Xabi Otegiren familiaren lurretan AHTren lanak hasi dira, baina baimenik gabe »

Otegitarren baserrira Espainiako Gobernuaren zigilua zuen gutuna iritsi zen joan den astean. Maiatzaren 10ean, berriro ere, gobernu ordezkariak Otegiarren lurretara joatekoak zirela esaten zen bertan, bi lur sailen jabetza kentzera. Hau ordea, ez zen asteazken hartako albiste bakarra izan. Xabi Otegiren anaiak, Olarraindik Tolosara zihoala, hondeamakina bat ikusi zuen beraien sagastian, trenbidearen beste aldean. Zer gertatzen zen ikustera joan zen, behin Euskal Trenbide Sarekoek eman zioten mapa eskuan zuela. Bertan lanean ari zirenei mapa erakutsi ondoren, agerikoa onartu behar izan zuten hauek; akats bat izan zutela. Baimenik gabe besteren lurra erabat txikitzeak, normalean ondorioak izan ohi ditu. Kasu honetan, txikitze horren arrazoia «urgentziazkoa eta interes orokorreko proiektu estrategiko» bat da, hau da, Euskal Y-a. Xabi Otegik salaketa jarriko dutela esan du: «Gure lurretara ilegalki sartu dira, aktak altxatu aurretik. Salaketa jartzeko asmoz Udaltzaingora deitu genuen. Hauek txosten bat egingo zutela esan ziguten. Gero udaleko hirigintza sailera joan ginen, bertako teknikoek ikusten zuten oker bat egon zela, udaletxeko abokatuarekin hitz egingo zutela esan zuten. Hark esango digu zein den eman beharreko hurrengo pausoa». Bi ikuspegi, eta ezin ulertu Otegitarrek ehun urte inguru daramatzate etxerako sagardoa egiten. San Esteban eta Olarraingo lurrak kentzen dizkietenean, «ia sagastirik gabe» geldituko dira. Xabik dion bezala, […]

Mario Azurza eta Lore Izagirre izan dira Zurriolako onenak »

Gaztekutxa Gipuzkoako Surf Txapelketako lehenengo jardunaldiak jokatu zituzten aurreko asteburuan, Zurriolan. Helduen hiru mailetako partaideak lehiatu ziren larunbatean, batik bat, gizonezkoak eta, igandean, emakumezkoen txanda izan zen. Lehen jardunaldian, guztira 62 partaide izan ziren: 48 Open, 5 Senior eta 9 Master. Igandekoan, berriz, 16 surflari elkartu ziren. Gizonezkoei dagokienean, Mario Azurza, Indar Unanue eta Alex Iriondo izan ziren Open Mailako lehen hiru sailkatuak. Senior eta Master mailetan berriz, Alex Aristegieta eta Iulen Elkoro izan ziren garaileak, hurrenez hurren. Emakumezkoetan, Lore Izagirre, Maria Ortiz eta June Erostarbe izan ziren Open mailako onenak. Behin maila horietako txapelketak jokatuta, erabakia dago zeintzuk lehiatuko diren Euskaltel Euskal Herriko Surf Txapelketan. Izan ere, Gipuzkoako ordezkariak izango dira Open Mailan sailkatutako lehenengo seiak eta gainontzeko kategorietako lehenengo lauak. Euskal Herriko txapelketa irailaren 10eko asteburuan jokatuko dute, Zarautzen edo Bidarten. Goizeko bederatzietan hasi zen larunbateko lehen txanda eta 19:15 inguruan bukatu zen txapelketa. Metro inguruko olatuak egon ziren lehen jardunaldi hartan eta itsasbeherarekin lehiatu behar izan zuten goizean. Hala ere, itsaso mugitua ibili zen. Eguraldiari zegokionean, ez zuen euririk egin lehiak iraun zuen bitartean. Open Maila, txapelketako garrantzitsuena da eta bertan, 16 urtetik beherako partaide asko bildu ziren. Hala, gaztetxoen artean, Groseko Indarrako Ethan Egiguren eta Eriz […]

«Bakeari bidera urtengo» diote Bolibartik Ziortzara oinez joanez »

Bakeraren aldeko ibiladia egingo dute Ziortza-Bolibarren zapatuan. Aurtengoagaz antolatzen duten hirugarren aldia izango da. Ibilaldiagaz «berbetatik ekintzara» pasa nahi dute. «Oinez egitea ekintza bat da bere horretan. Bakeari bidera urten nahi diogu, eta ibiltzen gauden bitartean, hausnarketa bultzatu», azaldu du Ziortza-Bolibarreko parroko Jon Zarragoikoetxeak. 100 parrokia baino gehiagori egin diote parte hartzeko deia. Zapatuan, herriko plazan batuko dira, 10:00etan, ibilbideari hasiera emoteko. Bolibartik Ziortzako kolegiatarako bidea izango da osatuko dutena. «Bi kilometro inguruko bidea dago; poliki otoitz giroan osatuko dugu». Ixiltasunean eta kantuan Antolatzaileak IV. eta V. bikariak izan dira. «Horrek, alde batetik Ermutik hasi eta Arrigorriagaraino doazen herriak hartzen ditu, eta beste alde batik, Bermeo, Gernika, Markina-Xemein, Ondarroa eta inguruko herri guztiak». Ibilaldiaren buruan Bilboko gotzaina eta eskualdeetako ordezkariak joango dira, eta Emon bidea bakeari esaten duen pankarta batek irekiko du martxa. Ibilbidea ixiltasunean egitea proposatzen dute antolatzaileek; nahiz eta tarteka, otoitzak eta kantuak egingo diren. Ziortzako kolegiatara heldu aurretik,bidean hiru egonaldi egingo dituzte. Geldialdiak otoitzerako aprobetxatuko dituzte. Herria bete jende Jende asko batuko denez, gertatzen ari denaren haria denek jarraitu ahal izateko, bidean megafonia jarrita egongo da. «Aurreko bi urtetan jendetza batu da; herriak gainezka egin du», gogoratu du Zarragoikoetxeak. «Horrelakoak berogailu txiki bat bezala izaten dira, taldeak […]

