Esparrura mendi irteera »

Aizkorri Mendizale Elkarteak antolatuta, Beasaindik Esparru mendira irteera egingo dute, hilaren 22an, goizeko 8:00etan abiatuta.

‘El invitado’ filma »

Asteburuan, El invitado filma emango dute Usurbe antzokian. Hau da ordutegia:

Larunbata: 19:30 eta 22:15
Igandea: 17:00, 19:30 eta 22:15
Astelehena: 19:30 eta 22:15

Andy Pankok 250 partida beteko ditu igandean ACB Ligan »

Lagun Aro Gipuzkoa Basketek partida gogorra du igandean, 12:30ean, Alicanten. Lucentumen aurka jokatuko dute donostiarrek; play-offetarako sailkatzeko aurkari zuzen baten kontra, hain justu. Partida berezia izango da Andy Panko hegal-pibotarentzat, es…

Komiki lehiaketako sariak eman dituzte gaur D’Elikatuzen »

Udalaren EBPN planaren barruan, laugarren urtez antolatu dute Ordizian ikasleei zuzendutako komiki lehiaketa. Gaur eguerdian, sariak eman dituzte D’Elikatuzen. 4. DBHko ikasleak hartu ditu A mailak. Kategoria honetan Irati Urdangarinek irabazi du…

Zero Zabor taldeak hitzaldia egingo du astelehenean Legorretan »

Hondakinen gaia eta atez ateko bilketa sistema jorratuko ditu Zero Zabor taldeak Legorretan, hitzaldi batean. Hondakinek badute irtenbidea izenburupean, astelehenean 19:00etan da hitzaldia, kultur etxean. Legorretako Zero Zabor taldeak antolatu du.

Cadamuro, Ansotegi eta Elustondo deialdian sartu ditu Montanierrek »

Realak Getaferen aurka jokatuko du bihar Madrilen, 18:00etan. Txuri-urdinek azken entrenamendua egin dute gaur eguerdian. Entrenamenduaren ostean, Philippe Montanier entrenatzaileak deialdia iragarri du. Aurreko partidarekin alderatuta, hiru aldaketa daude. Cadamuro, Ansotegi eta Elustondo zerrendara bueltatu dira Mikel Gonzalez, Joseba Llorente eta Ruben Pardoren ordez. Deialdi osoa honakoa da: Bravo eta Zubikarai atezainak; Dani Estrada, Demidov, Ansotegi, Cadamuro, Iñigo Martinez eta De la Bella atzelariak; Xabi Prieto, Markel Bergara, Illarramendi, Zurutuza, Elustondo, Aranburu eta Griezmann erdilariak; eta Vela, Agirretxe eta Ifran aurrelariak. Helburua ahalik eta azkarren 45 puntu lortzea adierazi du Montanierrek Getaferen kontrako partidaren atarian. Hurrengo zortzi egunetan hiru partida gogor jokatuko dituela esan du: Getafe eta Real Madril etxetik kanpo; eta Levante, datorren asteazkenean, Anoetan.

Greba orokor deiarekin bat egin du Zaldibiako Udalbatzak, aho batez »

Sindikatuek martxoaren 29rako egin duten greba orokorrerako deialdiarekin bat egin du Zaldibiako Udalbatzak. Martxoaren 6ko udalbatzarrean bi mozio landu zituzten zinegotziek, Bildu eta Zaldibia Herrigintzan taldeek aurkeztutako bana. Biak aho batez on…

Oporretara joateko 100 toki baino gehiago proposatuko dituzte Sevatur azokan »

Gaur ireki dute Sevatur azoka Kursaalen. Urruti zein urbil, oporretara joateko askotariko proposamenak eskainiko ditu Sevatur azokak. Aurten, lehen aldiz egongo dira Dubai, Txile, eta Quebec, besteak beste. Familia osoarentzat hainbat ekitaldi prestatu…

Euskadiko Gazte Orkestrak bigarrenez bisitatuko du Irun, bihar »

Euskadiko Gazte Orkestrak (EGO) kontzertua eskainiko du bihar Amaia Kultur Zentroan, Iker Sanchezen zuzendaritzapean. Bigarren aldia da EGOk Irunen jotzen duena.
Egitaraua
Gilbert eta Sullivanen Lolanthe fanfarria eta martxa; Brahamsen 4. Sinfonia-ko l…

Orioko Udalak “atez atekoaren eztabaida mahai-gainean” jarriko du »

Hondakinak kudeatzeko sistema “bolo-bolo” dabilen gaia izanik, Beñat Solaberrieta Orioko alkateak adierazi du bilketa sistema “onena” bilatu behar duela Oriok, birziklatzearen gaiaren inguruan “eredugarri” izan dadin. Alkateak jakinarazi duenez, Orion %28,13 birziklatzen da egun. Datu horiek “nahikoa” ez direla uste du Solaberrietak, eta “epe motzean” birziklatze maila altuagoak lortu behar direla azpimarratu du: “Ingurumenari, gure osasunari eta etorkizuneko belaunaldiei zor diegu”. Herriko hondakinen inguruko datuak biltzeko, beraz, Garbitania enpresak ikerketa bat abiatu du herrian, eta horren ondorioak ekainean izatea aurreikusten du Orioko Udalak. “Urola Kostako Udal Elkartea osatu dugun bost udalerrietan hondakinen kudeaketa nola ezarri ahal izango litzateken aztertuko du honek, beti ere eredu aldaketa egongo balitz”. Hondakinen kudeaketaren gaia “mahai-gainean” jarri nahi du udalak, birziklatzea “heziketa kontua” baiteritzo udalak. Solaberrietak adierazi duenez, “bilketa sistemarik egokiena” zein den aztertu behar dute. Hala ere, Solaberrietak atez atekoaren helburuak bete nahi dituela azpimarratu du. “Atez atekoko sistemarekin %80 birziklatzen dute, eta guk datu horretara iritsi nahi dugu, baina hori lortzeko moduak eztabaidatu egingo ditugu”, adierazi du alkateak. Hori hala, atez ateko sistema ezartzeko proposamena “eztabaida egon ondoren” pasako da. Zentzu horretan, Orioko Udala osatzen duten hiru alderdi—Bildu, EAJ eta Orain— hondakinen inguruan hitz egiteko “prest” direla jakinarazi du. “Helburu berdinak ezarriko ditugu, […]