Portuko eta Alde Zaharreko bizilagunek egoiliar txartela berritu dezakete »

Egoiliar txartela berritu nahi duten Portuko zein Alde Zaharreko bizilagunek aukera dute dagoeneko. Horretarako, BAZ Biztanleriaren Arreta Zerbitzura jo behar da ordainagiriarekin (postaz bidaliko zaie bizilagunei ordaindu beharrekoa). 2011ko egoiliar txartela hilaren 24a arte balioko du. Biztanleriaren Arreta Zerbitzua astelehenetik ostiralera 09:00etatik 13:30era eta 16:00etatik 18:00etara egongo da zabalik, eta larunbatetan 10:00etatik 13:30era. Portuko txartelarekin San Pedro, Zuloaga, Santiago, Almirante Alonso kaleetan, Bidasoa ibilbidea, Arrantzale auzoan eta Bentako aparkalekuan utz daiteke ibilgailua. Alde Zaharrekoarekin, berriz, Uria Harresian, General Leiban eta Bordari zein San Nikolas kaleetan. Hondartzarako txartelik ez Aurten ez dute hondartzarako eta inguruko guneetarako egoiliar txartelik egingo, “Eusko Jaurlaritzako Portu Sailak eremu hura erabiltzeko administrazio emakida berritu arte”, Hondarribiko Udalak adierazi moduan. Horren eraginez, hondartzako egoiliar txartela zutenek, ez dute Bentako aparkalekuan murrizketarik izango.  

Aulestin eta Gizaburuagan bihar ospatu ditzute inauteriak eta Amoroton martitzenean »

Aulestik eta Gizaburuagak bihar atarako dituzte morroak kalera, inauteri eguna ospatzeko. Egunerako hainbat ekimen antolatu dituzte bi herrietan. Aulestiarrek ondoko egitaraua prestatu dute egunerako: 12:15. Kalejira  LEXURI eta MIRARI trikitilariekin. 12:30. Inauteriri ongi etorria. 12:00etatik 14:00etara eta  15:30etatik 18:00etara. Jolas parkea. 12:45. Kuadrilen antzezpena kantoko aurretik. 13:30. Kontzentrazinoa plazan  “Euskal preso politikoen eskubideen alde”. 14:00. Umeentzako herri bazkaria Mariano tabernan (kroketak, oilaskoa eta postrea). 14:45. Mozorro onenentzat sari banaketa: Kuadrilla onenari 80 euro eta urte beterako trofeoa. Bakarkako onenari 20 euro eta urte beterako medaila. Oharra: Ez da bakarrik mozorroa puntuauko, antzezpena be bai. 15:00. Nagusientzako herri bazkaria Mariano tabernan (entsalada, kroketak, gisatua, postrea, eta kafea). 18:00. DJ REFEREE (Iraitz Olaizola). Gizaburutarrek, ohitura duten legez, herritarrak disfrazatzeko gai bat poposatu dute. Aurtengoa, Munduko herrialdeak da. Eta egunerako prestatu duten egitaraua ondoko da: 12:00etan: Disko barrikote Txokoan (sagardoa, txorizoa eta gazta). 14:30etan: bazkaria Herriko Tabernan (nagusiak 18 euro, umeak 10). 15:00etan: umeentzako ludoteka, arratsaldeko zazpiak arte. Amoroton, ostera, ospakizun eguna martitzen aizango da. Eskolatik kalejiran atarako dira guraso, irakasle eta ikasleak eta herriko kaleetan zehar ibiliko dira. Ostean, frontoian antzerkiak eskainiko dituzte.  

Erraldoi-buruhandiak eta dantzariak elkarrekin aterako dira kalera »

Gaur, 13:00etan, erraldoi-buruhandien konpartsak eta Gure Ametsako dantzariek prestatuko ikuskizuna eskainiko du. Herriko kaleetan zehar kalejiran aterako dira, eta ostean, inauterietarako expreski prestatutako dantzak eskainiko dituzte. Bi taldeen art…

50 urte danborra astinduz »

Mende erdia pasatu da Tolosan lehen haur danborrada egin zela. Aiz-Orratz elkarteak jarri zuen martxan, eta inauterietako egitarauan leku garrantzitsua du. Ehunka haurrek parte hartzen dute, eta gaur, danborradaren 50. urteurrena ospatzen den egunean, ia 500 haur ariko dira danborra jotzen. Egun esanguratsu honetan, ekitaldi berezia prestatu dute: trena ibiliko da Tolosan zehar itzulika, nahi duenarentzat, 11:00etatik 13:30era. Danborradan ere erabiliko dute trena: bertan joango dira aurreko larunbatean egindako mozorro lehiaketako irabazleak. Elkarteko Luis Collado izan zen haur danborradaren bultzatzailea. 1962an egin zen lehenengo aldiz eta 75 haur inguru atera ziren. Danbor joleek kosako jantzia eraman zuten, helduen danborradan Aiz-Orratzek janzten zuen berdina. Geroago beste jantzi batzuk ere izan ziren, sukaldariena eta arrantzaleena kasu. Hain justu, danborrada izango den garaian tren txu-txuan zenbait haur joango dira jantzi horiekin, historiari errepasoa egiteko. Egun aldaketa 50 urte hauetan aldaketak izan dira. Nabarmenena, Astelenitatik Zaldunita Bezperara aldatu zutela ekitaldiaren eguna, orain hamabost urte inguru. Xabier Otaño Aiz-Orratz elkarteko kideak gogoan duenez, «haurrak danborrada bukatu eta presaka elkartearen ondoan aldatzen ziren arropaz eta aisialdi taldeetara joaten ziren, beraien ikuskizunetan parte hartzera. Azkenean, erabaki genuen egunez aldatzea eta, horrela, larunbatean jarri genuen». Haur danborradaren hasieratik erregina eta damak aukeratzen zituzten, baina bertan behera utzi zuten, […]

