Hitzaldiak, folklorea eta gastronomia, Galiziako Astean »

Estadea literatura aldizkariaren aurkezpenarekin hasiko da gaur Galiziako kultura, folklorea eta gastronomia astearen hogeita hirugarren ekitaldia. Hitzaldiak izango dira protagonista datozen hiru egunetan. Asteburuari begira, berriz, folkloreak eta ga…

‘Antiguako Ama’, itsaso aurrean »

Arraun Astearen barruan, Itsasaurre plaza hartu zuen joan den zapatuan Antiguako Ama traineruak: Jon Lete entrenatzailearen agindura KAE 1 ligan ariko diren mutilek aurkezpen ekitaldia egin zuten bertan. Ikuslerik ez zen falta izan, eta Ondarroako Arra…

Euskararen erabilera sustatzeko lehiaketa Idiazabalen »

IEP! Idiazabalgo Euskara Planak Kilo Bat Alberjinia lehiaketa antolatu du herriko denda, ile-apaindegi eta tabernetako bezeroen hizkuntza ohituretan eragiten jarraitzeko asmoz.
Non eros daiteke produktu hau? galderari erantzun beharko zaie 53 koadrotx…

EuskoTren, udako ordutegiak »

Maizago izango dira topoak Oiartzun eta Donostia artean, udan. Dagoeneko udako ordutegia jarri du martxan EuskoTrenek. Hala, larunbat, igande eta jai egunetan, Amara eta Oiartzun arteko trenak 15 minuturo izango dira: 15:15etik 21:15era Amaratik Oiartzunera, eta 15:50etik 21:50era, alderantzizko norantzan.  

Hitano hizkera lantzeko lehen barnetegia Ataunen egingo dute, uztailean »

Hitano barnetegia antolatu dute, lehenbiziko aldiz, euskara irakaskel batzuek aurtengo udarako. Ataunen izango da estreinaldia, Lizarrustiko parketxean, uztailaren 16tik 21era. Sei egunetan eskolek, irteerek eta mintzapraktikek osatuko dute egitaraua, …

Umore ona izan da nagusi Bedaioko bi probetan »

«Eguraldia ezin hobea eta parte hartzaileen giroa paregabea», izan da antolatzaileek nabarmendu dutena. Igandean, Bedaioko mendi martxa eta BTT proba izan ziren. 100 pertsona izan ziren oinez ibilbidea egin zutenak, eta BTT proban, berriz, 40 pertsonek hartu zuten parte. Gipuzkoako herri askotatik joan ziren Bedaiora ibilbidea egitera. Bedaioko mendi martxan parte hartu zutenek, inguruaz gozatzeko aukera izan zuten, «Mattin Jauregi 14 urteko gazteak, denbora ona egiteaz gainera dozena erdi onddo biltzeko aprobetxatu zuen», adierazi dute antolatzaileek. Amaieran, bedaioetarrek eskainitako hamaiketakoaz gain,  enpresa eta komertzioek emandako opariak banatu zituzten bertaratuen artean.

‘Txanton Piperri’ erabiliko du ESAITek euskal ereserki gisa aurrerantzean »

ESAITek jakinarazi duenez, Txanton Piperri opera erabiliko dute Euskal Selekzioaren ereserki modura. Zapatuan euskal selekzioak partidua jokatuko du Eslovakiaren aurka, Donostiako Anoeta estadioan, eta aurrerantzean partidu guztietan abesti hori erabil…

Nesken partidara joateko deia egin du ESAITek »

Emakumeen nazioarteko futbol partida izango da larunbatean Donostiako Anoeta estadioan, Euskal Herria-Eslovakia, 16:30ean. Goizetik, gainera, musika, Txan magoa, Irrien Lagunak… izango dira estadioaren inguruan. ESAITek deia egin du partidara zei…

PSE-EE: “Bilduren hobekuntza gehienak gobernuarenak dira” »

Udal Gobernu Taldeak agintean egin duen urtearen irakurketa egin ondoren, Errenteriako PSE-EEk ere bere balorazioa egin du. Hala, udalak denbora horretan aurkeztutako “hobekuntzen %90″ sozialistek martxan jarritako “edo ongi bideratutako proiektu eta obrei” dagozkiela adierazi du. Adibide bezala aipatu ditu Kaputxinoetako igerilekuak, Gaztañoko babes ofizialeko 30 etxebizitzak, eta Lurraldebus txartela. Udalak nabarmendutako parte hartzearen gainean, “auzo elkarteekin biltzeaz harro daude, aurretik ere egingo ez balitz bezala”,  adierazi du. PSE-EEk ez du jakin ahal izan bizilagunen eskaerak beti dituzten ala ez, “nahiz eta talde politiko guztiek galdetu duten”, eta gaineratu du: “Hori da udalaren gardentasun politika famatua”. Alor ekonomikoan ere kritikatu du gobernu taldea, eta egindako kudeaketak Oarsoaldea “baliabiderik gabe” utzi duela iritzi dio, “udalak krisiari eta langabeziari aurre egiteko duen tresna eraginkorrena”. Zentzu horretan, egungo gobernua aurrekoaren atzetik dabilela aipatu du. Hala ere, enpleguaren arloan elkarlanean lan egiteko prest azaldu da PSE-EE. Herri Biziaren gainean ere jardun da, eta “publizitatean, plan estrategikoetan eta hondakinen gaineko ikerketetan 300.000 eurotik gora” gastatu duela esan du. “Errenteriako biztanleek benetan behar ez dituzten lehentasun” gisa jo ditu horiek Errenteriako PSE-EEk. Azkenik, hiri mantenua eta garbiketaren arloa erdipurdikoak direla iritzi dio: “Errenteriako kaleak ezker abertzalearen kartelez eta pintaketez josita edukitzea baimentzen dute, nahiz eta hori […]

Antxoko bizilagun bat atxilotu du Guardia Zibilak »

Leporatzen dizkiotenak ez dira ezagutzen, sumarioa sekretupean dagoelako, eta operazio zabalik. Gizon bat atxilotu du Guardia Zibilak Antxon. Operazioa gaur goizean izan da, Axular plazan. Polizia han bertaratu, atxilotutakoaren etxebizitza miatu, eta handik hainbat materiala eramatearekin batera etxeko jabea atxilotuta eraman dute. Lekukoek adierazi dutenez, ordenagailu bat eraman du Guardia Zibilak.