Oarso Bidasoko Hitza, ekainak 21 (PDFa) »

Oarso Bidasoko Hitza, ekainak 21 (pdfa)

Eslovakiako jokalariak gaur iritsiko dira »

18:00ak aldera Loiuko aireportura helduko dira
Eslovakiako selekzioari gaur egingo diote harrera. Arratsaldean, 18:00ak aldera helduko dira Loiuko aireportura. Ondoren, Astigarragako Petritegi sagardotegira eramango dituzte, sagardoa dastatu eta museoa…

San Joan bezperan hainbat ospakizun egingo dituzte »

San Joan suaren bueltan, hainbat ospakizun izango dira herrian etzi arratsean. Egunik luzeena eta gaurik motzena ospatzeko, datozenak izango dira nagusienak.
Ugaldetxon, 20:30ean elkartuko dira Atamitxen. Norberak jatekoa eramanda, sagardoa kafea eta g…

LABek dio Corrugadoseko ekoizpen zati bat Madrilgo lantegira eramaten ari dela enpresa »

Corrugados Azpeitia lantegiko langileak Donostian izan dira gaur, Eusko Jaurlaritzaren Lan Delegaritzaren aurrean protesta egiteko. LABeko ordezkariek HITZA-ri esan diotenez, “enpresa Azpeitiko ekoizpenaren zati bat Madrilgo lantegira eramaten” ari dela jakin dute. Sindikatuaren ustez, horrekin hemengo EREa eta kaleratzeak “justifikatu nahi dituzte”–60 langile kaleratuko ditu enpresak–. “Langileak zatikatu nahian” ari da enpresa LABentzat, eta horren harira jakinarazi du enpresa langile guztiei gutunak bidaltzen ari dela, batzuei esanez kaleratu egingo dituztela, eta besteei esanez enpresak beraiekin kontatzen duela. LABek langile guztiei dei egin die denek bat egin eta borroka dezaten: “Orain arte beste jarreraren bat izan dutenak ere gonbidatzen ditugu, ongietorriak izango dira. Gertatutakoak ahaztu eta aurrera begiratzeko unea da”. Bihar astebete egingo dute langileek greba mugagabean, eta bide horretatik jarraitzeko asmoa agertu du langileen ordezkariak.

Bidea berritzeko lanak egingo dituzte AP-8 autobidean, Zarautzen »

AP-8ko autobidean, Zarauzko parean, bidea berritzeko lanak egingo dituzte ostiraletik igandera bitartean. Gaur, 21:00etan hasiko dituzte lanak eta Behobiako norabidean doazen ibilgailuak Bilboko norabidera pasa beharko dute. Lanak 15:00etan amaituko di…

Garaipen batekin itzuli da Espainiako Txapelketatik Kirol Aukera ISB »

Iraurgi saskibaloi taldeko infantil mailako Kirol Aukera ISB itzuli da etxera Espainiako Txapelketa jokatu eta gero. Garaipen bat lortu eta lehen fasean multzoko hirugarren postuan gelditu da. Ekainaren 16an joan eta gaur arte Kanaria Handian izan dira Jose Luis Zubizarreta Xubi-ren mutilak txapelketa jokatzen. Lehen neurketa irabazi zuten ISBkoek Caja Rural Salamancaren kontra. Azken minutura arte neurketa parekatua izan zen, eta berdinduta zeuden partida bukatzeko minutu bat falta zenean. Baina, 20 segundo falta zirenean Ander Merketegik hirukoa sartu zuen, eta horri esker 55-52 irabazi zuten Iraurgikoek. Bigarren norgehiagoka, ordea, multzoko talderik gogorrenaren aurka jokatu zuten, Tenerifeko La Salle Nauticoren kontra. Lehen zatia 23-0n hasi zuten galtzen. Eta azkenean 65-45 galdu zuten. Hirugarren neuketa UCAM Murtziaren kontra jokatu zuten, hau irabazten zuenak final zortzirenetako txartela zuen. Nahiko berdindua izan zen norgehiagoka, nahiz eta Urolako taldea atzetik ibili ia beti. Dena den, hirugarren laurdenean partidari buelta ematea lortu zuten ISBkoek. Hala ere, murtziarrek gehiago asmatu zuten eta 65-69 galdu zuten partida. Ondorioz, Iraurgikoak Espainiako txapelketatik kanpo geratu ziren. Aitor Astigarragak eta Ander Merketegik partida bikaina egin zuten murtziarren aurka .

