Egoera hoberik ezean, irautea aski »

Urte hobeak ezagutu izanaren zaporearekin egin zen, atzo, Santa Lutzi eguneko feria Zumarragan eta Urretxun. Euskal Herriko azoka handienetakoa izaten jarraitzen duela agerian utzi zuen, nekazaritzako arlo gehienen bilgune izan delako, berriz ere: ganaduzaleak, makinaria, nekazariak, frutazaleak eta artisauak. Horrek inguruan sortzen duen kale-giro, bisitari saldo eta pitxizale samaldarekin, atzo aterkiak eskainiz haitako asko. Baina ia denen ahotan ibili zen azokaren epela salmenta aldetik, eguraldiaren hotzarekin batera. Aurreko urteetan baino jende gutxiago zebilela zioten saltzaileek. Freskotik eta umeletik hasi zen eguna, lau-bat gradurekin. Ateri eutsi zion ia bukatu arte, baina haize finak hormatu egiten zuen. Krisiari aurre egin nahian, iaz baino 15 salpostu gehiago zeuden Urretxuko eta Zumarragako plaza-kaleetan, 470 guztira, beti bezala jenero bikainenez eta ugariz ondo hornituak. Santa Lutziren bereizgarri den ganadu erakusketan eta azokan hutsune asko zegoen. Denera 311 buru eraman zituzten ganaduzaleek: «32 zaldi, 33 moxal, 46 behor, 19 pottoka, 27 asto, zortzi ahuntz, hiru ardi, 142 poni eta zezen bat», udal iturrien arabera. Konparazio batera, 2005ean 757 buru izan ziren. Kokagune berrian ipini zituzten zaldi-behorrak, Urdaneta kalearen hasieran, Ispilla kiroldegi aldera. Ganadu txikia —ahuntzak, poniak, astoak…— Beloki frontoitik aurrera. Salmentak «oso eskasak» izan dira, ganaduzale batek zioenez. Iturri ofizialen arabera, 10:00etarako 18 buru besterik ez […]

San Telmo Museoko erakusketa batean bildu dute Luis Tolosa arkitektoaren lana »

La arquitectura de Luis Tolosa izeneko liburua idatzi du Ana Azpirik, eta Nerea Argitaletxearen eskutik argitaratu du, Pasaiako Portuko Agintaritzaren eta Euskal Herriko Arkitektoen Elkargoaren laguntza ekonomikoarekin. Horren harira, izen bereko erakusketa osatu dute San Telmo Museoan, eta gaur goizean aurkeztu dute. Adituen arabera, 1938-1950 urteen artean Gipuzkoako arkitekturan oinarrizkoa izan zen Luis Tolosa. Donostian jaioa, Tolosan izan zen gaztetan, baina ia bizi osoa Irunen egin zuen, eta bere burua irundartzat zuen arkitektuak. “Azkenean Luis Tolosa eta bere lana merezi duen lekuan jartzea lortu dugu”, aipatu du Ana Azpirik, liburuaren egile nagusiak, aurkezpenean. Erakusketan Tolosak Pasaiako portuan egindako lanaren lekukotza jaso dute, eta bereziki, argazkiak, akuarelak eta maketak bildu dituzte.  Erakusketa bihar bertan zabalduko dute, eta otsailaren 8ra arte egongo da ikusgai.

Caballero eta Arejita: “Gatiburen diskorik bereziena eta hoberena da Zazpi kantoietan” »

Mikel Caballero (Basauri, 1966) eta Haimar Arejita (Gernika-Lumo, 1976) Gatibu talde gernikarraren kideak dira. Duela gutxi Zazpi kantoietan diskoa kaleratu du Gatibuk, eta nabarmendu dutenez, orain arte egin duten “diskorik onena” da. Hala, pozarren azaldu dira azken emaitzagaz, soinu ikaragarria lortu baitute, Iñigo Etxebarrieta soinu teknikariaren laguntzagaz. Diskoa barritasunekin dator, baina zaleek be gustuko dutela deritzote baxu-joleak eta gitarra-joleak. Durangoko Azokan, esaterako, diskorik salduena izan zen gernikarrena. Alex Sardui eta Gaizka Salazar taldekideekin batera Euskal Herriko plazetan abesti barriak aurkezteko gogotsu daude orain. Duela gutxi kaleratu duzue ‘Zazpi kantoietan’ bosgarren diskoa. Pozik emaitzagaz? Haimar Arejita: Pozik gaude emaitzagaz. Kalitate handiko soinua lortu dugu estudioan, eta abestiak oso ondo geratu direla deritzogu. Taldearen diskorik hoberena da, hirugarrenagaz batera. Laugarren diskoan antzeko soinua zuten hiru kanta daude, eta hortik hasi ginen hariari tiraka. Mikel Caballero: Nire ustez be diskorik hoberena da. Desbardina da, eta asko gustatzen zait. Burukomin asko emon ditu disko barriak? Arejita: Grabazio estudioan sartzea beti da burukomin bat. Ondo egin gura duzu, eta gauza asko dauzkazu buruan bueltaka. Musikariok abesti perfektuak egin gura ditugu, eta detaile guztiak kontuan hartzea ez da erraza izaten batzuetan. Halanda be, asko gozatzen dugu; ez pentsatu sufritzen ibiltzen garenik [barreak]. Apur bat estresagarria izaten […]