Ibilgailuen gaineko zerga ordaintzeko epea zabalik dago Aulestin »

Hilaren 1etik ekainaren 30era arte ibilgailuen gaineko zerga borondatez ordaintzeko epea zabalik egongo da. Udalak martxoaren 16ko Osoko Bilkuran onartu zuen ibilgailuen errolda eta bertan agertzen direnek dagokien ordainketa egin beharko dute aitatuta…

Ispasterko 2010eko kontu orokorrak kontsultatu daitezke »

Udaleko Kontuen Batzorde Bereziak ontzat emon zituen 2010eko kontu orokorrak azken Osoko Bilkuran. Hari dagokion espedientea jendaurrean egongo da aste honen amaierara arte. Epe horretan oharrak zein erreklamazioak egin ditzakete herritarrek.

Chungdak Koren emakume tibetarraren hitzaldia ostiralean »

Ostiralean, hilaren 8an, Tibet izango da hizketa gai Villabonako Aljibean. Tibet herriaren inguruko informazio zuzena jasotzeko aukera izango da. Villabonako Udalak eta Tibetar Herriarekiko Elkartasun Elkarteak gonbidatuta, generoaren ikuspegitik, bere herriaren egungo egoerari buruz hitz egitera etorriko da Chungdak Koren emakume tibetarra. Hitzaldiaren izena, Tibet Erbestean: herri baten duintasuna da, eta hizlaria, Chungdak Koren bera izango da. Txina Tibeten sartu ostean, 1959. urtean milaka tibetar erbesteratu ziren bizilagun duten Indiara. Egun, 150.000 errefuxiatu inguru dira. Txinako gobernuak, tibetarren giza eskubideak sistematikoki urratzen jarraitzen duela salatu nahi dute. Erbestean, nazio hau berrantolatu egin da. Dalai Lamaren ordezkari Chungdak Koren 1951. urtean Tibeten jaio zen. Eta 1969. urtean,  Norvegiara joan zen ikastera. 1988. urtean sortu zen Norwegian Tibet Committee Elkartearen sortzaileetako bat izan zen. 1995. urtetik 2001. urtera bitartean berriz, Genevako Gobernu Tibetarraren Bulegorako, Dalai Lamaren ordezkari hautatu zuten. 1996. urtean, Norvegiako Voice of Tibet irratiaren sortzaileetako bat izan zen. Eta 2008. urtean, Norvegiako Pens Ossietzky Saria jaso zuen, Tibeteko tibetarren giza eskubideen alde egindako lanagatik. Egun, International Campaign for Tibeteko batzarkidea, eta erbestean dagoen Tibeteko Parlamenturako hautagaietako bat da, Europan bizi diren tibetarrak ordezkatuko lituzkeelarik. Berak emango duen hitzaldiaz gain ordea, argazki erakusketa eta dokumentala ere eskainiko dituzte. Galdutako aztarnen lurraldea, […]

Euskarazko bederatzi film labur emango dituzte ostegunean Ordizian »

Topaguneak antolatutako Laburbira ekimena zortzigarren aldiz iritsiko da etzi, hilak 6, Ordiziara, Euskara Zerbitzuaren eta Hitzaroren eskutik. Euskarazko bederatzi film labur emango dituzte antzokian, 19:30ean hasita: Maritxu, Artalde, Ondar Ahoak, Es…

Txernobildik eta Saharatik udan haurrak ekartzeko laguntza emango du Udalak »

Ordiziako Udalak Oporrak bakean programaren barruan Ordiziara Txernobilgo edo Saharako haurrak ekarri nahi dituzten familiei diru laguntza emango die, sorterretik Ordiziarainoko haurraren bidaiaren kostua ordaindu ahal izateko. Garapen bidean dauden he…

Goienizek antolatuta, ‘Camino’ filma ikusi ahalko da etzi Usurbe antzokian »

Munduaren eraginetik babesteko, etxetik atera gabe bizi den familia baten istorioa kontatzen du Yorgos Lanthimos zuzendari Greziarrak Camino pelikulan.
Familiako seme-alabek ezagutzen duten errealitate bakarra etxe barrukoa da. Kanpoko errealitatearek…

Artasok antolatutako barrikotea, larunbatean »

Karrikako Artaso elkarteak urtero antolatzen duen barrikotea larunbatean da, 21:00etan, Elorsoron. Txartelak ohiko tokietan eskura daitezke, hemezortzi eurotan.