Gizon bat atxilotu dute hainbat haxix zati lurrera bota ostean »

Ertzaintzak 40 urteko gizon bat atxilotu zuen igande goizaldean ustez haxix zati batzuk lurrera botatzen ari zela. Herrizaingo Sailaren arabera, haxix zati horiek saltzeko prest zeuden, eta ertzaintzak ikusi zituenean horiek bota zituen. Gaineratu dute…

Jon Maia elkarrizketatuko du gaur gauean Mikel Markezek »

Euskadi Irratiko Kaja beltza saioan Jon Maia bertsolari zumaiarra izango da protagonista gaur gauean. Mikel Markez irratsaioko aurkezle aiarrak gonbidatu du estudiora, eta musikari buruz ariko dira biak 21:00etatik aurrera.

Gabiriako Udalak 481.470 euroko aurrekontua izango du, iaz baino 19.000 euro gutxiagokoa »

Gabiriako Udalak 481.470 euroko aurrekontua izango du 2012 urterako, iaz baino 19.000 euro gutxiago. Jaitsiera hori batez ere bi faktorek eragin dute. Batetik, etxebizitzen eraikuntza geratu egin denez, udalak diru sarrera gutxiago izango du, eta bestetik, Foru Funtsaren 2009ko itzulketengatik 2012an iaz baino 19.000 euro gutxiago ordaindu beharko ditu. Sarrerei dagokionean, dirurik gehien transferentzien bidez jasoko du udalak, hau da, 342.620 euro. Zuzeneko zergekin berriz, 83.200 euro bilduko ditu udalak. Gastuen atalean, ondasunari eta zerbitzuari dagozkion gastuak ordaintzen erabiliko du diru gehien: 231.510 euro. Bestalde, pertsonal gastuak ordaintzeko 129.523 euro gastatuko ditu aurten. Gabiriako Udalak jakitera eman duenez, «egoera ekonomikoa ez da samurra» eta horregatik aurtengo urtean udal langileen soldatak ez igotzeko erabakia hartu du. 50.000 euroko diru-gerakina Sarrerak eta gastuak behin zehaztuta, aurtengo aurrekontuan inbertsioetarako dirurik ez du izango Gabiriako Udalak. Dena den, 50.000 euroko diru-gerakina geratuko zaiola aurreikusten du. Diru kopuru horrekin zein diru-laguntzen bidez jasotzen duenarekin bi proiektu gauzatzeko asmoa du. Batetik, Ugaran auzoan telebista errepikagailua ipiniko du, eta bestetik, herrigunean dagoen haurren parkea berrituko du. Ekipamendua eta zorua aldatuko dizkiote parke horri, Ibon Elgarresta Gabiriako alkatearen hitzetan «bata zein bestea egoera kaskarrean baitaude».

Javier Maria Sadak Donostiako danborradari buruz hitz egingo du Loiolako Erriberan »

Ostegunean, Loiolako Erriberako Iesu parrokian izango da Javier Maria Sada kronikaria. Orígenes y desarrollo de la tamborrada donostiarra hitzaldia emango du 19:30ean. Danborradari buruzko azalpenak emateaz gain, irudi batzuk ere proiektatuko ditu.

Xanet Imazek irabazi du Bost Herrien Arteko Pilota Txapelketako finala, nagusietan »

IX. Bost Herrien Arteko Pilota Txapelketako txapela Xanet Imaz segurarrak jantzi du helduetan, Unai Atxa zagamarrari 22 eta 21ko emaitzarekin irabazi eta gero. Pilota txapelketako finalak Zerainen jokatu zituzten igandean, urtarrilaren 8an,  goizeko h…

Igor Elizegik eraman du Itzalako saskia »

Itzala tabernako saskia Igor Elizegi Txikitok etxeratu du, berak baitzuen abenduaren 28ko Itsuen zozketako azken hiru zenbakiekin bat zetorren txartela. Antolatzaileek berari eta parte hartu duten guztiei eskerrak eman dizkie  

Ibarrako Merkatarien Elkarteak gabonetako zozketako zenbaki sarituak atera ditu »

Gaur eguerdian Ibarrako Merkatarien Elkarteak Gabonetako Kanpainaren zozketa egin du. Hiru erosketa txartel dira zozketatu dituztenak: 100, 200 eta 300 eurokoak. Elkarteko bazkide diren dendetan erosketak egin ahal izateko dira. Hauek izan dira zenbaki saridunak: 2.259 zenbakia duenak, 100 euroko txartela eskuratu du; 5.021 zenbaki sarituak 200 euroko txartela jasoko du, eta 1.122 zenbakia duenari, 300 euroko erosketa txartela egokitu zaio. Saridunak, hilaren 23a, astelehena, 13:30ak baino lehen agertu beharko dira. 943 67 02 44 telefono zenbakira deitu, eta txartel irabazlea aurkeztu beharko dute. Hauetakoren bat ez balitz agertuko, saria eman gabe geratuko litzateke.

Bidezko merkataritzak 3.850 euro bildu ditu bi aste eta erdian »

Bidezko merkataritza bi aste eta erdian egon da zabalik gabonak direla eta. Pasa den ostegunean itxi zuten Torre Zurin jarrita zeukaten denda. Guztira 3.850 euro lortu dituztela jakinarazi dute. Antolatzaileek jakinarazi dutenez, ez da asko, baina iaz …

Binakako txapelketako kanporaketa galdu dute Azurmendik eta Atutxak »

Eusko Label Binakako Txapelketako lehen kanporaketa galdu egin dute Iñaki Azurmendi arriarandarrak eta Aitzol Atutxa bizkaitarrak. Herenegun jokatu zuten Joseba Otaegiren eta Unai Otañoren aurka, eta bikote gipuzkoarrak bi minutu eta erdiko aldeareki…

Udal Euskaltegian izena emateko epea ireki dute »

Udal Euskaltegian matrikula egiteko epea irekita dago, hilaren 18ra arte. Aurrez-aurrreko eskolak, autoikaskuntza eta azterketa ezberdinak (HABE, EGA, Osakidetza, Irale…) prestatzeko aukera eskaintzen dute aurten ere.
Matrikula egiteko eta infor…