Euskal Herriko eta Espainiako 200 txirrindulari ariko dira Beasainen »

Euskal Herrian eta Espainian junior mailan dabiltzan txirrindulari eta talderik onenak bilduko ditu 31. Beasain Probak. Larunbat goizean jokatuko da, eta aurten ere, munduko probaren aurrekoa denez, maila handia espero dute antolatzaileek. Guztira, seina txirrindulariz osatutako 35 talde ariko dira, horien artean, Gipuzkoako talde guztiak, Euskal Herriko zenbait talde gonbidatu, eta «Espainiako 16 talderik onenak» izango dira, baita Frantziatik datorren beste talde bat ere. Lasterketan parte hartuko duten 200 txirrindulariek 117.5 kilometroko ibilbidea egin beharko dute, Goierrin barrena. Beasaingo herrigunetik abiatuko dira, 11:00etan. Giroa ordea, goizetik hasiko da. Izan ere, 10:00etan txirrindulari taldeen aurkezpena eta sinadura bilketa egingo dute. Agurra dantzatu eta zinta moztu ondoren ekingo diote ibilbideari. Bukaera berriz, 14:00ak alderako izatea espero da, Nafarroa etorbidean. Ibilbidea Ibilbideari dagokionean, Ordizia aldetik Amezketaraino joango dira, atzera Beasaina itzuli (12:02) eta Lierniako gainerako (12:15) bidea hartzeko. Berriz ere Beasaindik pasa eta Atagoitiko gainera (12:54) igoko dira, Zumarragatik bueltan, berriz ere Liernira (13:24) iristeko. Idiazabaldik bueltan Beasaina itzuli eta Olaberriko gaina (13:47) igoko dute, handik berriz Beasainera iristeko.

Asteburuan hasiko dute pilota denboraldia Zestoan »

Gipuzkoako Elkarteen Arteko Txapelketako partiduak asteburu honetan hasiko dituzte. Aurreneko egunean partidak jokatuko dituzten pilotariak hauek dira: kadete bigarren mailan Miranda Zubizarreta zestoarrak Andoaingo Gaztelekuko kirolariaren kontra jokatuko du; kadete lehen mailan, Salegi eta Arantzeta zestoarrak Zegamako Tartaloetxe elkartekoen aurka ariko dira; eta jubeniletan Adonis eta Salegi Astigarragakoen aurka ariko dira. Helduei dagokienez, hirugarren mailan Salegik eta Izagirrek Iparraldeko bikotearen aurka jokatuko dute. Zestoako elkartekoek azaldu dutenez, Iparraldeko pilotari afizionatuek Gipuzkoan jokatzen dute txapelketa honetan.

Sanmarkoko gobernu ardura duen artean lanean jarraituko duela dio Intxaurrandietak »

Ainhoa Intxaurrandietak, EAJ abertzaleak bota nahian dabilela esan du Gaur egindako agerraldian oraindik Sanmarko Mankomunitateko presidentea denak, orain arte egindako lana azpimarratu du. Herritarren interesen alde, eta ez enpresen alde, jardun duela adierazi du, eta horrek berak agian min egiten duela iradoki du. Halaber, zaborraren kudeaketan akatsik egin ote den galdetu du, eta argi utzi du presidentetza aldaketak ekarriko dituen neurriekin herritarren borondatea urratuko dela.

Pekin Koldo Almandozen laborategi bihurtu da »

“Laborategi honetan eginikoak zer emaitza emango duen ez dago jakiterik; baina gauza badakit, ordea, esperimentua egite soilak merezi izan duela”. Koldo Almandoz (Donostia, 1973) zinemagilea Pekinen ari da lanean. Joan den abuztuan joan zen, euskal sortzaileentzako Goazen Txinara! erresidentzia programari esker. Judas Arrieta artistak, programaren bultzatzaileak, Pekinen bertan duen Ma estudioan hartu du Almandoz. Almandozen ustez, Pekinen filmatze lanak egitea urik dagoen jakin gabe igerilekura salto egitearen modukoa izan da: “Lokalizazioak bilatzea, lantalde tekniko eta artistikoa osatzea, tura-birak, baimenak, porrotak, lagunen eskuzabaltasuna eta bat bateko ezusteko liluragarriak”. Pekinen egin duen egonaldia laborategi bihurtu dela dio: “Inoiz baino argiago ikusi dut film bat egitea ez dela soilik filmatzea; prozesuaren zati bat besterik ez dela”. Bi film labur egin ditu zinemagile donostiarrak: Zergatik egin dezakete hegan txinatarrek eta Sits. Erresidentzia programa berarekin ere iritsi da Pekinera Ismael Iglesias margolari durangarra. Almandozekin batera erakusketa bat egingo du Pekinen bertan. Larunbatean aurkeztuko dute.

