Joanes Gibelalde: “Bizikletarekin ikustean, jendeak ez zaitu mehatxu moduan hartzen” »

Bizikleta lagun zuela, Joanes Gibelaldek (Tolosa, 1976) Amerika zeharkatu zuen duela lau urte. Hori nahikoa ez, eta Tolosara itzuli zenean, Istanbulerako bidea hartu zuen, gurpildun ibilgailu ekologikoaren gainean. Mugikortasun Asteari bere bizipenek emango diote hasiera, gaur. Nola kontatuko duzu bizikleta gaineko abentura hori? Sarrera bezala, bideo txiki bat jarriko dut. Ondoren, 40 minutuko saioan edo, argazkiak ikusiko ditugu, eta hauek komentatzen joango naiz. Amaiera aldean, beste bideo bat jarriko dut. Irudietan bidaiaren nondik norakoak ikusten dira, ikusleak ideia txiki bat egin dezan. 26.000 kilometro 17 hilabetetan. Nondik sortu zitzaizun ideia? Pixkanaka-pixkanaka joan zen gauzatzen. Horrelako gauzak lasaitasunez hartuta ateratzen dira. Aurrez, Europan zehar bidaia batzuk egina nintzen, eta zerbait handiagoa egin nahi nuen. Gustukoa nuen Amerika goitik behera zeharkatzeko ideia, eta horrela joan nintzen. Alaskatik hasi eta Argentinara, hamalau edo hamabost herrialde zeharkatuz. Ondoren, Tolosatik Istanbulera joan nintzen, beste horrenbeste herrialde ezagutuz. Mugikortasun Astearen barruan, besteak beste, ongi ezagutzen duzu ibilgailu horren erabilera bultza nahi da, autoa alboratuz. Bidaian oinarrituta, zein da zure hausnarketa gai honen inguruan? Trabak gutxitu eta laguntza gehitu egin behar dela. Adibide bat jartzeagatik, Ameriketako Estatu Batuetan edo Kanadan, autobusek parrilak zituzten. Sistema oso erraza da, eta kostu handirik ez duena, baina aldi berean, bizikletaz mugitzeko […]

Azpeititik Zestoarako mendi ibilaldia egingo du Mendibil taldeak »

Leitzatik 08:00etan irtengo dira, eta 19:00etarako itzuliko dira. Leitzatik joan-itzulia autobusez egingo dute. Azpeitiatik 1.026 metro dituen Erlo gailurra igoko dute, eta handik Zestoara joango dira. Leitzako mendi taldetik adierazi dutenez, 4 orduta…

Izaskun izena dutenen festa igande honetan »

Izaskun izena dutenen jaia antolatu dute beste urte batez, igande honetarako, hilaren 23rako, Izaskunen. Eguerdian, VIII. Toka txapelketa egingo dute, eta ondoren, meza izango da Izaskungo baselizan. Bazkaria Izaskun jatetxean egingo dute, Iñigo Perur…

Meskal Ros: “Hezitzaileei bitartekoak eman nahi dizkiegu artearen bidez” »

Meskal Ros, Maria Montero-Rios eta Sonsoles Alamo; Haikako kideak Hezkuntza eta prebentzio programak landuko ditu Haika sortze espazioak; pertsona bakoitzaren sormena bultzatu nahi dute, eta guztien arteko harremanak hobetu nahi dituzte, horretarako, haur eta gazteengan eragin nahi dute bereziki. Hezkuntzan, osasunean eta artean jarduten duten profesionalak dira Meskal Ros (Egia, 1956), Maria Montero-Rios (Valentzia, 1959), Sonsoles Alamo (Burgos, 1962) eta Blanca L. (Gros, 1962). Kezkatuak daude pertsonen heziketarekin, eta herritar guztiei zabaldu nahi diete bihar arratsaldean Egiako Ametzagaina kalean zabalduko duten egoitza. Programak eta tailerrak eskainiko dituzte, artea hezkuntzarako tresna bezala erabiliz. Zer izango da Haika? Maria Montero-Rios (M.M.): Profesional kolektibo bat gara, hezkuntza, osasuna eta artean jarduten dugunak. Hezkuntza eta prebentzio programak landu nahi ditugu, bai haurrentzako bai orokorrean ere. Artearen bidez gizartean eragin nahi dugu. Sonsoles Alamo(S.A.): Gizarteari zabaldutako gune bat sortu dugu, eta partaidea izatea nahi dugu. Meskal Ros (M.R.): Hainbat esparrutatik gatoz, baina guztiek izan dugu harremana hezkuntzarekin. Hezitzaileek hutsuneak dituzte euren formazioan, haurrekin eta nerabeekin izan beharreko harremanaren inguruan. Nolatan erabaki zenuten gune hau sortzea? M.M.: Maiz amets egiten genuen apustu honekin. Indarrak batzea oso garrantzitsua da. M.R.: Urte asko generamatzan elkarrekin lanean, eta batzeko ideia sortu zitzaigun. Zergatik Egian? M.R.: Partaidetza handiko auzoa da, […]

