Diego Besne: “Halako gauzak egiteko norbaitek zirikatu behar nau” »

Diego Besne; Marrazkilaria Groseko Diego Besne irabazlea izan da Kutxa Kultur Komikia II. Lehiaketan; 128 lanen artean, onena berea dela erabaki dute epaileek. Diego Besnek betidanik izan du gogoko marraztea, baina orain gutxitan hartzen du horretarako tartea. Pisando charcos lanari esker irabazi du komiki lehiaketa, eta oso pozik dago, ez baitzuen espero. Lehiaketako lan sarituekin erakusketa zabalduko dute gaur, Kutxa Boulevard aretoan. Gainera, liburu batean ere bildu dituzte lan horiek, eta doan eskuratzeko aukera egongo da, erakusketan bertan. Besnek lan prozesu guztiaren berri eman dio IRUTXULOKO HITZAri. Iaz bezala aurten ere lehiaketan parte hartzea erabaki zenuen, zergatik? Iazko esperientzia oso gustuko izan nuen, eta aurten oso argi nuen berriro aurkeztuko nintzela. Espero ez nuena irabaztea zen, ezta gutxiago ere. Lehiaketak urte askoan irautea espero dut, eta parte hartzen jarraituko dut. Antolakuntzak bi gai eman zizkizuen. Zein izan da jarraitu duzun prozesua? Bai, antolakuntzak bi gai eman zituen eta autore bakoitzak bere egokitzapena egin behar zuen. Aurten, iaz bezala, lagun batek egin dit testuaren egokitzapena. Iban da nire laguna eta ni baino askoz hobea da gidoigintzan. Azkenean, nik egiten dudana marrazkiak dira, gidoia biñetetan txertatu dut. Banuen halako erronka bat ere antolatzaile batzuekin, biñeta guztiak orri berean sartzeko esan baitzidaten. Iaz guztia […]

1512ko Nafarroako konkista gogoraraziko dute San Telmon »

Museoaren elizan ‘Jançu Janto’ ikuskizuna taularatuko dute bihar; Morrasen koadro berezi bat izango da ikusgai
Amaiurren Nafarroaren konkista gertatu zenetik 500 urte bete dira aurten. Hori dela eta, hainbat ekimen izan dira Euskal Herri osoan, ba…

Gari eta Montxo pailazoak Madrilera joango dira Gabonetan »

Urtarrilean Joselontxorekin elkartuko dira berriro ‘Kontxo, Kontxo…’ ikuskizuna prestatzeko Donostiako Gabonetako argiak pizteko ekimena Martutenen egin dute aurten, eta bertan giroa alaitzen aritu ziren Gari, Montxo eta Joselontxo pailazoak. Orain, Madrilera bidaiatuko dute taldeko bi pailazok, Gari Muñozek, Gari, eta Ramon Irizarrek, Montxo. Bertan Gabonetako zirko ikuskizun erraldoi batean parte hartuko dute. Zehazki, Europan barrena ezagunak diren Tutik Clowns izena erabiliko dute, Mundial zirkoan. Urtarrilaren 7ra arte, malabaristak, ekilibristak, akrobatak, zaldiak, lehoiak, izango dira zirkoan. Bertan, Tutik Clowns pailazoak izango dira umorearen maisuak. Gabonak igarotzean, Gari eta Montxo Euskal Herrira itzuliko dira berriro, Joselontxorekin batera plazak eta antzokiak alaitzeko. Udaberrian, Kontxo, kontxo…, ikuskizun berria estreinatuko dute.

Oinordekoak »

Txirri, Mirri eta Txiribiton Junior dira, baina jada hamar urteko ibilbidea egin dute Fernando Ruiz (Txirri), Kattalin Ansorena (Mirri) eta Juanma Zaldua (Txiribiton) lan egiteko gogotsu daude. Pailazo beteranoen azken emanaldien bira honetan hartuko dute lekukoa. Ez dakite nolakoa izango den etorkizuna, baina hari aurre egiteko indarra soberan dutela adierazi du Ruizek. Txiribiton gaztea ekoizpen lanetan hasi zen taldean. Aktore gisa eskarmentu gehien duen kidea da. “Hamar urte eman ditugu Juniorren paperean, pailazogintzan. Orain beteranoak badoaz, eta uste dut oraindik ez naizela horretaz ohartu”. Kattalin Ansorenak, Mirri beteranoaren alabak, txikitatik jarraitu ditu pailazoen pausoak: “Askotan joaten nintzen. Berdina ikusten nuen behin eta berriz, baina ez nintzen aspertzen”.  Mirri bihurtzea, ordea, zaila izan zela aitortu du: “Asko gustatu zait interpretazioa, baina horretan jartzea lotsa ematen zidan. Beldurra eman zidan. Prozesu hori zail samarra izan zen. Entseguak gogorrak izan ziren. Nik 9 urte bete arte lotsarik gabeko bizitza bat izan nuen. Gero ez, lotsa itzuli zen… Eta orain berriz joaten ari da”. Juanma Zaldua soinu teknikari gisa hasi zen: “Atzean egon naiz beti, txoroarena egiten, eta azkenean niri ere egokitu zait agertokira salto egitea” [Barrez]. Gazteen proiektua beteranoen jarraipena izango dela diote, baina beraiek ere euren prozesua jarraituko dute: “Gure proiektua jada […]

