Lekeitiori buruz erabakiko dute herritarrek batzar zabalean »

Hitzetatik ekintzetara pasatzeko momentua ailegatu dela eta, batzar ireki bat egongo da datorren abenduaren 29an kultur etxean. Ez da ohiko batzar bat izango, ahalik eta erarik parte hartzailean, herriaren inguruan landu beharreko gaien zerrenda danen …

Nor bere izaeraren bila, Done Jakue bidean »

Asko dira Done Jakue Bideak harrapatu eta maitemindu dituen herritarrak. Egin dutenek egungo bizimodu bortitza ahaztu, eta norberaren espiritualtasunean murgiltzeko balio duen bidea dela nabarmentzen dute etengabe. Edonoren bizitza-ikuskera aldatzeraino iristen dela ere aitortzen dute askok. Ildo hori jarraituz aurkeztuko dute bihar Antxon Gonzalez Gabarain zumaiarrak zendu aurretik idatzi zuen El gran caminante liburua. Idazlearen arreba Izaskun Gonzalezek hala azaldu du: «Antxonek liburuan zehar Done Jakue Bidearen esentzia argi eta garbi adierazten du. Modu horretan, irakurlea Done Jakue Bidean murgilduko da kontaketan zehar, eta ehunka urtean bizi-bizirik izan den bideak gordetzen dituen sekretuak eta eragiten dituen emoziak sentzitzeko aukera izango du». Askatasun bila Antxon Gonzalez Done Jakue Bideaz eta horrek bere baitan sortzen zituen sentipenez maitemendurik zegoen. Bost aldiz egin zuen bidea, baina 2007. urtean Zumaian hasi eta Santiagon amaitu zuen bidaian 25 egunean bizitakoak bildu nahi izan zituen El gran caminante liburuan. «Antxonen helburua gizartean agintzen duen zentzu materiala alde batera utzi, eta eta bakartasunean bere benetako izaera aurkitzea zen; loturen gainetik amets bat aurkitzea, alegia», azaldu du protagonistaren arrebak. Liburuko hainbat pasartetan ikus daitekeen moduan, ez zen bidaia erosoa izan zumaiarrarentzat. «Eguraldiaren eta zenbait etaparen gogortasunak espiritualtasunaren laguntzaz aurre egin beharreko bidea bihurtu zuen. Dena dela, gogortasun horrek […]

«Asko eman duen herri baten aurrean gaude, eta bideari jarraitzea dagokigu» »

Eider Imaz, Sortu alderdiko eztabaidaren lantaldeko kidea Ezker abertzalea alderdi berria eratzeko prozesuan sarturik dago buru belarri. Lau batzar aurreikusi zituzten horretarako, eta lehena, jadanik egina dute. Eider Imaz (Ibarra, 1977), Tolosaldeko Sortu eztabaidaren lantaldeko kidea da. Lehen batzarraren xehetasunak azaltzeaz gain, Imazek, asteburu honetan izango den bigarrengoaren nondik norakoak azaldu ditu. Ibartarrak, alderdi berria modu honetara zergatik eratu nahi duten ere azaldu du. Sortu sortzeko lehen batzarra azaroaren 24an izan zen. Bertan, alderdiaren oinarri ideologikoa finkatu, eta jendearen ekarpenak jaso zenituzten. Zein balorazio egiten duzu? Nolakoa izan zen jendearen erantzuna? Tolosaldean azaroaren 24ko lehen batzarra, hamar herritan egin zen. Guztira 200dik gora emakume-gizonek hartu zuten parte. Balorazioa, beraz, positiboa da guretzat, norbanakoen iritziak jasotzeko eta entzuteko tartea izan baitzen. Ekarpen kopuru handiak egon direla esan beharra dago. Etxean aurrez eginiko lana, zein unean bertan iritzia ematea, eskertzekoa da. Gainera, eztabaida bera aberasten lagundu zuen batzarkide bakoitzak. Batzarrak dinamikoak izatea nahi zenuten, jendearen parte hartzea bultzatuz; lortu al zen? Sorturen sorreran oinarri garrantzitsua izan behar duen eztabaida izan zen; denon ahotsak entzuteko eta jasotzeko lehen saioa. Garrantzi handikoa da, horretan asmatzea. Horrela izaki, metodologia berriak erabili dira herriz herri; dinamizatzaile taldeak sortu dira eztabaida hemen den herrietan. Lantalde hauei esker, […]

Egiptoarrek Tolosaldeko garapen eredua ezagutu dute »