Tobera musika eskolako ikasleek zuzeneko emanaldia eskaini dute denboraldi honetako Bixi-Bixi irratsaioko azken saioan »

Aste honetako Bixi-Bixi irratsaioan Tobera musika eskolako kideak izan dituzte solaskide. Iker Gomez de Segura, musika eskolako zuzendaria, bertan izan da, eta baita musika eskolako hainbat ikasle ere. Hauek zuzeneko emanaldia eskaini dute, gainera. D…

Corizonas eta Iñaki Etxepare Country Rock Trioren emanaldia, bertan behera »

Bihar Corizonasek eta Iñaki Etxepare Country Rock Triok Victoria Eugenia Antzokian eskaini behar zuten kontzertua bertan behera geratu da arazo logistikoengatik. Sarreren dirua sarrerak erosteko erabilitako kanal beraren bitartez itzuliko da. Kutxaren…

Argazki galeria: ibaiko zikina, plazara »

Azpeitiko hainbat ikastetxetako ikasleak eta Baigera erretiratuen elkarteko kideak Urola ibaia garbitzen aritu dira goizean. Herriko erdigunetik hasi eta Lasao arteainoko tartean aritu dira lanean, eta jasotako zaborra plazan jarri dute ikusgai. Besteak beste autoen gurpilak eta koltxoi bat bildu dituzte. Baita plastikoa eta alanbre zatiak ere. Lanaren ondoren, atsedena hartuz hamaiketakoa egin dute udaletxe azpian.

Agur eguzkitsua udaberriari »

Eguzkiak lainoak zulatu eta indarra hartu zuenerako 09:30ak ziren, baina ordurako batzuk antza eman eta eguzkitako aterkiak zabaldu zituzten, produktuak babesteko. Giro epela lagun, halakoxe agur argia eman dio Ordiziako merkatuak udaberriari. Produktuei begiratu bat emanda, berriz, seinale da zein garaitan gauden. Fruituetan, magurdiak eta marrubi-basa zuriak ziren aukeran, kiloa 10 euroan. Baita andere mahats gorri eta beltzak ere. Batez ere erreximentak egiteko edo edariak nahiz postreak egiteko erabili ohi dira; hemen ohitura hain zabaldua ez bada ere, oso preziatuak dira Ipar Euskal Herrian. Aramako Zurutuza ahizpen postuan bazen aukera, beti bezain txukun eta dotore aurkeztuta. Barazkiei dagokionean, Gabiriako Juanita Lazkanok aurreneko lekak ekarri zituen, eta laster hasi zen saltzen, kiloko 5 euroan. «Negutegikoak eta ondo asko zainduak» direla azaldu zuen. Aldiz, aire libreko patata hasi da, orain artekoa negutegikoa baitzen. Postu dezentetan ikus zitekeen, prezio esparru zabala hartuz (kiloa 1 eta 2,5 euro artean). Ilarra eta baba gutxitzen hasi dela ere nabarmentzen da. Udaberria badoaneko beste seinalerik ere bada, udaberriko ziza «urritzen eta zarrakatzen» ari baita. Datorren astean Gasteizko Garbiñek etortzeari utziko dioneko kontua aipatu digu; beraz, datorren ziza garaira arte agurtuko du Ordizia. Joan zen urtean baino beranduago hasi zen ziza garaia eta aldiz, garai beretsuan bukatuko dela […]