Urrezko Danborra, Donostiako Klasikoarentzat »

Donostia Turismok 2013ko Urrezko Danborra nork jasoko duen iragarri du. Administrazio kontseiluak bilera egin du udaletxean, eta erabaki du saria Donostiako Klasikoari ematea. 1981n sortu zuten Donostiako Klasikoa —Marino Lejarretak irabazi zuen orduan—, eta gaur egun mundu mailako egun bateko proba nagusietako da. UCI ProTourreko lasterketa da. ”Hiriaren kanpoko irudirako eta hiriaren erakargarritasunerako izugarrizko laguntza izan da”, dio oharrak. “Donostiaren erakusleiho garrantzitsua da, munduko herrialde askotan ikus daitekeen lehiaketa da eta”. Eskertza moduko bat izaten da Urrezko Danborra, Donostiaren alde egindako lana eta hiriaren izena munduan barrena zabaldu izanari, eta Donostiako Klasikoak jasoko du ikurra, San Sebastian egunean, 2013ko urtarrilaren 20an. Aurrez, ordea, Donostiako Udaleko batzarrak berretsi behar du Donostia Turismok hartutako erabakia. Urteko azken saioan izango da hori, abenduaren 20an. Zazpi hautagaik zuten Urrezko Danborra jasotzeko aukera. Donostiako Klasikoaz gain, Richard Oribe igerilaria, Loquillo, Vicente Zaragueta, Txillardegi, Madrilgo Jai Alai jatetxeko jabeak eta Joxe Azurmendi idazlea. Saria jaso dutenen artean gizarteko hainbat alorretako pertsonak daude. Donosti Cup futbol txapelketaren sustatzaile Iñigo Olaizola,  La Oreja De Van Gogh musika taldea, Xabi Alonso futbolaria eta Behobia-Donostia lasterketa antolatzen duen Fortuna elkartea dira saria eskuratu duten azkenak, 2009an, 2010ea, 2011n eta 2012an, hurrenez hurren. Haien ondorengoa Donostiako Klasikoa izango da, udalaren azken erabakiaren esperoan.

Euskal derbia izango da bihar Hondartzan »

Saskibaloiko Emakumeen Ligako hamargarren jardunaldian euskal derbia jokatuko dute bihar (larunbata) Hondartza kiroldegian Hondarribia-Irunek eta Iruñeako Obenasak, 19:00etatik aurrera. Nafarrek ezinhobe hasi zuten liga eta lehen liderrak izan ziren, …

Abenduaren 26ra arte eman ahalko da ‘Kontatu zure istorioa!’ ikastaroan izena »

Alberto Gorritiberea zinegilea zumaiarrak Kontatu zure istorioa! ikastaroa emango du urtarriletik aurrera. Ikus-entzunezko hizkuntza, grabazioa eta muntaiari buruzko tailerra izango da, eta hamabi aste iraungo du. Parte-hartzaileek sakelekoa, argazki k…

Mariasun Landa Sarietarako lanak aurkezteko epea ireki dute »

Dagoeneko aurkez daitezke lanak Mariasun Landa Sarietarako, eta urtarrilaren 31 arteko epea izango da horretarako. Aurten hirugarrenez aurkeztu du Berdintasun Kontseiluak lehiaketa hori, beste behin, gizarteko hainbat arlotan emakumeek Errenteria-Orere…

Txirri, Mirri eta Txiribitonen agurra »

Badoaz gure pailazoak. Txirri, Mirri eta Txiribiton; alegia, Xabier Otaegi, Jose Ignazio Ansorena eta Txema Vitoria. Berrogei urtez lan eta lan ibili ondoren; erretiroa hartzea erabaki dute. Txirri, Mirri eta Txiribiton gazteei eman nahi diete lekukoa…

Egia-Iriondo lasterketa, domekan, Ondarroan »

Betiko esentziagaz, eta aldaketa bat edo bestegaz. Horrela dator 28. Egia- Iriondo herri lasterketa. Ondarroako Atletismo Taldeak lotuta dauka guztia. Batzuk en- trenatzen legez, antolatzaileek bi hilabete daroez antolaketan. Azkan urteetan parte hartzaile kopuruak eduki duen beherako joerari buelta emon nahian, astebete arinago dator proba. Abenduaren 16an. «Parranda botata be joan daiteke. Gauza polita da, eta danak dira gai Berriatutik Onda- rroara etortzeko, geldi-geldik. Probatu, gustatuko zaizu eta», esan du Orkatz Beitia antolatzai- leak. Aurten lasterketaren sustraietara joan nahi izan dute antola- tzaileek, Egia-Iriondoren jatorrira. Eta horretarako, zer hoberik Jose Mari Aranbarri Egia eta Martin Iriondori berba emotea. Oroitzapenenetan atzera egin, eta 1983 urtera jauzi egin dute as- teon herriko gaztetxoek. Eurekin egon dira, ikasgela ikasgela, bi lasterkariak. Jatorria ezagutzera emonaz ba- tera, Egia eta Iriondogaz argazkia atera ahal izan dute gazteek. «Lasterketara doazenei eskolan eurekin ateratako argazki bana emongo diegu», esan du Beitiak. Alde zaharrean Helmuga atzean lagata, alde zaharra izango da kirol jaiaren testigu. Eta ohitura onak aldatu behar ez direlako edo, txiki zein heldu, podiuma egin ala ez, korrikalari guztiek jasoko dute zer edo zer. Eta zelan ez, lasterketaren sortzaileei orioigarria emongo diete, bai eta Ondarroaren alde lan egin duen herritar bati be. Antolatzaileek, gainera, sorrerako lasterke- […]

