Schorndorf izena jarriko diote Fanderiako parke bati »

Gaur goizeko Udalbatzaren Ohiko Osoko Bilkuran hiru gai nagusi eztabaidatu dituzte, ika-mika handirik sortu ez dutenak. Punturik nabarmenean, hirugarrenean, Oiartzun ibaiko eskuineko aldean dagoen eremuari Errenteria-Orereta senidetuta dagoen herri baten izena, Schorndorf, jartzea onartu dute. Zehazki, Oiartzungo udal eremu eta Fanderia auzo artean dagoen parkeari jarriko diote izen hori, lehen Villa Maria Luisa enpresako haztegiak zeuden tokiari. PSE-EE, EAJ, EB, PP eta Hamaikabaten aldeko botoekin atera da aurrera. ezker abertzalea abstenitu egin da. EBtik gogorarazi dute pasa den maiatzean kale bati Miguel Hernandez izena jartzeko erabakia hartu zuela Udalbatzak, eta horrek memoria historikoa errebindikatzeko balio izan zuela, “herritar ugarik egin baitzion aurre gobernuaren injustiziari”, adierazi du Jose Manuel Ferradas bozeramaileak. Horregatik, ildo horri jarraitzeko eskatu dio alkatetzari. Iñaki Queralt ezker abertzaleko zinegotziak, berriz, maiatzeko udalbatzarrean erabaki hori hartu zenean esandakoa gogorarazi du; alegia, kale izendegian hutsune bat dagoela iritzi dio, emakumeak ez direlako kontuan hartzen. Orduan berdintasunezko irizpideak ezartzeko eskatu zuen, baina hori oraindik ez dela aurrera eraman esan du. Horrez gain, Errenteria-Orereta senidetuta dagoen beste herri baten (Lousada) omenezko monumentuaren egoeraz ohartarazi du. Juan Carlos Merino alkateak erantzun die guztiek konpartitzen dituzten sentsibilitateak direla EBk eta ezker abertzaleak aipatutakoak, eta horrekin batera, Lousadaren monumentua konpontzeko konpromisoa hartu du. Berdintasun […]

‘Gernika’ Gernikara ekartzea eskatzeko 500.000 sinadura batu gura dituzte »

Gernika Gernikara ekartzeko aldarrikapenagaz, atxikimenduak batzeko webgunea prestatu du Gernika-Lumoko Udalak. www.guernicagernikara.net atariaren bitartez, Euskal Herri osoan eta mundu zabalean hedatu gura dute eskaera, baita atxikimenduak batu ere. Hain zuzen, 500.000 sinadura bildu gura dituela azaldu du Gernika-Lumoko Udalak, horiekin Espainiako Kultura ministerioara joateko. “Gernikako herriak eskubidea dauka koadroa Gernikara ekartzea eskatzeko”, azaldu du Jose Mari Gorroño alkateak, gaur egindako aurkezpenean. Era berean, gutuna helaraziko diote NBEko idazkari orokor Ban Ki-moon-i, NBEn egoitzan aipamen berezia egin dezan: “Biktimak omendu behar direla aipatzen ari diren honetan  bonbardaketaren biktimak eta herriaren sufrimendua gogoan izan dezatela nahi dugu; NBEko kideei azal diezaieten duela 74 urte Gernikak bizi izan zuena, hemen gertatu zena eta berriro gerta ezin daitekeena”. Errealitatetik irudira Gernika-Lumoko bigarren alkateorde Jesus Mari Alberdi, Gernikazarra Historia Taldeko Vicente del Palacio eta bonbardaketaren lekuko Luis Iriondo ere izan dira gaurko aurkezpenean. Azken horrek azaldu duenez, “Picassoren koadroa lehenengoz ikusi nuenean ez nuen Gernikarekin lotu, ez nion antzekotasunik ikusi. Ordutik bi aldiz ikusi dut Madrilen, eta hausnarketa eginda, geroz eta antzekotasun handiagoa ikusten diot bonbardaketarekin. Koadroan agertzen diren andrak gura amak dira, hildako gudaria Gernikan dago lurperatuta, eta besoetan umea hilda duen emakumea Gernikakoa da. Duela gutxi jakin izan dut, gainera, hori benetan Gernikan […]

