Hamar partida jokatuko dituzte Oiarpeko pilotariek Madalensoron »

Ostiralean lau partida ikusteko aukera izango dute pilota zaleek; larunbat arratsaldean, berri, beste sei Pilota gustuko dutenek, izango dute zerekin gozatu asteburuan, Madalensoro pilotalekuan. Oiarpeko pilotariek hamar partida jokatuko dituzte. Ostiralean, 19:15etik aurrera, lau partida izango dira Madalensoro frontoian. Lehenengo biak Gipuzkoako Txapelketakoak izango dira. Haurren Mailako partidak izango dira biak, binakakoak. Ondoren, Euskal Herriko Txapelketako beste bi partidarekin gozatzeko aukera izango dute pilota zaleek. Lehenengoa Kadete Mailakoa izango da, eta bigarrena Gazte Mailakoa. Bi partidetan pilotariak banaka ariko dira. Larunbatean, berriz, 16:00etan hasita, sei partida ikusteko aukera izango da. Lehenengo hirurak Alebin Mailakoak izango dira, eta gainontzekoak Haur Mailakoak. Gabon Kopan, bigarren Oiarpeko pilotariak hainbat txapelketa jokatzen ari dira, beste hainbeste mailatan. Gazteetan, esaterako, Urretxuko Gabon Kopan parte hartu zuten Alberdi urretxuarrak eta Imaz oiartzuarrak. Finalera iritsi ziren, baina ez zuten txapela janzterik izan. Bigarren gelditu ziren, Apaolaza eta Imazen kontra 6-18 galdu ondoren. Euskal Herriko Pilota Txapelketan, berriz, bi partida jokatu dituzte Oiarpeko pilotariek asteburuan. Gazteetan, Oiarpeko Sarasti eta Imazek 22-10 irabazi zieten Aurrera Saiazeko Oria eta Iruretagoienari. 22 Urtez Azpiko Mailan ez zuen zorte bera izan Oiartzungo pilotariak. Iñigo Ugaldek 6-22 galdu zuen Markinako Ansotegiren kontra. Gipuzkoako Trinkete Txapelketan, azkenik, Oiarpe izan da garaile asteburuan. Jon Irastorzak […]

Astotxoa, zilarretan »

Mende laurdena bete du Astotxo eguneko antzezpenak. Egiptorako ihesa antzezpenaren zilarrezko ekitaldia izateak markatu du aurten Lazkaoko festa, herenegun. Haurrei iritsarazi diete etorkizunerako giltza, jarraipidea ziurtatzen haste aldera desfilea egin baitzuten hogeita hamar bat haurrek herri antzerki nagusiaren aurretik. Geroa irudikatu zuten nolabait, jarraian helduek egin zuten antzeko ibilaldia eginda. Astoa izan zen, esan gabe doa, Astotxo eguneko figura garrantzitsuena. Goiz-goizetik 70 bat buru jarri zituzten Gipuzkoa osoko ganaduzaleek plazan, erakusketan. Bien bitartean, moja zistertarren Santa Ana komentura etengabe ibili zen jendea sartu-irtenean, festaren sorburuan dagoen eskultura multzoa ikusi —agintariengandik ihesi, Mariak eta Josek Jesus haurra Judeatik Egiptora asto gainean eraman zuteneko pasartea oroitzen du—, salda beroa hartu, eta egunaren nahitaezko ikur diren obleak erosteko. Mantsotik esnatu zen igandea, bisitarien ibilaroari dagokionez. Enkarterrietako astoa — Euskal Herrian berezko arraza— berreskuratzeko eta duela urte batzuk egon zen bezala galbidetik ateratzeko ekimenez, enparantza nagusia erakusketa leku izan zen. Kalifikazio ofiziala burutu zuten, bigarren aldiz. Hamabost buru ikuskatu zituzten albaitariek, eta seik lortu zuten arraza garbiari legozkiokeen ezaugarrien ziurtagiria. Gainontzekoak «txikiegiak edo gazteegiak» izateagatik geratu ziren aitortza hori gabe. Kalifikazioa jaso zutenetatik bi, gainera, Gipuzkoako XIII. Lehiaketaren finalera igaro ziren. Ezinbesteko baldintza da kalifikazio ofiziala edukitzea lehiaketara aurkezteko. Eguerdian hasi zen asto lehiaketaren […]

Itsaso bidaiak aurkeztuko ditu Fermin Aramendiak »

Millas de oro para un navegante en solitario (Urrezko milak bakarkako nabigatzaile batentzat) ikus-entzuneko lana aurkeztuko du Fermin Aramendia irundarrak ostegunean, Amaia KZn. Emanaldia Zure Abenturaren Bila programaren barruan kokatzen da, eta gazt…

Jazpana jaialdia iruditan ikusteko aukera dago Usurbe antzokian »

