Aldaban, euskal artzainei buruzko dokumentala »

Aldaban Ameriketarako joandako euskal artzainei buruzko dokumentala ikusteko aukera egongo da gaur, 19:00etan, Intxur auzo elkartean.

Gazteak, su artean gustura »

Basque Culinary Center gastronomia eskolak antolatuta, Euskal Herriko, Espainiako eta Herrialde Katalanetako hemeretzi gaztetxo udaleku berezi batzuez gozatzen ari dira egunotan. Beizamako aterpetxean elkartuta, udaleku gastronomikoak egiten ari dira. 15 eta 17 urtekoak dira eta, sukaldean ikasteaz gain, elkarlaneko eta elkarbizitzako balioak lantzen ari dira bertan. Aitzol Sugasti sukaldaria dute gidari udalekuetan, eta Markel Gibert eta Jon Abaitua dira sukaldeaz kanpoko ekintzez eta betebeharrez arduratzen diren hezitzaileak. Motibazioa eta jakin-mina Zugastik eta hezitzaileek zerbait nabarmentzen badute, gaztetxoen «ikasteko gogoa» da. «Batzuek bokazio handia dute, bada bat, adibidez, 11 urterekin sukaldaritzako liburuak irakurtzen hasi zena», dio Zugastik. Bost ikaslek Basque Culinary Centerren ikasteko asmoa dute; beste batzuk, sukaldaritzan oso ondo moldatzen dira eta, badira, sukaldean asko jakin gabe ere, ikasteko asmoz etorri direnak. Baina, «motibazio handia» dutela diote, «lana oso ondo egiten dute guztiek, oso talde ona da», diote arduradunek. Lehengaiak jatorrian ezagutu Egun bakoitzean gai baten inguruan ari dira lanean, baina, batez ere, lehengaiak hartu dituzte ardatz. Beizamak bertan eman die lehengai horiek ezagutzeko aukera, naturarekin etengabeko harremanean baitaude han. Herenegun Beizamako Leunda baserrian izan ziren Jon Arrutiren behiak ezagutzen, eta atzo Amenabar baserriko baratze ekologikoa ezagutu zuten. Irteerak ere egin dituzte, ordea. Tolosara egin zuten lehena, eta Fronton jatetxeko […]

Iñaki Iturrik entrenatuko ditu Artibaiko nagusiak »

Artibai Futbol Taldeko Lurraldeko Lehen mailako taldeak entrenatzaile barria izango du datorren denboraldian. Zuzendaritza batzordeak Iñaki Iturri aukeratu du postu hori betetzeko. Artibai Futbol Taldeko Zuzendaritza Batzordearen helburu nagusia, nagusien taldea lehentasun mailara igotzea da. Horrela, datorren denboraldirako, emaitzak eta giro hobea lortu dezakeen entrenatzailea bilatu dute. «Pertsona diziplinatua, esperientziaduna eta taldea lan dinamika batean sartzeko gai den entrenatzailea nahi genuen eta gure ustez, Iñaki Iturrik bete ahal ditu helburu horiek», esan dute. Bere aldetik, Iñaki Iturrik, ilusioagaz hartu du erronka. Bere asmoa, partiduz partidu, «oinak lurrean edukita» joatea da. Bere ustez, talde polita daukate, gazte eta beteranoekin osotutako bloke sendoa», eta lan egiteko gogoagaz daude. Bueltan Iñaki Iturri ez da barria Artibai Futbol Taldean. Prestatzaile tekniko moduan behar egin zuen Aitor Arrate eta Unai Maiztegigaz Artibaik lehentasun mailara igo zuen urtean. Horretaz gainera, Lekeitio eta Aurrera taldeetan be egon da. Orain, berriz, entrenatzaile kargua hartuko du eta Bernat Orue eta Ibon Oregi izango ditu laguntzen. «Etxekoa naiz, eta hori bilatzen zuen zuzendaritza batzordeak. Jokalariak be ezagutzen ditut», azaldu du. Taldeagaz lehenengo kontaktua be eduki du Iñaki Iturrik, eta taldea aurredenboraldia hasteko ilusioagaz dagoela dio. Abuztuaren 19an hasiko dira entrenatzen eta sei lagunarteko jokatuko dituzte Elorrio, Anaitasuna, Berriz eta Lekeitioko […]

«Nahi dugu eta espero dugu jendearen parte hartzea udalean» »

