Donostian ia 400 langabetu gehiagorekin bukatu da urtea »

2010eko datuekin alderatuta, langabetuen kopurua hazi egin da Donostian; 2011. urtea 349 langabetu gehiagorekin amaitu da.

Espainiako Lan Behatokiak plazaratutako datuen arabera, 2011. urtearen azken egunean 9.806 langabetu ziren Donostian. Iaz bain…

Gehiengo sindikalak Bilbon egingo duen manifestazioagaz bat egin du Lan eta Bizik »

Otsailaren 4rako Euskal Herriko gehiengo sindikalak deitu duen manifestazioagaz bat egin du Busturialdean Lan eta Bizi plataformak. Eredu soziala eta ekonomikoa aldatzea posible delako, eta beste Busturialdea bat posible delako, Bilbora joateko deia eg…

80 urte bete eta urrezko ezteiak ospatu dituztenak omenduko dituzte »

Urteko egunik bereziena izango da igandekoa Hondarribiko Kasino Zaharrarentzat. Adinekoen etxeak hogeitahiru urte beteko ditu eta azken urte hauetan Kasino Zaharraren parte izan direnak omenduko dituzte. Urteurrena ospatzeko jai eguna eguerdian hasiko dute, eta meza egingo dute Portuko elizan. Meza bukatuta, bazkaria egingo dute Ardora jatetxean. Bazkalostean, eta urtero bezala, Kasino Zaharreko kideentzako momenturik garrantzitsuena iritsiko da. Iaz 80 urte bete zituzten bazkideek, eta urrezko ezteiak bete dituzten bikoteek omenaldia jasoko dute. Hala, ospakizunean parte hartu nahi dutenek, gaur dute izena emateko azken eguna, 10:30etik 12:00etara, Kasino Zaharrean.

Itziar Gastearena: “Ez nuen pentsatzen Zubietara horrenbeste ikusle joaten zenik” »

Tolosaldeko eta Leitzaldeko Hitzaren biharko zenbakian Realeko jokalari billabonatarraren elkirrezketa argitaratuko dugu. Hemen aurrerapena: Noiz hasi zinen futbolean jokatzen, eta zein izan da zure ibilbidea? Haurra nintzela hasi nintzen futbolean jokatzen, benjaminetan, Eskola Kiroleko garaian. Hasieran mutilekin nahastuta ibiltzen ginen, eta gero neskak neskekin, hiru kirol egiten: areto futbola, saskibaloia eta eskubaloia. Betidanik gustatu izan zait futbola, eta alebinetan horretan zentratu nintzen. Eskola Kirolean nengoela Tolosa CF-etik deitu zidaten, eta bertan hasi nintzen jokatzen. Hiru urtetara, Realera joateko aukera irten zitzaidan. Nola moldatu zinen areto futboletik zelai handiko futbolera?   Areto futbola oso polita iruditzen zitzaidan, baina futbol handian hasi nintzenean, zelai handiagoan, leku gehiago daukazu eta asko gustatu zitzaidan. Oraingoz bi dei garrantzitsu jaso dituzu zure kirol bizitzan, mugarri lana egin dutenak, gainera.   Poz handia eman zidaten biek. Tolosa CF-ekoa bizilagun baten bidez izan zen: berak lagun batzuk zituen taldearekin lotura zutenak, eta nitaz hitz egin zien. Gero, entrenatzera joateko esan zidaten, nahiz eta 13 urte besterik ez nituen. Adin horrekin, Eskola Kirolean nengoen oraindik eta ezin nuen Tolosarekin jokatu, baina entrenatzen hasi nintzen. Ezin nuen sinetsi ere egin. Gero, Realaren deia etorri zen, hiru urtera edo. Poz handia sentitu nuen, baina ez nuen inondik inora espero, denboraldiaren […]

Aiako Udalak Altxerri kobazuloko margoen erreplika egiteko asmoa du »

Altxerri Gipuzkoan aurkitu zuten lehenengo kobazuloa izan zen. 1962an aurkitu zituzten bertako margolanak eta grabatuak, duela 50 urte, eta 2008. urtean Unesco Hezkuntza, Zientzia eta Kulturarako Nazio Batuen Erakundearen Mundu Ondareko Batzordeak Gizateriaren Ondare izendatu zuen koba. Bertako artea kontutan hartuta, Gipuzkoako kobarik garrantzitsuenetakoa dela irizten diote adituek, Ekaingo haitzuloekin batera. Hala ere, kobazulo «ezezaguna» da Aian dagoena, besteak beste, herritarrentzat itxita dagoelako. Altxerriko ondarea aintzat hartuta, Aiako Udalak koben erreplika egiteko asmoa du orain, eta proiektua zehaztu gabe baldin badago ere, dagoeneko hori gauzatzeko lanean ari da, Aranzadi Zientzia Elkartearekin batera. Altxerri Ubegun eremuan dago, baina haitzuloaren erreplika Aiako hirigunetik gertu egiteko asmoa dute. Udalak lehenengo aurreproiektua egin du dagoeneko, eta bertako aurreikuspenen arabera, hilerriko eremuan egingo dute azpiegitura. Kanpoko egitura nolakoa izango den ere erabaki dute, eta Igor Iturain Aiako alkateak jakinarazi duenez, eraikinak 200 metro koadro izango ditu. «Ingurumenean ahalik eta eragin txikiena izan dezan nahi dugu», dio alkateak. Horregatik, erreplika lurrean sartuko luketela aurreratu du Iturainek. Eremu horretan dagoen malda bat aprobetxatuko lukete horretarako, eta kanpoaldetik sarrerako atea soilik ikusiko litzateke. Modu horretara, lurrean egindako hiru leihotxoetatik sartuko litzeteke argia. Forma emateko urtea Aurtengo urtea proiektua lantzeko hartuko dutela adierazi du Aiako alkateak. Horretarako, Gipuzkoakoako Foru […]