Ameztoiren 27 marrazki bildu dituzte Kutxa Boulevard aretoan »

Marrazkilari donostiarraren erakusketa zabalik egongo da urriaren 28a arte Margolari oparoa izan zen Vicente Ameztoi (Donostia, 1946-Villabona, 2001). Parte Zaharrean jaio zen, baina 1972an familiaren Villabonako etxera joan zen bizitzera, Etxe Ondora. Madrilgo Arte Ederren San Fernando Eskolan hasi zituen ikasketak, baina segituan ibilbide artistiko autodidaktari ekin zion. Bere hainbat marrazki bildu dituzte Kutxaren Bulebarreko erakusketa aretoan, guztien gozamenerako. Jomo Kenyattaren inguruko ipuin baterako osatu zituen irudiak dira. Kenyatta Keniako presidentea izan zen 1964 eta 1978 urteen artean. Gerora, marrazki horiek Tiempo de Africa dokumentalerako erabili zituzten. Atzo arratsaldean zabaldu zuten erakusketa, eta urriaren 28a arte egongo da zabalik. Guztira, Ameztoik tintaz egindako 27 marrazki zuri-beltz batu dituzte erakusketa aretoan. Marrazki horien bidez, egun euritsu batean elefante bati aterpea ematen dion gizon baten istorioa kontatzen du Ameztoik. Margolanekin batera, bi ikus-entzunezko jarri dituzte aretoan, etengabe ikusteko moduan; El precio de la libertad da bata, Ameztoiren irudietan oinarritutakoa, eta bestea, Miradas, Ameztoiren obraren ingurukoa. Bi filmak Jesus Almendrosek zuzendutakoak dira. Marrazki guztiak Almendrosen jabetza direnez, margotu egin ditu kolorea emateko, eta istorio txiki bat osatu du El precio de la libertad lanean. Miradas, berriz, Ameztoiren bizitzaren inguruko film labur bat da. Horrela, Ameztoik zinemarekin izandako lotura erakutsi nahi dute. Margolari sailkaezina Arte […]

‘Ez gaituzte bortxatuko!’ »

Ramon Labaien, idazlea. Brem, Vendea lurraldearen itsasertzean kokatua dagoen hiri txiki batean egon naiz, Lopez-Raxoi bikotea 500 kilometrotara edukitzeak ematen duen bakearekin. Kostaldea hemen benetan zabala, itsasoari irekia, hondartsua, beldur pixka bat ematen duen horietako bat. Ez da ikusten non hasten den ezta non bukatzen den ere. Hiriak osatzen dituzten etxe txikiak, itsasertzetik urruntxo, badaezpada. Hondartza gain-gainean bakarra, Clemenceaurena, Tigrea esaten zioten politikiariarena. 1914-1918ko gerrate nagusi hura irabazi eta bakea galdu zuen gizona. Etsai izan zituen alemaniarrak betirako zapaltzeko amorruarekin, azken finean, Hitler ekarri ziguna. Vendeako lurraldea eta Vendeako biztanleak. Orain direla bi mende gerla odoltsua sustengatu zutenak Frantziako Errepublikaren aurka. Bihotz gorri bat gurutzearekin gainean zutela ezaugarri. Nekazariak gehienak, benetan heroikoak. Oker ez banago, atzo fede baten sinboloa zen, gaur pegatina turistikoa bihurtu zaie; bertakoek, beraien asabek izan zituzten kemen eta amodioek edo ahulduak edota, gehiengoetan zeharo ahantziak. Horrela eta guzti, Vendean iraganean gertatutakoek badute zerikusirik Euskalerriko karlistadekin. Diferentzia izanik, gu, euskaldun jendea, gero eta kementsuago ari gara bihurtzen, gure ikurrina ez da souvenir turistiko bat, baizik gure nazioaren alde isuri diren odol eta izerdien sinboloa. Ez garela iraganera begira bizi, baizik etorkizunera. Iraganak sustraiak izanik eta etorkizuna arbola. Eta guk, arbolaren puntan ditugu jarriak gure itxaropenak. Noski, oporrak […]