“Uste genuena baino askoz gehiago egin dugu” »

Txirri Mirri eta Txiribitonek Viktoria Eugenian esango diote agur Donostiako publikoari. Hirian eskainiko duten azken emanaldia izango da biharkoa. Haien oinordekoei utziko diete bidea, junior taldeari. Badoaz gure pailazoak. Txirri, Mirri eta Txiribiton; alegia, Xabier Otaegi, Jose Ignazio Ansorena eta Txema Vitoria. Berrogei urtez lan eta lan ibili ondoren; erretiroa hartzea erabaki dute. Txirri, Mirri eta Txiribiton gazteei eman nahi diete lekukoa; Fernando Ruizi, Kattalin Ansorenari eta Juanma Zalduari. Denak elkarrekin izango dira bihar, Viktoria Eugenian emango duten azken ikuskizunean. Lehen emanaldia Kresala elkartean egin zenuten, duela 40 urte. Xabier Otaegi: 1972. urteko martxoan izan zen. Ez zegoen deus haurrak euskaraz dibertitzeko. Azkenean erabaki genuen errazena pailazoarena egitea izango zela, eta kuadrillako jendearen laguntzarekin ba jantzi batzuk prestatu genituen. Eta batez ere gure lagun Pako Etxebestek lagundu zigun. Apaizgaia zen garai hartan; eta hark ekarri zizkigun pailazo gidoi batzuk. Jose Ignazio Ansorena: Hasierako saioetan gu kuadrilla bat ginen. Kuadrilla handi bat. X. Otaegi: Lagundu egiten ziguten. Denon artean osatzen genuen taldea. Dena ez baitzen eszena lana bakarrik. J.I. Ansorena: Gauza askotan nahaspilatuta ibiltzen ginen denok. Mendian, dantzari taldetan… Potaje guztietan. Gustatzen zitzaigun eta edozein saltsatan sartzen ginen. Gogoan dut Azkarateko jaiak antolatzen genituela; eta beste batean Alkizakoak. Goizean txistulariak eramatea, […]

Gabonen inguruan 300 kultur ekimen baino gehiago antolatu dituzte »

Olentzero eta Mari Domingi ere hamabost haurtxokotara joango dira, umeen eskariak entzutera Gabonetarako osatu duten udal egitarauan, 300 ekimen baino gehiago bildu dituzte. Gabonak zuretzat 2012 lelopean, hiriko hamabost gunetan haur eta gazteenentzako kultur egitarau zabala osatu dute. Abenduaren 20tik urtarrilaren 6a bitartean, jolas eta kultur jarduera ludiko ugari eskainiko ditu Donostiako Udalak, hainbat elkarterekin elkarlanean. Zehazki, Gazteria saila, Donostia Kultura, Cristina Enea Fundazioa, Museoen Sarea eta hiriko hamabost aisialdi talde aritu dira elkarlanean. Abenduaren 22 eta 24 artean, bestalde, Olentzero eta Mari Domingik hamabost haurtxoko bisitatuko dituzte, txikienen eskariak jasotzeko. Zehazki, Aieten, Altzan, Amaran, Antiguan, Añorgan, Bidebietan, Egian, Igeldon, Grosen, Ategorrietan, Intxaurrondon, Loiolan, Martutenen, Txomin Enean, Erdialdean eta Parte Zaharrean izango dira. Ohitura ez kontsumistak Gazteria eta Berdintasun zinegotzi Naiara Sampedrok atzo azaldu zuen, Gabonak zuretzat egitasmoak aisialdia era egokian bideratzen erakutsi nahi duela; «ohitura ez kontsumistak sortuz eta ondo pasatzeko eta dibertitzeko ordezko aukerak emanez», esan zuen. Bestelako balio eta gaitasunak ere landu nahi direla azaldu zuen zinegotziak. Besteak beste, irudimena, elkartasuna, lankidetza edo sormena bezalako balioak aipatu zituen. Honetarako, haurrengana haien inguruko entitateen bidez inguratzen saiatuko direla azaldu zuen. Haurrak Pleno Aretoan Aurten kultur ekimen oso anitzak eskainiko direla azaldu zuen Sampedrok, ez bakarrik edukiagatik, baizik eta […]

Ekintzaileen Egunean ehundaka lagun bildu dira Kursaalen »