Egoitz Irizar saria jasotzen, Jazpanako Amagoia Aiestaranen eskutik Jazpana Fest! jaialdiak emandakoa iruditan bildu dute antolatzaileek, iazko urrian egindako jaialdian ateratako argazkiekin erakusketa osatu baitute. Jaialdiaren barruan antolatutako argazki rallyra aurkeztutako argazkiak dira erakusketan ikusi daitezkeenak, guztira, 30 argazki inguru. Argazkilariak Mikel Lopez , Julen Garcia, Iker Zubizarreta, Irene Mariscal, Raul Piñeiro eta Egoitz Irizar izan dira. Bakoitzaren bizpairu argazki zintzilikatu dituzte Usurbeko hormetan. Rallyko parte hartzaileen argazkiez gain, antolakuntza lanetan aritu den Garbiñe Irizarren argazkiak ere ikusi daitezke. Erakusketa igandera arte egongo da irekita, ohiko ordutegian. Aurtengo argazki onenaren sariaren irabazlea Egoitz Irizar izan da, Willis Drummon taldeko Jurgi abeslariari ateratako argazki arekin. Irizarrek, Alzuri dendan erabiltzeko 200 euroko txekea jaso zuen larunbatean, erakusketaren irekiera ekitaldian. Sari banaketaren ondoren, Keu Agirretxea abeslariak kontzertu akustikoa egin zuen erakusketa gelan bertan. Jazpanako antolatzaileek esan dutenez, 25 lagun inguru elkartu ziren bizkaitarraren emanaldian, eta kontzertuan «giro goxoa eta familiarra» nagusitu zen. Ia ordubeteko saio eskaini zuen Agirretxeak Beasainen. Goierriko Kasta, etzi Aurten lehen aldiz, Gabonetako Jazpana antolatu dute jaialdiko arduradunek, eta egitarau horren barruan txertatu dituzte erakusketa eta Agirretxearen kontzertua. Baina erakusketa antolatzeko ardura hartzeaz gain, Goierriko Kasta taldeko kideei ere bertan egoteko gonbita luzatu zieten Jazpanakoek. Hala, etzi iluntzean, 19:30etik aurrera, […]

Urte berriarekin batera, hainbat ikastaro jarriko dira martxan »

Pintura tailerra, yoga, dantza, eskulanak, zeramika, txakurrekin bizitzen ikasteko tailerra… Hainbat ikastaro antolatu dira urte berriarekin batera. Hemen aurkituko duzue informazio guztia: ikastaroak 2012

Dantza Soka Eguna eta Kaldereroak antolatzeko bilerak deitu dituzte »

Gabonetako ekitaldiak bukatu, eta Anoetako Udala  dagoeneko Dantza-Soka Eguna prestatzen hastera doa. Aurten, otsailaren 11n ospatuko dute. Entsegu egunak eta bestelakoak zehazteko bilera antolatu dute. Bihar, hilak 11, izango da, 18:00etan udaletxean…

Banaketa baten istorioa, aste honetako Zinema Paradison »

Zinema Paradiso zine klubak Nader y Simin, historia de una separación film luzea programatu du aste honetarako. Asghar Farhadi zuzendari iraniarrak 2011n estreinatutako lana da. Ostiralean izango da, hilaren 13an, Amaia Kultur Zentroan, 20:00etan.
Zin…

Euskal Herriko bazterrak bisitatuko dituzte urtarrilean eskualdeko mendi taldeek »

Asteburu honetarako nahiz hurrengorako, Euskal Herriko parajeak ezagutzeko irteerak antolatu dituzte Tolosako eta Ibarrako mendi taldeek. Oargikoak Zumaiara joango dira eta Alpinokoak, berriz, Plazaolako mugatik Aranorako ibilbidea egingo dute. Ibarrako Haitzetan Raju-Bai Euskal Herriari mendi taldeak,  Zuberoara txangoa antolatu du datorren urtarrilaren 27tik 29ra; Santa Grazira joango dira aurten. Flysch-en xarmaren bila Tolosako Oargi mendi elkarteak urteko lehen mendi irteera datorren igandean egingo du, eta Zumaiatik Debarako ibilbidea burutuko dute. Goizean goiz irtengo dira Tolosatik; autobusa Usabal kiroldegian hartuko dute 08:00etan. Zumaiara iritsitakoan hasiko dute ibilbidea; flisch-en inguruan ibiliko direla azaldu dute antolatzaileek, eta «irteera oso polita izango» dela. Bost ordu inguruko ibilaldia, Deban amaituko dute, eta handik itzuliko dira, berriro ere, Tolosara. Bihar izango da izena eman ahal izateko azken eguna. Horretarako, info@oargi.org edo oargimendi@gmail.com helbideetara idatz daiteke; era berean, 688 69 86 42 telefono zenbakira dei egin daiteke, 18:00etatik 21:00etara bitarte. Irteerara, norberak bere janaria eraman beharko du. Gipuzkoa eta Nafarroa artean Alpino Uzturreko kideek ere, igande honetarako antolatu dute 2012ko lehen irteera. Plazaolako mugan hasiko dute ibilbidea, eta Aranon amaituko dute. Autobusean joango dira, eta 08:00etan irtengo dira San Frantziskotik. Ibilbidearen iraupena bost ordu ingurukoa izango da, eta tartean Gipuzkoa eta Nafarroako mugan dauden Urepel (1.056m) eta […]

Errege Magoen zain hurrengo urtera arte »

Arratsaldeko seiak aldera iritsi ziren, pasa den ostegunean, Errege Magoak Tolosara, eta gaztetxoenek hurrengo urtera arte itxaron beharko dute berriz ere eurekin hitz egin ahal izateko.
Urteroko moduan, Izaskundik jaitsi ziren, suziri eta kriseiluen a…

Txintxarri Abesbatza Kultur Elkartearen batzar nagusia, gaur »

Urte hasiera guztietan egin ohi duen legez, urteko batzar nagusia egingo du Alegiako Txintxarri Abesbatza Kultur Elkarteak. Gaur, hilak 10, herriko kultur etxean izango da, eta bi deialdi luzatu dituzte. Lehen deialdia 20:00etan izango da, eta bigarren…