Ez dago geldirik egoteko aitzakiarik »

Luzetsita zeuden Paco Yoldi kiroldegiko erabiltzaile asko, baina iritsi da eguna. Hiru hilabeteko lanen ondoren, astelehenean ireki zituzten berriro ere ateak. Asko dira Anoetako kiroldegi honetara hurbiltzen diren erabiltzaileak. Udazken giroko goiz euritsu hauetan, gainera, pauso arinean dator jendea kiroldegiko babesera. Horietako bat da Ramon Eizagirre; «bost bat urte daramatzat egunero egunero etorriz eta banuen berriro ere kiroldegia irekitzeko gogoa. Oso txukun gelditu da». Helburu horrekin egin dituzte berritze lanak. Aldagelak handitu eta korridoreak zabaldu dituzte. Gainera, Iñaki Iruretagoiena Kirol Patronatuko Marketin eta Herritarren Arretarako arduradunak esan digunez, «orain igerilekura doazenek ez dute aldagela eta dutxen artean batera eta bestera korridorean barrena ibili beharko toaila hartuta, biak bateratu ditugu, gainerako kiroldegi guztietan bezala». Ikusten ez diren aldaketak Hirurehun armairu berri jartzea, korridore zabalak izatea eta igerilekura nahiz gimnasiorako sarbide erosoak izatea dira erabiltzaileek gehien somatu dituzten aldaketak, baina badira bestelakoak ere. Hodi eta iturriak berritu dituzte, eta kiroldegia girotzeko sarea ere hobetu dute. «Aldaketa hauen bidez, irisgarritasun araudia nahiz legionelari aurre egiteko araudia betetzea lortu dugu. Neurri hauek ez dira ikusten, baina erabiltzaileek zerbitzuaren kalitatean somatzea espero dugu», aitortu digu Iñaki Iruretagoienak. Joan etorrian dabiltzan erabiltzaileei galdetuta, denak oso gustora azaldu dira berrikuntzekin. «Gaur da etorri naizen lehen eguna, eta […]

Udal gobernuak bere inbertsio planen %10 soilik gastatu duela kritikatu du PSE-EEk »

Urtea amaitzeko hiru hilabete falta direnean, proiektu asko geldituta eta murriztuta daudela dio Garcia Chuecak Bilduk berak hilabete batzuk lehenago onartutako inbertsio planaren %9,8 bakarrik gastatu duela salatu zuen PSE-EEk atzo egindako agerraldian. Susana Garcia Chuecak Ogasun zinegotziak helarazitako datuak hiritar guztiak «kezkatzeko modukoak» direla adierazi zuen, oso emaitza pobrea delako; batik bat, gehitu zuen, «urtea amaitzeko hiru hilabete falta direnean». Honek guztiak hiria geldiarazi, inbertsioak galdu eta murrizketak jasotzera daramala adierazi zuen PSE-EEko zinegotziak. Gaineratu zuen oraingoan ez dela «oposizioaren errua, ezta Espainiako Gobernuarena» ere, soilik Bilduren errua dela. 10,5 milio zorretan Garcia Chuecak inbertsio plana hamaika milioikoa dela esan zuen. Gehitu zuen udalak 10,5 milioiko zorra duela eta zorra ordaintzeko dirua badagoela; eta  behin hori ordaindu ezkero, Espainiako Gobernuak berriz zorra eskatzeko aukera emango liokela. PSE-EEren ustetan, ezin da ulertu zergatik Bilduk ez duen zorra ordaindu berriro hartzeko aukera duenean. Bilduren erantzuna banketxeekin negoziaketan dabiltzala izan da. Gehitu zuen egungo egoera ekonomikoa ona dela, eta gauzak aurrera ez eramatearen arrazoi bakarra udal gobernua ez dela gai.