Preso eta iheslarien eskubideen alde txotx egiteko aukera, Lapurdin »

Euskal preso eta iheslariak inauterietan presente daude. Lehen egunetik azken egunera, jaiaren parte izango dira gainera, eurei elkartasuna eta laguntza bideratzeko, Lapurdi plazan sagardotegia jarri baitute. Euren eskubideen alde txotx egitea, ohitura bilakatu da, aurtengoa inauterietako sagardotegi alternatiboaren XIII. urteurrena izango baita. Sagardotegiko menua, Isastegiko sagardoa, ardoa, poltsikora neurtutako prezio bereziak… Belate auzoan dagoen plazan, jaia berotzen hasteko aukera bikaina eskaintzen du elkartasun sagardotegiak. Urtez urte, sendotzen Testua lehen pAntolaketa lanekin duela hilabete inguru hasi ziren Herrira ekimeneko kideak. Muntaiarekin azken aste honetan hasi dira. Auzolana da beraien lan eredua, eta horretarako eskualdeko hainbat herriri laguntza eskatzen diote, batez ere, inauterietan turnoak egiteko. Gauzak horrela, guztira 120 lagun inguru jartzen ditu lanean inauterietako sagardotegiak: zazpi txanda, 15 lagun turno bakoitzeko, antolaketa lanak… «Tolosarrok sagardotegiaz gain, beste hainbat lan izaten ditugu inauterietan, eta horregatik, eskualdean laguntza eskatzen dugu. Urtero moduan, Ibarra, Zizurkil, Elduain, Leaburu, Ikaztegieta eta abarretik hainbat jende etortzen da esku bat botatzera», azaldu dute Tolosako Herrirako kideek. Karpa batean, txikian, sukaldea jartzen dute, parrilla eta guzti. Bigarren karpan, handian, jangela egokitzen dute: 200 lagunentzat egoten da lekua bertan, gutxi gora behera. Ostegun Gizenetik Asteartitara ateak zabalik izaten ditu preso eta iheslarien eskubideen aldeko sagardotegiak. Egunero afariak ematen dituzte, eta […]

Pasaia-Lezo Lizeoko inauteriak, kolororetsuak eta jendetsuak »

  Pasaia-Lezo Lizeoko ikasleek inauterien barruko emanaldia egin dituzte gaur. Goizean, Lezon egin dute ikuskizuna. Arratsaldean, berriz, Antxoko, Donibaneko eta san Pedroko egoitzetako ikasle gazteenen txanda izan da. Ondoko irudiak Antxoko ikuskizunekoak dira.

Norman Bates Zumaiako kaleetan »

Argazkia: Gorka Zabaleta

Txori Txiki Musika Eskolaren eskutik, hainbat haur eta helduk hartu dute parte gaur arratsaldean Mamu festa kale ikuskizunean. Musika Eskolatik abiatu eta kalejira egin dute Erribera kaletik barrena, Ondartxoko plazara…

Mozorro artean »

Inauterien jaian murgiltzeko prest? Jantzi mozorroa eta atera kalera. Hiriko konpartsak jada hasi dira mozorro festarekin, eta astelehena arte ez dituzte mozorroak kenduko. Hainbat herritarrek bat egingo dute jaiarekin. Parte Zaharreko Kantujirakoak ere mozorrotu egingo dira bihar, larunbata. Egitarau zabala eskainiko dute asteburuan hainbat konpartsek. Bulebarretik eta Kontxa pasealekutik Kixote parodia egingo dute egun osoan. Goizean, Amaran, mozorro leihaketa egingo dute eta gaia 70eko urteak eta disko giroa izango dira. Inauterietako kabalgata 17:00etan hasiko da larunbat eta igandean, eta Erdialdea zeharkatuko du. Haurtxo Zaratatsuak (Los Bebes de la Bulla), Antiguatarrak dantza taldea, Gari, Montxo eta Joselontxo pailazoak… Astelehenean helduko da inauteriei agur esateko ordua. Sardinaren ehorzketa 19:30ean izango da. Bilbo plazatik Bulebarreraino joango dira deabruak, nekromantikoak, dragoiak, eta beste hainbat pertsonaia. Deabru Beltza taldeak su danborrak eramango ditu. Sardina 20:00etan erreko dute Bulebarrean. Eta mozorrotuta joaten direnek salda beroa eta txorizo egosia hartu ahal izango dute.

Gizonezko bat hil da Olaberrian, auto istripuan »

Gaur arratsaldeko 18:30ean, bi autok elkar jo dute N-1 errepidean, Olaberria parean. Ezbeharraren ondorioz, gidarietako bat hil egin da. Ezbehararren ondorioz, errepidea itxi egin behar izan dute Gasteizko norantzan, eta auto ilada luzeak sortu dira. H…

Alex Uranga: "Pena izan da, baina hor lehiatzeko maila daukadala erakutsi dut" »

Gogo eta ilusio handiarekin joan zen Alex Uranga Hawaiiko bodyboard probara, baina zorte pittin bat falta izan zaio txapelketan aurrera egiteko. Baleike-k berarekin hitz egiteko aukera izan du: “Maila handiko saioa izan da gurea, puntuazio oso altuak e…