Miren Balerdi (Alegia, 1980) da Bildu koaliziorekin Altzoko alkatea. Lehenengo aldiz hartu du kargu bat udalean, eta berak dion bezala, «zuzen zuzenean alkate kargura». Nolatan suertatu zen alkate kargurako aurkeztea? Zerrendetan gindoazenez, berdin ziola esaten zen zein postutan joan. Alkategaia falta zen eta zerrendan joan behar genuenez, presio pixka batekin, eta asko pentsatuz, azkenean baiezkoa eman genuen. Zer sentitu zenuen kargua hartzerakoan? Ardura handia. Jendea begira egongo da ea zer egiten dugun; nondik hasten garen, nola… Aurretik zinegotzi izan direnen laguntza izango duzue. Prest daude edozertan behar izanez gero laguntzeko. Baina ez da kontua aurretik egon direnak udaletik tiraka aritzea. Ea orain gaudenak nola moldatzen garen. Irabaztea espero zenuten, noski, aurkezten ziren beste bi zerrendak PP eta PSE-EE izanik. Halere, zer irakurketa egiten duzu emaitzen inguruan? Inoiz lortutako emaitzarik onenetakoa lortu dugu azken hauteskunde hauetan. Espero genituen kontrako bozka batzuk eta baliogabe batzuk izan dira, baina orokorrean emaitza onak izan dira. Jasotako bozka kopuruak babesa ematen dizu. Zer funtzionamendu izango duzue? Nahi dugu eta espero dugu jendearen parte hartzea. Festetako batzordea osatuta dago, eta kultur batzordea ere osatuta dago udalaz kanpo. Bakarren bat ere oraindik sortuko da. Beti udaletxea irekita dago jendearen ekarpenetara, guk bilerak egiten ditugunean jendea etorri daiteke, […]

«Gogoa eta ilusioa badugu; orain, pixkanaka joan behar» »

Iñaki Amundarain (Amezketa, 1974) lehenengo aldiz aurkeztu da  udal hauteskundeetan, eta alkate hautatua izan da. Bilduren zerrendan joan da, eta koalizioak zazpi zinegotzietatik sei lortu ditu. Nolatan aurkeztu zinen alkate posturako? Lehen Amezketan hiru talde zeuden. Hauteskundeak iristen ari zirela, aurreko alkateak ez zuela jarraituko esan zuen eta ni aurkezteko esan zidan. Asko aritu nintzen pentsatzen. Gero bi talde Bildu koalizioan elkartu ginen eta beste taldeak onartu egin zuen ni zerrendaburu joatea. Zer sentitu zenuen aginte makila eskuetan hartzerakoan? Momentuan ezer handirik ez. Ardura handia dela ikusten duzu. Hainbeste boto jasota, ikusten duzu jendearen konfiantza baduzula, edo sinesten duela aurkeztu genuen programan. Gero eskertzekoa da ere idazkariak eta bere laguntzaileak ematen didaten laguntza udalaren jardunean sartzeko. Bestalde, daukagun taldea goraipatuko nuke. Nahiko maiz biltzen gara, eta betidanik ezagutzen garen jendea gara. Satur Zabalaren lana nabarmenduko nuke ere, aurreko legealdian egon baita eta hainbat kontutan azalpenak ematen dizkigulako. Gogoa badugu, ilusioa ere bai, orain pixkanaka-pixkanaka joan behar dugu. Espero zenuten horrelako emaitza lortzea? Espero genuen irabaztea, baina ez hainbesteko aldearekin. Agian bost zinegotzi lortzea pentsatzen genuen, bi taldeek aurretik lortutakoak batuz, baina ez seigarrena. Zer balantze egiten duzu aurreko udalaz? Oso balantze positiboa. Kultur Etxearen lehenengo fasea bukatu da. Beheran aretoa […]

Duela 25 urteko giroa gogoan »

Hutsune bat betetzeko asmotan, Xabi eta Iñaki Navarrok Ziklox Garaialde taldearen kantuekin diskoa kaleratu berri dute, Urteak ez dira alferrik pasatzen 1986-2011 izenekoa. Bete nahi den hutsuneak bi alde ditu. Batetik, taldearen abestiak entzungai uztea, ez baitzuten bere garaian ezer grabatuta utzi. Bestetik, garai haietako giroa eta taldekideek zituzten kezken berri ematea. 25 urte igaro dira lau gazte alegiarrek musika taldea sortu zutela: Iñaki Navarro (gitarra eta koroak), Xabi Navarro (bateria eta koroak), Jose Manuel Garmendia Piti (ahotsa eta turuta) eta Paulo Garaialde (baxua eta koroak). Azken honen aitaren lokal batean, Kalebeheran, elkartzen ziren entseguak egiteko. Ciclos Garaialde errotulua zuen lokalak eta taldearen lehen kontzertua eman behar zutenean, Txaramako gaztetxean, izen bat jarri behar ziotela-eta lokalak zuena jarri zioten, taldekideek bere ukitua emanez. Urte pare bat iraun zituen taldeak. «Guri iruditzen zaigu orain denbora asko izan zela, oso intentsoak izan baitziren bi urte horiek», esan du Xabi Navarrok. «Urte oso biziak ziren. Mugimendu pila bat zegoen, talde asko… Kontzertuak ez ziren hainbeste izaten, baina kontzertu bakoitzean jende asko izaten zen, oso intentsoak ziren». Festagunea bulebarrean Hiltegi zaharrean hasi zen taldea mamitzen. Alegiako gazte batzuk hiltegiko giltza lortu zuten eta musika instrumentu batzuk zeuzkaten. Navarro anaiak probatzen hasi ziren eta talde […]