Ezohiko udalbatzarra egingo dute Orion astelehenean »

Orioko Udalbatzak ezohiko bilera egingo du astelehenean. Bilkura udalbatzar aretoan izango da, udaletxean, eta 19:00etan hasiko da.
Gai hauek aztertuko dira:
1.- Lehen onarpena ematea, egoki bada, Orioko Hiri Antolamenduko Plan Nagusiari. Plan Nagusia …

2011ko aurrekontuak Udalbatzaren babesa du »

2011ko udal aurrekontuak aurrera egiteko beharrezkoa den Udalbatzaren babesa jaso du. 390 milioi euroko diru-poltsa da. Inbertsioen atalen 95 milioi euro bideratu dituzte, iaz baino %11 gutxiago. Susana Garcia Chueca Ogasun zinegotziak xehetu duenez, a…

EB-Aralarren oharra, memoria historikoaren inguruan »

Duela 30 urte, guardia zibilek Espainiako Kongresua hartu zuten, tartean Jesús Muñecas kapitaina zegoen, Tejeroren konfiantzazko ofiziala, bera izan zen diputatuei “agintari militarra” ren etorrera iragarri zuena. Kongresua eraso zuenean, Muñecas kapitainak 20 urte zeramatzan Goardia Zibilean, eta horietako asko gure artean pasa zituen. 1968an Zarauzko kuartelaren kapitaina zen eta atxilotuei galdeketetan tortura teknika berriak aplikatzen zizkien. Andoni Arribazalaga, 22 egun egon zen gure “etxezabalan” eta irtetean gorputza puztuta eta ubelduaz josita zeukan. 1976an Muñecas kapitaina Tolosako kuartelaren agintetik kendu zuten, Amparo Arrangoitik jaso zituen torturengatik. Trantsizioak ahazteko akordioa ekarri zuen eta Frankismoaren krimenak zigorrik gabe utzi zituen. Muñecas bezalako torturatzaileak lasai jarraitu zuten beren postuetan, eta horri esker 1981ean Muñecas kapitainak otsailak 23ko kolpean parte hartu ahal izan zuen. Bere torturen biktimek ez dute inoiz errekonozimendu edo ordainketarik jaso, beste biktima askorekin gertatu den bezala. Hau adibide bat besterik ez da zergatik den beharrezkoa gertatutakoren oroimena jasotzea. Biktimei egia, justizia eta erreparazio eskubidea aitortu behar zaie eta berriz giza eskubideen urraketa hauek ez direla errepikatukoaren bermeak izan behar dituzte: Horregatik dira ezinbestekoak errekonozimendu horiek, Zarauzko udaletik egunotan eta apirilak 10 arte Sanz Enean burutzen ari den erakusketa modukoak, edo herriko beste eragile batzuk egiten ari direnak. Tamalez errekonozimendu hau […]

Aralar-en oharra »

Aralar datozen udal hauteskundeetarako Zestoan zerrenda osatzeko eta programa egituratzeko urratsak ematen ari da. Ildo horretan, zerrenda osatzeko, zein programari ekarpenak egiteko prest dagoen ororentzat ateak irekita dituela jakinarazi du alderdiak…

Ardo Eguna antolatu dute ostalariek biharko »

Zurekin ostalarien elkartea duela gutxi sortu duten arren, «martxa bizian» da, Maria Garrastazu ostalarien elkarteko lehendakariaren esanetan. Izan ere, hainbat ekimen egin dute azken hilabeteetan, eta biharko ere prestatu dira. Ardo Eguna ospatuko d…

Bakardadearen konpainia »

