Zinemaldiaren 60. urtemugaren Donostia Saria jasoko du Oliver Stonek »

Aurtengo Zinemaldiaren Sail Ofiziala Richard Gerek eta Susan Sarandonek irekiko dutela iragarri zuten lehenengo, Arbitrage pelikularen Europako estreinaldia dela-eta; Ben Affleck ere Donostiara etorriko dela jakinarazi zuten geroago, Argo filma aurkezteko helburuarekin; eta, atzo, Benicio del Toro, John Travolta eta Oliver Stone jaialdian izango direla jakinarazi zuten. Horrenbestez, Zinemaldiaren 60. ekitaldian izarrak nonahi izango dira. Stonek Savages filma aurkeztuko du, Del Toro eta Travoltarekin batera. Irailaren 23an Victoria Eugenia Antzokian proiektatuko dute film berria. Don Winslow idazlearen izen bereko best-sellerrean oinarrituriko thrillerra da. Zinemagile estatubatuarrak, gainera, Donostia Saria jasoko du; eta ez edonolakoa, garaikur berezia izango baita aurtengoa, jaialdiak 60. urtemuga betetzen duelako. Oscar sarien bildumazale Stone gidoilari gisa hasi zen zinema munduan, eta lehenengo Oscar saria Alan Parker zuzendariaren Midnight Express (1978) filmaren gidoiagatik jaso zuen. Horretaz gain, beste film ezagun batzuen gidoiak ere bereak dira; esaterako, John Milius zuzendariaren Conan the Barbarian (1982) eta Brian de Palmaren Scarface (1983) lanenak. Zuzendari gisa egin zuen lehenengo lana The Hand (1981) fantasiazko thrillerra izan zen, baina, bere estilo berezia eta zuzendari gisa dituen interesak bost urte geroago geratu ziren argi, Salvador (1986) drama politikoarekin. Film horrek Zinemaldiaren barruan egiten diren Belodromoko proiekzioak inauguratu zituen bere garaian. Ondoren, nazioartean ospea ekarri […]

Emakumeek eta gizonek egun berean jokatuko dute Kontxako sailkatze lehia »

Arraunean ere berdintasunaren aldeko apustua egin nahi izan du udalak hartutako erabakiarekin Iristear dira aurten ere arraunzaleen egunik gogokoenak. Izan ere, urtero legez iraileko lehenengo bi igandeetan egongo da jokoan Kontxako Bandera, bai gizonezkoen bai emakumezkoen kategorietan. Igandea iritsi aurretik, ordea, sailkatze estropadaren txanda izango da, etzi arratsaldean, eta horren berri eman zuten antolatzaileek atzoko aurkezpenean. «Aurten bada berrikuntza bat, hain zuzen ere, abuztuaren 30ean egingo dela sailkatze estropada, bai gizonezkoena eta bai emakumezkoena, egun berean», azaldu zuen Nerea Txapartegi udaleko Kultura ordezkariak. Berrikuntza da, emakumezkoen bandera jokoan egon denetik, sailkatze estropadak gizonezkoen egun desberdinetan jokatu izan dituztelako urtero. «Guk hori berrikuntza bezala aurkeztu dugu, kirolean gizon eta emakumeen arteko berdintasunerako urrats bat emate aldera. Emakumeen kirola nahiko ikusezina izaten da, ez arraunean bakarrik. Abuztuaren 30ean komunikabidez josia egongo da Donostiako badia, beraz, emakumeek ere komunikabideetan ateratzeko oso aukera ona izango dutela uste dugu; helburua oso garbia da, emakumeek behar duten moduko ikusgarritasuna lortzea», jarraitu zuen Txapartegik. Emakumeen sailkatze estropada 17:30ean izango da, eta, Getaria-Tolosa, Hibaika, Hondarribia, Orio, Galizia-Rianxeira, San Juan eta Zumaia saiatuko dira lau postuetako bat lortzen, bi igandeetan lehiatzeko. Gainera, iaz baino sari pixkat bat handiagoak izango dituzte sailkatzea lortzen duten lau emakumezko ontziek. Kontxako Banderaren txapeldunak, Maria […]

Kaleko artelanei hurbiltzeko tresna »

