Euskararen ibilbidea ezagutu dute AEKko hainbat ikaslek »

Oihana Maritorena aktoreak gidatutako ibilbidea egin dute AEKko hainbat ikaslek, Donostiako euskara ardatz hartuta. Bagerak prestaturiko Euskararen Ibilibidea Donostian ekimenaren saioa izan da eta AEK-ren Iriki Atiak programaren barruan kokatu dute. …

Donostia ‘Time Out’ hiria da »

Hiriari eskainitako zenbaki berezia kaleratu du bidaiari eta turistentzako aldizkariak
Time Out aldizkariak Donostiari eskainitako zenbaki berezia argitaratu du. Turista eta bidaiari anglosajoientzako argitalpen erreferentea da. Iaz Donostiak 400.000 …

Gaur bilduko dira Solas Jolaseko umeen gurasoekin »

Euskara Departamentuak jakinarazi duenez, Solas Jolas ekimenean izena eman duten haurren gurasoekin bilera egingo dute, gaur. Oiasso museoko hitzaldi aretoan bilduko dira. Bi txanda zehaztu dituzte: lehenengoa 17:30ean, Belaskoeneara, Dunboa LHIra eta …

Gogotsu dabiltza Lekeitialdekoak »

Gogoz hasi du denboraldia Lekeitialde taldeak. Joan den asteburuan Igorren egon ziren taldeko txirrindulariak, eta gogor lehiatu zituzten maila desberdinetan burututako lasterketak. Danetara, 14 urtera arteko hamar txirrindulari daude aurten taldean, Txabi Aldazabal, Iker Gojenola eta Juan Miguel Arostegiren gidaritzapean. Bizkai guztian zehar dabiltza probetan parte hartzen. BTTkoak egin zituzten lehenengo, eta orain errepidekoetan parte hartzen dabiltza. Domekan, Gordexolako Eskolartekoan parte hartuko dute.

Jaime Rodriguezek eta Odol Emaileen Elkarteak jasoko dute urrezko domina »

Irungo Udaleko bozeramaileen batzordeak aho batez erabaki du aurten nori eman Hiriko Urrezko Domina: Jaime Rodriguez Solis Arkeolaneko presidenteak eta Irungo Odol Emaileen Elkarteak jasoko dute Irungo oroigarria. Urriaren 20an emango diete. Bozeramaileen batzordearen erabakiaren ondoren, udalbatzarrera eramango dute proposamena. Taldeen adostasuna dela-eta ez da inongo arazorik egongo batzordearen erabakia berresteko. Bozeramaileen batzordearen arabera, “oso profil desberdinak” dituzte Arkeolaneko presidenteak eta erakundeak. “Jaime Rodriguez Solisena, pertsonala da; eta bestea, odol-emaileena, kolektiboa; baina uste dugu bi kasuetan azpimarratu nahi dugun balioa zera dela, lan etengabea eta isila, herritarren partetik aitortza merezi duena; eta horixe da gure Urrezko Domina”, esan dute bozeramaileen batzordeko kideek.

Gutuna: “Puntaren puntan, Europan” »

Aurreko astean aurkeztu zuen Diputazioak Gipuzkoako hondakinen kudeaketarako Plangintza. Goi mailako jakitunek egindako plangintza da, Europan aitzindariak direnak. Orain arteko plangintza gaurko egoerara egokitu dute goi-teknikari hauek eta gure ustez, onura asko ekarriko dituen plangintza da: -Gaikako bilketa sustatzen du eta helburu argiak jartzen ditu: %60a 2016rako eta %75a 2020rako. -Plangintza malgua da, gaikako bilketa handitzen den neurrian egokituko baitira azpiegiturak ere. -Kudeaketa banatu egiten du beharren arabera, hondakina sortzen den tokira hurbiltzen baita. -Zabortegi arruntak 2014an itxiko dira, aurretratamendurik ez duen zaborra hartzen duten zabortegiak alegia. -Askoz ere merkeagoa da, 200 milioi euro merkeagoa. -120 lanpostu zuzen sortuko ditu, eta askoz gehiago, zeharka. -Plangintza honekin ez da errauskailurik behar. Honengatik guztiagatik, Gipuzkoa Europa mailan puntaren puntan jarriko da hondakinen kudeaketa moderno eta aurrerakoian, Zero Zabor helburu hartuta. EAJ-PNV asteburu honetan, plataforma baten bidez, errauskailuaren aldeko sinadurak biltzen aritu da. Koherentzia hutsagatik, errauskailua Tolosan kokatzea proposatzen dutela uste dugu, izan ere, norberarentzat nahi ez dena besteentzat eskatzea ez baita txukuna inondik inora. Non eraiki nahi du EAJ-PNVk errauskailua, Apattan?, Amarotzen?, San Estebanen, akaso? Tolosarrok jakiteko eskubidea dugu. Gure iritzia argia da, ez dugu errauskailurik nahi, ez Tolosan, ez Zubietan, ez beste inon. Errauskailuak arriskutsuak dira gure osasunarentzat eta ingurumenarentzat, Gipuzkoako […]

Bi tradizioren uztartzea jaietan »