Bakarrik egotea, hauta daitekeenean, polita izan daiteke, pertsona bakoitzak bere buruari momentu bat eskaintzeko. Arazoa, baina, bakardadea gainera etortzen denean sortzen da, norberak nahi ez duenean, bizitzak berak bakardadea ekartzen duenean. Horren adibide izan daitezke adineko pertsonak. Zahartzaroa eta bakardadea batera datoz hainbat kasutan. Gurutze Gorriak emandako datuen arabera, 65 urtetik gorako herritarren %16 bakarrik bizi dira, eta horrek depresioa eta halako gaixotasunak eragin diezazkieke. Egoera horretaz ohartarazteko eta herritarren iritziak biltzeko, otsailean Gurutze Gorriko kideak Errenterian ibili dira, bakardadeari buruzko kanpaina batean murgilduta. Errenteria da haien probalekua, eta han egiten dituzte gero Gipuzkoa osora zabaltzen dituzten kanpainen probak. Galdetegiz galdetegi, bederatzi egunean, hasieran jarritako helburura iritsi dira: mila herritarri galdeketa egitea —1.026 izan dira—. Behin Errenteriako lana bukatuta, orain Donostiako Altza eta Larratxo auzoetara joango dira. Aste honetan 500 inguru lagunengana iritsi nahi dute. Hortik Lezora, Oiartzunera, Elgoibarrera, Soraluzera, Eibarrera eta Beasainera joango dira. Martxo amaierarako edo apiril hasierarako amaitzea espero dute. Bi eratako galdetegiak Pertsona horiei bakardadeaz eta depresioaz daukaten iritziaz, bizipenez, esperientziez eta gogoetez galdetzen diete. Horretarako, hainbat kartel erakusten dizkiete, inkestatu bakoitzaren pertzepzioan eragiteko, iritzia eman dezan. Bi taldetan banatu dituzte galdetegiak. Batzuetan, bakardadeaz galdetzen dute; besteetan, depresioaz. Bakardadeaz galdetzean, hiru kartelen artean aukeratu behar dute […]

«Garrantzitsua da moda niretzat, zoriontsu egiten nau estetikak» »

«Nire kasara diseinatzen hastea oso baztertuta daukat», dio Txomin Plazaola (Zumaia, 1978) moda diseinatzaileak. Gustura dago Bartzelonan, Armand Basirentzat lanean. «Arropa zure izenean egiten duzunean, prezioek ezin dute konpetitiboak izan, areago kalitatezkoa egin nahi baduzu. Eta zail ikusten dut aktoreren batek Oscarretara nire soinekoren bat eramatea». Zerk erakarri zintuen moda mundura? Txikitan amaren arropa moldatzen zenuen horietakoa al zinen? Beti gustatu izan zait arropa, eta gaztetatik jolastu izan dut horrekin. Baina diseinua ikasten hasi nintzenean ez nuen oso argi arropa egiten hasiko nintzenik. Donostian eskolan hasi nintzenean, interiorismoa nuen buruan. Gero, grafikoa gustatzen hasi zitzaidan, eta lehen maila amaitzear nintzela konturatu nintzen moda diseinua nuela gustukoen. Orduan, Bartzelonara joan nintzen. Udan girotzeko ikastaro bat egin ostean, bigarren mailara sartu nintzen zuzenean, Escola d´Arts i Tecniques de la Moda-n. Ramon Llull unibertsitatearekin bat egin zuen ondoren. Eskola ona zen. Baliabide asko ez bazuten ere, irakasleak oso onak ziren. Asko ikasi nuen, eta izan ditudan lan guztiak, azken hau izan ezik, irakasleen bidez lortu ditut. Irakasleak industriarekin zuzeneko kontaktua zuten. 2002an sari bat irabazi zenuen, Creamodan, Bilbon. Horrek ere ateak irekiko zizkizun, ezta? Ba ez pentsa. Euskal Herrian ez dago moda industriarik, eta niri behintzat inork ez zidan deitu saria irabazi ostean […]

Jakintza ikastolak ihauterietako desfilea egingo du gaur zortzi »

Ordiziako Jakintza Ikastolak ihauteri festa ospatuko du gaur zortzi, martxoaren 4ean. 15:00etan hasita, herriko kaleetan barrena desfilea egingo dute, aurten, euskal ihauteriak gaitzak hartuta. Ekitaldiari 16:30ean emango diote bukaera, Barandiaran pla…