Sentipenak adierazteko marrazketa tailerra antolatu du Bekoz Bekok »

Action Painting deritzon tailerra antolatu du Bekoz Beko elkarteak. Martxoaren 10ean eta 17an egingo dute marrazketa mota horren tailerraren saioak, Kexaldin elkartean (Antxo). Helduei eta haurrei zuzenduta dago. Interesa duenak 679 33 24 11 (Izaskun) …

Ezker abertzaleak agiri bat plazaratuko du, otsailaren 26an, Kursaalen »

“Euskal Herrian bakea eta eszenatoki demokratikoa eraikitzeko” ekarpena egingo du, hilaren 26an, ezker abertzaleak. Horixe aurreratu dute egun horretan egingo duten ekimena aurkezteko agerraldian. Ekitaldia Donostiako Kursaalen izango da, 12:00etan. Otsailaren 26an, agiri bat plazaratuko dute Kursaalen, bost ardatz hauetan oinarrituta:  bakea, Euskal Herrian eraikitzeke dagoen helburua; gatazkaren ondorioentzako erantzuna; aitortza sustatu, elkarrekiko errespetutik abiatuta; Euskal Herriak daukan egia ezagutzeko premia; eta elkarrizketa eta akordio demokratikoa, berriro ez errepikatzearen bermeak.  

Mozorrotzen hasi dira getariarrak »

Indiarra eta cowboy-ak zaldi gainean, pirata maltzurrak, pailazo koloretsuak, animalia exotikoak… baita txakolin botilak eta mahatsak ere. Getariarrek gogoz heldu diote Inauteriei. Eguzkia lagun, pixkanka-pixkanaka mozorrotuta kaleratzen ari dir…

Kalejirarekin ekin diote Inauteriei Zumaian »

Atzo arratsaldeko Zumaiako Musika Bandaren Inauterietako kalejirari segida emanez, Iraunkorrak txarangak hartu du gaur eguerdian herria girotzeko lekukoa. Erribera kaletik abiatuta, herrian barna aritu dira zumaiarrak jaira deituz. Oraindik goiz bazen…

Segurako herrigunearen altxorren berri antzezpen bidez kontatu dute »

Segurako turismo zerbitzuak kudeatzen dituen Aldabe taldeak bisita gidatu antzeztua egiteko aukera eman du gaur goizean. Erdi Aroko herri-bilduan dauden hainbat eraikin historiko eta azpiegitura berezi kontakizun antzeztuaren bitartez ezagutarazi dituzte. Berrogei-bat laguneko bisitari taldea elkartu da, eta ordubeteko txangoan jauregiak, ateak, karkaba eta bertako kontakizun ugari ikusi eta entzuteko modua izan dute. Eguerdian Ardixarra etxearen parean hasi da ekimen berezia. ‘Maritxu’ herritarrak gidatu du itzulia, uneoro azalpenak emanez eta elementu arkitektoniko zein historikoen berri azalduz. Bidean ‘Ixabel’, sorgina eta erromesa ere agertu dira. Segurako hiribildua XIII. mendean nola eraiki zuten aipatu, eta Erdi Aroan kokatu du antzezleak kontakizunaren denbora. Bisitariak, berriz, Gaztelatik iristen ziren merkataritzat hartu ditu. Garai hartako etxeen egitura eta banaketa jakin ahal izan dute bisitariek: zurezko egitura eta harrizko hormen artean, behean ukuilua egoten zela, animalien hatsarekin etxeari epeltasuna emateko baliatzen zena, bide batez. Lehen solairuan sukaldea, “etxeko areto handiena eta beronea”; gainean logela txikiak, eta goian ganbara, uzta-gaiak jasotzeko. Armaolak, burdinolak, aldaolak… Segurako antzinako industriaren pisua ere hizketagai izan dute turismo-gidariek. Zeraingo Atea, Nafarroako Atea, “Ate txikia”, eta horiek defendatzeko sistemak, harresia eta babes neurriak ikusi dituzte gero. Gebara jauregia eta Lardizabal jauregia bereziki aipatu dituzte. Plaza buruan, aurrerago, zain zuten Jose Luis Etxeberria Ariztimuño. […]

Larunbat inaute alaia eta argia, Goierri osoan »

Inauterietako hirugarren eguna ari dira ospatzen, gaur, Goierriko herri askotan. Aurreko bi egunak batez ere ikastetxeetako haurrek hornitu dituzte, eta asteburuarekin batera helduagoak ere batu dira festara. Seguran, esate baterako, Hartzaren Esnaera …

Joseba Agudoren absoluzioa eskatu du Eleak mugimenduak »