San Telmo museoak abian duen hiriko eskulturen atlasean Donostiako monumentuen ezaugarriak zerrendatu dituzte; www.santelmomuseoa.com atarian kontsultak egin daitezke. «Nork egin zuen eskultura hori?», «izenik ba al du?» edota «zein pertsonaia irudikatzen du?». Donostiako kale eta plazetan uste baino eskultura gehiago aurki daitezke. Batzuetan donostiarrak haien ondotik pasatzen dira, ia erreparatu gabe, hein batean, paisaiaren parte bihurtu baitira. Haatik, eskultura horiek badute beren historia, beren zeresana eta, jakina, atzetik beren egileak. Donostia aberasten duten artelanak dira, eta orain, San Telmo museoaren Hiriko eskulturen atlasari esker, haien inguruko xehetasuna guztiak eskuragarri daude. Hiriko eskulturen atlasa San Telmo museoaren www.santelmomuseoa.com atarian erabilgarri dago. Bertan edozein eskultura identifikatu daiteke, hori lortzeko bilaketa-sistema anitzak eskaintzen baitituzte. Hasteko, maparen bitartez bilaketa egin daiteke, auzo jakin batean dauden eskulturen berri jakin nahi bada. Bestetik, eremu ezberdinetako bilaketak ere egin daitezke, izenburua, egilea, eskultura egina dagoen gaia edo lekua adieraziz. Horrez gain, eskultura jakin bati buruzko daturen bat jakinez gero, hitz horren bidezko bilaketa egin daiteke. Azkenik, daturik jakin ezean, irudien bitartez ere bilaketa egin daiteke, eskultura guztien irudiak tamaina txikian jaso baitituzte. Hiriko eskulturen atlasean bilatzen hasiz gero, adibidez, Parte-Zaharrean eta Erdialdean 30 eskultura inguru daudela ikus daiteke. Gipuzkoa plazan bertan Usandizagari eskainitako bustua dago. Pertsonaiaren azpian […]

Antoine eta hamar gehiago »

Xabier Etxaniz Rojo, Idazlea Ai, ene! Zein azkar doan bizitza! Badirudi atzo bertan bidali nuela joan den denboraldiko azken Futbologia, eta hementxe naukazue, atzera, gure Realari buruz idazteko prest. Azken urteotan gertatu bezala, goizegi itzuli gara, abuztua futbolerako bainoago hondartzarako baita, baina tira… Eta itzulera goiztiar honek nire oporrak amaitzear daudela iragartzen badu ere, oso pozik nago. Izan ere, plazer handia baita niretzat txoko hau zuekin guztiokin konpartitzea. Baina ez soilik horregatik. Ziurrenik, gure lagun futbologo Xabi Vazquez harrituta geratuko da hurrengo lerroak irakurtzean, baina uste dut ezen, oraingo honetan behinik behin, zuzendaritza batzordea zoriondu beharrean gaudela. Ondo dakizuenez, ez naiz Jokin Aperribairen oso zalea, baina nago lan txukuna egin duela taldea osatzeko garaian. Carlos Vela aulkira bidaltzea eta, bere ordez, Txori Castro atera ahal izatea benetako luxua iruditzen zait. Jose Angeli buruz ezin gauza handirik esan, ez baitut jokatzen ikusi, baina argi zegoen De la Bellak konpetentzia apur bat behar zuela. Eta pozik nagoenez –eta denboraldia hasi berria denez– entrenatzaileari ere ez diogu egur askorik emango. Areago, oraingoan prest nago laudorioak eta guzti eskaintzeko. Egia da tematuta jarraitzen duela iazko jokaera –eta jokalari– batzuetan, eta egia da, halaber, Bartzelonan Bernabeun jokatutako azken partidan egindako akats berberak errepikatu zituela –baita emaitza […]

Oliver Stone zuzendariak Zinemaldiaren 60. urtemugaren Donostia Saria jasoko du »

