Tren zerbitzuan 48 mila eserleku gehiago »

Renfek Donostiako eta Tolosako inauterietarako zerbitzu osagarriak jarri ditu martxan. Horrela, hilaren 19tik 21era, 48.000 eserleku gehiago egokituko ditu tren zerbitzu bereziei esker. Aldiriko zerbitzuak 07:30ak arte egongo dira, eta gaur 39 tren ber…

Amezketako udalbatzaren ohiko bilkura, hilaren 23an »

Udalbatzak ohiko bilkura hilaren 23an, ostegunean, egingo du udaletxean. 20:00etan hasiko den batzarrean, besteak beste, ondorengo gaiak jorratu eta bozkatuko dituzte: Naturgas eta Union Fenosa Gas enpresen likidazioak, eta alkatearen ordainsariak

Karrozez eta konpartsez beteko dira Tolosako kaleak »

Dianak esnatuko ditu gaur tolosarrak, eta ohetik altxa, mozorroa jantzi eta kalera ateratzeko eskatuko die. Inauteriak baitira Tolosan! Gaur da egun handietako bat, Zaldunita. Irudimenaren, kolorearen eta umorearen erakusleiho bihurtuko dira Tolosako k…

Aisialdi taldeen txanda »

Urteko egunik berezienetakoa izan ohi da biharkoa aisialdi taldeko kideentzat. Euren ikuskizuna eskaintzen dute kaleetan, elkarrekin bazkaldu, eta zezen festara joaten dira, eta arratsaldean emanaldiarekin jarraitzen dute. Egun betea, gaztetxoek nahiz helduek primeran pasatzen dutena. Aisialdi taldeetako begiraleek astelenitako gaia erabakitzen dute lehendabizi, eta ondoren gai horrekin ondo doazen musika aukeratu eta dantza diseinatzen dute. Ondoren, hori guztia praktikan jartzeko txanda izaten da, taldeetako kide guztiak dantzan jarriz. Urte berriarekin batera-edo hasi ohi dira entseguekin. Hauek, normalean, larunbatetan egiten dituzte taldeetako egoitzan edota kiroldegi edo plazetan. Kide ugarik osatzen dituzte taldeak, eta adinez, berriz, bost urtetik gorako haurretatik hasi eta gurasoetara bitartekoak izan ohi dira. Beraz, pausoz pauso, gutxinaka gutxinaka, ikasten dituzte dantzak, partaide guztien dantzarako trebezia ez baita maila berekoa. Behin dantza hasieratik bukaeraraino ederki ikasita dagoenean, Astelenita goizeko entsegu orokorra baino ez da geratzen. Hori egin, eta guztiak prest dira San Frantziskoko eskenatokian euren lana estreinatzeko. Jendetza izango dute bertan zain. 11:00ak ingururako dantzan izango dira aisialdi taldeetako kideak, ibilbidea bi taldetan banatuta egingo dutelarik. Hiru talde San Frantzisko kalearen hasieratik, hau da, tren geltokira doan bidegurutzearen paretik abiatuko dira, eta beste hirurak, berriz, Rondilla kalearen bukaeratik. Ikuskizuna bazkaltzera joan bitarte eskainiko dute, eta baita zezen festaren ostean […]

Abaltzisketan eta Amezketan makil hotsak entzungo dira gaur »

Gerra garaian galdutako ohiturari irmo eusten diote Abaltzisketan eta Amezketan, eta batean zein bestean, baserriz baserri ariko dira gaur txantxoak eta talaiak euren dantzaren ordainetan mokadutxo ederrak hartuz. Abaltzisketan gaur ospatuko dituzte inauteriak. 08:00etan egiten dute hitzordua txantxoek baserrietako ibilbideari ekiteko. Zortzi dantzari, akordeoi jotzailea, saskia daramana eta nagusiak osatu ohi du taldea. Baserrira iritsi aurretik nagusiak adarra jotzen du iristear direla ohartarazteko. Erratza pasatzen dute dantza egin behar duten lekuan, eta ondoren makil dantza egiten dute. Amaitutakoan baserritarrek jatekoa eta edatekoa eskaintzen diete indarrak berritzeko. Goizean zehar, elizaren aurrean ere egingo dute dantza, eta ibilbidea amaitzean bazkaltzera joango dira. Txantxoak alkandora eta galtza zuriak, gorbata beltza, gerriko gorria eta bi zapi sorbaldan gurutzatuta janzten dira. Garai batean, baserrietan biltzen zutena ostatuan saldu eta diru horrekin bapo afaldu eta festak antolatzen zituzten. Amezketan, gaur eta bihar Bestalde, Amezketan gaur eta bihar izango dira talai dantzariak. Kasu honetan neska-mutilez osaturiko taldea mahoizko galtzekin, alkandora txuriz, gerriko eta txapela beltzez, abarkekin eta zapi koloretsuz jantzita irteten dira. Abaltzisketan erabili ohi duten doinu berarekin dantzatzen dute, baina euren kasuan, dantza arinagoa da. Bai batean zein bestean, inauteriak heldu direla iragartzen duten makil hotsak izaten dira protagonista. EGITARAUA Abaltzisketa Otsailak 19, igandea. 08:00: Dantzariak, […]

Kolorez jantzi da herria »

Herriko konpartsek herriko kaleak alaitu dituzte. Lau talde atera dira: yeyeak, euskal girokoak, kabaret estilokoak eta Veneziako inauterietakoak. Bakoitzak bere ekarpena egin dio herriko inauteriei hamarnaka eta hamarnaka ikusleren aurrean. Bihar ere…

Argazkiak: Mozorro festa Torreberrin »

Larunbat arratsaldean inauteri giro ederra izan da Torreberri inguruan. Gaztetxean, Inpernupeko Joareek antolatutako bertso bazkaria; kanpoaldean, berriz, mozorro lehiaketak. Umorea ez zaio falta jendeari, eta ez da gutxi bizi ditugun garaiotan…

Barriola-Gonzalezek 22-13 galdu dute Iruñean »

Eskuz binakako pilota txapelketaren partida jokatu du gaur Abel Barriolak Iruñeko Labriten. Martinez de Irujo gaixo aurkitzen zenez, bere lekua Xebastian Gonzalezek hartu du. Aurkariak Xala-Laskurain ziren, eta partida irabaztea lortu dute, 22-13ko em…

Inauteriak rock doinuekin »

Rock doinuekin ospatzen ari dira herritarrak 2012ko Inauteriak. Rockbox elektrotxarangarekin kalejiran, mozorrotutako hainbat lagun ari da pilatzen herrian. Kolore guztietakoak eta era guztietakoak, baina guztiak ongi pasatzeko prest. 20:15ean, koadri…

Dantzari txikiek jarri diote kolorea Tolosari »

Ia 300 haur elkartu dira Inauterietako Dantzari Txiki egunean. Trianguloa plazan elkartu dira guztiak, eta herriko kale eta plazak alaitu dituzte beraien dantzekin. Kolorea jarri diote Zaldunita Bezperako goizari. Txaranga doinurik ez da faltatu, eta …