Miren Urbieta: “Ez nuen neure burua zarzuelan ikusten, baina oso dibertigarria da” »

Abeslari donostiarra ‘El duo de La Africana’ zarzuelako protagonista da. Lehen aldiz interpretatuko du jendaurrean. Sasibill Lirika Elkartearekin larunbatean eta igandean aurkeztuko du ikuskizuna, Viktoria Eugenia Antzokian. Miren Urbieta (Gros, 1983) ‘diva’ eta ‘prima donna’ bihurtuko da astebukaeran. Antonelli sopranoaren larruan sartuko da. Bere senarrak, Querubinik, zuzentzen du opera konpainia. Bere alabak, Aminak, ere obran abesten du. Eta tenore batek, Guissepinik. Entseguak, ordea, maitasun kontuekin eta gaizki ulertuekin nahastuko dira. Groseko abeslaria Viktoria Eugeniara itzuliko da bi urteren ondoren, protagonista gisa, berriz ere. Dirurik ez duen opera konpainia bat, maitasun eta gorroto harremanak, jeloskortasuna… Enredoz jositako obra da. Tenoreak sopranoa maite du. Sopranoa ezkonduta dago konpainiaren enpresaburuarekin. Alabak tenorea maite du. Eta konpainiako abeslari batek alaba maite du. Baina alabak ez du bera maite. Eta alaba jeloskor dago bere amarekin. Opera baten entseguan gertatu daitezkeen ezbehar eta gorabehera guztiak agertzen dira. Querubinik, gainera, ez du dirurik opera egiteko. Diruzalea da, eta beraz alaba eta emaztea sartzen ditu obran. Guztiek musutruk lan egiten dute. Querubinik dirua irabazi nahi du, besterik ez. Zarzuela baten barruan dagoen opera bat egin duzue, beraz. Bai, opera hau benetakoa da. Meyerbeer-en L’Africaine (La africana) lana da. Obra honetako duo baten inguruan garatu dugu. Oso komikoa eta […]

Udako ordutegia liburutegian, astelehenetik aurrera »

Manuel Lekuona Bibliotekak udako ordutegia izango du astelehenetik aurrera, abuztuaren 29a bitartean: 08:00etatik 14:00etara astelehenetik ostiralera, eta larunbatetan, 09:00etatik 13:00etara.

Esklerosia dutenei elkartasuna azaltzeko igeri saioak izango dira »

Gipuzkoako Esklerosi Anizkoitzaren Elkarteak, Eugenia Epalza Esklerosi Anizkoitza Euskal Fundazioarekin batera, gaitza duten pertsonen aldeko ekintzak antolatu ditu azken hamalau urtotan, Busti zaitez kanpainaren barruan. Aurten ere, gaixotasunaren …

Igandean BTT bizikleta trabesia egingo dute Pagoetako Natur Parkean »

Zarautz BTT Pagoeta Taldeak antolatuta, Pagoeta BTT Trabesia egingo dute hirugarren aldiz igandean, hilaren 10ean. Aurtengoan hainbat berrikuntza izango da. Izan ere, soilik trabesia egingo dute txirrindulariek, eta aurreko urteetan ez bezala ez dute jaitsiera egingo. Halaber, bi ibilbide prestatu dituzte antolatzaileek. Ibilbide motzak zailtasun erdia izango du, eta hogeita hamar kilometroko bidea egin beharko dute kirolariek. Beste ibilbideak, berriz, 50 kilometro ditu, eta antolatzaileen arabera, zailtasun «handia» du. Hala ere, antolatzaileek nabarmendu dute bi ibilbideek Pagoeta Natur Parkean mendiko bizikletan jarduteko eta bide ederrak ezagutzeko aukera ematen dutela. Saioan 16 urtetik gorako federatu eta ez federatuek hartu ahal izango dute parte. Baina 16 eta18 urte bitartekoek gurasoen baimena sinatuta eraman beharko dute. Trabesiarako aldez aurretik eman zitekeen izena, baina atzo amaitu zen epea. Dena den, egunean bertan ere izango da horretarako aukera. 7:00etatik 8:00etara bitartean inskribatu daitezke interesa duten txirrindulariek, Aritzbatalde kiroldegian. Federatuak hamar euro ordaindu beharko dute, eta ez federatuek 15 euro. Aritzbatalde kiroldegitik abiatuko dira lehiakideak, 08:30ean. Ibilbidea Pagoetako gurutzean amaituko dute txirrindulariek, eta ibilbidean zehar indarrak hartzeko hiru postu izango dituzte. Dutxa eta saria Trabesia amaitzen dutenean bizikletak garbitzeko eta dutxa bat hartzeko aukera izango dute. Saioaren bukaeran bizikletak garbitzeko gunea eta merezitako dutxa hartzeko aukera […]