Zinemagile estatubatuarrak eta John Travolta eta Benicio Del Toro aktoreek Savages filma aurkeztuko dute Zabaltegi-Perlak sailean AEBetako Oliver Stone zuzendariak sari berezi bat jasoko du Zinemaldiaren 60. Urteurrena den honetan, bere ibilbide osoaren aintzatespen gisa. Donostia Saria berezia eskuratuko du. Saria jasotzera ez ezik, lan berria aurkeztera ere etorriko da. Zinemaldian estreinatuko dute Savages, Oliver Stone zuzendariaren azken lana. Savages filma irailaren 23an Victoria Eugenia Antzokian proiektatuko da, eta bertan izango dira zuzendaria, eta John Travolta eta Benicio Del Toro aktoreak. Film berria Don Winslow idazlearen izen bereko best-sellerrean oinarrituriko thrillerra da. Stone gidoilari gisa hasi zen zinema-munduan, eta lehenengo Oscar saria Alan Parker zuzendariaren Midnight Express (1978) filmaren gidoiagatik jaso zuen. Horretaz gain, beste film ezagun batzuen gidoiak ere bereak dira; esaterako, John Milius zuzendariaren Conan the Barbarian (1982) eta Brian de Palmaren Scarface (1983) lanenak. Zuzendari gisa egin zuen lehenengo lana The Hand (1981) fantasiazko thrillerra izan zen, baina, bere estilo berezia eta zuzendari gisa dituen interesak bost urte geroago geratu ziren argi, Salvador (1986) drama politikoarekin. Film horrek Zinemaldiaren barruan egiten diren Belodromoko proiekzioak inauguratu zituen bere garaian. Ondoren, nazioartean ospea ekarri zion Platoon (1986) etorri zen, Vietnamgo gerrari buruzko erretratu latza; horri esker, zuzendari onenaren Oscar […]

Donostiako Ospitaletik Arrasatera oinezko martxa egingo dute hainbat eragile ezagunek »

Gaixotasun larri eta sendaezinak dituzten 14 euskal presoen askatasunaren aldeko ibilaldian parte hartzera deia egin dute Gaixotasun larri eta sendaezinak dituzten 14 euskal presoen askatasunaren aldeko martxa deitu dute hamalau gizarte eragile ezagunek. Deialdia egin duten eragileen artean daude Txaro Arteaga, Nekane Altzelai, Joan Mari Irigoien, Inaxio Kortabarria, Pello Iraizoz, Andoni Egaña eta Ramon Labaien, besteak beste. Preso gaixoen “berehalako” askatasuna eskatu dute, “legez eta eskubidez” aske behar zuela nabarmenduz, eta gizarteari dei egin diote ekimen horretan parte hartzera. Asteazkenean, 11:00etan, abiatuko da martxa Donostiako Ospitaletik. Bertan ospitaleratuta dago Josu Uribetxebarria presoa hilaren hasieratik. Ibilaldiak lau etapa izango ditu Gipuzkoako herrietan barrena. Bukaera Arrasaten izango da.  

San Agustin eguna ospatuko dute bihar Artikutzan »

Bihar, abuztuaren 28an San Agustin eguna da eta, urtero bezala, Artikutza parkea jende guztiarentzat zabalik egongo da. Jai eguna ospatzeko hainbat ekitaldi egingo dituzte. Pilota partidak, meza, bertso saioak, dantzaldia…

11:00etan meza egingo…

Emakumeek gizonezkoen egun berean jokatuko dute Kontxako Banderaren sailkatze estropada »

Udalak gaur egin du Donostiako Estropaden aurkezpena, eta berrikuntza nagusi baten berri eman du. Ostegunean, abuztuaren 30ean, Kontxako Banderaren gizonezkoen sailkatze estropadaz gain, emakumezkoena ere jokatuko dute. Hala, maiz itzalean geratzen den…

Urbieta eta Rezusta izan dira Antiguako Pilota Txapelketako irabazleak »

Antiguako Pilota Txapelketako finalak jokatu zituzten atzo goizean, pilotari donostiarren presentziarik gabe. Izan ere, txapelketan donostiarrak aritu diren arren, inork ere ez du fineletara iristea lortu. Hilabeteetan jokatutako partiden ostean, azken…

Dani Diez Lagun Aroko jokalaria izango da hurrengo denboraldian »

Dani Diez hegalekoa fitxatu du Lagun Aro GBCk. Real Madrilek utzita arituko da Donostian. Jokalariak 18 urte ditu, eta 2,01 metro da luze. Guille Rubio hegal-pibot kataluniarra ere fitxatu du klubak. Jokalariak 29 urte ditu, 2,02 metro da luze eta sasoi baterako kontratua sinatu du. Baita Ekene Ibekwe hegal pibot nigeriarra ere.