Rosa Lertxundi, bizitzen ikasten »

Emakume indartsua da Rosa Lertxundi (Gros, 1950). Lau urte zituela Poliomelitis gaixotasuna diagnostikatu zioten, eta belaun batean eragin zion, oinez ibiltzea oztopatuz. Hala ere, bizitzari bere alderdi onena erakutsi dio beti, eta aurrera egin du bere kabuz. Bizitzan izan dituen zailtasun eta tirabiren berri emateko, Aprendiendo a vivir liburua idatzi du, eta Ushuaia argitaletxeak argitaratu dio. Oso pozik dago egindako lanarekin, baina gehiago idazteko gogorik ez duela dio. IRUTXULOKO HITZAk elkarrizketa egin dio, eta biharko egunkarian argitaratuko du. “Asko sufritu nuen txikia nintzela nire gaixotasunaren ondorioz. Liburuko atal batzuetan kontatzen dudana nire seme-alabek bakarrik ezagutzen zuten, nire gainontzeko familiak liburua irakurtzean izan du gertatutakoaren berri”, aipatu du Lertxundik.

Palista pasaitarrek lan bikaina egin dute Alacanteko uretan »

Dominak lortzeko helburuarekin joan ziren Vila Joiosara (Alacant, Herrialde Katalanak) Donostia Kayakeko eta Pasaia Kayakeko ordezkariak. Itsas Piraguismoko Espainiako Txapelketa jokatu zuten bertan, eta pasaitarrak ez ziren esku hutsik etorri.
K-2ko E…

Haurreskolak zabaldu du matrikulazio epea »

Azkoitiko Xabier Munibe haurreskolak dagoeneko zabaldu du 2012-2013 ikasturterako matrikulazio epea. Izan ere, azarotik otsailera bitartean haurreskolan hasi nahi duten haurrek izena irailean eman beharko dutela jakinarazi dute ikastetxeko kideek. Bert…

Altzan urik gabe geratu dira goizean »

Altzan uraren sare nagusiko hodi orokorra matxuratu egin da, eta auzotarrak urik gabe geratu dira goizean. Udaleko Ur Zerbitzuak ur hornidura alternatiboa ezarri du, arazoa konpondu bitartean. Ur Zerbitzuak jakinarazi duenez sare nagusiko hodia zaharki…

Arrantzaren arlo guztiak agerian utziko dituen erakusketa, Ondartxon »

Pasaiako badiaren bokaleak milaka arrantza ontzi ikusi ditu pasatzen mendeetan zehar. Egia da egun sektore horrek ez duela aintzina zuen indarra, baina oraindik bizirauten du. Eta arrantzaren arlo guztiak nolakoak diren azaltzeko, Egun bat arrantzan erakusketa irekiko dute bihar San Pedroko Ondartxon.   Eusko Jaurlaritzaren Ingurumen, Lurralde, Plangintza, Nekazaritza eta Arrantza Sailak antolatu du erakusketa. Bere helburua “arrantza sektorearen errealitatea nolakoa den ezagutaraztea» dela jakinarazi dute antolatzaileek.   Horretarako, panel tematikoak zein ikus-entzunezkoak baliatuko dituzte bisitariei azaltzeko. Antolatzaileen arabera, «arrantza sektorea ezezaguna da”.       Hamalau panel Bihar zabalduko duten erakusketa hamalau panelek osatzen dute. Arrantza sektorean parte hartzen duten eragile guztien berri ematen dute: arrantza-ontzidia, arrantza motak, arrantza ontziak, arrantza lekuak eta portuak, arrain fabrikak, ikerketa eta arrantza hezkuntza, gastronomia eta akuikultura.   Panelez gain, hiru ikus-entzunezkotan arrantza munduan lanean aritu diren langileen elkarrizketak jaso dituzte. Gainera, sektorean egun erabiltzen diren teknologiak azaltzen dituzte bideo horietan.   Erakusketa horren bitartez arrantza munduan ari diren eta aritu direnen aitortza egin nahi dutela adierazi dute. Erakusketa hilaren 23ra arte egongo da zabalik, 11:00etatik 14:00etara, eta 16:00etatik 19:00etara.

Berritsu eta Txelotxe ludotetek matrikulazio epea zabalduko dute »

Beasaingo Berritsu eta Txelotxe udal ludoteketan astelehenetik aurrera zabalduko dute matrikula egiteko epea. Hilaren 28ra arte izango da izena emateko aukera. Gainera, hilaren 17tik 21era, ate irekien astea egingo dute, lokala eta zerbitzua bertatik…