Egiptoko EASEDCUko enpresa txiki eta ertainen garapenerako egiptiar elkartea da, eta aste honetan bertako agintariak Tolosaldean izan dira. Bisitaren helburua eskualde mailan dauden eragileak ezagutzea izan da, eta eskualdearen garapena helburutzat jota, hauen arteko elkarlana nola bideratzen den aztertzea. Horretarako, eskualdeko lanbide heziketa zentroak ezagutu zituzten, eta baita Apattaerreka industrialdearen bilakaera ere. Halaber, proiektuen bideratzaile eta koordinatzaile gisa, Tolosaldea Garatzen eskualdeko garapen agentziaren eginkizuna azaldu zieten. Enpresa munduarekin lotuta, Lehiberri, Tolosaldeko Lehiakortasun eta Berrikuntzarako Foroa, aurkeztu zitzaien, eskualdeko eragile pribatu eta publikoen elkarlanaren adibide argi moduan. Eskualdearen lehiakortasunaren alde lan egiteko sortua izan da. Horren ondorio, eta urtea hastearekin batera irekiera emango zaion Lehiberri erakutsi zitzaien. EASEDCUko  Taher El Bakhen esanetan: «Tolosaldea eredugarria iruditu zaigu, udalerri kopurua kontuan izanik, eta batik bat, batzuen tamaina txikia ikusita. Gaitasuna, borondatea eta erantzukizuna izan dituzte  proiektua aurrera ateratzeko».

‘Pura Vida’ dokumentala astelehenean, Leidorren »

Tolosako Leidor zinema aretoan Pura Vida dokumentala eskainiko dute astelehenean, 20:30ean. Emanaldi berezia izango da gainera, bertan, Pablo Iraburu zuzendarietako bat izango delako. Iñaki Otxoa mendigoizale nafarraren erreskateari buruzko dokumental…

Eguberri kanpainarako produktuak bildu nahian »

Hirukide, urteroko moduan, Eguberri Kanpaina burutzen ari da Abegi eta Caritaseko erabiltzaileei laguntzeko. Luzaro irauten duten produktuak jasoko dituzte hilaren 21a bitartean. Bestalde, bihar, Tolosako supermerkatuetan, hau da, Maxi Eroskin, Consume…

Zortzi mila erosketa egin dituzte ontzi berrerabilgarriekin »

Urola Kostako Udal Elkarteak, Kutxa Ekoguneak, Aiako, Getariako, Orioko, Zarauzko eta Zumaiako udalek, eta eskualdeko arrandegi guztiek Ontziratu zaitez kanpaina jarri zuten martxan pasa den urrian. Helburu bikoitza du ekimenak: batetik, arrandegietan paper eta plastikozko poltsen erabilera murriztea, tupper-ak erabiliz, eta bestetik, herritarren portaera egokiak saritzea. Abiatu zutenetik ia hilabete igaro direnean, kanpainaren balorazio positiboa egin du Urola Kostako Udal Elkarteak, «herritarrek kanpainari egin dioten harrera ona izan delako». «Horrek paper eta plastikozko poltsen kontsumoan murrizketa esanguratsua dakar. Helburua da ontziak erabiltzea ohitura bihurtzea», nabarmendu dute udal elkartetik. Milaka ontzi Azaroaren 5etik 10era 7.105 ontzi berrerabilgarri banatu zituen mankomunitateak, herriz herri. Aian 185 herritarrek jaso zuten, Getarian 600 lagunek, Orion 1.410 herritarrek, Zarautzen 2.910 lagunek eta Zumaian, berriz, 2.000 lagunek. Ontziok erabiliz, azaroaren 12tik 30era eskualdeko bost udalerritako 23 arraindegietan 8.076 erosketa egin zituzten herritarrek: Aian 117, Getarian 468, Orion 1.712, Zarautzen 4.177 eta Zumaian 1.602 erosketa. Horietako bakoitzari zozketarako txartelak banatu zitzaizkien arraina erosterakoan, eta dagoeneko egin dute zozka; zenbaki sarituak arraindegan bertan daude jarrita. Sarituek hogeita hamar euroko balioa duten txartel bana jasoko tue, arraindegietan erabiltzeko. Hurrengo zozketa abenduan egingo dutela iragarri dute.

Futbolaren erreferente Alegialdean »