Joseba Agudo abokatua datorren asteazkenean (hilaren 22a) Audientzia Nazionalean epaituko dute eta horren aurrean Agudoren “absoluzioa eta epaiketa politiko guztien amaiera” eskatu du Eleak mugimenduak. Epaiketaren egun berean, elkarretaratzera deitu du mugimenduak. Niessenen izango da, 20:00etan. “Eta zergatik epaituko dute? Hain zuzen ere, bere lana, abokatu lana, duintasunez betetzeagatik”, azaldu du Arantxa Urbe Eleak-eko kideak. Villenako (Alacant, Herrialde Katalanak) espetxean dagoen preso oreretarrak zortzi urtez Latinoamerikako, Afrikako eta Europako hainbat herrialdetan lan egin zuen euskal deportatu eta errefuxiatuen defentsan. “Bere atxiloketa erabat mediatikoa izan zen, komunikabideek atxiloketaren berri eman zuten hura gertatu baino ordu asko lehenago”, esan du Urbek. Agudoren kasuan oinarrizko eskubideak urratu direla salatu dute: “Pertsona orok eskubidea du bere burua defendatzeko eta konfiantzazko abokatua izateko. Abokatu orok, era berean, pertsonak askatasun osoz defendatzeko eskubidea du. Beraz, argi dago oinarrizko bi eskubide horiek urratu direla”. “Gehiegikeriak hauek ezin dira ulertu” Eleak mugimenduaren esanetan, “Euskal Herriaren aurkako gehiegikeria hauek ezin dira ulertu egun bizi dugun egoera berrian. Benetako bake eszenatoki eta irtenbide demokratikorako urratsak eman nahi ditugu legez kanpo uztearen ondorioz egun kartzelan edota auzi-bidean dauden ehunka pertsonekin batera, eta epaitegietatik datozkigun hainbat erabaki, bide horren aurkako logikan kokatuta daude”. Hori horrela, eskubide guztien aldeko “harresia” beharrezkotzat jo dute. […]

Zaldunita Bezpera giro onean esnatu da »

Eguzkia nagusitzen joan da Zaldunita Bezpera esnatzen ari zela, eta giro onean egin dira aurreikusitako ekitaldiak: dantzari txikien kalejira, erraldoi eta buruhandiak, Kabi Alai txaranga, eta Aiz-Orratzek jarri duen tren txu-txua, haur danborradak 50….

«Gauzak erabat prestaturik izan arte urduri egoten naiz» »

Antxon Iglesias, Inauterizalea Ibartarra izaki, ederki ezagutzen ditu Tolosako inauteriak Antxon Iglesiasek. Beretzat Kirikiño aisialdi taldearekin, Astelenitan igarotzen duten eguna da politena. Nola bizitzen dituzu Ostegun Gizen bezperako egunak? Gauzak erabat prestatuta izan arte nolabaiteko urduritasuna sentitzen dut. Egun horiek azken prestaketak egiteko izaten dira, eta horregatik tentsio pixka batekin bizitzen ditut. Inauterietako egunik onena? Astelenita. Txantxangorrirekin lehendabizi, eta Kirikiño aisialdi taldearekin ondoren, urtero urtero ateratzen naizenez, oso berezia da niretzat. Horrez gain, Zaldunitako Dianaren unea ere asko gustatzen zait. Zer dira zuretzat Tolosako inauteriak? Eguneroko bizimodutik irtetea. Guztia ahaztea, eta alaitasuna, poza eta askatasuna sentitzea. Mozorroa ala txilaba? Mozorroa. Agian, lehen txilaba janzteko ohitura handiagoa zegoen. Orain, ordea, mozorroturik ikusten da jende gehiena. Nola mozorrotuko duzu aurtengoan zure burua? Kirikiño aisialdi taldean 25 urte egiten ditugu, eta nik inauterietan izan genuen lehendabiziko mozorroa jantziko dut Astelehenitan. Heidiz eta Pedroz irten ginen konpartsarekin dantzatzera gure lehenengo urtean, eta ni Heidiren aitona izan nintzen. Oso oroitzapen ona gordetzen dut urte hartatik, eta ilusio berezia egiten dit mozorro hura errepikatzeak. Beste egunetan, indioz edo bakeroz jantziko naiz, aurreko urteetan bezala. Bereziki gogoratzen duzun mozorrorik? Barrearen aurkako Britaniar ligaz jantzi ginen urte batean. Britaniar moduan jantzi ginen, eta barre egitea debekatuta zegoela zioten […]

Portuko eta Alde Zaharreko bizilagunek egoiliar txartela berritu dezakete »

Egoiliar txartela berritu nahi duten Portuko zein Alde Zaharreko bizilagunek aukera dute dagoeneko. Horretarako, BAZ Biztanleriaren Arreta Zerbitzura jo behar da ordainagiriarekin (postaz bidaliko zaie bizilagunei ordaindu beharrekoa). 2011ko egoiliar txartela hilaren 24a arte balioko du. Biztanleriaren Arreta Zerbitzua astelehenetik ostiralera 09:00etatik 13:30era eta 16:00etatik 18:00etara egongo da zabalik, eta larunbatetan 10:00etatik 13:30era. Portuko txartelarekin San Pedro, Zuloaga, Santiago, Almirante Alonso kaleetan, Bidasoa ibilbidea, Arrantzale auzoan eta Bentako aparkalekuan utz daiteke ibilgailua. Alde Zaharrekoarekin, berriz, Uria Harresian, General Leiban eta Bordari zein San Nikolas kaleetan. Hondartzarako txartelik ez Aurten ez dute hondartzarako eta inguruko guneetarako egoiliar txartelik egingo, “Eusko Jaurlaritzako Portu Sailak eremu hura erabiltzeko administrazio emakida berritu arte”, Hondarribiko Udalak adierazi moduan. Horren eraginez, hondartzako egoiliar txartela zutenek, ez dute Bentako aparkalekuan murrizketarik izango.