Murrizketen kontrako protesta Zarauzko anbulatorioan »

Zarauzko anbulatorioko langileek elkarrretaratzea egin dute gaur 13:00etan eraikinaren aurrean. Sektore publikoko langileak jasaten ari diren murrizketak salatzeko egin dute bilkura. Ostiral beltza du izena ekimenak, eta beltzez jantzita atera dira langileak ere. Zerbitzu publikoen aldeko aldarria egin dute; zerbitzuak ez pribatizatzea eskatzen dute, eta krisia eragin dutenek beraiek ordaintzea ondorioak, ez herritarrek.

Loreto Fernandezek organo kontzertua emango du bihar, parrokian »

Gipuzkoako Foru Aldundiak antolatuta, Loreto Fernande Imazek organo kontzertu eskainiko du bihar Salbatore Deunaren parrokian, 20:00etatik aurrera. Fernandezek baxu jarraitua, klabezina eta organoa jotzen irakasten ditu Donostiako Francisco Escudero M…

Josu Bergara: “Niretzat naturala kalean eta lagunekin kantatzea da” »

Oroitzapenei buruz berba egiten duten kantuak dakartza Josu Bergara kantautore eatarrak Katiuska gorriak hirugarren diskoan. Hainbat kolaborazio izan ditu Bergarak bere lan barri horretan, eta emaitzagaz “pozik” da. Katiuska gorriak izenburupean kalean duzu zure hirugarren lana. Emaitzagaz pozik al zaude? Poz-pozik nago. Maiatza aldera estudiora sartu nintzen; bertan, nire kanta txikitxoak asko handitu dira. Grabaketan hogei musikarik baino gehiagok parte hartu dute, eta disko borobila geratu zaigula pentsatzen dugu: estilo ezberdinetako kantuak, poesian oinarritutako letrak, entzuteko erraza eta musikalki aberatsa. Aurreko diskoekin alderatuta, zertan bereizten da hirugarrena? Nire lehen diskoa, Karramarroen hiria, 2006an grabatu genuen, eta oinarrian gitarra akustikoa eta nire ahotsa besterik ez zituen. Bigarren diskoa, Nora zoaz delakoa, Mutrikuko AME estudioetan Axular Arizmendi musikariaz batera egin nuen 2009 urtean, eta pop-rock ukitu handia dauka. Azken disko honetan, The Playful Ensemble laukotearen laguntza izan dogu eta bibolinen, biolaren edota biolontxeloaren goxotasunak edarto igartzen dira. Gainera, David Sanchez eta Ibon Larruzea teknikariekin batera soinu landua eta heldua lortu dogu. Zein musika estilo entzuteko aukera izango du entzuleak disko barri horretan? Katiuska gorriak disko barrian hamaika kantu topatuko ditu entzuleak eta, egia esan, kantautorea edo bakarlaria naizen arren, diskoetan estilo ezberdinak jorratzea gustukoa dut; gainera, musikari askoren parte hartzeari esker estilo […]

Natxi Aranbururen zutabea: Bizkaiko bertsolarien final handia »