Ekitaldi eta jardunaldia egin dute eta ‘2012ko etorkizun handieneko negozio ereduari’ saria eman diote Donostiako Sustapenak antolatuta, 300 bat lagun bildu ziren atzo Kursaalen Ekintzailearen Egunean parte hartzeko. Goizean zehar, ekintzailetzarekin zer ikusia zuten hainbat jarduera egin zituzten. Lehen zatian, ekintzaile guztiei zuzenduta, aldaketa-egoera berriari buruzko hitzaldiak entzun zituzten bertaratutakoek. Une horretan bertan, Caja Ruralek 2012ko etorkizun handieneko negozio ereduari saria eman zion. Donostiako Sustapenarekin batera, bere negozio planak garatu dituen ekintzaileetako bati eman zioten 1.000 euroko saria. Bigarren zatian, ekintzaileek gai zehatzagoak landu zituzten. Esaterako, sormena, arrakasta eta finantzazioa. 195 enpresa berri, Donostian Urtea amaitzeko egun gutxi falta direla, Donostiako Sustapenak emandako laguntzei esker, 195 enpresa berri sortu direla azaldu zuten atzo. Horietatik 166 sektore arruntetakoak izan dira (ostalaritza, osasuna, eraikuntza, garraioa…), 13 ikusentzuneko arlokoak eta 7 energia berriztagarrietakoak. Aurtengo datuak iazkoak baino pixka bat hobeak izan direla azaldu zuten. Surfa eta berrikuntza Donostiako Talent Housen ere bildu ziren surfaren inguruko berrikuntzen inguruan aritzeko. Surf&Innovation bigarren topaketak egin zituzten atzo. Donostiako Sustapenak, Surf City Donostia Clusterra ere sustatzen du, kirola ekonomia eragile gisara bultzatzeko ekimenean. Atzo, 60 lagunetik gora inguratu ziren, goiz osoan zehar iraun zuten hitzaldi eta tailerretan parte hartzeko.

Kemen Uranga estraditatzeko agindua eman du epaileak »

Preso ondarrutarraren abokatuak baldintzapeko askatasun eskatu badu be, epaileak Uranga Espainiara estraditatzeko agindua berretsi du. Senideek jakin eragin dutenez, Urangak ondo dago. Hasiera baten epailea estraditazioaren aurka agertu zitekeela uste …

Repsolen Eguzkia jaso du Gaztelumendi-Antxon jatetxeak »

Felix Manso eta Angela Basabe sukaldari irundarrak zuzendutako Gaztelumendi-Antxon jatetxeak Repsolek banatutako gidaren lehen mailako Eguzkia jaso du, Irun Gehi Gastronomiak jakitera eman duenez. Repsolek hainbat kategoriatan banatzen ditu Eguzkiak eta Gaztelumendi-Antxon jatetxeak jasotakoa, kalitate ezinhobearen eta orotariko eskaintzaren adierazlea da. Halaber, jatetxea bera, hiria, eremuko gastronomia maila, eta kalitate-prezioa kontuan hartzen ditu. Angela Basabe sukaldaria “asebete” agertu da sariarekin. “Inoiz ez duzu sariengatik lanik egiten, baina gisa honetako errekonozimenduak iristen direnean, harrotasunez betetzen zaitu”, gaineratu du. Felix Manso bere aldetik, saria “erronka” berri bat dela adierazi du: “errokonozimendua da, baina hobetzeko helburua ezartzen digu”.

Torrekua jantzi museo izateko sinadurak biltzen dabil Iraultza dantza taldea »

Torrekua berritu zutenetik hutsik egon da, eta orain, hain zuzen, eraikina zerekin bete, horrexek sortu du ika-mika. Eraikina jantzi museo izateko xedearekin berritu zuten duela bi urte, Iraultza dantza taldeak urteak egin ostean nahi horren atzetik. Orain, ordea, udalak ostatu bihurtzeko asmoa azaldu du, eta dantza taldea sinadurak biltzen hasi da Interneten Torrekua jantzi museo izatearen alde (https://sites.google.com/site/torrekuamuseoa). Ramon Garcia Iraultza dantza taldeko kidearen arabera, udalak jantzi museoa irekitzeko dirurik ez zegoela azaldu zien, eta beraiek momentuan onartu egin zuten. Baina irekitzerik ez zegoela ikusita, euren burua aurkeztu zuten boluntario moduan museoa irekitzeko, “astean behin izanda ere”. Bilera horretan bertan, udalak eman zien irtenbidea Torrekuan ostatu bat irekitzea izan zela azaldu du Garciak. Iraultza proposamen horren kontra agertu da hasieratik, “urteak” baitaramatza Errenteria-Oreretan jantzi museoa irekitzearen alde lan egiten, eta Torrekuan egitekoak zirela eta, orain plangintza aldatzearen kontra daude, eta gainera, arrazoi ekonomikoak ere kontuan izan ditu. Ostatu bihurtzeko eraikin osoa berritu beharko litzatekeela esan du, egungoa museo izateko prestatuta dagoelako. “Beraz, ez dago dirurik museoa irekitzeko, eta bat-batean bai ostatu bat eraikitzeko”, gaineratu du Garciak. Proposamena bakarrik Errenteriako Udalak erantzun du ostatuaren gainean egindakoa “proposamena baino” ez dela, eta asmo sendoa agertu du Errenteria-Oreretan jantzi museoa egiteko: “Torrekuarako egiten […]