Tradizioz beteriko jaiak dira Tolosako sanjoanak, ohitura pagano nahiz erlijiozkoekin. Aurten, lehenengoz, Tolosako Udalak laikotasunaren aldeko apustua egin du, eta udalbatza udaletxetik aterako da prozesioan. Urteko gaurik motzena omen da San Joan bezperakoa. Suaren gainean salto egin, eta urte osoko izpiritu txarrak atzean uztearena jatorri paganoa duen antzina-antzinako tradizioa da, eta Euskal Herrian bereziki sustraitutakoa. Udaren etorreraren berri ematen duen ospakizunak, Erdi Aroan hartu zuen San Joan bataiatzailearen izena, eta orduz geroztik tradizio paganoek nahiz erlijiozkoek elkarrekin egin izan dute solstizio berrirantzako bidea. Ospakizun hau berezia da tolosarrentzat. Ekainaren 24an, lizar hostoz jantzitako kaleek, antzinako sineste haiek gogora ekartzen dituzte goizean goizetik, Alde Zaharreko kaleetan. Eguerdiko kanpai hotsek biltzen dute, ordea, jende gehien festa honen inguruan. Santa Maria plazak, eskopetarien pauso azkarrek, erraldoien soineko luzeek, prozesioko irudiek, musika bandak eta bordondantzarien zintzarri biziek, San Joan jaietako unerik berezienetako bat osatzen dute. Aurten, lehenengoz, Tolosako Udalak laikotasunerantzako pauso bat eman du, azken osoko bilkuran onartutako mozio baten bidez. Modu honetara, udalak erakunde gisa, «izaera zibileko ekitaldiak edo/eta ospakizunak besterik ez ditu sustatuko, eta haietan besterik ez du parte hartuko». «Sinesmen eta etika aniztasunari errespetua» izatearen garrantzia nabarmendu du Bilduk mozio honen oinarrian: «Laikotasuna demokraziatik bereizi ezin den printzipioa da». Bide horretan, […]

Josu Angoitia txirrindulari markinarra Besayako Biran egongo da Bizkaiko Selekzioagaz »

Asteburuan, Kantabrian burutuko den Besayako Biran egongo da Bizkaiko Selekzioagaz, Josu Angoitia txirrindulari markinarra. Gazte mailako munduko talde onenak parte hartuko dute bira horretan, Luxenburgo, Belgika eta Errusiakoak besteak beste. Iñaki Iturri, Angoitiaren prestatzaileak jakitera emon duenez, markinarrarentzat sari bat da bira horretan parte hartzea. «Munduko onenen alboan esperientzia hartzeko aukera paregabea da», adierazi du.

Ganadua San Frantzisko pasealekuan izango da San Joan jaietako azoka berezian »

San Joan jaien atarian, urteroko azokak izango du berrikuntzarik, bihar, Tolosan: ganadu azoka San Frantzisko pasealekuan izango da, eta lau arrazatako 32 buru jarriko dituzte erakusgai: blonda, limousina, txarolesa eta pirenaika. Honez gain, goiz osoan zehar Euskal Herri osotik etorritako ekoizleak izango dira Trianguloa plazan, Lur Lan elkartearen laguntzaz. Salmenta postuez gain, ordea, erosketak egin ondoren izango da jana eta edanari buruz zerbait gehiago ikasteko aukera ere. 11:30ean, gazta eta sagardo dastatzeak egingo dituzte, eta bi adituk azalpenak emango dituzte. Aipatzekoa da, azoka bereziaz gain, larunbateroko Zerkausiko, Berdura plazako nahiz Euskal Herria plazako postuak ere beren betiko lekuan izango direla. Era berean, aipamena merezi du, Herri Musika Tresnen Topaketa egingo dutela, bihar, egun guztian zehar. GiroArte taldeak antolatu du eta eskualdeko musikariez gain, Barakaldotik albokari eta Baionatik dultzainero talde bana izango dira, izan ere, GiroArte taldeak aspaldidanik du harremana beraiekin. 11:00etan hasiko dira kalejira egiten Alde Zaharretik. Hainbat instrumentu entzuteko aukera izango da: trikitixa, alboka, txalaparta, dultzaina eta biolina. Azken hau Loatzo musika eskolako ikasleek joko dute. Instrumentu bakoitza jotzen duten musikariek kalejira egingo dute beren aldetik, eta tarteka elkartuko dira denen artean zenbait pieza jotzeko. Une horretan, Oinkari dantza taldeko bi kide ere dantzan ariko dira. Goizekoa bukatu ondoren […]

Hegialden jaietan izango dira hiru egunez »

Legazpiko Hegialde auzoan jaiak izango dituzte gaur hasi eta igandera bitartean. Aurreko asteburuetan hainbat ekintza egin diren arren, Xabier Ortiz de Luzuriagaren omenezko VIII. BTT mendi ibilaldia edo Lander Soberoren aldeko II. Mendi Paseoa, batzuk aipatzearren, gaur emango zaie hasiera ofiziala jaiei. Hegialde Potxola jai batzordea arduratzen da jaiak antolatzeaz. Tradizio luzeko dute gainera Hegialdeko festek, izan ere, aurten «32 urte beteko dituzte», aipatu du Nagore Belastegi jai batzordeko kideak. Orain bi urte, 30. urteurrena betetzearekin batera, jai batzordean aldaketa izan zen kasualitatez. Honek, egitarauan hainbat berrikuntza sartzea ekari zuen. Orain arte egin diren ekintzak «mantentzen» dituztela dio Belastegik, baina «berrikuntzak ere sartu ditugu», gaineratu du. Horren erakusle da, adibidez, iaz sortu zuten Marisardiñe pertsonaia. «Jaiek sinbolo bat behar zutela pentsatu genuen», eta horrela sortu zen Urtatzako urtegian bizi den lamiaren istorioa. Jaien hasierako txistorra eta ardo dastatzea, txokolate jana edo igandeko asto karrera dira oraindik mantentzen diren ekintzak. «Jendetsuenak direla esan daiteke», dio Belastegik. Herriko taldeen rock kontzertuak ere antolatzen dituzte iaztik. «Pasa den asteburuan izan ziren, eta jende ugari bildu zen». Hegiadeko jaien arrakastak umorearekin zerikusia duela uste du Belastegik, «gureak gutxi baitu ofizialetik». • Ikusi Hegialdeko jaietako egitaraua