Europan errepikatzeko balio duen garaipena lortu du Leka Eneak »

Espainiako Txapelketaren ondoren Irungo Leka Enea mahai tenis klubeko taldeek ekin diote berriro ere ligari. Gizonen Superdibisioan Lleidan (Herrialde Katalanak) jokatu zuten irundarrek, CER L’Escalaren kontra eta garaipen garrantzitsua lortu zuten (2-3). Emaitza horrekin heldu den urtean Ettu Cupean jokatzea ziurtatu du Leka Eneak. Irundarren aldetik jokalari bakoitzak, Zhang Sining, Zoltan Batorfi eta Endika Diez, puntu bana lortu zuen. Katalanen bi puntuak Ji Feng jokalariak lortu zituen. Sailkapenaren bosgarren tokian daude, Arteal Santiagok dituenak baino bi garaipen gehiagorekin, eta San Sebastian de los Reyes eta UCAM Cartagenak baino bat azpitik —irundarrek Arteal eta San Sebastianek baino partida bat gehiago jokatu dute, eta Cartagenak baino bat gutxiago—. Lehen Mailakoak aise Bestalde, Lehen Mailako taldeak beste garaipen bat lortu zuen, Guretalderen kontra (3-4); hamabosgarren garaipena da hamasei partidetan, eta lidergoa sendotzeko balio izan die, bigarren tokian den Ripollet taldeak galdu zuelako. Irundarrek sei puntuko aldea ateratzen diete Ripollet eta Atletico SS-i. Ohorezko Mailara itzultzeko bide onetik doa Leka Eneako bigarren taldea. Nesken atsedena Emakumezkoen Superdibisioan ere itzuli da lehiaketa, baina Leka Eneak ez zuen asteburuan bere partida jokatu. Irungo neskak zortzigarrenak dira Superdibisioko sailkapenean, eta zazpi garaipen lortu dituzte orain arte, baina aurkari zuzenek baino bi partida gehiago dituzte jokatzear. Atzetik Caja […]

Garaipen handi bat lasaitasunerako »

Bidasoa Irunek garaipen garrantzitsua lortu zuen atzo Xixon Jovellanos taldearen aurka, Artalekun jokatutako Zilarrezko Mailako 21. jardunaldiko norgehiagokan. Partida jokatu aurretik sailkapeneko seigarren tokian zeuden asturiarrak, 23 punturekin, Bid…

Johan Abraham Van Zyl txirrindulariak ihes eginda irabazi du Lizartzako Insalus lasterketa »

Johan Abraham Van Zyl Caja Rural taldeko txirrindularia izan da Lizartzako 24. Insalus lasterketako irabazlea. Bera bakarrik helmugaratu da, gainontzekoei ihes egitea lortu ondoren. Lehendakari Txapelketako afizionatuen mailako hirugarren lasterketa izan da gaurkoa. Atzetik, Lizarte taldeko Victor Manuel Moleon eta Debabarrena taldeko Hodei Orobengoa sailkatu dira. Lehen postuaz gain, Johan Abraham Van Zylek, mendiko saria ere eskuratu du. Lasterketa polita izan da, eta erasoak izan dira nagusi. Irabazleak, ordea, erakustaldia eman da irabazi du lasterketa. Tropela zatituta iritsi da helmugara. Otsabio Kirol elkarteak antolatzen duen lasterketak 104 kilometro ditu. Txirrindulariek lau mendate pasa behar izan dituzte: Altzo hiru aldiz igo dute, eta Leaburu, berriz, behin. 23 taldek parte hartu du Lizartzako afizionatuen mailako lasterketan, eta guztira 129 txirrindulari atera dira helmugatik.   Lehendakari Txapelketa liderraren maillota, hiru lasterketa korritu ostean, Aitor Gonzalezentzat izan da.

Muslariz bete da Beasain »

Uneotan Arrano tabernako XXII. mus txapelketa jokatzen ari dira Beasainen. 83 bikotek eman dute izena, eta txapelketa 21:00ak aldera amaituko dela aurreikusi dute. Udaletxeko plaza azpiko arkupeetan jarri dituzte jokorako mahaiak, eta sariak adin guzti…

Txirrindularitzaren harrobiaren festa Beasainen »

Gaur arratsaldean gaztetxoen txirrindulari lasterketa ospatu dute Beasainen. 800 metroko zirkuituan itzuliak eginez, 60 ume inguruk hartu dute parte. Eguraldiak lagunduta, gainera, jende asko hurbildu da lasterketa ikusi eta txirrindulari gaztetxoak a…

Mariasun Landa Saria Maite Ruiz de Azua eta Karmele Mitxelenarentzat »

Julia Irazuren ibilbidea jaso du Maite Ruiz de Azuak eta Sorkun abeslariarena Karmele Mitxelenak. Bere amonaren bizipenen kontakizunaren bidez,  “maestren” ekarpena nabarmendu nahi izan du Ruiz de Azuak, eta Karmele Mitxelenak, berriz, denok ezagutzen dugun abeslariak “gizonezkoen mundu horretan egin duen lana” nabarmentzen aldera idatzi du  lana. Gaur goizean banatu dituzte sariak, Xenpelar Etxean. Mari Asun Landaren eskutik jaso dute saria Ruiz de Azuak eta Mitxelenak, eta biei idazten jarraitzeko eskatu die Landak. Errenteriako Udalaren Berdintasun  Kontseiluak antolatzen du Mari Asun Landa Saria. Aurtengoa sariketaren bigarren aldia izan da. Martxoak 8aren ospakizunen testuinguruan txertatua, sariek emakumeek herriari egindako ekarpena aitortu eta zabaldu nahi dute, kazetaritza lanen bidez. Sari banaketaren aurretik, gaur, Xenpelar Etxean bertan ikusgai dagoen Skolastika arte bildumaren erakusketaren bisita gidatua izan da. Ondoren, Elixabete Perez Gaztekuk hitzaldia eskaini du, iaz Mari Asun Landa Sarietako protagonista izan zen Joxepa Antoni Aranbarriren ibilbidean sakontzeko.

LAB sindikatuak hilaren 29ko greba girotzeko informazioa zabaldu du »

LAB sindikatuak, gaur goizean, Trianguloa plazan informatzeko panel ezberdinak jarri ditu. Krisi egoeraren berri emateaz gain, hilaren 29ko greba orokorra girotzeko baliatu ditu panelak.

Trianguloa plazatik pasa den jende askok egin du geldialdia …

Tibeteko bandera udaletxean »

Udalbatzarrak onartu bezala, Tibeteko bandera ikus daiteke gaur udaletxeko balkoian, martxoak 8ko deialdiak gogorarazten dituen aldarriaren ondoan.

Ospakizunetan dabiltza Oiartzungo emakumeak »

Martxoak 8ari lotutako ekimenek jarraipena izan dute asteburuan. Oiartzunen gaur autodefentsa tailerrean bildu dira emakumeak goizean, eta eguerdian Ugaldetxoko Intxixu jatetxean bazkaria izan dute.

Zerkausiko barazkiekin prestatutako berdela banatu dute »

Martxan jarri dute berriro ere Tolosako Azokak + Kilometro 0 ekimena. Garaiko produktuak erosi Zerkausiko azokan, eta mokadutxo bat prestatuko dute, herritarren artean banatzeko. Roberto Ruiz sukaldaria izan da lehena, eta berdela prestatu d…