «Erroma oso sendo aritu zen, oso ondo. Mutürbeltzek ere berea egin zuen, Rock & Rolla eta oso giro ona jarri zuten; eta No […]

Kolore eta gustu guztientzako ontziak »

Zaborrak egoki bildu eta banatzeko sistema errazte aldera hainbat motatako edukiontziak aurki daitezke Donostian. Edukiontzi handien artean, borobila eta berdea beirarentzako da. Urdinean papera eta kartoia, horian plastikoak, marroiean zakar organikoak eta berdean bereiz ez daitekeen gainerako guztia bota behar da. Orain badirudi laranja kolorea gehituko zaiola zerrendari. Izan ere, udal ordezkariek sukaldeko olioa birziklatzeko edukiontzi bereziak jartzeko proposamena jarri berria baitute mahai gainean. Itxura zainduz Koloretako edukiontzi handiez gain, asko dira hirian barrena aurki daitezkeen zakarrontziak. Kale kantoi, pasealeku edo parke orotan daude zakarrontziak. Batzuk lurrazpikoak, itxuraz dotoreagoak, eta garbiagoak direnak. Beste batzuk, zigarrokinak botatzeko egokitutakoak, tabakoaren legearekin merkatalgune handien atarietan ugaritu direnak. Pilentzako edukiontzi horiak ere badude han hemenka, eta arropa edo oinetakoak jasotzeko edukiontzi bereziak ere bai. Parte Zaharreko merkatariek beren taberna eta saltoki atarietan zakarrontziak jartzeko aukera dute bilketa errazteko. Beraz, ez dago zakarrak lurrera botatzeko edo ez birziklatzeko aitzakiarik, bakoitzak badu eta bere lekua.

Aurrekontuak aurkeztuko dituzte asteazkenean »

Udalak 2013ko aurrekontuak aurkeztuko ditu asteazkenean, 18:30etik aurrera, Xenpelar Etxean. Batzar horretan 2012ko aurrekontuen exekuzioa egingo da, eta horrez gain, 2013ko aurrekontu proposamenari ekarpenak egiteko aukera izango da, hirigintza, hiri mantenua eta trafikoko gaietan. Gaur arratsaldean, berriz, hezkuntza alorreko ekarpenak bilduko dituzte, 19:00etan, Merkatuzarren. Aurten udalak prozesu parte hartzailea ireki du aurrekontuak egiteko.  

‘Zu2ak’ gaua antolatu du Deporrek ostegunean »

Depor tabernak Zu2ak gaua hartuko du ostegunean, azaroaren 1ean. Dj Loro eta Selektah Stepi musika jartzeaz arduratuko dira, Deporren, iluntzetik aurrera.

Garbigunean lapurretan egiteagatik bi lagun atxilotu ditu Ertzaintzak »

12:00ak inguruan izan da atxiloketa. Ertzaintzak Markina-Xemeingo garbigunearen atzeko aldean aparkatuta zegoen forgoneta bat ikusi dute eta garbigunean bi lagun. Ertzaintzaren esanetan atxilotuak edukiontziak zabaltzen eta objetuak biltzen zebiltzan. …

Azaroaren 5etik aurrera Lurraldebus txartela sarean kargatzeko aukera izango da »

Datorren azaroaren 5etik aurrera Lurraldebus txartela internet bidez kargatzeko aukera izango dute erabiltzaileek, Gipuzkoako Foru Aldundiak jakitera eman duenez. Horretarako, Lurraldebusen webgunera jo beharko dute interesatuek eta karga egin ondoren, autobuseko gidariak edota lehiatilako saltzaileak balioztatu beharko du txartela. Hala, Irungo kasuan, erabiltzaileek Lurraldebuseko zein Irunbuseko autobuseetan balioztatu ahal izango dituzte txartelak.    

Atez atekoaren aurka eta edukiontzi marroiaren alde egin du EAJk »

Irungo EAJ udal taldeak edukiontzi marroiaren aldeko apustua txalotu du, komunikabideetara bidalitako prentsa ohar batean. Alderdiak “ingurumenaren defentsan duen konpromisoa” argi utzi nahi izan du, “edukiontzi bidezko zaborraren bil…

Aizpea gaztak hirugarren saria jaso du Gernikan »

Gernikan gaur egin dute urteko feria handiena, urriko azken astelehenekoa. Gazta lehiaketan, Olaberriko Aizpea gaztandegiak aurkeztutako gaztak hirugarren saria lortu du. Txapeldun Zeanuriko Jon Etxeberria izan da, irailean Ordiziako lehiaketa irabazi …

Jon Alkainek irabazi du Ekobidaiaria bekaren internet bidezko bozketa »

Kutxa erakunde finantzieroaren Ekoguneak antolatutako Ekobidaiaria beka irabazteko bost hautagaietako bat den Jon Alkain hondarribiarrak irabazi du internet bidezko bozketa. Bart gauera arte bozka zitekeen eta Alkainen bideoak lortu ditu bozka gehien. …

Bihartik etzira tarteka itxita egongo da Muxikatik Zornotzarako errepidea »

Bizkaiko Foru Aldundiak jakinarazi duenez, urriaren 30etik 31ra (martitzenetik eguaztenera) itxi egingo dute zenbait unetan BI-635 errepidea, noranzko bietan. Zornotzako Larrea auzoaren eta Muxikako Gorozika auzoaren artean zarratuko dute, hain zuzen b…