Bilduk ez du pasabidea baztertzen, egitasmoaren alde ez egon arren »

Kalte ekologikoak neurtzeko, Monpaseko pasealekuaren proiektua sakon aztertzen ari da Gipuzkoako komunikabide batean Monpaseko pasabidea egingo ez dela irakur zitekeen atzo. Bilduk, ordea, ez du oraindik horrelakorik esan. Irutxuloko Hitzak jakin ahal izan duenez, udal gobernua proiektu osoa sakon aztertzen dabil ezer erabaki aurretik. Espainiako Gobernuko Ingurumen Ministerioak  9,2 milioiko inbertsioa du aurreikusita pasabidea eraikitzeko, eta hori bera galdu duela leporatu diote Bilduri. Egunkari honek jakin duenaren arabera, ordea, oraindik garaiz dabiltza. Kosta zuzendaritzak bidalitako dokumentua «oso luzea» delako, legearen barruko hamar eguneko epe luzapena eskatu du Bilduk proiektua era sakonean aztertzeko, baina epeen barruan dabil oraindik. «Guztiz aurreikusita zuten» PSE-EEk prentsaurrekoa egin zuen Bilduren jarrera salatzeko asmoz. Denis Itxaso zinegotziaren hitzetan, «inbertsio hau inongo eskrupulurik gabe alde egiten uzten ari da». Gainera, ziurtatu zuen «guztiz aurreikusita zutela inbertsio hau hiltzen uztea». Honen inguruan Bilduk adierazi du jakina dela «printzipioz posizionamendua ez dela aldekoa», baina oraindik ez duela ezer erabaki. Azpimarratu nahi izan du baita ere proiektua hain sakon begiratzearen arrazoi nagusiak ingurugiro eta ekologikoak direla. PSE-EEk, ordea, ez du arrisku ekologikorik ikusten. Itxasok adierazi zuen pasabidearen kokapenak ekosistema endemikoek arazorik gabe bizirautea ahalbidetuko lukeela. Gaineratu zuen, azkenik, Monpaseko pasabidea «donostiarrek nahi duten» inbertsio bat dela, Donostiako itsasbazterra osatzen duena […]

Beste Donostia batean egonaldia »

Uba Aterpetxea izena du, eta kanpotar gazteei zein familiei prezio merkean ostatu emateko eraiki dute. 196 ohe ditu eta eraikina eko-diseinuarekin pentsatuta egin da. Bihartik aurrera zabalik izango da. Bihar irekiko ditu ateak Uba aterpetxe berriak.  Ametzagaina parkean dago kokatuta eta nabari da naturaren presentzia. Parkean barrena joanda, zuhaitz artean bilduta ageri den eraikin berdea da ostatua. Aterpetxea Donostiako Sustapenak bultzatutako proiektua da, hiriko beste aurpegi bat eskaintzen duen Uba Aterpetxea. Ofizialki bihar irekiko bada ere, duela egun batzuetatik badu ostatua hartuko dionik jada. Denbora da interneten gelak eskaintzen dituela eta dagoeneko herrialde ezberdinetako hainbat gaztek hartu dute lotarako lekua bertan. Proiektuko arduradun Eduardo Fernandezek Irutxuloko Hitzari adierazi dionez, Donostiako Sustapenak lehiaketara atera zuen aterpetxea kudeatu eta komertzializatzeko aukera. Europa osora zabaldu zuten eskaintza eta, azkenik, proposamen onena Valentziako Nest House S.L. enpresa izan zen. Beraz, bera izan da aterpetxea batik bat sarean zabaltzen ari dena. Horretaz gain, ostatua bera ere kudeatuko du. Enpresa honek aurretik esperientzia handia du aterpetxeak kudeatzen. Besteak beste, Valentzian, Bartzelonan, Granadan eta Santiagon dituzte gazteei zuzendutako ostatuak. Uba Aterpetxeak 44 logela eta 196 ohe ditu guztira; hauek denak sei, lau eta biko logeletan banatuta egongo dira. Banaketari dagokionez, beheko solairuan kafetegia dago. Lehenengo eta bigarrenean, […]