Astebeteko tartean  Bilbok hartuko du txanda Durangoren eskutik. Euskal Herriko kultur gunerik nagusi edo entzutetsuena izatearen ohorea eskuratu zuen Anbotopeko herririk handienak aurreko asteburuan. Hurrengoan, Bilbori dagokio. Oparoa izan ei da amaitu berri den 47. Liburu eta Disko Azoka. Pozarren antolatzaileak eta saltzaileak. Bejondaiela! Krisi sasoietan kopuruek, zifrek ikaragarrizko protagonismoa bereganatzen dute eta pasa den astean euskal kulturaren azokak eskainitako zenbakiek egunero hedabideek markatzen duten beherako joera aldrebestu egin dute eta gora begira jarri gaituzte: egun bat gutxiago, baino aurrekoan baino bisitari gehiago eta salmenta ugariagoak. Biba! Di-da baten kultura idatzitik ahozkotasunezkora egingo dugu jauzia: Bizkaiko bertsolarien finalera goaz. Bilbok badu, hala ematen diote gutxienez, zentralitate anitza. Bizkaian, Euskal Herrian… Bilbo handia da. Handikiro edo handitasunez egiten dira Bizkaiko hiriburuan gauzak; handi nahia nabarmena da, hain da handia ze BILBO HANDIA deitzen zaio. Bada, datorren zapatuan bertsozaleok handitu egingo gara, non eta hantxe bertan! Ahozkatasunez gozatuz handituko gara. Ez da –bilbotarrek ere aitortu beharko dute– Bizkaiko hiriburua euskararen eremu natural-naturala, gaur egun; Bilboko ikur bihurtu den museoa –izenik ez dut aipatuko– ez da euskarazko ahozkotasunaren eredua, ezta bertako dorrerik luzeena ere; Bizkaian eta Euskal Herrian ospetsuena/handiena den bertako alkateak ere ez daki euskararik, nahiz eta durangar jatorria izan; bitxikerien bilatzaileentzat […]

Etxe kaleratzerik egiten ez dutela utziko esan dute plataformako kideek »

Goierriko Kaleratzeak Stop plataformak nabarmendu du ez duela etxe kaleratzerik gerta dadin utziko. Gaur eguerdian elkarretaratze jendetsua (ehun lagundik gora) egin dute Ordiziako Kutxaren aurrean, Ordizian datozen asteetan gerta daitezkeen hiru etxe kaleratzeren aurrean protesta egiteko. Lehenengoa datorren astelehenean bertan, hilaren 17an, 14:00etan, gerta daitekeela adierazi dute, baina Igor Eguren alkatea Kutxako ordezkariekin hitz egiten ari dela, eta oraindik ez dakitela kaleratzea izango den ala ez. “Kutxa da arduradun bakarra, eta bere esku dago familia hori kalean utzi edo ez. Haien etxebizitzetan alokairu sozialean gera daitezela eskatzen dugu”. Horrez gain, sinadurak biltzen ere hasi dira plataformako kideak. Kaleratzeak salatzeaz gain, Kutxaren filiala den Servatas tasazio etxeak egindako ohiko etxebizitzen tasazioetan izan den “espekulazioa” ere deitoratu dute. “Horren emaitza da hipotekaren prezioaren gainbalorazioa, 30-35 urteko iraupena, eta ordaindu beharreko diru kopuru handia. Higiezinen burbuilaren boom-aren garaian Kutxaren ohiko jokabidea izan da hori, eta Ordiziaren kasuan indar handiagoa du, oso etxebizitza xumeak baitira, ia bizigarritasunik ez izateko mugan daudenak, eta horien jabe edo maizterrek baliabide urriak baitituzte” “Etengabeko iruzur horiek” banketxeetako zuzendariek antolatu dutela diote, eta arduradun politikoek onartu. “Iruzur horrek hainbat biktima mota ditu: adin txikikoak dituzten familiak, ezindutako pertsonak…”. Elkarretaratzeak iraun bitartean Ez, ez, ez, kaleratzerik ez eta Kutxa, lapurra […]

Hasi da Euskal Surf Zirkuituko azken proba Mundakan »

Gaurtik domekara bitartean, Euskal Herriko surflari hoberenak batuko dira Mundakan. Hain zuzen, Euskal Surf Zirkuituko azken proba jokatzen dabiltza, 64 surflari. Gaur goizean zehar, lehen sailkapen txandak egin dituzte, eta Mundakara hurbildu diren ik…

Maikruz eta Marikarmen Bretxa inguruan dabiltza »

Etb 1 telebista kateko atsuak Donostian dabiltza. Bretxa parean topatu ditu IRUTXULOKO HITZAk Maikruz eta Marikarmen, jendez inguratuta. Bozgorailua eskutan, paseoan zebiltzan guztien ikusmira izan dute. Mahai batean Gabonetako jaiotza jarria zuten, et…