Babarrun jaterako txartelak erosteko azken eguna da gaur »

Larunbatean babarrun jatea egingo dute Begi Gorri gaztetxean. Txartelak zazpi eurotan daude  salgai helduentzako, eta hiru eurotan umeentzako. Ondoren mus txapelketa egingo da eta gauean Donostiako Ekilibristak taldeak kontzertua emango du. Txartelak …

«Askotan hitzen bidez ezin dena esan, musikaren bidez esan daiteke» »

Maria Rodriguez (Eibar, 1981) ari da Tolosako Hirukide ikastetxeak antolatu dituen musikaterapia saioak ematen. Atzo 18 eta 36 hilabete arteko haurrei zuzendutakoa izan zen, bihar 0 eta 18 hilabete artekoentzat, eta hilaren 31n, haurdun daudenentzat. Nahi duten guztiei irekitako saioak dira. Izena emateko 943 67 39 48 zenbakira deitu edo hirukide@hirukide.org helbidera idatzi daiteke. Saioak Hirukideren Gainberri eraikinean egiten ari dira. Zer da musikaterapia? Musika, soinua eta mugimendua baliabide gisa erabiltzen duen diziplina da musikaterapia. Hemen oso ezaguna ez bada ere, beste herrialde batzuetan, AEBn, Argentinan eta Ingalaterran, adibidez, urteak daramatzate prebentzio moduan erabiltzen, heziketan eta maila klinikoan. Musikaterapiaz pentsatzean, askori burura etortzen zaie pertsona bat erlaxatuta musika entzuten, baina berez musikaterapiak prozesu aktiboak eta pasiboak ditu. Esaterako, musika egitea, instrumentu errazak erabiliz eta aurretik musika ezagutzarik izan gabe, musikaterapian erabiltzen dugun baliabide bat da eria baloratzeko, helburuak finkatzeko eta tratamendu bat ezartzeko. Labur esanda, hitza erabili beharrean, musika, soinua, gorputza eta musika instrumentuak erabiltzen dituen psikoterapia da. Zertan lagundu dezake musikak haur txikienei? Musika guztion bizitzan dago txikitatik. Jaio baino lehen ere, lehendabizi garatzen den zentzumena entzumena da. Haurrek musikarekiko daukaten harremana oso txikitatik nabarmendu daiteke. Musikak mugimendura gonbidatzen gaitu, entzumena eta atentzioa lantzen laguntzen digu; erritmoak kontzeptu logiko […]

Zaharren ohiko bazkarian parte hartzeko azken deia »

Datorren otsailaren 5ean eginen dute bixintxoetako zaharren ohiko bazkaria, Landa Agerrian. Joateko interesa duten lagunek Laguntza Sozialeko Herriko Zentroan eman behar dute izena (Lorategietako karrika, 9), hilaren 27a baino lehen.

Erabilera anitzeko eraikina bukatu dute, eta barrutik hornitzea baino ez da falta »

Orendaingo Udalak, udaletxearen atzeko aldean erabilera anitza izango duen eraikina egin du. Ia bukatu dute, eta hainbat zerbitzu eskainiko dituzte bertan. Azpiko solairuan kokatu duten haur eskola esaterako, astelehenean jarri zuten martxan. Behe solairuan, momentuz, hirugarren adinekoentzako egokitu dute gela bat, eta helburua beraien kabuz ibiltzeko gai diren adinekoak bertan elkartzeko aukera izatea da. Helduek egiten duten mantentzeko gimnasia ere bertan ematen dute. Lehen solairuan, momentuz, gela batean spinning klaseak ematen dituzte. Eta beste guztiaren erabilera zehaztu gabe dute. Herri galdeketa egin du udalak, eta herritarren oniritzia eman ostean, bertan proposatutako bi proiektu dituzte buruan. Gorka Egia alkatearen hitzetan, alde batetik, 5-7 urte arteko eskola jartzen ahaleginduko dira, eta bestetik, helduen topagunea izan dadin, egokitzen saiatuko dira. Azken solairuak erabilera anitza izango du. Liburutegia kokatuko dute bertan, eta espazio handia duenez hainbat kultur ekitaldi ere bertan antolatuko dituztela jakinarazi du udalak. Alkateak Erein programako diru laguntza zertan den ez jakitea salatu du: «Urtea amaitzerako bukatu behar genituen lanak, eta haur eskola egokitzeko eskatutako 2011ri dagokion diru laguntza izango dugun edo ez, oraindik ez dakigu». Orendaingo Udalak, 761.000 euro inguruko inbertsioa egin du eraikina egiten, eta Gipuzkoako Foru Aldunditik 600.000 euroko diru laguntza jaso zuen. Orain barrutik hornitzea falta zaie, eta […]

Hainbat gairen inguruko batzorde bilera, gaur »

Berastegiko Udalak, ekonomia, ingurumena, etxebizitza, baserria eta hirigintza biltzen dituen batzordearen lehen bilera egingo du, gaur, 21:00etan. Udal bulegotean izango da bilera, eta udal ordezkariek herritar guztiei bertaratzeko deia luzatzen diete…