Amets Sarasuak bigarren garaipena lortu du Espainiako Kopan eta rankineko lehena da »

Joan den asteburuan Murtzian lehiatu ziren Hondarribiko Ama Guadalupekoa Judo Taldeko kadeteak. Bertako Infanta Cristina Goi Errendimenduko Zentroan kontzentratuta zegoen Espainiako selekzioarekin entrenatzeko aukera izan zuten, eta larunbatean Totana herrian lehiatu ziren, Espainiako Kopako proban. Guztira 300 kirolari elkartu ziren bertan eta Hondarribiko taldetik esan dutenez, “gure judoken jarduna oso ona izan zen”. Amets Sarasuak eta Lidia Yarzak lehen postua eskuratu zuten. Sarasuaren kasuan, irabazten duen Espainiako Kopako bigarren proba izan zen eta rankineko lehen postua sendotzeko aukera izan du. Iker Otegi gazteak ere oso txapelketa ona burutu zuen, baina finalean galdu eta bigarren geratu zen. Oier Goikoetxea eta Andoni Gorrotxategi bosgarren geratu ziren. Biek domina lortzeko aukera izan zuten baina brontzerako borroka galdu zuten. Bosgarren postuarekin rankinerako puntuak pilatu zituzten. Kadeteak Iruñean eta helduak Hernanin Asteburu honetan bi txapelketetan lehiatuko dira Ama Guadalupekoa klubeko judokak. Kadete Mailakoak Iruñeara joango dira, Espainiako Kopako beste proba batean parte hartzeko. Eta nagusiek Hernanin dute zita, udal kiroldegian egingo duten Euskadiko Txapelketan.

Liburuen gida atera dute Markina-Xemein eta Ondarroako bibliotekek »

Markina-Xemein eta Ondarroako bibliotekak Iurreta, Durango eta Ermuako bibliotekin elkarlanean, gida bat atera dute liburuen gomendioekin. Negukoa da kaleratu duten lehenengoa, baina, urtean lau gida ateratzea izango dute helburu. Gida bost ataletan ba…

El Salvadorren zelaian zortzigarren garaipena lortu nahi du etzi Ampo Ordiziak »

Ampo Ordiziak Valladolideko Pepe Rojo zelaian jokatuko du etzi Espainiako Ohorezko Mailako hamargarren jardunaldiko partida, 12:30ean. Kopan elkarren aurka jokatu dute aurten, eta orduan Ordiziak irabazi bazuen ere (24-8), ligakoa beste norgehiagoka bat dela argi dute. Jokalariak «oso motibatuta» ikusten dituela esan du Axio Arañak, batez ere Getxoren aurkako partidaren ondoren geratu zitzaien gorputzaldiarengatik. Irabaziz gero, zortzigarren garaipena litzateke Ordiziarentzat. Gaur, urteko batzar nagusia Partidaren aurretik, ordea, badute zereginik Ordizia Rugby Elkarteko zuzendaritzakideek, bazkideek, teknikariek eta jokalariek, izan ere, urteko batzar nagusia egingo dute gaur Barrena kultur etxean, 18:00etan. Bigarren deialdia 18:30ean izango da. Lau puntu dituzte gai-zerrendan. Lehenean urteko diru kontuen eta kirol jardunaren balantzea egingo dute. Bigarrenean, urte berrirako dituzten erronken eta konpromisoen berri emango dute zuzendaritzakideek. Hirugarrenean, berriz, Ordizia Rugby Elkarteko zuzendaritza berritzeari buruzko ariko dira. Datorren urteko udaberrian bukatzen du agintaldia egungo zuzendaritzak, eta gaurko bileran egon daitezkeen hautagaitza berriei eta dauden epeei buruz hitz egingo dute. Elkartearen estatutuen arabera, bi hilabeteko epean egin beharko dira zuzendaritza aukeratzeko hauteskundeak. Azkenik, galde-erreguen txanda izango da. Beste babesletza bat Bestalde, Ordizia Rugby Elkarteak jakinarazi du Ordiziako Domingo Unanue plazan dagoen Interlang & The Clover hizkuntz akademiak Danny Kroll Ampo Ordiziako jokalaria babestu duela denboraldi honetan, iaz egin zuen […]

Jostailu erabiliak trukatuko dituzte bihar Orioko plazan »

Bihar Jostailu Erabilien Truke Azoka izango da herriko plazan 10:30etik 13:30era eta 15:30etatik 18.00etara; horrela herritarrek euren etxeetan erabiltzen ez dituzten jostailuei beste erabilera bat emateko aukera izango dute. Euria egiten badu frontoia egingo dute azoka. Truke sistema Biharko dena prest izan dadin, aurreko astetan jostailu bilketa egin dute Herrio Natur Taldeko kideek eta gaur ere, 18:00etatik 20:00etara Kosta Tailerrean izango dira jostailuak biltzen. Antolatzaileek jostailua eramaten duen haur bakoitzari kolore jakin bateko txarteltxo bat emango diote eta azoka egunean talde bereko beste jostailu batengatik aldatzeko aukera izango dute. Horretaz gain, azoka egunean bertan etxetik eramandako jostailua azokan jarritako beste batengatik trukatzeko aukera ere izango dute haurrek. Azoka ixtear denean, jostailurik ekarri ez duten eta txartelik ez duten haurrek gustuko duen jostailua hartzeko aukera izango dutela ere jakinarazi dute Herrioko kideek.