Alegiako Intxurre Kultur eta Kirol Elkarteak bost talde ditu denboraldi honetan, eta horietan guztira 101 futbolari ari dira jokatzen. Herrikoez gain, Alegialdeko beste hainbat herriko jokalariek parte hartzen dute taldeetan. Izan ere, azpieskualdeko futbolean erreferentea da Intxurre. Aurten ez da kadete mailako nesken taldea osatu, ez baitira futbolari nahiko bildu. Talde nagusia Erregional lehen mailan dago. 18 fitxa daude, eta Santos Irazustabarrena da entrenatzailea eta ordezkari lanetan Javier Ezeiza aritzen da. Egun taldea bigarren dago eta Irazustabarrenak azaldu duenez, «igoera fasea jokatzeko asmoa dugu eta datorren urtean Preferente mailara igo nahi dugu». Denboraldian partida bakarra galdu dute. Jubenilen taldea lehen mailan dago eta  20 fitxa ditu. Joxan Otaño da entrenatzailea eta Clemente aritzen da ordezkari lanetan. Lehenengo fasean daude, laugarren postuan, eta ziurrenik Gipuzkoako Kopa jokatuko dute. Kadeteetan lehen mailan daude eta  20  fitxa dituzte. Eneko Garmendia da entrenatzailea, eta Urko Urtaza eta Imanol Irazustabarrena dira ordezkariak. Lehen fasearen ondoren, bigarrenak dira eta igoera fasea jokatzeko aukerak dituzte. Infantil mailako mutilak lehen mailan ari dira, eta 26 fitxa dituzte. Imanol Jimenez da entrenatzailea. Lehen fasea jokatzen ari dira eta bigarren postuan daude. Gipuzkoako Txapelketa jokatzeko aukerak dituzte. Infantil mailako nesken taldeak futbol 8ko lehen mailan jokatzen du eta 17 fitxa […]

Gutuna: Hator, hator, etxera! »

Euskal Herrian urte askotan luzatu den egoera aldatzen ari da azken urteotan. Egoera berria bizi dugu Euskal Herrian. Pozgarria da jendartean pairatzen ziren zenbait egoera gordin gainditu direla ikustea. Baina zoritxarrez ez dira egoera gordin guztiak gainditu. Espainiako eta Frantziako estatuek egoera lehengoan mantentzeko saiakera itsuan jarraitzen dute. Horren ondorioz milaka euskal herritarren egoera latzak bere horretan jarraitzen du. Egutegiak aurrera egiten duen bakoitzeko belztu egiten da euskal presoen, iheslarien eta berauen senideen panorama. Egoera beltz honen datuak beldurgarriak dira. Adibide gordinena dispertsioarena izan daiteke: 13 istripu daramatzagu bukatzear dagoen 2012an, 16 hildako azken 23 urteotan. Neke fisiko eta psikologiko itzela. Ekonomikoki odolustea. Urtean, batez besteko  20.000 euroko zama familia bakoitzarentzat, bidaia gastuak bakarrik kontuan hartuz. Biderkatu 604 presogatik. Herrira mugimenduko kideok bi konpromiso argi ditugu: ez ditugula Euskal Herriko ehunka familia bakarrik utziko eta preso eta iheslarien egoera konpondu arte lanean jarraituko dugula. Bi konpromiso hauek betetzeko presoei dagozkien oinarrizko giza eskubideak errespetatu behar dira: euskal presoak Euskal Herriratu behar dira; gaixotasun larriak dituzten presoak aske utzi behar dira; espetxe zigorren luzatzearekin amaitu behar da eta bizi osorako espetxe zigorrak bertan behera utzi; eta dituzten giza eskubideak errespetatu behar dira. Aldarrikapen hauei bultzada bat eman eta bide honetan Espainiako […]

Manillares Iturriagaren azken festa saioa »

Manillares Iturriaga ez da ohiko musika taldea. Musikariak berdinak badira ere, kantu batetik bestera abeslaria aldatu egiten da, eta horrek eszenatoki gainetik jende mordoa pasatzea eragiten du. Izan ere, taldekide kopurua jotzen dituzten abesti kopuruaren arabera izaten da. Manillares Iturriagak bere bi urte eta erdiko bidea etetea erabaki du eta azken kontzertua emango du, bihar, Alegiako Gaztetxeren 25. urteurreneko ekitaldien barruan egingo den Gaztetxearen Egunean. Talde alegiarraren muina musikariak dira: Manex Elola (gitarra), Jon Aranburu (gitarra), Txarli Gesteira (gitarra), Unai Iraola (baxua) eta Julen Goikoetxea (bateria). Taldearen izenak eta sorrerak bere istorioa du. «2010ean, herriko abesbatzaren 50. urteurrena zela eta, egun osoko festa egin zen», dio Goikoetxeak. «Gaueko kontzertua jotzeko Ziklox Garaialde talde ohiaren kideei eskatu zitzaien, eta hauek herriko beste talderen batek parte hartu zezan eskatu zuten. Unai, Manex eta hirurok bertsioak egiten aritzen ginen, baina egun horretarako pentsatu genuen parte hartzea berezia izan behar zuela, eta kanta bakoitza abeslari ezberdin batek kantatzea otu zitzaigun. Emanaldiaren kartela egiteko izena behar zela esan zuten, eta Ziklox Garaialdetik abiatuta Manillares Iturriaga atera zen». Lehen eguneko formula horrekin jarraitzea erabaki zuten. «Harrigarria izan zen abestera gonbidatu genituen guztiek baietz esan zigutela», dio Goikoetxeak. Bigarren kontzertua urte horretako herriko festetan izan zen, uztailean, […]